... loading ...
نجی شعبے میں پاکستان کا سب سے بڑا ہاؤسنگ ادارہ ہونے کا دعویدار ، بحریہ ٹاؤن کی انتظامیہ نے لاہور میں اپنے 30فیصد ملازمین کو اچانک فارغ کر دیا ہے ۔اس فیصلے کے پس منظر میں ادارے کابڑھتا ہوا مالی بحران بتایا جا رہا ہے۔
بحریہ ٹاؤن کے اندرونی ذرائع نے وجود ڈاٹ کام کو انکشاف کیا ہے کہ بحریہ ٹاؤن نے اپنے لاہور آفس سے کم و بیش 30فیصد ملازمین کو ملازمت سے فراغت نامے تھما دئیے ہیں جن کی تعداد لگ بھگ 1500بنتی ہے۔تفصیلات کے مطابق ان میں زیادہ تر وہ ملازمین شامل ہیں جن کا تعلق چھوٹے گریڈ سے ہے اور وہ کم تنخواہ پر کام کرتے ہیں۔ اہم بات یہ ہے کہ بہت سے ملازمین کو نوکری سے برخاست کرنے کی وجہ بھی نہیں بتائی گئی جب کہ کچھ کو یہ وجہ بتائی گئی ہے کہ ادارہ مالی مشکلات سے دوچار ہے۔
بحریہ ٹاؤن لاہور کے ایک ملازم نے نام ظاہر نہ کرنے کی شرط پر بتایا کہ وہ افسران جو بھاری تنخواہوں پر کام کر رہے ہیں وہ نہ صرف بدستور اپنی ملازمتوں پرموجود ہیں بلکہ تنخواہ کیساتھ ساتھ دیگر مراعات سے بھی لطف اندوز ہو رہے ہیں۔ دوسری طرف بہت سے عہدوں پر اضافی لوگ کام کر رہے ہیں۔ اگر نکالنا ہی مقصود ہے تو ان میں سے صرف چند کو فارغ کر کے ادارے کا مالی بوجھ کم کیا جا سکتا تھا ۔ان کا کہنا ہے کہ ایک ایک عہدے پر دو دو لوگوں کی تقرری کی منطق سمجھ سے بالاتر ہے۔ مذکورہ ملازم کا کہنا تھا کہ یوں تو بحریہ ٹاؤن فلاحی ادارہ ہونے کا دعوے دار ہیں جو لوگوں کی مدد کرنے میں پیش پیش رہتا ہے مگر دوسری طرف وہ لوگوں کو بے روزگار کرکے غریب ملازمین کے گھروں کے چولہے ٹھنڈے کر رہا ہے۔
بحریہ ٹاؤن پر بُرا وقت اُس وقت شروع ہوا تھا جب جنرل راحیل شریف نے چند حاضر سروس اور حالیہ ریٹائرڈ شدہ جرنیلوں کی رئیل اسٹیٹ کے شعبے میں بڑھتی ہوئی دلچسپی پر گرفت کی اور بحریہ ٹاؤن کے مالک ، ملک محمد ریاض کو وہ پینتیس ارب روپے واپس کرنے کا حکم دیا تھا جو بحریہ ٹاؤن انتظامیہ نے ڈیفنس ہاؤسنگ اتھارٹی کے ترقیانی پارٹنر اور ٹھیکیدار کے طور پر’’ڈی ایچ اے سٹی ‘‘ اور ’’ ڈی ایچ اے ویلی ‘‘ جیسے منصوبوں کے نام پر ایک قیمتی زمین کو نگلنے کی صورت میں ہضم کر گئے تھے۔ اگرچہ اس رقم کوبعد ازاں برطانیا کے رئیل اسٹیٹ کے شعبے میں لگا کر اسے کئی گنا کر لیا گیا تا ہم اصل زر اور منافع کبھی بھی پاکستان واپس نہ آ سکا۔ ان منصوبوں کے متاثرین میں سے اکثریت کا تعلق فوج کے حاضر سروس اور ریٹائر ڈ افسران سے تھا۔ ملک ریاض کو نہ صرف یہ رقم واپس کرنا پڑی بلکہ ٹیکس کی مد میں چوری کئے گئے تقریبا ً انیس ارب روپے بھی واپس لوٹانا پڑے تھے۔ واضح رہے کہ اس کا انکشاف وجود ڈاٹ کام نے ہی رواں برس ۳۰ ؍ اکتوبر کی ایک رپورٹ میں کیا تھا۔
یہ امر بھی قابلِ ذکر ہے کہ بحریہ ٹاؤن لاہور میں گھر بنا کر بیچنے والے چھوٹے چھوٹے ٹھیکیدار بھی اس کی گرتی ساکھ سے متاثر ہو رہے ہیں اور ان کے کاروبار بھی عملی طور پر ٹھپ ہو گئے ہیں۔ تیس فی صد اسٹاف کی کمی اس بات کا اعلان ہے کہ کمپنی واقعی بحران میں جا چکی ہے۔
ایرانی تیل کی پاکستان میں اسمگلنگ پر سیکیورٹی ادارے کی رپورٹ میں اہم انکشافات سامنے آگئے ۔پاکستان میں ایرانی تیل کی اسمگلنگ کے بارے میں رپورٹ منظرعام پر آگئی ہے جس میں کہا گیا کہ پاکستان میں سالانہ 2 ارب 80 کروڑ لیٹر ایرانی تیل اسمگل کیا جاتا ہے اور اسمگلنگ سے قومی خزانے کو سالان...
