وجود

... loading ...

وجود
وجود

پیش گوئیوں،شہادتوں اورفیصلوں کے دن

جمعرات 14 ستمبر 2023 پیش گوئیوں،شہادتوں اورفیصلوں کے دن

سمیع اللہ ملک
خوفزدہ،سہمے ہوئے،دولت اورآسائش سے پروردہ لوگو ں کی محفل ان دنوں دیدنی ہے۔ان کے تبصرے عین اس شخص کی صورت ہیں ، جس نے ایک خوبصورت،تما م ضروریات زندگی اورآسائشوں سے مزین ایک گھربنایاہو،ایک ایساگھرجس میں اس کی نسلوں تک قائم ودائم رہنے کی صلاحیت موجودہولیکن اچانک دورسے ایک طوفان اٹھتاہوادکھائی دے، سیلاب کاکوئی ریلااس کی جانب بڑھے یاآتش فشاں کے لاوے کی زد میں وہ گھرآتاہوادکھائی دے،ایسے میں اس شخص کی حالت دیدنی ہوتی ہے۔کبھی اس شخص کو کوس رہاہوتاہے جس نے اسے یہاں گھربنانے کامشورہ دیاتھا،کبھی نقشہ نویس کوگالیاں دیتاہے اورکبھی اس گھرپراتناسرمایہ خرچ کرنے پراپنے آپ کولعنت ملامت کررہاہوتاہے،جب اسے اس بات کایقین ہوجائے کہ اب گھرآفت کی زدمیں آکرخس وخا شاک ہوجائے گااوروہ بس اسے دیکھتاہی رہ جائے گا۔
ایسی حالت آج کل ان لوگوں کی ہے جنہوں نے اس مملکت خداداد پا کستان کواپنے آرام،دولت کی ہوس،تعیش کی لت اوراقتدارکی طلب کیلئے منتخب کیاتھا۔جن کے تما م اثاثے تو ملک سے باہرہیں لیکن ان کی عزت وآبرواورپہچان اس ملک سے وابستہ ہے،یاپھروہ لوگ جنہوں نے دولت اورآسائش کی چادراپنے اردگردتان رکھی ہے اورانہیں کہیں بھوک، افلاس،غربت،بیماری اورنا دا ری نظرنہیں آتی۔ یہ ان دنوں عجیب وغریب تبصرہ کر تے ہیں۔ان کی زبا نیں لڑکھڑاتی ہیں اورغصے کے عا لم میں ان کے ہونٹ خشک ہوجا تے ہیں۔ کہیں گے دیکھوامریکاکتنی بڑی طا قت ہے،وہ تمہاراکچومرنکال دے گا۔یہ واحدسپرطاقت کازمانہ ہے۔کوئی تمہا ری مددکونہیں آئے گا۔اگرتم سمجھتے ہوکہ چین اپنے مفادات کے تحفظ کیلئے جنگ میں پاکستان کے ساتھ کھڑاہوگاتویہ تمہاری بھول ہے،وہ تائیوان جس کواپناحصہ سمجھتا ہے، ہزاروں میل دوربیٹھے امریکاکی وجہ سے اس میں مداخلت کی جرأت نہیں کرتاتوبھلاتمہاری مددکوکیاآئے گا۔ کبھی ان لوگوں پربرس پڑتے ہیں کہ سب جہادی پاگل ہیں،یہ طالبان فرسودہ لوگ ہیں،انہوں نے ہمیں ہی نہیں بلکہ پوری امت مسلمہ کوبدنام کرکے رکھ دیاہے،کہیں کا نہیں چھوڑا۔کبھی افغان جہادکولعنت ملامت کریں گے کہ ہزاروں میل دوربیٹھے امریکاکی محبت میں گرفتارہوکرہم نے 167بلین ڈالر کا جہاں نقصان کیا وہاں 87ہزارافرادکی قربانیاں دیکربھی امریکاکوخوش نہ کرسکے اورآج وہ ہمارے ازلی دشمن بھارت کے ساتھ شیروشکرہے اورپاکستان کی سا لمیت اورخودمختاری کوسب سے بڑاخدشہ بھی امریکاکی ریشہ دوانیوں سے پہنچ رہاہے اورجن طالبان کے لیے ہم نے اتنی قربانیاں دیں،کئی برس سے ان کی میزبانی کررہے ہیں لیکن آج وہاں سے دشمن ممالک کے ایماء پر ارضِ وطن کوتاراج کرنے کیلئے آئے روز دہشت گردی ہورہی ہے اورافغان طالبان انہیں روکنے پرمائل دکھائی نہیں دیتے۔
