... loading ...
... loading ...
پاکستان پیپلز پارٹی (پی پی پی) کے رہنما مخدوم امین فہیم طویل علالت کے بعد 76 برس کی عمر میں کراچی کے ایک نجی ہسپتال میں انتقال کر گئے۔وہ طویل عرصے سے بلڈ کینسر کے عارضے میں مبتلا تھے ۔ مخدوم امین فہیم کا ایک طویل عرصے سےلندن میں علاج جاری تھاجہاں سے وہ حال ہی میں کراچی منتقل ہوئے تھے اور ایک ہسپتال میں زیر علاج تھے۔
مخدوم امین فہیم 4اگست 1939 ء کوضلع مٹیاری کے علاقے ہالا میں پیدا ہوئے۔وہ سندھ کے بااثر جاگیردار گھرانے سے تعلق رکھتے تھے۔ سندھ یونیورسٹی سے 1961 میں گریجویشن کیا ۔ مخدوم امین فہیم پہلی بار 1970 کے عام انتخابات میں رکنِ قومی اسمبلی منتخب ہوئے۔اُنہوں نے 1977ء سے 2013ء تک آٹھ بار انتخابات میں حصہ لیا۔ وہ اب تک چھ مرتبہ رکن منتخب کیے جاچکے تھے۔ وہ بے نظیر بھٹو کے دورِ اقتدارمیں 1988ء سے اگست 1990ء تک وزیراطلاعات بھی رہے۔وہ 1994 ء سے 1996 ء تک دوسرے دور حکومت میں ہاؤسنگ اینڈ پبلک ورکس کے وفاقی وزیر بھی رہے۔ اُنہیں 2008ء میں وزارتِ صنعت کا قلمدان بھی سونپا گیا۔
پاکستان پیپلز پارٹی سے وابستگی مخدوم امین فہیم کو سیاسی ورثے میں ملی تھی،اُن کے والد مخدوم محمد زمان المعروف مخدوم طالب المولیٰ پیپلز پارٹی کے بانیوں میں شامل ہونے کے ساتھ ساتھ اس کے سینئر نائب صدر بھی رہے۔ مخدوم امین فہیم پاکستان پیپلز پارٹی کے سینئر نائب چیئرمین کے علاوہ پاکستان پیپلز پارٹی پارلیمنٹیرینز کے صدر بھی تھے۔ یہ جماعت الیکشن کمیشن میں خود اُن کے نام سے ہی رجسٹرڈ تھی۔ مخدوم امین فہیم پیپلز پارٹی کی چیئر پرسن محترمہ بینطیر بھٹو کے قابلِ اعتماد ساتھی تصور کیے جاتے تھے۔ پرویز مشرف کے دور اقتدار میں جب بے نظیر بھٹو خود ساختہ جلاوطنی میں تھیں تو مخدوم امین فہیم نے اس اعتماد کو پوری طرح نبھایا۔ اور بے نظیر بھٹو کے پرویز مشرف سے تمام معاملات طے کرنے میں پوری وفاداری سے مدد دی۔ یہاں تک کہ پیپلز پارٹی پیٹریاٹ کے نام سے جنم لینے والی مشرف کے دور کی یاد گار پارٹی کے ساتھ خود مخدوم امین فہیم کو بھی مشرف کے زمانے میں پیپلز پارٹی سے توڑنے کی کوششیں ہوئی اور اُنہیں وزیر اعظم کے منصب کی بھی پیشکش کی گئی، مگر مخدوم امین فہیم نے پیپلز پارٹی سے اپنے تعلق کو استوار رکھا ۔
بینظیر بھٹو کے قتل کے بعدجب پیپلز پارٹی کی عملی سربراہی آصف علی زرداری نے سنبھالی تو مخدوم امین فہیم کا کردار محدود سے محدود تر ہوتا چلا گیا۔اس دوران میں پارٹی قیادت سے اُن کے اختلافات کی خبریں بھی بہت مشہور ہوئیں۔ یہاں تک کہ 2008 ء میں وزارتِ عظمیٰ کے امیدوار کے طور پر بھی ان کا نام مسترد کردیا گیا۔ مشرف دور میں وزارتِ عظمیٰ کی پیشکش کو ٹھکرانے والے مخدوم امین فہیم اُ س وقت وزیراعظم کے منصب کے لئے سب سے بڑھ کر موزوں امیدوار سمجھے جارہے تھے۔ مگر پیپلز پارٹی کے اندرونی حلقوں میں اُنہیں مسترد کرنے کا سبب ہی ماضی میں پرویز مشرف سے ان کے رابطے بتائے گئے۔ مگر پھر آصف علی زرداری نے اُن کی ضرورت محسوس کی اور مخدوم امین فہیم کی اورپارٹی قیادت کے درمیان قربتیں بڑھنے لگیں۔ اور بآلاخر انہیں وفاقی کابینہ میں بطور وفاقی وزیرِ تجارت شامل کرلیا گیا۔ مخدوم امین فہیم سروری جماعت کے روحانی پیشوا اور مخدوم طالب المولیٰ کے گدی نشین بھی تھے۔
مخدوم امین فہیم ذاتی طور پر ایک نفیس آدمی کی شہرت رکھتے تھے۔ مگر اُ ن کی سیاسی زندگی اور سیاسی فیصلوں کے بارے میں ماہرین کی آرا ملی جلی ہیں۔ اُن کی زندگی کے آخری دنوں میں وہ بھی بدعنوانی کے ایک مشہور مقدمے میں ملوث پائے گئے۔ اور اُن کی سیاسی زندگی کے متعلق بعض فیصلے نشانہ تنقید بنے۔
گزشتہ دنوں پیپلز پارٹی کے چیئرمین بلاول بھٹو زرداری اور دیگر اہم رہنماؤں نے ان سے ہسپتال میں ملاقات بھی کی تھی۔مخدوم امین فہم کے انتقال کی خبر نشر ہونے کے بعد پارٹی کے رہنماؤں اور کارکنوں کی بڑی تعداد نے ہسپتال کا رخ کیا۔خاندانی ذرائع کے مطابق ان کی میت کو ان کے آبائی علاقے ہالا منتقل کیا جائے گا اور ان کی نماز جنازہ اور تدفین کے حوالے سے مشاورت کے بعد اعلان کردیا جائے گا۔مخدوم امین فہیم کے انتقال پر اپنے خیالات کا اظہار کرتے ہوئے پیپلز پارٹی کے سینئر رہنما تاج حیدر کا کہنا تھا کہ مخدوم امین فہیم انتہائی دلیر انسان اور پارٹی کے لیے مشعل راہ تھے۔
تاج حیدر نے کہا کہ جمہوریت کا ایک اہم سپاہی ’آج ہم میں نہیں رہا‘ اور مخدوم امین فہیم کے انتقال سے پیدا ہونے والا خلا کبھی پُر نہیں کیا جاسکے گا۔پیپلزپارٹی کے سینئر رہنما کا کہنا تھا کہ مخدوم امین فہیم ایک شاعر بھی تھے اور انھوں نے اپنی ساری زندگی جمہوریت کی بالا دستی اور سیاسی جدوجہد میں گزاری۔
مذاکرات کا دوسرا مرحلہ جمعہ سے پہلے متوقع، اسلام آباد کے ہوٹلز کو مہمانوں سے خالی کروانے کا فیصلہ ، کسی نئی بکنگ کی اجازت نہیں، ریڈ زون کی سڑکیں عارضی طور پر بند، ذرائع ایران سے ایک یا دو دن میں معاہدہ طے پانے کا امکان ، میرے نمائندے آج اسلام آباد پہنچ جائیں گے، میں شاید بعد م...
پاکستان ہمارا گھر، کسی جاگیردار یا بیوروکریٹس کی ملکیت نہیں، امریکی صدرٹرمپ کی سفارتکاری دیکھیں ایسا لگتا ہے کوئی بدمعاش ہے، الفاظ اور لہجہ مذاکرات والا نہیں،سربراہ جے یو آئی جب تک فارم 47 کی غیرفطری حکمرانی رہے گی، تب تک نہ تو مہنگائی کم ہوگی اور نہ ہی حقیقی استحکام آئے گا، غ...
محکمہ تعلیم سندھ نے مخصوص مونوگرام یا لوگو والی نوٹ بکس خریدنے کی شرط بھی غیر قانونی قرار دیدی اسکول کے اندر کسی قسم کا اسٹال یا دکان لگا کر اشیا بیچنا اب قانونا جرم ہو گا،محکمہ تعلیم کا نوٹیفکیشن جاری نجی اسکولوں میں پڑھنے والے طلبا کے والدین کو بڑا ریلیف مل گیا،اسکول انتظام...
