... loading ...
... loading ...
پورا صوبہ، کراچی سے کشمور تک، نہری منصوبے کے خلاف احتجاج کر رہا ہے
سندھ کا سودا کرنے والے عوام کی نظروں میں لعنت بن چکے ہیں، مقررین
گرینڈ ڈیموکریٹک الائنس (جی ڈی اے ) اور پاکستان تحریک انصاف (پی ٹی آئی) نے دریائے سندھ پر 6 نئی نہروں کی مجوزہ تعمیر کے خلاف ریلی نکالی اور کراچی پریس کلب کے باہر دھرنا دیا، حزب مخالف کے رہنماؤں نے پیپلزپارٹی پر تنقید کرتے ہوئے اہل کراچی سے اس منصوبے کے خلاف اٹھ کھڑے ہونے کی اپیل کی۔اتوار کو احتجاج سے خطاب کرتے ہوئے ، فنکشنل لیگ سندھ کے جنرل سیکرٹری اور جی ڈی اے کے سیکرٹری اطلاعات سردار عبدالرحیم نے کہا کہ پاکستان پیپلز پارٹی (پی پی پی) نے ہمیشہ جھوٹ اور فریب پر بھروسہ کیا ہے ۔واضح رہے کہ چیف آف آرمی اسٹاف جنرل عاصم منیر اور وزیراعلیٰ پنجاب مریم نواز نے 15فروری کو جنوبی پنجاب کی زمینوں کو سیراب کرنے کے لیے چولستان منصوبے کا افتتاح کیا تھا، جس پر سندھ میں عوامی احتجاج اور سخت تحفظات سامنے آئے تھے ۔دریں اثنا، سندھ اسمبلی نے مارچ میں دریائے سندھ پر 6 نئی نہروں کی تعمیر کے خلاف متفقہ طور پر ایک قرارداد منظور کی تھی، جس میں تمام صوبائی حکومتوں کے ساتھ معاہدہ طے پانے تک کسی بھی منصوبے ، سرگرمی یا کام کو فوری طور پر روکنے کا مطالبہ کیا گیا تھا۔سردار عبدالرحیم نے کہا کہ پورا صوبہ سندھ، کراچی سے کشمور تک، نہری منصوبے کے خلاف احتجاج کر رہا ہے ، اور پورے خطے میں بے چینی پھیل گئی ہے ۔ انہوں نے مزید کہا کہ جنہوں نے سندھ کے مفادات کا سودا کیا ہے وہ عوام کی نظروں میں لعنت بن چکے ہیں۔انہوں نے کراچی کے عوام سے ان نہروں کے ذریعے دریائے سندھ سے غیر قانونی طور پر پانی نکالنے کے خلاف اٹھ کھڑے ہونے کی اپیل کی، اور خبردار کیا کہ کراچی کو اپنا 85 فیصد پانی دریائے سندھ سے ملتا ہے اور زیریں دھارے میں پانی کے بہاؤ کے بغیر شہر کو پانی کی فراہمی ناممکن ہو جائے گی۔ سردار عبدالرحیم نے مزید کہا کہ بین الاقوامی تنظیمیں بھی خبردار کر رہی ہیں کہ سندھ کے آبی وسائل خشک ہو رہے ہیں، کراچی کے اردو اور دیگر زبانیں بولنے والے باشندوں کو دریائے سندھ کو بچانے کے لیے اپنے سندھی بھائیوں کے ساتھ متحد ہوجانا چاہیے ۔ان کا مزیدکہنا تھا کہ ہمیں گہری تشویش ہے ، کراچی بری طرح متاثر ہوگا، اگر کراچی اٹھے گا تو پورا ملک جاگ جائے گا۔پاکستان پیپلزپارٹی ( پی پی پی ) کے چیئرمین بلاول بھٹو زرداری پر تنقید کرتے ہوئے سردار عبدالرحیم نے کہا کہ جو بلاول بھٹو کو وزیر اعظم بنانے کا خواب دیکھ رہے تھے ، انہوں نے 4 اپریل کو گڑھی خدا بخش میں دیکھ لیا کہ وہ تو وزیر اعلیٰ کی نشست بھی حاصل نہیں کر سکتے ۔انہوں نے مزید کہا کہ بلاول بھٹو موہنجو دڑو سے ہونے کا دعویٰ کرتے ہیں، لیکن یونیسیف کی جانب سے اس کی حفاظت کے لیے فراہم کیے گئے فنڈز بھی خورد برد کر دیے گئے ۔ یہ لوگ گورکھ ہل کو ترقی دینے میں ناکام رہے ، تعلیم میں ناکام رہے اور صحت کی دیکھ بھال کی فراہمی میں بھی ناکام رہے ۔