... loading ...
... loading ...
پاکستان نے چیمپیئنز ٹرافی کے فائنل میں بھارت کو 180 رنز سے شکست دے کر پہلی مرتبہ چیمپیئنز ٹرافی کا تاج اپنے سر پر سجالیا۔ پاکستان کی یہ فتح اس اعتبار سے ایک منفرد مقام رکھتی ہے کہ اس نے اس کھیل کا آغاز بھارت سے شکست کے ساتھ ٹورنامنٹ کی ایک انتہائی کمزور ٹیم کے طور پر کیا تھا۔ بھارت کے ہی نہیں پاکستان کے بھی کرکٹ تجزیہ کار پاکستان ٹیم کے کسی بھی میچ میں فتح کے امکانات کو نہایت معدوم سمجھ رہے تھے‘بھارت کے سابق کھلاڑی ویریندر سہواگ نے تو انتہائی رعونت سے پاکستانی ٹیم کو اپنے بچے اور بنگلہ دیشی ٹیم کو اپنے پوتے قرار دیا تھا ۔ ویریندر سہواگ پر ہی کیا موقوف ، پاکستانی تجزیہ کار سکندر بخت نے بھی بھارت سے اپنے پہلے میچ کی شکست کے بعد اس ٹیم کو کسی بھی فتح کیلئے ناقابل قرار دیا تھا اور یہ مشورہ بھی دیا تھا کہ اس ٹیم کے ساتھ پاکستان کو بھارت سے کم ازکم پانچ سال تک کوئی میچ نہیں کھیلنا چاہیئے۔ مگر پاکستان کی اسی ٹیم نے ٹورنامنٹ کے باقی تمام میچ انتہائی کامیابی سے اپنے نام کیے اور فائنل میں بھارت سے اپنی پہلی شکست کا بدلہ بھی چکایا۔ شاہینوں کی سورماؤں کو اس طرح کی شکست نے بھارت میں موت کا سناٹا پیدا کردیا ہے۔
انگلینڈ اور ویلز میں کھیلے گئے چیمپینز ٹرافی کے فائنل میں روایتی حریف بھارت اور پاکستان مدِ مقابل آئے تو بھارت نے ٹاس جیت کر پہلے پاکستان کو بلے بازی کی دعوت دی۔
پاکستانی کھیل کا آغاز کرنے والیاظہر علی اور فخر زمان نے ابتدا میں محتاط انداز اختیار کرنے کے بعد شاندار انداز میں بلے بازی کی اور ٹیم کو 127 رنز کا بہترین آغاز فراہم کرتے ہوئے ابتدا میں ہی پاکستانی ٹیم کو فتح کی جانب گامزن کردیا۔ پاکستان کا پہلا نقصان اس وقت ہواجب وکٹوں کے درمیانی غلط فہمی کے نتیجے میںاظہر علی رن آوٹ ہوئے۔انہوں نے 72 رنز بنائے۔ مگر دوسری طرف سے فخر زمان نے شاندار کھیل پیش کیا۔ اْنہیں ابتدا میں ایک موقع ملا جب وہ ایک نوبال پر آوٹ ہوئے۔ مگر اس شاندار موقع کو اْنہوں نے خوب خوب استعمال کرتے ہوئے ون ڈے کرکٹ میں اپنی پہلی سنچری جڑدی۔ وہ 200 کے مجموعی اسکور پر 114 رنز کی شاندار اننگز کھیلنے کے بعد پویلین لوٹے، ان کی اننگز میں تین شاندار چھکے اور 12 چوکے شامل تھے۔بعد ازاں بابر اور شعیب ملک نے اسکور کو 247 رنز تک پہنچایا لیکن اونچا شاٹ کھیلنے کی کوشش میں شعیب اپنی وکٹ گنوا بیٹھے۔جو ٹورنامنٹ کی باقی میچوں میں بھی کوئی قابل ذکر رنز نہیں بنا سکے۔ شعیب کی وکٹ کے بعد قومی ٹیم کو بابر اعظم کی صورت میں نقصان اْٹھانا پڑا۔ وہ 48 رنز کی اننگز کھیلنے کے بعد پویلین لوٹ گئے۔