سرپردوہتڑ پیٹ کرکہیں گے،کاش ہم اس میں حصہ نہ لیتے تویہ دن دیکھنانہ پڑتے۔ہم اس جنگ میں حصہ لینے کے بجائے شروع دن سے روس کے ساتھ دوستی کرلیتے،لیاقت علی سوویت یونین کے دورہ کی دعوت کوردکرکے امریکاکی وفاداری کادم نہ بھرتے توآج ہندوستان کے بجائے پاکستان اس کابہترین دوست ہوتااورکشمیرکامسئلہ بھی حل ہوجاتا۔اوروہ سوویت یونین کی شکل میں قائم رہ کرکم ازکم امریکاکے مقابلے ہماری پشت پرکھڑاہوتا۔اپنے نصیبوں کوروتے ہوئے یہ لوگ پا کستان کے وجود،اس کے قیام اوراس کے مقصد تک کولا یعنی گردانتے ہیں اورپھرمستقل تبصرہ کرتے ہوئے کہتے ہیں کہ یہ بناہی اس لئے تھاکہ ٹوٹ جائے یاختم ہوجائے،کوئی آمریت کو ذمہ دار ٹھہراتا ہے اورکوئی لولی لنگڑی جمہوریت کو۔پھرتان اس بات پر ٹوٹتی ہے کہ یہ معاشیات کی دنیاہے۔ابھی ملک دیوالیہ ہورہا تھا،دن رات آئی ایم ایف کے پاؤں پکڑنے سے بھی بات نہیں بن رہی تھی ،تمہارا سابقہ وزیرخزانہ اسحاق ڈارجوملک میں پاؤں رکھتے ہی آئی ایم ایف کوآنکھیں دکھارہاتھا،بالآخراسلام آبادمیں امریکی سفیرکے چرنوں کاہاتھ لگاکرمددکیلئے فریادکناں دکھائی دیا جس کے بعدناک کی لکیریں نکلوا کر 9 مہینے کیلئے اسٹینڈبائی قرضہ کے ساتھ ایسی شرائط منوائیں کہ اپنے ہی ملک کااسٹیٹ بینک اب ان کی شرائط پرعمل کرتے ہوئے نہ صرف ہماری نگرانی کرے گابلکہ تمام شرائط منوانے کاپابندبھی بنائے گا۔یہ ہے تمہاری اوقات اور چلے ہیں امریکاکوانکھیں دکھانے۔
پہلے اپنی غربت دیکھو،اپنی مفلسی اورناداری دیکھواورمقابلہ امریکاجیسی عالمی طاقت سے جس کی کمپنیاں پوری دنیاپرچھائی ہوئی ہیں۔ بابا یہ جدیدٹیکنالوجی کا زمانہ ہے۔تم فرسودہ لوگ،نہ علم رکھتے ہونہ ہی کوئی دولت کی ریل پیل اورنہ ہی جدیدٹیکنالوجی!تم کیامقابلہ کروگے؟بس خاموش رہو،چپ کرکے زند گی کے دن پورے کرو،کیوں خود بھی تباہ ہوتے ہو اورہمیں بھی غارت کرتے ہو۔ان لوگوں میں اہل علم بھی ہیں،اہل ثروت بھی اوراہل دانش بھی۔مفکربھی ہیں،کالم نگاربھی اورصحافی بھی۔سب طوفان کوا پنی جانب بڑھتادیکھ کرایک ہذیان میں مبتلا ہیں۔ جانتے ہیں کہ یہ سب کچھ ہونے والاہے لیکن دنیااوراس کے مال و آسائش سے وا بستہ بزدلی کچھ ہمت پکڑنے ہی نہیں دیتی۔ لیکن خوف کی دلدل میں ڈوبتے لوگوں کوتاریخ کایہ سبق کون پڑھائے کہ اگرمعاشی برتری کسی کوتحفظ دینے کے قابل ہوتی تو ہندوستان پرجب چاروں جانب سے مغربی طا قتیں بھوکے بھیڑیوں کی طرح ٹوٹ پڑی تھیں تواس زما نے میں اس کوسونے کی چڑیا کہاجا تاتھا۔