... loading ...
محکمہ صحت سندھ میں ڈاکٹروں کی ترقیوں کا انصاف پر مبنی معاملہ موجودہ سیکرٹری صحت کی انا کی نذر ہے تو پیرا میڈیکل اسٹاف کے ہیلتھ الائونس کا جائز مطالبہ کمزور قیادت کی نااہلی کے باعث سرد خانے میں جاتا نظر آرہا ہے۔ محکمہ صحت سندھ کے قانون پسند مسیحا پاکستان میڈیکل ایسوسی ایشن سندھ کے جوائنٹ سیکرٹری ڈاکٹر عثمان ماکو کی قیادت میں 7 اگست 2015ء سے تاحال سپریم کورٹ آف پاکستان کی جانب سے دیئے گئے فیصلے پر عمل درآمد کے منتظر ہیں۔ کراچی پریس کلب کے سامنے تادم مرگ بھوک ہڑتال پر بیٹھے تمام ڈاکٹرز تاحال ہسپتالوں میں زیر علاج ہیں۔ کیا محکمہ صحت سندھ کے یہ سرکاری ڈاکٹرز بھی پنجاب کے سول افسروں کی طرح قانون سے بغاوت کرکے اپنا حق حاصل کریں؟ یہ ڈاکٹرز بھی حکومت سندھ کے گزٹیڈ افسر ہیں۔ متعدد تو ترقی حاصل کئے بغیر موت کی ابدی نیند سوگئے اور متعدد ترقی کی حسرت لئے بغیر ہی ریٹائر ہو کر گھر چلے گئے۔ لیکن یہ کیا بے شرمی ہے کہ ریٹائر ہونے والا سیکرٹری صحت عدالت عظمیٰ میں ڈاکٹروں کی ترقیوں کی گمراہ کن رپورٹ جمع کراکے ریٹائرمنٹ کے اپنے نوٹیفکیشن کے اجرا کے باوجود چیف جسٹس آف پاکستان سے اپنی ترقی کی درخواست کرتا ہے۔ یہ ہمارے معاشرے کی ناانصافی کا وہ خطرناک پہلو ہے جس سے بالادست طبقہ زبردست طاقتور ہوتا جارہا ہے اور محکوم طبقہ ناانصافیوں کے باعث تیزی سے انارکی کی جانب جارہا ہے۔ خطرے کی یہ گھنٹی وفاق اور صوبوں میں مغلیہ سلطنت کی طرز کی نام نہاد جمہوریت کی بساط کے لئے ہی نہیں بلکہ وطن عزیز کی سلامتی اور ترقی کے حوالے سے بھی کوئی اچھا شگون نہیں ہے۔ تادم مرگ بھوک ہڑتال پر بیٹھے ہوئے ان مسیحائوں کی بھوک ہڑتال ختم کرانے کی کسی نے کوشش نہیں کی جس میں حکومتی وزیر اور نمائندگان، سیاسی جماعتوں کے رہنمایان سمیت محکمہ صحت کے کسی نچلی سطح تک کے افسر کو یہ توفیق نہیں ہوئی۔ بالآخر قومی طب و صحت کے اُفق پر موجود ڈاکٹروں کی مستند نمائندہ تنظیم پاکستان میڈیکل ایسوسی ایشن کے مرکزی سیکرٹری جنرل ڈاکٹر ایس ایم قیصر سجاد نے بھوک ہڑتالی ڈاکٹروں کو جوس پلا کر نہ صرف ان کی بھوک ہڑتال ختم کروائی بلکہ اپنی نگرانی میں بھوک ہڑتالی ڈاکٹروں کو طبی امداد کے لئے ہسپتال بھی روانہ کیا۔