ابتدائی بلے بازوں کی عمدہ کارکردگی کے سبب ایک موقع پر ایسا محسوس ہوتا تھا کہ پاکستانی ٹیم 350 سے 360 رنز کا مجموعہ اسکور بورڈ پر سجائے گی مگربھارتی گیند بازوں نے آخری چار اوورز میں شاندار باؤلنگ کا مظاہرہ کیا جس کے سبب پاکستانی بلے باز کھل کر بلے بازی نہیں کر سکے۔ اس کے باوجود محمد حفیظ کے 37 گیندوں پر 57 رنز کی بدولت پاکستانی ٹیم مقررہ اوورز میں چار وکٹوں کے نقصان پر 338 رنز بنانے میں کامیاب رہی اور بھارت کو چیمپیئنز ٹرافی جیتنے کے لیے 339 رنز کا مشکل ہدف دیا۔بھارت نے ہدف کا تعاقب شروع کیا تو پہلے ہی اوور میں روہت شرما بغیر کوئی رن بنائے پویلین لوٹ گئے جبکہ محمد عامر نے اپنے اگلے ہی اوور میں بھارتی کپتان ویرات کوہلی کو پویلین واپسی پر مجبور کردیا۔ابھی اسکور 33 تک پہنچا ہی تھا کہ عامر نے تیسری وکٹ لیتے ہوئے شیکھر دھوون کو بھی رخصت کردیا۔بھارتی ٹیم کے کامیاب کھلاڑیوں میں شامل مہندرا سنگھ دھونی اور یوراج سنگھ کی جوڑی بھی پاکستانی گیندبازوں کا مقابلہ نہ کرسکی۔ اس موقع پر پاکستان کے کپتان سرفراز احمد کی طرف سے گیند بازوں کو تبدیل کرنے کے فیصلے نے شاندار نتائج دیے۔ کپتان اسپنر شاداب خان کوگیند بازی کے لیے لے کر ا?ئے اور انھوں نے اپنے پہلے ہی اوور میں یوراج کی وکٹ لے کر کپتان کے فیصلے کو درست ثابت کردیا۔پاکستانی گیند بازوں نے اس کے بعد بھارتی ٹیم کو سنبھلنے نہیں دیا۔اور حسن علی نے دھونی کو عماد کی مدد سے آؤٹ کر دیا اور اس کے ساتھ ہی آدھی بھارتی ٹیم کو پویلین پہنچا دیا۔ کیدھار کی طرف سے چند اونچے شاٹس نے کھیل کو ایک نیا موڑ دینے کی کوشش ضرور کی مگر شادابان کی اننگز کا بھی خاتمہ کرکے ہی ٹلے۔ چھ وکٹیں گرنے کے بعد ہردک پانڈیا نے جارحانہ بیٹنگ کا مظاہرہ کیا اور چھ چھکوں اور چار چوکوں کی مدد سے صرف 43 گیندوں پر 76 رنز بنا کر قومی ٹیم کو قدرے پریشان کردیا۔لیکن اس دوران وکٹوں کے درمیان غلط فہمی کے نتیجے میں پانڈیا پویلین واپسی پر مجبور ہوگئے۔ہردک پانڈیا نے 32 گیندوں پر نصف سنچری مکمل کرکے آئی سی سی کے ٹورنامنٹ کے فائنل میں تیز ترین نصف سنچری بنانے کا ریکارڈ توڈ دیا جو اس سے قبل آسٹریلیا کے ایڈم گلکرسٹ کے پاس تھا۔