... loading ...
... loading ...
کوئی مذاکرات اور کوئی بات چیت نہیں ہو رہی، کسی میں ہمت ہے تو جا کر عمران خان سے مذاکرات کرے، آپ پونے تین سال کسی کو جیل میں رکھ کر اب کہیں کہ ڈیل کرنا چاہتا ہوں، علیمہ خانم
بانی پی ٹی آئی سے بشریٰ بی بی کی ملاقات،بہنوں اور وکلا کی ملاقات نہ ہوسکی،جیل انتظامیہ سے لیکر باتیں کرنیوالے حکومتی اراکین سب اسکا حساب دیں گے، نورین نیازی کے ہمراہ میڈیا سے گفتگو
بانی پی ٹی آئی عمران خان کی ہمشیرہ علیمہ خا ن کا کہنا ہے کہ کوئی مذاکرات اور کوئی بات چیت نہیں ہو رہی، کسی میں ہمت ہے تو بانی پی ٹی ائی سے جا کر بات کریں اور مذاکرات کریں۔گورکھپور ناکے پر میڈیا سے گفتگو کرتے ہوئے پر علیمہ خان نے کہا کہ بانی پی ٹی آئی بہت غصے میں ہیں، تین سال سے انہیں قید تنہائی میں رکھا گیا ہے، آپ پونے تین سال کسی کو جیل میں رکھ کر اب کہیں کہ ڈیل کرنا چاہتا ہوں۔انہوں ںے کہا کہ جان بوجھ کر بانی پی ٹی ائی کی آنکھ ضائع کرنے کی کوشش کی جا رہی ہے تاکہ ڈر کے مارے بانی کہے کہ میں ڈیل اور مذاکرات کرنا چاہتا ہوں، وہ کبھی نہیں کہے گا کیونکہ وہ صرف اور صرف پاکستان کے لیے کھڑا ہے۔ اس نے سارا معاملہ اپنا اللہ پر چھوڑ دیا ہے اور اللہ کے ساتھ وہ رابطے میں ہے۔علیمہ خان نے کہا کہ عید کا موقع بھی گزر گیا لیکن ہمیں تو ملاقات کی اجازت نہیں دی گئی، عید کے بعد پہلا منگل آیا ہے آج تو ہمیں ملاقات کی اجازت دی جائے۔ ملاقات کے لیے آئے ہیں اور اب ہم یہیں بیٹھیں گے جب تک ملاقات نہیں ہوتی۔ یہ ہمارا اور بانی پی ٹی آئی کا آئینی و قانونی حق ہے، ملاقات نہ کروانا انسانی حقوق کی خلاف ورزی ہے۔صحافی نے سوال کیا کہ بانی پی ٹی آئی کو جیل سے اسپتال اور اسپتال سے جیل لایا گیا، ان کا تیسرا پروسیجر مکمل کر لیا گیا ہے؟انہوں ںے کہا کہ ہمیں تو پتہ ہی نہیں اور فیملی کو بھی نہیں بتایا گیا، ہمیں بھی نہیں بتایا گیا، صبح سوشل میڈیا سے اور اخبارات سے اور میڈیا سے پتہ لگا ہے۔ ہمیں کیا پتہ کیا علاج ہو رہا ہے، کسی کو نہیں بتایا گیا۔علیمہ خان کا کہنا تھا کہ جو ہم نے دو ڈاکٹرز کے نام تجویز کیے تھے، ایک ڈاکٹر ندیم قریشی جو علاج سے متعلق کوئی جواب ہی نہیں دے رہے اور کچھ بتا ہی نہیں رہے۔ ہمیں کیا پتہ بانی پی ٹی آئی کے ساتھ کیا بنا۔ علاج سے متعلق چھپایا جا رہا ہے شک پیدا کیا جا رہا ہے، عید کیا بانی پی ٹی ائی کو تو جیل میں ہونا ہی نہیں چاہیے۔میڈیا سے گفتگو میں نورین نیازی کا کہنا تھا کہ ڈیل انھوں نے کی تھی جن کے اثاثے باہر تھے، جنھوں نے ملک میں چوری کی تھی۔ بانی پر کوئی جرم نہیں بے گناہ قید ہیں، ان پر ظلم ہو رہا ہے۔ ہم ایسے نہیں چھوڑیں گے، جیل انتظامیہ سے لیکر باتیں کرنے والے حکومتی اراکین سب اسکا حساب دیں گے۔ دیکھنا یہ بانی پی ٹی آئی کو خود پکڑ کر جیل سے نکالیں گے۔نورین نیازی کا کہنا تھا کہ ملک میں قانون نہیں اور کوئی پوچھنے والا بھی نہیں، ہم تو بیٹھے ہیں، کتنے عرصے سے آرہے ہیں لیکن کسی کو ایک پتھر نہیں مارا، اگر ن لیگ یا پیپلز پارٹی آتی تو اے ٹی ایم جل چکا ہوتا، پیٹرول پمپ جل چکا ہوتا، یہ پی ٹی آئی ہے جو ماریں کھاتے اور ظلم سہتے ہیں اور چپ کرکے چلے جاتے ہیں۔