... loading ...
... loading ...
انگلینڈکے دورے پرگئی قومی کرکٹ ٹیم آج سے میزبان ٹیم کے خلاف دوٹیسٹ میچزپرمشتمل سیریزکے پہلے میچ میں مدمقابل آئے گی۔ یہی میچ سرفرازالیون کااصل امتحان کہلائے جارہے ہیں ۔ انگلش سرزمین پر سرد موسم میں تیزسوئنگ گیندوں کاسامناہی قومی ٹیم کے بلے بازوں کااصل امتحان ہو گا۔ یادرہے کہ اس سے قبل مصباح الحق کی قیادت میں انگلینڈ کا دورہ کرنے والی ٹیم نے میزبانوں کوناکوں چنے چبوائے تھے اور سیریزڈراکرنے کے ساتھ عالمی نمبرون ٹیم کا اعزازبھی حاصل کیاتھا۔بلاشبہ اس ٹیم کو اگر بیٹنگ میں یونس خان اورمصباح الحق کاساتھ میسرتھا تو بائولنگ میں یاسرشاہ نے اپنا کردار بخوبی نبھایاتھا۔
موجودہ سرفراز الیون باصلاحیت نوجوان کھلاڑیوں پرمشتمل ضرورہے پراسے یونس خان‘یاسرشاہ اورمصباح الحق کاساتھ میسر نہیں۔ اسی لیے اگربیٹنگ کاسارابوجھ اسد شفیق ‘اظہرعلی اورخو د کپتان سرفرازاحمد
کاندھوں پرہوگاتوبائولنگ میں محمد عامر ‘ محمد عباس اورشاداب خا ن خان کواپنی کارکردگی کامظاہرہ کرناہوگا۔پریکٹس میچز اور آئر لینڈکے خلاف تاریخی ٹیسٹ کھیلنے اورجیتنے کے باعث یقیناقومی ٹیم کے کھلاڑیوں کے اعتماد میں اضافہ ہواہوگا۔ اب تک کھیلے گئے میچزمیںاسدشفیق‘باپراعظم ‘فہیم اشرف‘ شاداب خان نے عمدہ بلے بازی کامظاہرہ کیاتوامام الحق نے اپناانتخاب درست ثابت کر دکھایا ہے۔ لیکن اظہرعلی کسی خاص کارکردگی کامظاہرہ کرنے میں ناکام رہے تھے لیکن لیسٹرشائرکے خلاف کھیلے گئے پریکٹس میچ میں انھوں نے روایتی سست رفتاربلے بازی کامظاہرہ کرتے ہے نہ صرف 73رنزبنائے بلکہ اپنی کھوئی ہوئی فارم بھی دوبارہ حاصل کرنے میں کامیاب رہے۔جبکہ جارح مزاج بلے بازفخرزمان نے 14 چوکوں کی مدد سے 71رنز کی اننگز کھیلی اوپنرز کے آؤٹ ہونے کے بعد نوجوان بیٹسمین عثمان صلاح الدین نے ایک اینڈ سنبھالے رکھا، وہ 69 رنز کے ساتھ ناٹ آؤٹ رہے ۔تاہم لیسٹرشائرکی جوابی اننگ میں قومی بائولرزکوئی بھی چونکادینے والی کارکردگی کامظاہرہ کرنے میں ناکام رہے۔میچ ڈرا ضرور ہو گیا پر پاکستانی کھلاڑیوں کواچھی پریکٹس ضرورمل گئی۔
اب سرفرازالیون کی صلاحیتوں کااصل امتحان بھی آج میزبان انگلینڈ کے خلاف سیریز سے ہوجائیگا۔اس حوالے سے قومی ٹیم کے سابق عظیم بلے باز یونس خان کا کہنا ہے کہ انگلینڈ کے خلاف ٹیسٹ سیریز میں اظہرعلی، سرفراز احمد اور اسد شفیق کا کردار اہم ہو گا اور پاکستان کے لیے انگلینڈ کو اس کے ہوم گراؤنڈ پر ٹیسٹ سیریز میں ہرانا آسان نہیں ہو گا۔
ایک انٹرویو کے دوران یونس خان نے کہا کہ انگلینڈ کی ٹیم اپنی سرزمین پر ہمیشہ خطرناک حریف ثابت ہوئی ہے اور گرین شرٹس کے لیے اسے ٹیسٹ سیریز میں ہرانا آسان نہیں ہو گا۔انہوں نے کہا کہ سیریز میں فتح کے لیے ٹیم کے ہر کھلاڑی کو اپنی ذمہ دار احسن طریقے سے نبھانا ہو گی اور قومی ٹیم کے تجربہ کار بلے بازوں اظہر علی اور اسد شفیق کے ساتھ ساتھ کپتان سرفراز احمد کا کردار بھی اہم ہو گا۔پاکستان کی طرف سے ٹیسٹ کرکٹ میں زیادہ سنچریوں اور زیادہ رنز کا اعزاز رکھنے والے یونس نے کہا کہ سرفراز احمد بہترین قائد ہیں اور مشکل وقت میں دباؤ کو جھیلنے کی صلاحیت رکھتے ہیں جبکہ کپتان کے ساتھ ساتھ اظہرعلی اور اسدشفیق کا سیریز میں کردار اہم ہو گا۔