بقول لارڈ میکالے مجھے پورے ہندوستان میں کوئی فقیرنظرنہیں آیااورنہ کوئی چور،اور پھراسی برٹش ہندوستان میں امرء ا اورروساء کایہ حال تھاکہ دلی کے با زاروں میں گڈچلاتے تھے یاسامان اٹھاکرمزدوریاں کرتے تھے۔عام آدمی توپہلے بھی اسی طرح پسینہ بہاکر رزق کماتاتھا،اس کی بلاسے،نہ اس کی جائیدادتھی جوکوئی لوٹتااورنہ ہی عزت وتوقیرتھی جوکوئی چھینتا۔جوعلم اورٹیکنا لوجی کی با تیں کرتے ہیں،انہیں شایدعلم نہیں کہ تاریخ جنگ جیتنے کیلئے ان دونوں چیزوں کوکسی کھا تے میں نہیں ڈالتی۔
جب چنگیز خان نے غربت اورافلاس کے مارے ہوئے منگولوں کودنیافتح کرنے کیلئے اکٹھاکیاتھاتوان کے پاس دو وقت کی روٹی کھانے کے بھی وسائل نہیں تھے۔بس گھوڑے تھے اوراپنے کم علم لوہاروں کی بنائی ہوئی تلواریں۔جبکہ دوسری جانب بحری جہازوں، رسدگاہوں،دور تک مار کرنے والی منجنیقوں اوردورتک آگ کے گولے پھینکنے والی توپوںکاوافرذخیرہ موجود تھا۔ بغداد،بصرہ،استنبول اور قاہرہ کے کتب خانے،یونیورسٹیاں اورسا ئنسی تجربہ گا ہیں ،اپنے زمانے کی جدیدترین ٹیکنالوجی پڑھارہی تھیں بلکہ تخلیق کررہی تھیں لیکن چنگیزخان ان ممالک کویوں روندتاہواگزراکہ شہروں کے شہرکھائے ہوئے بھس اورجلے ہوئے شمشان گھاٹ کی طرح ہوگئے تھے۔
تا ریخ کی اوربہت سی گواہیاں ہیں لیکن جن کے تصورمیں مرنجامرنج زندگی اورصبح وشام کاسہ لیسی رچ بس گئی ہو،انہیں کون سمجھائے کہ کیاہم ویت نام سے بھی گئے گزرے ہیں جس کے زخم آج تک امر یکاچاٹ رہاہے۔ابھی کل ہی کی توبات ہے کہ امریکا اپنے تمام اتحادیوں سمیت اپنی منی ایٹم بموں کے ساتھ افغانستان کاتورابورابناکریہ دعوی کرتاتھاکہ اگلے چنددنوں میں افغانستان کے گلی کوچے بھی اگلی صدی تک امریکی کالونی کے طورپرسرنگوں رہیں گے اوراس کے تمام پڑوسی بشمول پاکستان اورایران ہماری مرضی کے مطابق ہماری گزرگاہوں کاکام سرانجام دیں گے تاکہ امریکاسوویت یونین سے الگ ہونے والی ریاستوں کاساراپٹرول اور افغانستان کی تمام معدنیات کواپنے تصرف میں لائے گا۔ ڈونالڈ ٹرمپ نے توافغانستان میں”تمام روایتی بموں کی ماں”نامی بم گرانے میں لمحہ پھرتاخیرنہیں کی جبکہ اس خوفناک بم کے اثرات ابھی تک گردوپیش کی آبادی بھگت رہی ہے لیکن ان سب غیرانسانی،غیرقانونی حربوں کے باوجودتاریخ میں یہ رقم ہوگیاکہ کون رسواہوااورکون فتح یاب ہوا۔