دریں اثنا فیکٹری ناکے پر میڈیا ٹاک میں انہوں ںے کہا کہ عمران خان مکمل قید تنہائی میں ہیں، بشریٰ بی بی کی فیملی کی ملاقاتیں بھی مکمل طور پر بند کروا دی گئی ہیں، بانی کے علاج کے لیے آپ کو کوئی قانون ہی نہیں مل رہا تھا، تین رکنی بینچ نے مئی 2025ء میں ملاقات کرانے کا حکم دیا تھا، ڈویژن بینچ نے بھی ملاقات کا معاملہ تین رکنی بنچ کو ریفر کر دیا تھا۔علیمہ خان نے کہا کہ ججز کی بات بڑی مثبت تھیں انھوں نے انسانیت والی باتیں پوچھیں، 23 فروری کی صبح پتا چلا کہ یہ بانی کو پمز لے کر گئے، کسی نے رپورٹس نہیں دکھائیں کہ بانی کی آنکھ کا مسئلہ کس وجہ سے ہوا، ہم ان کی رپورٹس پر رتی بھر بھی یقین نہیں کر سکتے۔انہوں ںے کہا کہ عید والے دن بانی کی اپنے بیٹوں سے بات ہوئی ہے، بانی نے بیٹوں سے کہا کہ آنکھ میں تھوڑی بہتری ہوئی ہے، بانی کو ججز پر بڑا غصہ ہے، بشری بی بی کا کیس بھی ابھی تک عدالت میں نہیں لگا، 31مارچ کو عدالت میں موجود ہوں گے، دیکھیں گے کہ کیسسز لگاتے ہیں کہ نہیں۔علیمہ خان نے کہا کہ بانی نے کہا ہے بشری بی بی کو مجھ پر دباؤ کے لیے جیل میں رکھا گیا، بانی نے کہا یہ جو مرضی کرلیں میں ان کے سامنے سر نہیں جھکاؤں گا، ایک نجی ٹی وی پر کون خبریں چلوا رہا ہے؟ ہمیں پتا ہے، اگر آئندہ جھوٹی خبریں چلائیں تو ہم نام بتا دیں گے، آپ نے کہا بانی کے پاس لوگ آرہے ہیں، کون آرہے ہیں،؟ کس کی جرات ہے؟ان کا کہنا تھا کہ جنھوں نے چوری کی ہو، پیسے بچانے ہوں وہ ڈیل کرتے ہیں، ہماری کسی حکومت کے بندے، جنرل، ایجنسی کے بندے سے ملاقات نہیں ہوئی۔علیمہ خان نے کہا کہ ایرانی قوم کی جرأت ہے کہ وہ اسرائیلی بمباری کے آگے کھڑے ہوئے، شہادتیں دے رہے ہیں اور فخر کر رہے ہیں، پاکستانیوں کو ایسی قوم کو سیلوٹ کرنا چاہیے۔ایک سوال پر انہوں ںے کہا کہ سہیل آفریدی رہائی فورس بنا رہے ہیں یہ زبردست بات ہے، عوام کا نمائندہ جیل میں ہے باہر جعلی لوگ بیٹھے ہیں، پارٹی میں کوئی اختلاف نہیں ہے، پی ٹی آئی ایک متحرک جماعت ہے، اختلاف رائے سب جگہ ہوتا ہے یہاں کیوں نہیں ہونا چاہیے۔
تنازعات کو طاقت کے استعمال کے بجائے بات چیت اور سفارت کاری کے ذریعے حل کیا جانا چاہیے،چینی وزیر خارجہ کی ایرانی ہم منصب سے گفتگو میں جنگ کے بجائے مذاکرات پر زور چین نے ایران پر زور دیا ہے کہ جنگ کے بجائے بات چیت کو فوقیت دی جائے۔عالمی خبر رساں ادارے کے مطابق چین کی وزارت خارجہ...
وزیراعظم پاکستان نے مشرق وسطیٰ میں جنگ کے خاتمے کیلئے جاری مذاکرات کی کاوشوں کا خیر مقدم اور حمایت کا اعلان کیا ہے۔وزیراعظم شہباز شریف نے سماجی رابطے کی سائٹ ایکس پر جاری اپنے بیان میں کہا کہ پاکستان خطے کے امن و استحکام کے مفاد میں مشرق وسطیٰ میں جنگ کے خاتمے کے لیے مذ...
مغازی پناہ گزیں کیمپ میں باپ کے سامنے بچیکے زخموں میں ناخن پیوست کیے گئے واقعے کے بعد انسانی حقوق کی تنظیموں کی جانب سے شدید تشویش کا اظہار کیا جا رہا ہے غزہ کے علاقے مغازی پناہ گزیں کیمپ میں ایک نہایت افسوسناک اور دل دہلا دینے والا واقعہ سامنے آیا ہے، جہاں ایک فلسطینی شہری ...