جمعہ کو گڑھی خدا بخش میں ایک ریلی سے خطاب کرتے ہوئے بلاول بھٹو نے کہا تھا کہ نہری منصوبے کے خلاف سب سے پہلے انہوں نے آواز اٹھائی تھی، انہوں نے مزید کہا کہ پارٹی نے جنوری میں اپنی مرکزی ایگزیکٹو کمیٹی کے اجلاس میں وفاقی حکومت سے مایوسی کا اظہار کیا تھا۔بلاول بھٹو کا کہنا تھا،‘ میں نے کہا تھا کہ ہم اس منصوبے پر عمل درآمد نہیں ہونے دیں گے … پی پی پی نے کہا تھا کہ وہ اس یکطرفہ فیصلے کی حمایت نہیں کرتی۔‘ انہوں نے مزید کہا،‘ یہاں تک کہ صدر پاکستان نے سینیٹ کے سامنے ایک مشترکہ خطاب میں کہا تھا کہ وہ حکومت کے یکطرفہ فیصلوں کے خلاف کھڑے ہیں، کیونکہ ان سے وفاق کو نقصان پہنچتا ہے ۔‘پی ٹی آئی سندھ کے صدر حلیم عادل شیخ کا کہنا تھا کہ صرف قیدی نمبر 804 (پارٹی کے بانی عمران خان) ہی قید میں نہیں ہیں ہم سب قید میں ہیں۔ انہوں نے مزید کہا کہ سندھ نہری منصوبے کے خلاف جاگ اٹھا ہے ۔حلیم عادل شیخ نے صدر آصف علی زرداری پر ‘ خود نہریں تعمیر کرنے کا ذمہ لینے ‘ کا الزام لگاتے ہوئے مزید کہا کہ 26ویں آئینی ترمیم کی وجہ سے عدلیہ متنازعہ ہو گئی ہے ۔ وفاقی حکومت میں سب سے طاقتور عہدہ آصف علی زرداری کے پاس ہے ۔اس موقع پر کراچی بار کونسل کے صدر عامر نواز وڑائچ نے کہا کہ ہم نے دریائے سندھ پر تعمیر کی جانے والی غیر قانونی نہروں کے خلاف ایک قرارداد منظور کی ہے ۔ یہ نہریں مکمل طور پر غیر قانونی ہیں۔ان کا کہنا تھا کہ اگر پاکستان کو بچانا ہے تو اس نہری منصوبے کو ختم کرنا ہوگا۔ بصورت دیگر، ملک کا استحکام خطرے میں پڑ جائے گا، وکلا برادری کا احتجاج سندھ بھر میں اس نوٹیفکیشن کی واپسی تک جاری رہے گا۔فنکشنل لیگ کراچی زون رابطہ کمیٹی کے کنوینر بیرسٹر ارشد شر بلوچ نے کہا کہ سندھ کی شہ رگ چھینی جا رہی ہے ، دریائے سندھ پر ان نہروں کی منظوری زرداری نے دی تھی، اور اب پی پی پی مگرمچھ کے آنسو بہا رہی ہے ۔
8ویں ترمیم کے مستقبل پر بحث شدت اختیار کر گئی، بعض حکومتی حلقوں میں ترمیم کے اہم حصوں کو ختم یا محدود کرنے پر غور ،فیصلے دوبارہ وفاقی بیوروکریسی کے ہاتھ میں جانے کے امکانات چیف سیکرٹری اور وفاقی افسران کا اثر و رسوخ بڑھے گا،18ویں ترمیم پرسیاسی جماعتوں میں اختلاف ، کئی صوبائی رہن...
خلیجی ممالک نے امریکا سے مطالبہ کیا ہے کہ صرف جنگ بندی کافی نہیں بلکہ ایران کی جنگی صلاحیتوں کو لگام دی جائے جس کے جواب میں ایرانی صدر کا سوشل میڈیا پربیان سامنے آگیا اگر آپ ترقی اور سلامتی چاہتے ہیں تو جنگ میں دشمنوں کو اپنی سرزمین ایران کے خلاف استعمال نہ ہونے دیں،جارحیت پر ...
پاکستان کو 1 ارب ڈالر ملیں گے،موسمیاتی فنڈ سے مزید 21 کروڑ ڈالر ملنے کا امکان اسٹیٹ بینک مہنگائی کنٹرول کیلئے سخت پالیسی جاری رکھے گا،عالمی مالیاتی ادارہ کا اعلامیہ آئی ایم ایف اور پاکستان کے درمیان معاہدہ طے پاگیا،منظوری کے بعد پاکستان کو توسیعی فنڈ سہولت کے 1 ارب ڈالر اور ...