محکمہ صحت سندھ کی تاریخ میں پہلی بار پیرا میڈیکل اسٹاف نے کراچی پریس کلب پر گزشتہ دنوں ہیلتھ الائونس کے ایک نکاتی مطالبے پر تاریخی بے نظیر مظاہرہ کیا۔ جس میں مظاہرین کا ٹھاٹھیں مارتا سمندر اور ان کے پرجوش نعروں نے جہاں سیکورٹی اداروں کو اضافی نفری کے لئے مجبور کردیا وہیں جوائنٹ ایکشن کمیٹی کی کمزور قیادت بھی اس غیر متوقع جم غفیر کو دیکھ کر حیران اور پریشان ہوگئی بلکہ میں نے بعض رہنمائوں کو حواس باختگی کی کیفیت میں دیکھا۔ وہیں محکمہ صحت کی تاریخ میں سابق مشیر صحت فیصل گبول کے بعد دوسرے وائسرائے طرز کے سیکرٹری صحت ڈاکٹر فضل اللہ پیجوہو نے بھی معاملے کو ہاتھ سے نہ نکل جانے کی ہنگامی پالیسی پر عمل کیا اور ایڈیشنل سیکریٹری صحت جلال الدین جلالانی کو اپنا ایلچی بنا کر کراچی پریس کلب کے سامنے پیرامیڈیکل رہنمائوں سے مذاکرات کے لئے بھیجا، جوائنٹ ایکشن کمیٹی پیپلز پیرامیڈیکل اور آل سندھ پیپلز پیرامیڈیکل کے دونوں گروپوں کے علاوہ سندھ پیرا میڈیکل ویلفیئر ایسوسی ایشن اور اسی طرح سے متحدہ قومی موومنٹ کی میڈیکل ایڈکمیٹی کی شکست وریخت کے بعد پاک سرزمین کا میڈیکل ونگ کے علاوہ متحدہ پاکستان کا میڈیکل ونگ اس جوائنٹ ایکشن کمیٹی میں شامل ہے۔ گوکہ پاک سرزمین پارٹی کے مرکزی سینئر نائب صدر اور سابق وزیر صحت سندھ ڈاکٹر صغیر احمد نے اپنے میڈیکل ونگ کے تحت کراچی پریس کلب پر ہیلتھ الائونس کے حوالے سے ایک اچھا شو مذکورہ شو سے قبل کرچکے تھے۔ لیکن اس شو کا حفاظتی اداروں سمیت محکمہ صحت تک کے کسی چھوٹے افسر نے بھی کوئی نوٹس نہیں لیا۔ بہرحال جلال الدین جلالانی جوائنٹ ایکشن کمیٹی کے رہنمائوں سے بات چیت کے بعد واپس سیکرٹری صحت ڈاکٹر فضل اللہ پیجوہو کے پاس گئے اور کچھ دیر بعد جب واپس آئے تو جوائنٹ ایکشن کمیٹی کے رہنمائوں نے احتجاجی ٹرک پر چڑھ کر مذاکرات کی ناکامی کا تو اعلان کردیا لیکن اپنی نااہلی اور ناتجربہ کاری کی بنا پر اس مظاہرے کی اصل قوت کو کوئی واضح لائحہ عمل دینے میں ناکام رہے۔ بس یہی وہ موڑ تھا جب دیئے ہوئے احتجاجی پروگرام پر عمل درآمد ہونے سے پہلے مذکورہ جوائنٹ ایکشن کمیٹی کے رہنما جب دوسرے روز محکمہ صحت کے چالاک سیکرٹری کے ہاتھوں ٹریپ ہو کر مذاکرات کے لئے پہنچے تو پہلے تو ان کمزور رہنمائوں کا استقبال انتظار سے کرایا گیا اور جب سیکرٹری صحت آئے تو ناقص حکمت عملی اور موثر منصوبہ بندی نہ ہونے کے باعث رہنمائوں کو لینے کے دینے پڑ گئے۔ یہ تو خیر ہوئی وفد میں شامل ایک بزرگ رہنما نے اپنی بزرگی کو دائو پر لگا کر اور ایڈیشنل سیکرٹری جلال الدین جلالانی نے اپنے سیکرٹری کی پالیسی کے مطابق کمیٹی کے رہنمائوں کو محفوظ راستہ دیا۔ ایکشن کمیٹی میں شامل دو جماعتوں نے سکھ کا سانس لیا کہ ہم معافی تلافی والے مذاکرات میں نہیں تھے۔ اب معافی تلافی والے رہنما ہیلتھ الائونس کے مطالبے کی تکمیل کے بجائے ان چار نیم طبی تنظیموں کو بھی اپنی صف میں لانے کے لئے سرگرم عمل ہیں جو مذکورہ جوائنٹ ایکشن کمیٹی میں شامل نہیں تھے۔ اس میں سب سے بڑی نیم طبی تنظیم پاکستان پیرامیڈیکل اسٹاف ایسوسی ایشن، پاکستان ہیلتھ ایمپلائز ایسوسی ایشن، انصاف میڈیکل ونگ، فنکشنل میڈیکل ونگ شامل ہیں۔ حالانکہ عام انتخابات قریب ہونے کے باعث 72 ہزار ملازمین کے ہیلتھ الائونس منظور کرانے کا بہترین موقع تھا۔ جسے گنوایا گیا یا فروخت کیا گیا۔ یہ فیصلہ پیرامیڈیکل اسٹاف کے ملازمین کو کرنا ہے، خود ساختہ رہنمائوں کو نہیں۔
آزاد جموں و کشمیر میں بجلی کے بلوں میں اضافے کے خلاف جاری شدید احتجاج کے دوران پولیس اور مظاہرین کے درمیان جھڑپیں ہوئی اور فائرنگ سے سب انسپکٹر شہید جبکہ ایس ایچ او سمیت 16 پولیس اہلکار زخمی ہوگئے ۔تفصیلات کے مطابق عوامی ایکشن کمیٹی کی کال پر آزاد جموں و کشمیر میں بجلی کے بلوں می...
پاکستان پیپلزپارٹی کے رہنما قمرالزمان کائرہ نے دعویٰ کیا ہے کہ حکومت کے کچھ لوگ چیف جسٹس کو توسیع دینا چاہتے ہیں،توسیع دینے کا فیصلہ سوچ سمجھ کر کرنا چاہیے ۔ قمرالزمان کائرہ نے ایک انٹرویومیںکہاکہ حکومت کی طرف سے کچھ لوگوں کے چیف جسٹس کو توسیع دینے کے اشارے ہیں۔انہوں نے کہا کہ یہ...
پاکستان تحریک انصاف نے غیر ذمہ دارانہ بیانات دینے پر شیر افضل مروت کو شو کاز نوٹس جاری کردیا۔شیر افضل مروت کو پارٹی پالیسی کی خلاف ورزی پر شوکاز نوٹس جاری کیا گیا ہے ۔ نوٹس کے مطابق شیر افضل مروت نے ایسے بیان دئیے ہیں جس سے پارٹی کی ساخت کو نقصان پہنچا ہے ۔بانی چئیرمین نے واضح ہد...
وزیر بلدیات سندھ سعید غنی نے کہا ہے کہ کراچی میں پیپلز پارٹی کے بلدیاتی نمائندوں کو اپنی بہتر کارکردگی ثابت کرنا ہوگی، کیونکہ کراچی میں کئی ٹاؤنز کی چیئرمین شپ دیگر جماعتوں کے پاس ہے ۔کراچی میں میڈیا سے گفتگو کرتے ہوئے سعید غنی نے کہا کہ کراچی میں غیر قانونی ہائیڈرنٹس کا رحجان ر...
آرمی چیف جنرل عاصم منیر نے ترقی پانے والے تین تھری اسٹار جنرلز کی تعیناتی کر دی۔لیفٹیننٹ جنرل عمر بخاری کو کمانڈر الیون کور (پشاور) تعینات کردیا گیا۔ ان سے قبل لیفٹیننٹ جنرل حسن اظہر حیات خان کور کمانڈر پشاور کے عہدے پر فرائض سرانجام دے رہے تھے جن کا تبادلہ کردیا گیا۔لیفٹیننٹ جنر...