قومی ٹیم کی بیٹنگ کے حوالے سے سابق کپتان نے کہا کہ میرے خیال میں اظہرعلی اچھی فارم میں ہیں جبکہ اسد کو بھی چاہیے کہ وہ بڑی اننگز کھیلنے کی کوشش کریں۔تجربہ کار بلے باز نے نوجوان بابر اعظم کو مستقبل کا اسٹار قرار دیتے ہوئے کہا کہ بابر بھی ابھرتے ہوئے اسٹار ہیں اور وہ ناصرف ٹی ٹونٹی اور ون ڈے بلکہ ٹیسٹ کرکٹ میں بھی عمدہ پرفارم کرنے کی صلاحیت رکھتے ہیں۔یاد رہے کہ بابر اعظم کو دورہ انگلینڈ کے لیے منتخب کرنے پر سلیکشن کمیٹی کو کافی تنقید کا نشانہ بنایا گیا تھا کیونکہ اب تک ٹیسٹ کرکٹ میں وہ کچھ قابل ذکر کارکردگی دکھانے میں ناکام رہے لیکن آئرلینڈ کے خلاف میچ میں انہوں نے دوسری اننگز میں مشکل وقت میں 59رنز کی اننگز کھیل کر اپنی صلاحیتوں کا لوہا منوایا تھا۔
یونس نے بھی بابر اعظم کو ٹیسٹ کرکٹ کے لیے موزوں قرار دیتے ہوئے کہا کہا مجھے پوری امید ہے کہ وہ انگلینڈ کی کنڈیشنز میں اچھی کارکردگی دکھا کر ٹیم کو فتوحات دلانے میں کردار ادا کریں گے۔سابق کپتان نے دورہ انگلینڈ کے لیے قومی ٹیم کی تیاریوں پر اطمینان کا اظہار کرتے ہوئے کہا کہ بعض لوگوں کو ٹیم کی کارکردگی پر تشویش ہے لیکن میرے خیال میں ہماری ٹیم سیریز کے لیے پوری طرح سے تیار ہے، اس لیے مجھے دونوں ٹیموں کے درمیان ٹیسٹ سیریز میں دلچسپ مقابلے کی توقع ہے۔
وزیر اعظم شہباز شریف نے ’ہر قیمت پر کسانوں کے مفادات کا تحفظ‘کرنے کا عہد کیا ہے ، جبکہ وفاقی حکومت میگا اسکینڈل کی جامع تحقیقات کرنے اور ذمہ داروں کے خلاف کارروائی کرنے سے گریزاں نظر آتی ہے ۔تفصیلات کے مطابق گزشتہ ہفتے درآمدات میں بے ضابطگیوں کی تحقیقات کے لیے بنائی گئی کمیٹی کے...
سعودی تجارتی وفد سرمایہ کاری کے باہمی تعاون کیلئے پاکستان پہنچ گیا۔ سعودی عرب کے نائب وزیر سرمایہ کاری ایچ ای ابراہیم المبارک کی قیادت میں 50ارکان پر مشتمل اعلیٰ سطحی تجارتی وفد پاکستان پہنچا۔ سرمایہ کاروں کے وفد کے دورہ پاکستان کے دور ان 10 ارب ڈالر تک کی سرمایہ کاری کے معاہدوں ...
اسرائیلی فوج کی وحشیانہ کارروائیاں جاری ہیں ، طولکرم میں مزید5 فلسطینی شہید کردئیے ، رفح میں ماں دو بچوں سمیت شہید جبکہ3 فلسطینی زخمی ہو گئے ۔ فلسطینی وزارت صحت کے مطابق اسرائیلی فورسز نے مقبوضہ مغربی کنارے کے شہر طولکرم کے قریب ایک قصبے میں رات کو کارروائی کے دوران 5 فلسطینیوں ک...
وزیر اعظم محمد شہبا ز شریف نے کہا ہے کہ فیصلہ کن گھڑی آچکی ہے سب کو مل کر ملک کی بہتری کیلئے کردار ادا کرنا ہوگا، پاکستان کو آج مختلف چیلنجز کا سامنا ہے ریونیوکلیکشن سب بڑا چیلنج ہے ،جزا ء اور سزا کے عمل سے ہی قومیں عظیم بنتی ہیں،بہتری کارکردگی دکھانے والے افسران کو سراہا جائے گا...
