... loading ...
... loading ...
پارلیمانی قومی سلامتی کمیٹی نے امریکہ افغانستان کے ساتھ تعلقات، کشمیر اور علاقائی سلامتی کے معاملات پر قومی اتفاق رائے کو ناگزیر قرار دیدیا، حکومت اپوزیشن، اعلیٰ عسکری قیادت سلامتی کے معاملات پر ایک پیج پر آگئے ، عسکری قیادت نے متذکرہ معاملات سے سیاسی قیادت کو آگاہ کردیا، سیاسی قیادت نے اظہار اطمینان کیا ہے ۔ اپوزیشن نے اجلاس میں وزیراعظم کی عدم شرکت پر اعتراض اٹھا دیا۔پارلیمانی کمیٹی برائے قومی سلامتی کا طویل اجلاس جمعرات کو ا سپیکر قومی اسمبلی اسد قیصر کی صدارت میں ہوا۔ پہلا موقع ہے کہ پارلیمانی قومی کمیٹی کا اجلاس قومی اسمبلی کے ہال میں ہوا۔ اجلاس میں دونوں ایوانوں کے اپوزیشن لیڈرز محمد شہباز شریف، سید یوسف رضا گیلانی، پاکستان پیپلزپارٹی کے چیئرمین بلاول بھٹو زرداری ، سابق وزرائے اعظم راجہ پرویز اشرف، شاہد خاقان عباسی، ایم ایم اے کے پارلیمانی لیڈر مولانا اسعد محمود، سینیٹر مولانا عطاء الرحمن، جماعت اسلامی کے رہنما سینیٹر مشتاق احمد خان، عوامی نیشنل پارٹی کے رہنما امیر حیدر ہوتی، قبائلی رہنما محسن داوڑ، وفاقی وزراء شاہ محمود قریشی، شیخ رشید احمد، پرویز خٹک، فواد چوہدری، بریگیڈیئر(ر)اعجاز احمد شاہ، ڈاکٹر بابر اعوان، رانا تنویر حسین، خرم دستگیر،وزرائے اعلیٰ، چیئرمین سینیٹ صادق سنجرانی،سابق چیئرمین سینیٹ رضا ربانی، سینیٹر شیری رحمان اور دیگر سرکردہ ارکان پارلیمنٹ شریک ہوئے ۔ اجلاس سہ پہر سوا 3بجے شروع ہوا جو رات تک جاری رہا۔ چیف آف آرمی سٹاف جنرل قمر جاوید باجوہ ، ڈی جی آئی ایس آئی نے علاقائی سلامتی، داخلی صورتحال امریکہ افغانستان کے ساتھ تعلقات کی موجودہ صورتحال، کشمیر تنازعہ پر طویل بریفنگ دی۔ آرمی چیف نے سوالات کے جوابات بھی دئیے ۔ اندرونی چیلنجز سے بھی آگاہ کیا گیا۔ شرکاء اجلاس نے افغانستان میں قیام امن کی کوششوں پر اظہار اطمینان کیا ہے اور واضح کیا ہے کہ افغان مفاہمتی وامن کے عمل میں پاکستان کا اہم کردار رہا ہے اور پاکستان اپنا یہ کردار جاری رکھے گا۔ یہ بھی واضح کیا گیا کہ افغانستان کے معاملات پر پاکستان کی سرزمین استعمال نہیں ہوگی اور توقع ہے کہ افغان سرزمین بھی پاکستان کیخلاف استعمال نہیںہوگی۔ ذرائع کے مطابق اجلاس میں پاک افغان باڑ کی تکمیل کے بارے میں بھی آگاہ کیا گیا۔ شرکاء اجلاس نے قرار دیا ہے کہ افغانستان میں امن کی کوششوں کے نتیجے میں سارے خطے میں استحکام آئے گا۔ شرکاء اجلاس نے مقبوضہ کشمیر میں بھارتی مظالم کی سخت الفاظ میں مذمت کی ہے ۔ شرکاء اجلاس نے کشمیریوں کے ساتھ اظہار یکجہتی کرتے ہوئے پاکستان کی اعلیٰ سیاسی عسکری قیادت نے اعلان کیا ہے کہ مظلوم کشمیریوں کے شانہ بشانہ کھڑے ہیں۔ پارلیمان کشمیریوں کی تحریک آزادی کی حمایت کرتا ہے ۔ پاک امریکہ تعلقات کی موجودہ صورتحال پر بھی طویل نشست ہوئی۔ اجلاس میں بلاول بھٹو زرداری نے وزیراعظم عمران خان کی عدم شرکت پر اعتراض اٹھایا جس پر حکومت کی طرف سے آگاہ کیا گیا کہ اپوزیشن سے یہ تاثر دیا گیا تھا کہ وزیراعظم نہ آئیں تاہم اپوزیشن رہنمائوں نے اجلاس میں اس کی تردید کردی ۔افغان تنازعہ کے حل کیلئے بات چیت کے عمل میں ممکنہ پیشرفت سے بھی آگاہ کیا گیا۔ پاکستان مسلم لیگ (ن) کے صدر اور قومی اسمبلی میں اپوزیشن لیڈر شہباز شریف نے کہا ہے کہ قومی سلامتی کمیٹی اجلاس میں بریفنگ جامع اور اچھی تھی تاہم اجلاس کی تفصیل نہیں بتاسکتا۔ صحافیوں کے استفسار پر شہباز شریف نے کہاکہ پارلیمانی کمیٹی برائے قومی سلامتی کمیٹی اجلاس میں سوال وجواب کا سیشن ہوا اور آرمی چیف جنرل قمر جاوید باجوہ نے بھی ہمارے سوالات کے جواب دیئے ہیں۔شہباز شریف نے کہا کہ بہت سے ایشوز پر بریفنگ دی گئی۔خارجہ پالیسی اور داخلی صورتحال پر بریفنگ دی گئی، کشمیر اور افغانستان کی صورتحال سے بھی آگاہ کیا گیا۔ موجودہ صورتحال پر بریفنگ اطمینان بخش ہے تاہم ان کیمرہ اجلاس کی تفصیل نہیں بتا سکتے البتہ بریفنگ جامع تھی۔بریفنگ کو کوئی بریک تھرو قرار دینے سے متعلق سوال کے جواب میں شہباز شریف نے کہاکہ سب معاملات پربات ہوئی ہے امریکا کو اڈے نہ دینے کے معاملے پر شہباز شریف نے جواب دیا کہ وہ تو آپ کو پتہ ہے ۔ وزیراعظم کے اجلاس میں نہ آنے سے متعلق سوال پر اپوزیشن لیڈر نے صحافیوں کو کوئی جواب نہیں دیا۔ سابق وزیراعظم سید یوسف رضا گیلانی نے میڈیا سے بات چیت کرتے ہوئے کہاکہ علاقائی سلامتی، افغانستان امریکہ سے تعلقات اور کشمیر سے متعلق چیلنجز پر قومی اتفاق رائے ہونا چاہیے ۔ بریفنگ اہم تھی طویل اجلاس ہوا ۔ سابق وزیراعظم شاہد خاقان عباسی نے میڈیا سے بات چیت کرتے ہوئے کہاکہ وزیراعظم کی کرسی خالی پڑی تھی وہ آجاتے تو انہیں کوئی نقصان نہ ہوتا، کوئی کتابیں نہ چلتیں۔ انہوں نے کہاکہ ہم نے امریکی اڈوں کے معاملے پر کوئی اعتراض نہیں کیا تھا بلکہ سوال اٹھایا تھا جس پر جواب آیا ہے کہ اڈے نہیں دئیے جارہے ہیں بریفنگ میں سابق وزیراعظم محمد نواز شریف سمیت نیب کے کسی مقدمے پر بات نہیں ہوئی یہ خالصتاً قومی سلامتی سے متعلق اجلاس تھا۔ پارلیمنٹ نے تین سالوں کے بعد پہلی بار اپنی فعالیت کو ثابت کیا ہے اس لئے ہم خوش ہیں اور ہمارا خوشگوار موڈ آپ کو نظر آرہا ہے ۔ ایک سوال کے جواب میں انہوں نے کہاکہ ہم نے وزیراعظم کی آمد کے حوالے سے کوئی اعتراض نہیں اٹھایا تھا۔ اس حوالے سے تاثر غلط ہے ۔ خطے کی صورتحال کے حوالے سے چیلنجز کا ہمیں اندازہ ہے یہ کوئی سفارشات کا سیشن نہیں تھا بلکہ حقائق سے آگاہ کیا گیا اب ان حقائق کی روشنی میں ہم اپنی جماعتوں میں بات کریں گے ، کسی بھی فورم پر اس حوالے سے گفتگو کی جائے گی۔ وہ فورم ایوان بھی ہوسکتا ہے تجاویز کا سیشن نہیں تھا ،خطے کی صورتحال کے حوالے سے اور افغانستان کے حالات سے متعلق حقائق سے آگاہ کیا گیا ،اسی طرح کشمیر کے بارے میں آگاہی دی گئی۔ اس بریفنگ کو یقیناً اہم قرار دیا جاسکتا ہے ۔
حکومت بنانے کی کوششیں ناکام ہوئیں تو کینیسٹ کو توڑ دیا جائے گا اور دوبارہ الیکشن کرائے جائیں گے، صدر اسرائیل کے صدر ہرزوگ نے نیتن یاہو کے حریف آئزن کوٹ کو حکومت بنانے کی دعوت دیدی۔ غزہ میں نسل کشی اور ایران جنگ چھیڑنے والے نیتن یاہو حکومت بنانے کی دوڑ سے باہر ہوگئے۔ اسرائیلی ا...
قطری حکام نے نئی امریکی فوجی کارروائی روکنے کیلئے سفارتی کوششیں شروع کر دیں، رپورٹ اسرائیلی وزیرِاعظم نیتن یاہو ایران کے خلاف امریکا کی جانب سے دوبارہ حملے شروع کرنے پر مسلسل زور دے رہے ہیں، جبکہ امریکی صدر ڈونلڈ ٹرمپ کے مشیر اس معاملے پر تقسیم ہو گئے ہیں کہ آیا جنگ ختم کی جائ...
شاہی خاندان میں صلح کروانے کے حوالے سے شہرت رکھنے والی کیٹ مڈلٹن نے ہیری سے مطالبہ کردیا برطانوی شاہی خاندان کے منحرف رکن شہزادہ ہیری اپنے ناراض بھائی شہزادہ ولیم سے تعلقات بہتر بنانے کے لیے پرعزم ہیں اور اس مقصد کے لیے انہوں نے اپنی بھابھی کیٹ مڈلٹن سے مدد لینے کا فیصلہ کیا ہ...
ایران کو جوہری ہتھیار بنانے سے نہ روکا ہوتا تو آج اسرائیل ،مشرق وسطی موجود نہ ہوتے، امریکی صدر امریکی صدر ڈونلڈ ٹرمپ نے مڈ ٹرم الیکشن کے حوالے سے دعوی کیا ہے کہ صرف ایک الیکشن کی وجہ سے امریکہ کو 3 ٹریلین ڈالر کا نقصان ہو چکا ہے۔ امریکی صدر ڈونلڈ ٹرمپ کا کینیڈی سپیس سینٹر میں ...
عبداللہ فضل کی جگہ طیب عارف، علی عثمان کی جگہ عامر جمال کی شمولیت کا امکان پاکستان ٹیسٹ ٹیم مینجمنٹ وسلیکشن کمیٹی نے اسکواڈ سے 2 کھلاڑیوں کو ریلیز کردیا۔ ذرائع کے مطابق عبداللہ فضل اورعلی عثمان کو اسکواڈ جوائن کرنے سے قبل ہی ریلیز کردیا گیا، عبداللہ فضل کی جگہ طیب عارف، علی عث...