متحدہ قومی موومنٹ نے سندھ اسمبلی میں منشیات فروشی اور گداگر نیٹ ورک کیخلاف قرارداد جمع کرا ئی ہے جس میں کہاگیاہے کہ کراچی میں ، گداگر مافیا جرائم پیشہ افراد کے لیے جاسوسی کررہاہے،شہر میں بھیک مانگنے کا منظم کاروبار چلا یاجارہا ہے۔ایم کیو ایم کے اراکین اسمبلی ریحان اکرم،ارسلان پرو...
حکومت نے قومی احتساب بیورو (نیب) کے لیے نئے قواعد و ضوابط تیار کرلیے ، جس کے مطابق آئندہ کسی بھی سیاستدان کی براہ راست گرفتاری ممکن نہیں ہوگی۔تفصیلات کے مطابق اسپیکر قومی اسمبلی ایاز صادق کی چیئرمین نیب سے ملاقات ہوئی جس کی اندرونی کہانی کے مطابق اسپیکر نے نیب چیئرمین کو نئے ایس...
پاکستان کے ساتھ نئے قرض پروگرام پر مذاکرات کیلئے پہلے مرحلے میں اورآئی ایم ایف کی تکنیکی ماہرین کی ٹیم پاکستان پہنچ گئی۔ذرائع وزارت خزانہ کے مطابق نئے قرض پروگرام پر مذاکرات کا آغاز15مئی سے شیڈول ہے ، آئی ایم ایف مشن چیف نیتھن پورٹر وفد کی قیادت کریں گے ۔ذرائع کے مطابق ماہرین کی ...
چین نے چاند کے گرد مدار میں چھوڑے گئے پاکستانی سیٹلائیٹ آئی کیوب قمر کا ڈیٹا جمعہ کو پاکستان کے حوالے کر دیا جس سے دونوں ممالک کے درمیان چاند بارے تحقیق میں تعاون مزید گہرا ہوا ہے ۔یہ سیٹلائٹ چین کے خلائی مشن چینگ 6کے ذریعے چاند کے گرد مدار میں چھوڑا گیا ہے ۔چائنا نیشنل سپیس ایڈم...
کنوینر ایم کیو ایم پاکستان ڈاکٹر خالد مقبول صدیقی نے کہا ہے کہ گورنر سندھ کے معاملے پر ہم نے مسلم لیگ ن سے کوئی گارنٹی نہیں مانگی، اس معاملے میں کارکردگی اگر معیار بنی تو پھر فیصلے اسی حساب سے ہوں گے۔خالد مقبول نے خصوصی گفتگو کرتے ہوئے کہا کہ گورنر سے متعلق جو تبدیلی کی بات ہو رہ...
سندھ میں 2022ء کے سیلاب کے بعد محکمہ خوراک کے افسران نے 3 لاکھ 79 ہزار بوریوں میں ناقص گندم اور مٹی ملا کر سرکاری خزانہ کو 3 ارب 22 کروڑروپے کا نقصان پہنچایا، وزیراعلیٰ کی معائنہ ٹیم کی رپورٹ میں ذمے داران افسران کے خلاف کارروائی کی سفارش۔ گندم کے خراب ہونے سے متعلق وزیراعلیٰ کی ...
تحریک انصاف کے بانی و سابق وزیراعظم عمران خان نے کہا ہے کہ 9 مئی کو پی ٹی آئی کو کچلنے کی کوشش کی گئی، سب پہلے سے طے شدہ تھا۔جیل سے اپنے ایک بیان میں عمران خان نے کہا کہ 9مئی 2023ء کی حقیقت قوم پر پوری طرح واضح ہے ، بتایا جائے کس کے حکم پر حساس مقامات کی سیکیورٹی ہٹائی گئی۔بانی پ...