امیر جماعت اسلامی حافظ نعیم الرحمن نے کہا ہے کہ سیاسی جماعتیں، ادارے آئین کی تابعداری کے لیے تیار ہیں تو گریٹر ڈائیلاگ کا آغاز ہوسکتا ہے ، ڈائیلاگ کی بنیاد فارم 45ہے ، فارم 47کی جعلی حکومت قبول نہیں کرسکتے ، الیکشن دھاندلی پر جوڈیشل کمیشن بنے جس کے پاس مینڈیٹ ہے اسے حکومت بنانے د...
ملک میں 8؍فروری کے الیکشن کے بعد نئی حکومت آنے کے بعد بھی 98 ارب51 کروڑ روپے کی گندم درآمد کیے جانے کا انکشاف ہوا ہے ۔تفصیلات کے مطابق ذرائع نے بتایا کہ موجودہ حکومت کے دور میں بھی 6 لاکھ ٹن سے زیادہ گندم درآمد کی گئی، ایک لاکھ13ہزار ٹن سے زیادہ کا کیری فارورڈ اسٹاک ہونے کے باوجو...
پاکستان ٹیلی کمیونیکیشن اتھارٹی(پی ٹی اے ) نے نان ٹیکس فائلر کے حوالے سے فیڈرل بورڈ آف ریونیو کی جانب سے اٹھائے گئے اقدام کی مخالفت کرتے ہوئے 5لاکھ سے زائد سمز بند کرنے کی معذرت کر لی۔ میڈیا رپورٹ کے مطابق فیڈرل بورڈ آف ریونیو(ایف بی آر) نے 2023 میں ٹیکس ریٹرن فائل نہ کرنے والے 5...
کراچی میں پیپلزبس سروس کے کرائے کی ادائیگی کے لیے اسمارٹ کارڈ متعارف کروا دیا گیا ۔ کراچی میں پیپلز بس سروس کے مسافروں کیلئے سفر مزید آسان ہوگیا۔ شہری اب کرائے کی ادائیگی اسمارٹ کارڈ کے ذریعے کریں گے ۔ سندھ حکومت نے آٹومیٹڈ فیئر کلیکشن سسٹم متعارف کرادیا۔ وزیراعلیٰ سندھ مرادعلی ش...
گندم درآمد اسکینڈل کی تحقیقاتی کمیٹی نے سابق نگراں وزیراعظم انوار الحق کاکڑ کو طلب کرلیا۔ذرائع کے مطابق وزیراعظم شہباز شریف کی جانب سے بنائی گئی تحقیقاتی کمیٹی کا اجلاس ہوا۔ذرائع کے مطابق تحقیقاتی کمیٹی نے اجلاس میں نگراں دور کے سیکریٹری فوڈ محمد محمود کو بھی طلب کیا تھا، جوکمیٹ...
پاکستان نے خلائی تحقیق کے میدان میں اہم سنگ میل عبور کرلیا، تاریخی خلائی مشن ’آئی کیوب قمر‘چین کے وینچینگ خلائی سینٹر سے روانہ ہو گیا جس کے بعد پاکستان چاند کے مدار میں سیٹلائٹ بھیجنے والا چھٹا ملک بن گیا ہے ۔سیٹلائٹ آئی کیوب قمر جمعہ کو2 بجکر 27 منٹ پر روانہ ہوا، جسے چینی میڈیا ...
پاکستان تحریک انصاف (پی ٹی آئی) کے بانی چیئرمین عمران خان نے عدالتوں سے ان کے مقدمات کے فیصلے فوری طور پر سنانے کا مطالبہ کرتے ہوئے کہا ہے کہ چیف جسٹس قاضی پی ٹی آئی کے خلاف بی ٹیم بنے ہوئے ہیں۔بانی چیئرمین پی ٹی آئی نے اڈیالہ جیل سے اہم پیغام میں کہا ہے کہ میں اپنے تمام مقدمات س...
پاکستان تحریک انصاف کے بانی عمران خان نے کہا ہے کہ بس مجھے قتل کرنا رہ گیا ہے لیکن میں مرنے سے نہیں ڈرتا، غلامی پر موت کو ترجیح دوں گا۔برطانوی جریدے دی ٹیلی گراف کے لیے جیل سے خصوصی طور پر لکھی گئی اپنی تحریر میں سابق وزیر اعظم نے کہا کہ آج پاکستانی ریاست اور اس کے عوام ایک دوسرے...