آسٹریلوی ٹیم کے تمام کھلاڑی بال ٹیمپرنگ منصوبے سے آگاہ تھے، صرف تین کرکٹرز کو سزا ہوگئی، سابق کرکٹر کا دعویٰ 8 برسوں میں بہت کچھ کہا بہت افواہیں سامنے آئیں، ہم اپنی انٹیگریٹی تحقیقات کے نتائج سے مطمئن ہیں،کرکٹ آسٹریلیا سابق آسٹریلوی کرکٹر عثمان خواجہ کے انکشافات نے بال ٹیمپ...
ہوم سیریز نوجوان کھلاڑیوں کے لیے بہترین موقع ہے، اپنی پرفارمنس میں بہتری سے مطمئن ہوں، میڈیا سے گفتگو پاکستان ٹیسٹ ٹیم کے نائب کپتان سعود شکیل نے کہا ہے کہ ٹیسٹ میچز میں پرفارمنس میں تسلسل نہیں سینئرز کی بھی ذمے داری ہے۔اسلام آباد میں میڈیا سے گفتگو میں سعود شکیل نے کہا کہ پاک...
وفاقی اردو یونیورسٹی کے شیخ الجامعہ ڈاکٹر ضابطہ خان شنواری کا مؤقف درست تسلیم حکومت، وزارت تعلیم اور ایچ ای سی کو فریق بنانے کی ہدایت ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ سندھ ہائی کورٹ نے وفاقی اردو یونیورسٹی برائے فنون، سائنس و ٹیکنالوجی کے شیخ الجامعہ پروفیسر ڈاکٹر...
میزائل حملے کی کوشش کو مسلمانوں کے لیے کھلی اشتعال انگیزی اور شہریوں کی جانوں سے خطرناک کھیل ہے،قطر قطر، کویت، بحرین اور اردن نے یمن کے حوثی گروپ کی جانب سے سعودی عرب کے مدینہ منورہ کے علاقے کو بیلسٹک میزائل سے نشانہ بنانے کی مبینہ کوشش کی شدید مذمت کرتے ہوئے سعودی عرب کے ساتھ...
چین 22 ارب 40 کروڑ ڈالر کے ساتھ سب سے بڑا قرض خواہ، عالمی بینک اور ایشیائی ترقیاتی بینک بھی بڑے قرض دہندگان میں شامل گزشتہ 10 سال کے دوران پاکستان کا بیرونی قرض تقریباً دگنا ہوکر 135 ارب 10 کروڑ ڈالر تک پہنچ گیا ہے، جبکہ چین پاکستان کا سب سے بڑا انفرادی قرض خواہ ہے۔ عالمی بینک...
وکلا کی درخواست پر سماعت، بجلی کی بندش سے عدالتی امور متاثر ہونے کا مؤقف کے الیکٹرک نے فیڈر تبدیل کرنے اور لوڈشیڈنگ ختم کرنے کی یقین دہانی کرادی سندھ ہائیکورٹ کے آئینی بینچ نے اسد چیمبرز میں غیر اعلانیہ لوڈشیڈنگ کے خلاف وکلا کی درخواست پر کے الیکٹرک سے تحریری رپورٹ طلب کرلی...
ٹیلی کام آپریٹرز کے پاس ایک کروڑ 60لاکھ ری سائیکل نمبرز موجود ،پی ٹی اے نے ایک کروڑ نمبرز کی تفصیلات میٹا کو بھجوائی تھیں میٹا نے پاکستان ٹیلی کمیونیکیشن اتھارٹی کی درخواست پر ایک لاکھ 76ہزار اکائونٹس بند کر دئیے۔ حکام کے مطابق غیر فعال نمبرز پر واٹس ایپ اکائونٹس سائبر فراڈ کا...