سندھ کابینہ نے رینجرز کی کراچی میں تعیناتی کی مدت میں 180 دن کے اضافے کی منظوری دے دی۔ترجمان حکومت سندھ نے بتایا کہ رینجرز کی کراچی میں تعیناتی 13 جون 2024 سے 9 دسمبر 2024 تک ہے ، جس دوران رینجرز کو انسداد دہشت گردی ایکٹ 1997 کے تحت اختیارات حاصل رہیں گے ۔کابینہ نے گزشتہ کابینہ ا...
بھارتی وزیراعظم نریندر مودی انتخابات میں کامیابی کے لیے بھارتی مسلمانوں اور پاکستان کو دھمکی دے رہے ہیں ۔ دی وائر کے مطابق بی جے پی نے آفیشل انسٹاگرام ہینڈل کے ذریعے مودی کی ایک ویڈیو جاری کی ہے جس میں مودی کہتے ہیں کہ اگر کانگریس اقتدار میں آئی تو وہ ہندؤں کی جائیداد اور دولت م...
اسرائیلی وزیراعظم نیتن یاہو نے کسی بھی صورت غزہ میں جنگ بندی تسلیم کرنے سے انکار کردیا۔غیرملکی خبررساں ادارے کے مطابق امریکی وزیر خارجہ انٹونی بلنکن سے ملاقات میں انہوں نے کہا کہ کوئی ایسا معاہدہ تسلیم نہیں جس میں جنگ کا خاتمہ شامل ہو۔اسرائیلی وزیراعظم کا کہنا تھا کہ حماس نے جنگ ...
جمعیت علمائے اسلام (جے یو آئی)کو کراچی میں جلسے کی اجازت نہیں ملی اس حوالے سے ڈپٹی کمشنر شرقی نے بتایا کہ جے یو آئی کو ایس ایس پی ایسٹ کی رپورٹ پر جلسہ کرنے کی اجازت نہیں دی گئی۔ ایس ایس پی ایسٹ کی رپورٹ میں کہا گیا ہے کہ شہر میں حالیہ دہشت گردی کے واقعات کے پیش نظر بڑے عوامی اجت...
وزیر اعلیٰ خیبر پختونخوا علی امین گنڈاپور نے کہا ہے کہ کوئی بات ہوگی تو سب کے سامنے ہوگی اور کوئی بات چیت کسی سے چھپ کر نہیں ہوگی،بانی پی ٹی آئی نے نہ کبھی ڈیل کی ہے اور نہ ڈیل کے حق میں ہیں، یہ نہ سوچیں کہ وہ کرسی کیلئے ڈیل کریں گے ۔میڈیا نمائندگان سے گفتگو کرتے ہوئے علی امین گن...
فلسطینیوں پر اسرائیلی مظالم کے خلاف طلبہ کے احتجاج کا سلسلہ دنیا بھر کی جامعات میں پھیلنے لگا۔امریکا، کینیڈا، فرانس اور آسٹریلیا کی جامعات کے بعد یونان اور لبنان کی جامعات میں بھی طلبہ نے غزہ میں اسرائیلی جارحیت کے خلاف مظاہرہ کیا۔امریکی جامعات میں احتجاج کا سلسلہ تیرہویں روز بھی...
غزہ میں مظالم کے خلاف اسرائیل کی مبینہ حمایت کرنے والی کمپنیوں کے بائیکاٹ کی مہم میں شدت آتی جا رہی ہے ۔ معروف امریکی فوڈ چین کے ایف سی نے ملائیشیا میں اپنے 100 سے زائد ریستوران عارضی طور پر بند کرنیکا اعلان کر دیا۔غیر ملکی میڈیا کے مطابق ملائیشیا میں امریکی فوڈ چین کی فرنچائز کم...
جمعیت علمائے اسلام کے سربراہ مولانا فضل الرحمان نے وزیراعظم شہباز شریف اور وزیراعلیٰ پنجاب مریم نواز کے شوہر کیپٹن (ر) صفدر کو طنز کا نشانہ بنایا ہے ۔لاہور میں فلسطین کانفرنس سے خطاب میں مولانا فضل الرحمان کا کہنا تھاکہ یہاں بلاوجہ شہباز شریف کی شکایت کی گئی اس بیچارے کی حکومت ہی...
وزیراعظم شہباز شریف نے کہا ہے کہ کرپشن کا ملک سے خاتمہ ہونے والا ہے ، ہم سب مل کر پاکستان کو انشااللہ اس کا جائز مقام دلوائیں گے اور جلد پاکستان اقوام عالم میں اپنا جائز مقام حاصل کر لے گا۔لاہور میں عالمی یوم مزدور کے موقع پر اپنی ذاتی رہائش گاہ پر تقریب سے خطاب کرتے ہوئے وزیرِ ا...
غیر قانونی طور پر بھارت کے زیر قبضہ جموں و کشمیر میں بی جے پی کے رہنما راجوری اور پونچھ میں مسلمانوں کو دھمکیاں دے رہے ہیں کہ وہ یا تو سنگھ پریوار کے حمایت یافتہ امیدوار کو ووٹ دیں یا1947 جیسی صورتحال کا سامنا کرنے کے لیے تیار رہیں۔ کشمیرمیڈیاسروس کے مطابق 1947میں جموں خطے میں ہن...
پی ٹی آئی نے جمعیت علما اسلام کے سربراہ مولانا فضل الرحمان سے فوری رابطے کا فیصلہ کیا ہے ۔ذرائع کے مطابق تحریک انصاف نے مولانا فضل الرحمان سے فوری رابطے کا فیصلہ کیا ہے ، جے یو آئی ف کے سربراہ کو احتجاجی تحریک میں شامل ہونے کے لیے باقاعدہ دعوت دی جائے گی۔ذرائع کے مطابق مذاکراتی ک...