جدیجا اننگز کے دوران مستقل پریشان نظر آئے اور جنید خان نے اس کا فائدہ اٹھاتے ہوئے انہیں سلپ میں کیچ کرا دیا۔ کھیل کی آخری وکٹ حسن علی نے لے کر بھارتی ٹیم کی بساط لپیٹ دی اور پاکستان کو 180 رنز کی بھاری کامیابی کے ساتھ ہی پہلی مرتبہ چیمپیئنز ٹرافی کا چیمپیئن بنوا دیا۔پاکستان کی شاندار گیند بازی کے باعث بھارتی ٹیم کے سات بلے باز دو ہندسوں میں بھی داخل نہ ہو سکے۔ پاکستان کی جانب سے محمد عامر اور حسن علی نے 3،3، شاداب خان نے 2 اور جنید خان نے ایک وکٹ حاصل کی۔
پاکستانی ٹیم کی شاندار کامیابی کا یہ ایک خاص پہلو ہے کہ اس کے تمام فتح گر کھلاڑی پرانے ثابت نہ ہوسکے بلکہ اصل فتح گر کھلاڑی ٹیم کے نئے کھلاڑی ثابت ہوئے۔ پاکستان کے سینئر کھلاڑی کسی بھی موقع پر ٹیم کو سنبھالنے میں کامیاب نہیں رہے۔ بلکہ اصلاً کھیل میں شاندار کامیابی دکھانے والے تمام کے تمام کھلاڑی جونیئر اور نئے تھے۔ حیرت انگیز طور پر پاکستان نے یہ شاندار فتح بھی جس کپتان کی قیادت میں سمیٹی وہ بھی انتہائی جونیئر اور نئے کپتان تھے۔ کھیل کا یہ پہلو پاکستانی ٹیم کے منصوبہ سازوں کو بھی اپنی جانب متوجہ کرتا ہے۔
مقبوضہ جموں و کشمیر پر بھارتی فوجی قبضے کے 79 برس مکمل ہو گئے، بھارت کے ناجائز قبضے کے خلاف لائن آف کنٹرول کے دونوں اطراف اور پاکستان سمیت دنیا بھر میں کشمیری آج یوم سیاہ منا رہے ہیں۔ بھارتی جبر کے خلاف کُل جماعتی حریت کانفرنس اور دیگر آزادی پسند تنظیموں کی مقبوضہ وادی میں کال...
اسٹیل مینوفیکچررز کو 30 دسمبر 2026 تک جدید مانیٹرنگ سسٹم نصب اور فعال کرنے کی ہدایت کردی گئی سیلز ٹیکس چوری کی روک تھام اور سٹیل کی پیداوار و ترسیل کی مؤثر نگرانی کے لیے فیڈرل بورڈ آف ریونیو (ایف بی آر) نے سٹیل سیکٹر میں مانیٹرنگ کا نظام سخت کرنے کا فیصلہ کرلیا، سٹیل مینوفیکچر...
صوبے میں مردوں کی شرح خواندگی 68 اور خواتین کی 47 فیصد ریکارڈ پنجاب 68 فیصد کے ساتھ سرفہرست، ملک کی مجموعی شرح خواندگی 63 فیصد تک پہنچ گئی پاکستان میں شرح خواندگی کے حوالے سے سندھ نے دوسری پوزیشن حاصل کرلی، جہاں مجموعی شرح خواندگی 58 فیصد ہوگئی ہے۔ صوبے میں مردوں کی شرح خوا...
کورنگی جام صادق پُل پر ٹریلر کی ٹکر سے موٹر سائیکل سوار 40 سالہ وقار ولد مسکین جاں بحق، 35 سالہ اہلیہ شدید زخمی ہو گئی کراچی کے مختلف علاقوں میں ٹریفک حادثات کے نتیجے میں 2 افراد جاں بحق اور 2 زخمی ہو گئے۔ریسکیو سروس کے مطابق کورنگی جام صادق پُل پر ٹریلر کی ٹکر سے موٹر سائیکل ...