کویت کی الشویخ بندرگاہ پر3بحری جہاز سمندر میں ڈوب گئے جبکہ دیگر 3میں آگ بھڑک اٹھی تل ابیب میں کثیر المنزلہ عمارتیں نشانہ ،میزائل اسرائیلی فضا میں داخل ہوتے ہی سائرن بج اٹھے ایران نے اسرائیل پر کلسٹر بموں کی بارش کردی جبکہ کویت میں 6امریکی بحری جہاز تباہ کرنے کا دعویٰ بھی کرد...
اپنی ہی سمری خود مسترد کرکے وزیر اعظم نے قوم کو بیوقوف بنانے کی کوشش کی،امیر جماعت وزیراعظم پروٹوکول کی 36گاڑیوںمیںایک تعزیت اور شادی کی مبارکباد دینے کراچی آئے امیر جماعت اسلامی پاکستان حافظ نعیم الرحمان نے حکومت سے پیٹرول پر لیوی ختم کرنے کا مطالبہ کردیا۔ادارہ نور حق میں پ...
بزدل امریکی اور صہیونی افواج میں اپنے فوجی اڈوں کا دفاع کرنے کی ہمت نہیں ، دہشتگردفورسز نے ایرانیوں کونشانہ بنایا،جہاں ملیں انہیں ختم کردو ، پاسداران انقلاب کی عوام کو دور رہنے کی ہدایت اسلامی جنگجوؤں کی کارروائیوں کے خوف سے معصوم لوگوں کو انسانی ڈھال کے طور پر استعمال کرنے کی ...
سفیر اور عملہ محفوظ،سفارتخانے کے اطراف میں زور دار دھماکوں کی آوازیں سنی گئیں پاکستان کے سفیر مدثر ٹیپو تہران میں پاسداران کے زیر انتظام علاقے میں مقیم ہیں ایران کے دارالحکومت تہران میں پاکستانی سفارتخانے اور سفیر کی رہائشگاہ کے قریب اسرائیل نے شدید بمباری کی تاہم تمام سفارت...
موٹر سائیکلصارفین کیلئے ماہانہ 20 لیٹر تک پیٹرول کا کوٹہ مقرر کرنے کی تجویز 800 سی سی گاڑیوں تک سبسڈی کا فیصلہ نہیں ہو سکا، ذرائع وفاقی حکومت عوام کو ریلیف دینے کیلئے حکومت نے پیٹرول سبسڈی پلان پر عملی کام شروع کر دیا۔موٹر سائیکلز کیلئے ماہانہ 20 لیٹر تک پیٹرول کا کوٹہ مقرر ک...
اسرائیل کی جانب سے لبنان کے تقریباً 14 فیصد علاقے کو خالی کرنے کی دھمکیاں جارحیت کا شکار معصوم بچپن، ایک ماہ کے دوران 121 بچے جاں بحق، یونیسف کی رپورٹ اقوامِ متحدہ کے بچوں کے عالمی ادارے (UNICEF) نے لبنان پر اسرائیلی فضائی حملوں اور زمینی جارحیت کے نتیجے میں بچوں پر ہونے والے...
حکومتی فیصلوں میں عوامی مفاد کو مقدم رکھنے کیلئے جامع حکمت عملی اپنانے کا فیصلہ،اجلاس میںعالمی سطح پر تیل و گیس کی فراہمی اور قیمتوں میں اتار چڑھاؤ کے معیشت پر اثرات کا جائزہ لیا شرکاء نے مہنگائی کے دباؤ کو کم کرنے اور توانائی کے تحفظ کو یقینی بنانے پر خصوصی توجہ دی، وزیراعظم ...
بانی عمران خان کے بیٹے نے بلوچ نیشنل موومنٹ کے متنازع رہنما نسیم بلوچ کے ہمراہ خطاب کیا سوشل میڈیا صارفین کی ایک بڑی تعداد نے اس مشترکہ موجودگی کو پاکستان مخالف لابنگ قرار دیا پاکستان تحریک انصاف (پی ٹی آئی) کے بانی اور سابق وزیراعظم عمران خان کے بیٹے قاسم خان نے پاکستان مخا...
رات ساڑھے 8بجے شاپنگ مالز اور مارکیٹیں بند کرنے کیلئے تیار ہیں ملکی مفاد میں حکومت کے ساتھ کھڑے ہیں،چیئرمین سندھ تاجر اتحاد تاجر برادری نے حکومت کے اسمارٹ لاک ڈاؤن کی حمایت کا اعلان کرتے ہوئے کہا رات ساڑھے 8 بجے شاپنگ مالز اور مارکیٹیں بند کرنے کے لیے تیار ہے۔تفصیلات کے مطاب...
