... loading ...
... loading ...
کراچی میں نوسال بعد انٹرنیشنل کرکٹ کے دروازے کھل چکے ہیں آج پاکستان سپرلیگ تھری کے فائنل کے لیے تمام تیاریاں مکمل کرلی گئی ہیں۔سندھ حکومت اوربلدیہ عظمی کراچی نے شبانہ روزمحنت سے نیشنل اسٹیڈیم اوراس کی اطراف کی سڑکو ں کودلہن کی طرح سجادیاہے ۔سڑکوں پربرقی قمقموں کی بہارنظرآرہی ہے جبکہ پاکستان سپرلیگ میں شامل کھلاڑیوں کے قدآد م ہورڈنگ اورسائن بورڈبھی آویزاں کیے گئے ہیں ۔اسٹیڈیم کی مرکزی عمارت جوپہلے سفید رنگ کی تھی اب اسے زردرنگ میں رنگ دیاگیاہے۔کراچی میں پی ایس ایل فائنل کے دھمال کے لیے پشاورزلمی اوراسلام آبادیونائیٹڈنے ہفتے کے روزجم کرپریکٹس کی ۔دوسری جانب اہالیان کراچی بھی فائنل کے حوالے سے خاصے پرجوش ہیں ۔شہرمیں دونوں فائنلسٹ ٹیموں کے رنگوں سے مزین ٹی شرٹیں ریکارڈتعدادمیں فروخت ہورہی ہیں ۔اس کے علاوہ کراچی کنگزکی شکست کے باوجودلوگ کراچی کنگزکی ٹی شرٹیں بھی خرید رہے ہیں۔
دودن قبل پی ایس ایل کے میچوں کی بدولت لاہور میں کرکٹ کا جنون عروج پر رہا۔ لاہوریئے ا سٹیڈیم کے اندر اور باہر میچوں سے بھرپور انداز میں لطف اندوز ہوتے رہے، دوسرے میچ میں تیز بارش کی وجہ سے گراؤنڈ میں پانی بھر گیا تھا جسے ہنگامی طور پر نکال کر گراؤنڈ کو کھیل کے قابل بنایا گیا اور میچ16، 16 اوورز تک محدود کرنا پڑا۔ شہری طویل عرصے سے یہ مطالبہ کرتے چلے آ رہے تھے کہ پی ایس ایل کے تمام میچ پاکستان کے اندر ہی کرائے جائیں لیکن اس میں کلّی نہیں جزوی کامیابی ہوئی، دو پلے آف میچ لاہور میں ہوئے اور فائنل کراچی میں ہوگا تاہم سالِ رواں کے تجربے کے بعد امید کرنی چاہئے کہ پی ایس ایل کے اگلے ایڈیشن میں اگر تمام نہیں تو زیادہ سے زیادہ میچ پاکستان میں کرائے جائیں گے، یہ اگرچہ انٹرنیشنل کرکٹ ہے لیکن ٹیموں کے اندر چونکہ غیر ملکی کھلاڑی بھی ہیں جو کسی نہ کسی وجہ سے پاکستان آنے کے لیے تیار نہیں ہوتے، اس لیے میچ یو اے ای میں کرانے پڑتے ہیں۔ وہاں بھی چونکہ پاکستانی بڑی تعداد میں موجود ہیں، اس لیے شارجہ ہو یا دبئی، گراؤنڈ پاکستانی شائقین سے بھرے رہتے ہیں۔
کرکٹ بورڈ کے چیئرمین نجم سیٹھی، ان کے ساتھیوں، پی ایس ایل اور شریک کھلاڑیوں کو یہ کریڈٹ بہرحال جاتا ہے کہ ان کی مساعی کی بدولت پاکستان میں کرکٹ واپس آ گئی ہے، غیر ملکی ٹیموں کے خدشات بھی دور ہو رہے ہیں، ورلڈ الیون گزشتہ برس لاہور میں میچ کھیل چکی ہے، اس سے پہلے زمبابوے کی ٹیم بھی پاکستان میں کھیل کر جا چکی ہے تاہم جو ٹیمیں کسی وجہ سے اب بھی تحفظات رکھتی ہیں۔ پی ایس ایل کے موجودہ میچوں کے بعد ان کے تحفظات بھی دور ہو جانے چاہئیں۔ وہ غیر ملکی کھلاڑی اور کرکٹ پر رواں تبصرہ کرنے والے مبصرین جو لاہور میں شہریوں کی مہمان نوازی سے لطف اندوز ہوئے، ان کے چشم دید مشاہدات نے انہیں باور کرایا کہ پاکستان پرامن ملک اور پاکستانی امن پسند شہری ہیں، اگر چند دہشت گرد کسی شہر میں دہشت گردی کرتے ہیں اور بے گناہ انسانوں کا خون بہانے میں کامیاب ہو جاتے ہیں تو اس کا یہ مطلب ہرگز نہیں ہے کہ دہشت گردی نے پورے ملک کو لپیٹ میں لے رکھا ہے، یہ اِکا دْکا واقعات نہ تو پاکستانیوں کی معمول کی زندگی کو متاثر کرتے ہیں اور نہ ہی شہروں کی مجموعی فضا ان واقعات سے مکدّر ہوتی ہے، زندگی کا پہیہ بالکل اسی طرح رواں دواں رہتا ہے جس طرح دنیا کے دوسرے ملکوں میں ہے۔
ا گر دنیا کے کسی ترقی یافتہ ملک میں کوئی دہشت گرد یا سر پھرا کسی کلب میں گھس کر یا بچوں کے کسی ا سکول میں اندھا دھند فائرنگ کرکے درجنوں لوگوں کو خون میں نہلا دیتا ہے یا کسی دوسری جگہ کوئی ایک یا چند لوگ کوئی ایسی واردات کر دیتے ہیں جو دہشت گردی کی ذیل میں آتی ہو تو کیا اس ملک میں کھیلوں کی ساری سرگرمیاں معطل ہو جاتی ہیں اور زندگی کے معمولات کو بریک لگ جاتی ہے، اگر کسی سکول میں پچاس لوگوں کو فائرنگ کرکے موت کے گھاٹ اتار دیا گیا یا کسی نائٹ کلب میں بیٹھے بے فکروں پر کسی ابنارمل شخص نے فائر کھول دیا تو اس کے بعد جس طرح زندگی وہاں رواں دواں رہتی ہے اسی طرح پاکستان میں بھی دہشت گردی کی وارداتیں پاکستانیوں کے حوصلے نہیں توڑ سکتیں۔ بعض غیر ملکی کھلاڑی اگر اس طرح کی وارداتوں سے یہ تاثر لیتے ہیں کہ وہ یہاں غیر محفوظ ہیں، اس لیے انہیں یہاں آ کر نہیں کھیلنا چاہتے تو وہ درست نتیجے پر نہیں پہنچتے۔ اس کی گواہی پی ایس ایل کے دو روزہ میچ دیتے ہیں جن کا انعقاد پرامن ہوا اور اہلِ لاہور نے نہ صرف ان میں بھرپور شرکت کی بلکہ کھلاڑیوں کو دل کھول کر داد بھی دی۔
یہی صورت حال اب کراچی میں بھی نظرآرہی ہے ۔شہرقائد کے باسی کرکٹ کے اس تاریخی میچ سے لطف اندوزہونے کے لیے پوری طرح تیارہے ۔ ہرجانب جوش پایاجارہاہے اہم مقامات پربڑ ی اسکرینیں بھی لگادی گئیں تاکہ جولوگ ٹکٹ کے حصول سے محروم ر ہ گئے وہ میچ دیکھ سکیں ۔
ایس ایم نقی نامی انویسٹراور پلاٹس کے خریداروں کا بلڈر فیصل اور فہد کے خلاف احتجاج ابتدائی منظوری، سینکڑوں ایکڑ کی تشہیر اور شہریوں سے وصولیوں پر تحقیقات کا مطالبہ کراچی (خصوصی رپورٹ) ایم نائن موٹروے پر بن احسان بلڈرز اینڈ ڈیولپرز کے رہائشی منصوبے بن احسان گرین سٹی کی قانونی...
مواخذے کی قراردادیں میرا کچھ نہیں بگاڑ سکتیں،پیٹ ہیگستھ کی جوابی کانفرنس امریکی وزیر جنگ پیٹ ہیگستھ کے مواخذے کی قرارداد امریکی ایوان نمائندگان میں پیش کردی گئی۔ مواخذے کی قرارداد ایوان نمائندگان کے ریپبلکن رکن ٹامس میسی نے پیش کی۔ پیٹ ہیگستھ پر ایران سے امریکی جنگ میں نااہلی ...
کروڑوں کے فنڈز غائب، 12 ہزار منسوخ فائلیں دوبارہ جاری کرنے کا انکشاف جونیئر ملازمین ایک طاقتور مافیا میں تبدیل ، ہائی کورٹ کے احکامات ہوا میں اڑا دیے گئے حیدرآباد/کراچی (خصوصی رپورٹ)سیہون ڈیولپمنٹ اتھارٹی (SDA) میں کرپشن، فنڈز کی خورد برد اور اختیارات کے ناجائز استعمال کا ا...