دل کی صحت، جسمانی قوت اور وزن کو قابو میں رکھنے میں مددگار، مونگ پھلی میں پروٹین، فائبر، وٹامنز اور اہم معدنیات موجود مونگ پھلی کو غذائیت سے بھرپور اور کم قیمت خشک میوہ جات میں شمار کیا جاتا ہے، جس میں پروٹین، صحت بخش چکنائیاں، وٹامنز، معدنیات اور اینٹی آکسیڈنٹس پائے جاتے ہیں۔...
قطر ائیر کی کراچی اسلام آباد کی دونوں پروازوں نے شیڈول کے مطابق محفوظ لینڈ کیا، ذرائع ایران پر امریکی حملے کی دھمکی کے بعد مشرق وسطی میں جی پی ایس سگنلز میں مداخلت سے فلائٹ ٹریکنگ میں خلل آگیا۔ ذرائع کے مطابق دوحہ سے کراچی اور اسلام آباد کی قطر ائیر کی 2 پروازوں کے نمبرز اور ل...
بیٹا خوف کے باعث خاموش رہا، ٹیچر کیخلاف کیس سامنے آنے پر پوچھ گچھ کی تو مبینہ زیادتی کا انکشاف ہوا، والد سرکاری اسکول میں بچوں سے مبینہ زیادتی اور نازیبا ویڈیوز بنانے کا کیس، اہم پیش رفت سامنے آ گئی۔ پولیس کے مطابق انگلش ٹیچر صفدر عباس کے خلاف ایک اور مقدمہ درج، مقدمات کی تعدا...
حوثیوں کے اہم کمانڈ اینڈ کنٹرول مراکز، انتظامی تنصیبات، مورچوں اور جنگجوں کے اجتماعات کو نشانہ بنایا گیا، ترجمان یمن میں حکومتی فورسز نے 750 سے زائد کارروائیوں میں حوثیوں کو بھاری نقصان پہنچانے کا دعوی کردیا دوسری جانب حوثیوں نے سعودی عرب کے اہم ہوائی اڈوں اور نیول بیس کو نشان...
فیصلہ سعودی عرب کے ہوائی اڈوں اور اہم تنصیبات پر حوثی میزائلوں اور ڈرون حملوں کے بعد کیا گیاامریکا نے سعودی عرب میں سکیورٹی خدشات کے پیشِ نظر اپنے غیر ہنگامی سرکاری ملازمین اور ان کے اہلِ خانہ کو ملک چھوڑنے کی ہدایت کردی۔ عرب ٹی وی کی رپورٹ کے مطابق ریاض میں امریکی سفارت خانے ...
چیئرمین پاکستان تحریک انصاف بیرسٹر گوہر نے فیصلہ سازی میں کور کمیٹی اور سیاسی کمیٹی کو مائنس کرنے کی خبر پر اپنے ردعمل کا اظہار کر تے ہوئے کہاہے کہ فیصلہ سازی میں کور کمیٹی اور سیاسی کمیٹی کو مائنس کرنے کی خبر درست نہیں۔ نجی ٹی وی کے مطابق بیرسٹر گوہر نے تردید کی کہ فیصلہ سازی می...
اینٹی کرپشن حیدرآباد نے مقدمہ درج کرلیا، چیف اکاؤنٹنٹ فواز اشرف شیخ اور جونیئر اکاؤنٹنٹ وقاص بھٹی نامزد، معاملے کی مزید تفتیش جاریحیدرآباد(این این آئی) سندھ زرعی یونیورسٹی ٹنڈو جام میں جنوری 2025 سے اگست 2026 کے دوران پنشن کی مد میں 7 کروڑ 10 لاکھ روپے سے زائد کی مبینہ غیر مجاز ا...
رجسٹرار آفس کے ذریعے درخواست کم از کم 15 روز قبل جمع کرانا ہوگیمہمانوں کو براہِ راست دعوت نامے جاری کرنے پر پابندی، خلاف ورزی پر کارروائی کا انتباہجامعہ کراچی کی انتظامیہ نے یونیورسٹی میں تمام پروگرامز، سیمینارز، کانفرنسز اور دیگر تقریبات کے انعقاد کے لیے وائس چانسلر کی پیشگی منظ...
