دہلی پر سبزہلالی پرچم لہرانے کا وقت آگیا ہے جمہور کی

۔
ایم سرور صدیقی
خطے کو جنگ میںجھونکنا دانش مندی نہیں!

پہلگام واقعے کے بعد بھارت کی جانب سے بے بنیاد الزام تراشی کی وجہ سے پاک بھارت کشیدگی برقرار ہے۔ خطے میں امن کے استحکام کے لئے پاک فوج کی جنگی مشقیں پورے زور و شور سے جاری ہیں جن میں مشقوں میں جدید ہتھیاروں کا عملی مظاہرہ کیا جارہا ہے۔ اس موقع پر چیف آف آرمی اسٹاف جنرل سید عاصم منیر نے وطن عزیز کی سلامتی اور خودمختاری یقینی بنانے کے عزم کا اظہار کرتے ہوئے کہا ہے کہ پاکستان علاقائی امن کے لئے پرعزم ہے تاہم کوئی غلط فہمی میں نہ رہے، بھارت کی مہم جوئی کا بھرپور جواب دیں گے ۔مشقوں کے دوران میں جدید لڑاکاطیاروں’توپوں’ کثیرالجہتی فضائی طاقت، طویل فاصلے تک مار کرنے والی آرٹلری، جنگی ہیلی کاپٹرز اور جدید انجینئرنگ تکنیکوں کا کامیاب استعمال کیا گیا۔آرمی چیف کا کہنا تھا کہ قومی مفادات کے تحفظ کے لئے ہماری تیاریاں اور عزم غیر متزلزل ہے’مسلح افواج کا جذبہ اور پیشہ ورانہ مہارت اس بات کی ضمانت ہے کہ ہم ہر میدان میں دشمن کا مقابلہ کر سکتے ہیں عسکری مبصرین کا کہناہے کہ پاکستان نے کبھی جنگ کے لئے پہل نہیں کی بھارتی سرکار سال دو سال بعد ایسے حالات پیدا کردیتی ہے جس سے برصغیر پاک و بنگلہ ہند کے اربوں انسانوں پر جنگ کے سائے امنڈ آ تے ہیں ۔اس لئے پاک فوج کی جنگی مشقوں کا مقصد دشمن کی کسی بھی جارحیت کا بھرپور جواب دینا ہے ۔
کہاجاتاہے کہ بھارتی وزیر ِ اعظم نریندر مودی نے آر ایس ایس نظرئیے کیلئے پورے خطے کا امن داؤ پر لگادیا، فالس فلیگ ڈرامہ کی ناکامی پر نریندر مودی حواس باختہ ہو چکے ہیں ۔حالانکہ بھارت کی خفیہ ایجنسی ‘ریسرچ اینڈ اینالیسس ونگ (را) کے سابق سربراہ امرجیت سنگھ دولت نے پہلگام حملے کو بھارتی سیکیورٹی اداروں کی ناکامی قرار دیتے ہوئے کہا ہے کہ اس واقعے کے بعد پاک بھارت کے درمیان باقاعدہ جنگ کا کوئی امکان نہیں بلکہ توقع ہے کہ معاملات بات چیت کے ذریعے حل ہو جائیں گے۔ برطانوی نشریاتی ادارے بی بی سی کو دئیے گئے ایک انٹرویو میں سابق ‘را’ چیف نے واضح کیا کہ اگر بھارت کوئی سرجیکل اسٹرائیک یا بالاکوٹ جیسا اقدام کر سکتاہے محدود فوجی کارروائی قابل قبول ہو سکتی ہے، تاہم جنگ دراصل جوہری ہتھیاروں کی جنگ ہے، اور یہ سب محض ڈرانے کے حربے ہیں دونوں ممالک کے درمیان جنگ نہیں ہوگی ان کا کہنا تھا کہ ان کے خیال میں بات چیت کبھی ختم نہیں ہوتی، یہ عمل جاری رہتا ہے، اگر دونوں ممالک براہ راست بات نہیں بھی کرنا چاہتے تو سعودی عرب، ایران یا متحدہ عرب امارات جیسے ممالک ثالثی کر سکتے ہیں۔
حالات کے تناظرمیں دیکھا جائے تو29اپریل کو پاکستان نے بھارت کو عملی طور پر منہ توڑ جواب دیا تھا جب پاک فوج نے لائن آف کنٹرول پر ایک ہی روز میں بھارتی فوج کے 2کواڈ کواپٹر مار گرائے تھے ۔حالات کی سنگینی کااحساس کرتے ہوئے امریکی کوششوں سے پاکستان اوربھارت کے درمیان جنگ کے بادل کسی حد تک چھٹنا شروع ہوگئے ہیں۔ تاہم یہ خدشہ ابھی ختم نہیں ہوا کہ جنونی مودی سرکار کسی غلط فہمی یا خوش فہمی کی بنا پر ایسا اقدام کر بیٹھے جس میں اسے لینے کے دینے پڑ جائیں۔ سوال یہ ہے کہ بھارت میں پورے زور و شور سے بجتے طبل جنگ کی آواز مدھم کیسے ہوئی؟ تو اس بارے عسکری مبصرین کا کہناہے کہ بیشک بھارت کو سمجھانے میں سب سے اہم کردار امریکہ کا ہے جس نے مودی سرکار پرواضح کردیاہے کہ جنگ ہوئی تو بڑی ہولناک اور خوفناک ہوگی ۔امریکا نے مقبوضہ کشمیر کے علاقے پہلگام میں حالیہ واقعے پر تشویش کا اظہار کرتے ہوئے امید ظاہر کی ہے کہ بھارت اس واقعے پر ایسا ردعمل نہیں دے گا جو پورے خطے کو کشیدگی کی لپیٹ میں لے آئے پاکستان ایک ذمے دار ملک ہے اور وہ اس معاملے کی تحقیقات کے لئے تعاون پر تیار ہے۔ امریکی نائب صدر جے ڈی وینس نے نیوز چینل کو دیے گئے انٹرویو میں مزید کہا کہ واشنگٹن چاہتا ہے کہ جنوبی ایشیا میں امن قائم رہے۔ پہلگام واقعے کا جواب احتیاط اور دانشمندی سے دیا جائے پاکستان ایک ذمے دار ملک ہے اور وہ بھارت کے ساتھ مل کر تحقیقات میں تعاون کرے گا۔چین کی پاکستان کو مکمل حمایت کااعلان بھی خطے میں کشیدگی کم کرنے میں معاون ثابت ہوا جبکہ بھارت کی خفیہ ایجنسی ‘ریسرچ اینڈ اینالیسس ونگ (را) کے سابق سربراہ امرجیت سنگھ دولت کا خیال ہے کہ پاک بھارت جنگ نہیں ہوگی ۔ حالات اس جانب نشان دہی کررہے ہیں کہ اب کشیدگی کے بادل چھٹ جائیں گے چند دن بھارتی سرکار پاکستان کو گیڈر بھبھکیاں دے کر دم دبا کر چپ ہو جائے گی پاک بھارت جنگ یقینا دراصل جوہری ہتھیاروں کی جنگ ہے جس کاکوئی ملک بھی متحمل نہیں ہوسکتا ۔اس لئے دونوں ممالک کی سیاسی و عسکری قیادت غوروفکر کرے ،خطے کو جنگ میں جھونک دینا کوئی دانشمندی نہیں۔

متعلقہ خبریں