طویل مدت تک عدم استحکام، غیر یقینی کی صورتحال اور غیر واضح سیاسی و سکیورٹی ماحول‘ کا سامنا کرنا پڑ سکتا ہے،وزیرِ اعظم کے سینیئر مشیر انور قرقاش کا ابوظبی میں کانفرنس سے خطاب متحدہ عرب امارات کے وزیرِ اعظم کے سینیئر مشیر انور قرقاش کا کہنا ہے کہ خطے کو ’ایک طویل مدت تک عدم استح...
امریکی لابنگ فرم ایس ایچ ڈبلیو پارٹنرز نے رواں سال مئی اور جون کے دوران بھارتی حکومت اور وائٹ ہاؤس کے سینیئر حکام کے درمیان آٹھ فون کالز کے انتظام میں کردار ادا کیا۔ انڈین ایکسپریس ہندوستان کی حکومت اور وائٹ ہاؤس کے سینیئر حکام کے درمیان رواں سال مئی اور جون میں ہونے والے مبین...
شائستہ عباس کینسر کے باعث گزشتہ دو ماہ سے اسپتال میں زیرِ علاج تھیں پاکستانی معروف اداکارہ میرا کی چھوٹی بہن شائستہ عباس طویل عرصے تک کینسر کے مرض سے زندگی کی جنگ لڑنے کے بعد لندن میں انتقال کر گئیں۔نیویارک میں نجی ٹی وی سے گفتگو کرتے ہوئے میرا نے تصدیق کی ہے کہ شائستہ کئی برس...
سابق وزیراعظم نے نئے پاسپورٹ اور شناختی کارڈ کے لیے بھی درخواست دے دی بھارت میں موجود بنگلادیش کی سابق وزیراعظم شیخ حسینہ واجد نے وطن واپسی کے لیے نئی دہلی میں بنگلادیشی سفارتخانے سے رجوع کر لیا۔غیر ملکی خبر ایجنسی کے مطابق حسینہ واجد نے نئے پاسپورٹ اور شناختی کارڈ کے لیے درخو...
امریکا تمام محاذوں پر جنگ ختم کرنے پر آمادہ ہو جائے تو آبنائے ہرمز کو 2دن میں کھول دینگے،انٹرویو ایران کے وزیر خارجہ عباس عراقچی نے امریکا پر زور دیا ہے کہ وہ جاری امن مذاکرات میں تہران کے مطالبات تسلیم کرے، بصورت دیگر سنگین نتائج کے لیے تیار رہے۔عباس عراقچی نے ایرانی سرکاری م...
برینٹ خام تیل کی قیمت 97 ڈالرز 67 سینٹ فی بیرل ہوگئی،رپورٹ ایشیا میں کاروباری سرگرمیوں کے آغاز پر عالمی منڈی میں خام تیل کی قیمتوں میں کمی ریکارڈ کی گئی ہے۔غیرملکی خبر رساں ادارے کے مطابق برینٹ خام تیل کی قیمت 97 ڈالرز 67 سینٹ فی بیرل ہوگئی۔ امریکی خام تیل کے مستقبل کے سودوں ک...
پاک بحریہ کے چاق و چوبند دستے نے مزار اقبال پر اعزازی گارڈز کے فرائض سنبھال لیے حکیم الامت، شاعر مشرق علامہ محمد اقبال کے 149 ویں یوم پیدائش پر مزار اقبال پر گارڈز کی تبدیلی کی پروقار تقریب ہوئی، پاکستان نیوی کے اسٹیشن کمانڈر لاہور کموڈور مصباح الامین مہمان خصوصی تھے۔ پاکستان ...
حکومت بنانے کی کوششیں ناکام ہوئیں تو کینیسٹ کو توڑ دیا جائے گا اور دوبارہ الیکشن کرائے جائیں گے، صدر اسرائیل کے صدر ہرزوگ نے نیتن یاہو کے حریف آئزن کوٹ کو حکومت بنانے کی دعوت دیدی۔ غزہ میں نسل کشی اور ایران جنگ چھیڑنے والے نیتن یاہو حکومت بنانے کی دوڑ سے باہر ہوگئے۔ اسرائیلی ا...
قطری حکام نے نئی امریکی فوجی کارروائی روکنے کیلئے سفارتی کوششیں شروع کر دیں، رپورٹ اسرائیلی وزیرِاعظم نیتن یاہو ایران کے خلاف امریکا کی جانب سے دوبارہ حملے شروع کرنے پر مسلسل زور دے رہے ہیں، جبکہ امریکی صدر ڈونلڈ ٹرمپ کے مشیر اس معاملے پر تقسیم ہو گئے ہیں کہ آیا جنگ ختم کی جائ...