شہباز شریف سے فون پر گفتگو،وزیراعظم اور فیلڈ مارشل کی امن کوششوں پر اظہار تشکر خوشگوار گفتگو کے دوران دونوں رہنماؤں کا خطے کی موجودہ صورتحال پر تفصیلی تبادلہ خیال وزیراعظم شہباز شریف کا صدرِ اسلامی جمہوریہ ایران سے ٹیلیفونک رابطہ ہوا۔ وزیراعظم محمد شہباز شریف نے آج شام اسلا...
چیئرمین پی ٹی آئی نے اعتماد سازی کیلئے بانی کی فیملی، کوٹ لکھپت جیل میں اسیر رہنماؤں سے ملاقاتیں شروع کردیں،بانی پی ٹی آئی کی فیملی جیل کے باہر متنازع گفتگو نہ کرنے پر راضی ہوگئی پارٹی بشریٰ بی بی کے ایشو کو لیکر کوئی متنازع پریس کانفرنس نہیں کرے گی، سوشل میڈیا پیغامات جاری ن...
عوامی مفادات کو پسِ پشت ڈال کرامریکی دبائو کومودی سرکار نے سرتسلیم خم کرلیا بھارت کی خارجہ پالیسی واشنگٹن کے رحم وکرم پرہے، بھارتی چینلاین ڈی ٹی وی عوامی مفادات کو پسِ پشت ڈال کرامریکی دباؤ کیسامنے مودی سرکار نے سرتسلیم خم کردیا ہے۔ بھارتی چینل این ڈی ٹی وی کے مطابق امریکہ ن...
سندھ حکومت فسطائیت بند کرے، کراچی والے اپنا حق مانگتے رہیں گے تو کیا کل شہریوں کو یہ نعرہ لگانے پر گرفتار بھی کیا جائے گا، حافظ نعیم الرحمن امیرجماعت اسلامی پاکستان حافظ نعیم الرحمن نے کہا ہے کہ پیپلز پارٹی کراچی میں حق دو کراچی کے بینرز چھاپنے پر دکانیں سیل کرنے کی دھمکی دے ...
رجب طیب ایردوان ودیگر سے عالمی سطح اور خطے کی کشیدہ صورتحال پر تبادلہ خیال وزیرِ اعظم شہبازشریف نے ترک صدر رجب طیب ایردوان، میر قطر شیخ تمیم بن حمد آلثانی قازقستان کے صدر قاسم جومارت توکائیف، آذربائیجان کے صدر الہام علیئف، شامی صدر احمد الشرح سے ملاقاتیں کیں۔وزیر اعظم کی قطر ک...
وزیرِ اعظم کی انطالیہ ڈپلومیسی فورم میں شریک عالمی رہنمائوں سے غیر رسمی ملاقاتیں رجب طیب ایردوان ودیگر سے عالمی سطح اور خطے کی کشیدہ صورتحال پر تبادلہ خیال وزیرِ اعظم شہبازشریف نے ترک صدر رجب طیب ایردوان، میر قطر شیخ تمیم بن حمد آلثانی قازقستان کے صدر قاسم جومارت توکائیف، آذر...
لبنان میں جنگ بندی کے بعد آبنائے ہرمز سیزفائر کی مدت کے دوران تجارتی بحری جہازوں کیلئے کھلی رہے گی، ایرانی پورٹ اور میر ی ٹائم آرگنائزیشن کے طے کردہ راستوں سے گزرنا ہوگا، عباس عراقچی بحری ناکہ بندی پوری طاقت سے برقرار رہے گی، یہ اس وقت تک جاری رہے گی جب تک ایران سے ہمارا لین دین...
مذاکرات صرف پاکستان میں ہوں گے، کہیں اور نہیں ،ایران خطے میں بالادستی نہیں چاہتا خودمختاری کا تحفظ چاہتا ہے، پاکستان غیر جانبدار ثالث قرار،ایرانی سفیرکا خطاب ایرانی سفیر رضا امیری مقدم کا کہنا ہے کہ ہم پاکستان پر اعتماد کرتے ہیں، امریکا پر نہیں۔ مذاکرات صرف پاکستان میں ہوں گے...
صدر ٹرمپ تہران کو جوہری ہتھیار تیار کرنے کی اجازت نہیں دیں گے پابندیوں سمیت دیگر اقدامات بدستور زیرِ غور ہیں، ڈپٹی چیف آف اسٹاف وائٹ ہائو س کے ڈپٹی چیف آف اسٹاف اسٹیفن ملر نے کہا ہے کہ صدر ٹرمپ ایران کے ساتھ معاہدے کے خواہاں ہیں اور پرامن حل کو ترجیح دیتے ہیں، تاہم وہ تہران ک...