جنگ نے خلیج کے ہوائی اڈوں اور پروازوں کو متاثر کیا، ایندھن کی ممکنہ قلت کا خطرہ جیٹ فیول کی قیمت میں اضافے سے ایٔرلائن ٹکٹوں میں اضافے کا خدشہ ہے ایران پر اسرائیلی و امریکی جنگ کے نتیجے میں دنیا کی 20 بڑی ایٔر لائنز کو 53 ارب ڈالرز کا نقصان ہوا ہے۔غیر ملکی خبر ایجنسی کے مطابق...
دیمونا اور عراد میں ایرانی میزائل حملوں کے نتیجے میں متعدد عمارتیں تباہ ،شہر کے مشرقی حصے میں دھماکوں کی اطلاعات،پاسداران انقلاب کا اسرائیلی لڑاکا طیارہ گرانے کا دعویٰ، اسرائیل نے تصدیق نہیں کی نیتن یاہو نے صورتحال کو انتہائی مشکل قرار دے دیا، ریسکیو اداروں کو مزید مضبوط کرنے کی...
ایران تیل و گیس کی تنصیبات ، پانی صاف کرنیوالے پلانٹس اور انفارمیشن ٹیکنالوجی کے نظام کو نشانہ بنا سکتا ہے،ابرہیم ذوالفقاری ایران نے 48 گھنٹوں میں آبنائے ہرمز کو دوبارہ کھولنیکیلئے اقدامات نہ کیے تو پاور پلانٹس کو نشانہ بنایا جا سکتا ہے،صدر ٹرمپ ایران نے خبردار کیا ہے کہ اگر...
حکمران طبقہ عیاشیوں میں مصروف ہے جبکہ عوام پر مہنگائی کے بم برسائے جا رہے ہیں غزہ کے بچے اور مجاہدین ملبے کے ڈھیروں میں عید منارہے ہیںاور ا ن کے حوصلے بلند ہیں جماعت اسلامی کراچی کے تحت یکم شوال کو مقامی ہال میں روایتی عید ملن کا انعقاد ہوا جس میں مرکزی ،صوبائی اور کراچی کے ذ...
تیل کی مسلسل فراہمی کیلئے پرعزم ہیں، ہم ٹارگٹڈریلیف کی طرف جائیں گے، محمد اورنگزیب علاقائی کشیدگی اور جنگی حالات سے توانائی انفرااسٹرکچر متاثر ہونے کا خدشہ ہے،میڈیا سے گفتگو وفاقی وزیر خزانہ محمد اورنگزیب نے عیدالفطر کے موقع پر اہل وطن کو مبارکباد پیش کرتے ہوئے ملک میں استحکا...
سکیورٹی وجوہات کے باعث بانی پی ٹی آئی نمازعید ادا نہیں کر سکے،جیل ذرائع عید کی نماز کے دوران اپنے سیل میں ہی قیام کیا، بچوں سے ٹیلی فون پربات کی ملک بھر کی طرح اڈیالہ جیل میں بھی عید الفطر کی نماز ادا کی گئی۔جیل ذرائع کے مطابق عام قیدیوں نے عید نماز جیل کی جامع مسجد اور امام...
پاکستان کیخلاف سرگرم دہشتگردوں اور ان کے نیٹ ورکس کا جہاں وجود ہوگا، انہیں انٹیلی جنس کی بنیاد پر کارروائیوں کے ذریعے ختم کیا جائے گا، خطے میں کشیدگی کم کرنے کیلئے فعال سفارتکاری کر رہا ہے چیف آف ڈیفنس فورس سے اہلِ تشیع مکتبِ فکر کے علماء کی ملاقات ، گمراہ کن پروپیگنڈا اور فرقہ...
رپورٹ میں پاکستانی میزائل پروگرام اور پالیسیاں امریکی سلامتی کیلئے ممکنہ خطرہ قرار،پاکستانی میزائل امریکا تک پہنچنے کے قابل ہو سکتے ہیں، پاک بھارت تعلقات میں کشیدگی کی وجہ سے ایٹمی تصادم کا خطرہ پاکستان مسلسل جدید میزائل ٹیکنالوجی تیار کر رہا ہے جو اس کی فوج کو جنوبی ایشیا سے با...
پی ٹی آئی پنجاب کی قیادت تذبذب کا شکار ،عالیہ حمزہ اور سینٹرل پنجاب کے صدر سزا کے باعث روپوش لاہور کے صدر کسی سے رابطہ ہی نہیں کرتیپنجاب میں تتر بتر تنظیم کو دوبارہ فعال بنانا چیلنج ہوگا، ذرائع عید کے بعد عمران خان کی رہائی کے لیے تحریک شروع کرنے کے معاملے پر پی ٹی آئی کے ا...