آج واشنگٹن میں کیپیٹل ہل کے سا منے گول سی سیاہ سنگ مرمرکی دیوارہے جس پران ہزاروں مرنے والوں امریکی فوجیوں کے نام درج ہیں۔انہیں کون بتائے کہ 1901سے امریکانے دنیاکے ملکوں پراپنے تسلط کاآغازکیااوراب تک32ممالک میں جارحیت کامرتکب ہوالیکن جس ملک میں گیاوہاں سے ذلت ونامرادی سے واپس لوٹابلکہ ویت نام سے توہیلی کاپٹروں سے لٹک کروہاں سے راہِ فرار اختیارکرناپڑی۔کیاہماری سکت جنوبی امریکاکے چھوٹے چھوٹے ملکوں،چلی،ہنڈوراس،نکاراگوا،بولیویااوروینزویلاسے بھی کم ہے،ہر گزنہیں!انہیں اندازہ نہیں کہ اگرامریکااس مملکت خداداپاکستان میں داخل ہواتویہ پھرمحاذجنگ ،یہ وارتھیٹرگلگت،بلتستان سے چترال کے دشوارگزارراستوں،پامیرکے پہا ڑوں،کابل کی وادیوں اورمزارشریف کے بازاروں سے نکل کربحیرہ عرب تک جاپھیلے گا۔ جسے ہم سرحد کہتے ہیں،وہ جہاں امریکیوں کیلئے ختم ہوگی وہاں اس سے لڑنے والوں کیلئے بھی ملیامیٹ ہوجائے گی اوردنیا کی کوئی فوج اتنے بڑے میدان جنگ میں،کوچوں،قریوں اورکھلیانوں میں لڑنے کی صلاحیت نہیں رکھتی۔ایک بڑے کوبرے سا نپ کی طرح ہر جگہ اپنی ریڑھ کی ہڈی تڑوائے گی۔
ظالم جب ظلم کرتاہے تواس کی آنکھوں پرپٹی بندھ جاتی ہے،عقل ماؤف ہوجاتی ہے کہ کبھی وہ بھی ظلم کوشکارہوسکتاہے۔مظلوم کی آہٹ سات آسمانوں سے اوپرعرش تک پہنچتی ہے توپھرربِ کریم اس کوعزت کالباس پہناکرذلت کے گڑھے میں پھینک دیتاہے۔پھراس کی سیدھی بھی الٹی پڑتی ہے۔آپ دو مثالیں ملاحظہ کریں۔
ابو مسلم خراسانی عرب دنیاکاچالاک عیارشخص تھا۔ بنوامیہ کابدترین اورازلی دشمن تھا۔اس نے بنوامیہ کی سلطنت پارہ پارہ کی،ان کا تخت الٹاکربنوعباس کواقتداردیا۔بنوامیہ کے بڑے بڑے نامورلوگوں کوقتل کیا،ان کی لاشوں پردسترخوان بچھاکرکھاناکھایا۔جو قبروں میں تھے ان کونکال کرکوڑے مارے،پھرسولی پرچڑھادیاگیا۔مکافات کی چکی سے بنو عباس بھی نہ بچ پائے۔ابوجعفرمنصورنے اقتدار سنبھالتے ہی ابومسلم خراسانی کودربارمیں بلایا۔پھراس کوقتل کیا،قالین میں لپیٹ کردریائے دجلہ کے حوالے کردیا۔وہ شخص جو سازشی تھا،آج خودسازش کاشکارہوگیا۔جس نے بنو امیہ کاخون چوسا،انتقام کی آگ بھڑکائی،بنوعباس کیلئے اقتدارکی راہ ہموارکی، لیکن آج اسی آگ میں جل کرراکھ ہوگیا۔نہ جنازہ نصیب ہوانہ کفن۔
دوسری مثال ہندوستان میں پیش آئی۔شاہ عالم ثانی نے ضابطہ خان کے غوث گڑھ پرحملہ کیا۔ضابطہ خان اوراس کے بیوی بچوں کوقید کیا،اس کے بیٹے غلام قادرروہیلہ کوزنانہ کپڑے پہناکرنچوایاکرتاتھا۔پھراس کی مردانگی تک ختم کردی گئی۔شاہ عالم یہ بھول گیاتھاکہ جس کے ساتھ وہ ظلم کررہاہے وہ اسی شخص کاپوتاہے جس نے مصیبت کی ساعات میں مددکا ہاتھ بڑھایاتھا۔حالات نے پانسا پلٹا،غلام قادرنے دہلی پرقبضہ کیا۔پھراپناانتقام یوں لیاکہ شاہ عالم کی بیٹیوں کودہلی کے چوک میں سرِبازارنچوایا،ساتھ بوڑھے باپ کوبٹھاکریہ منظردکھایاگیاتاکہ وہ اپنے ماضی کویادکرے۔اس کاانتقام یہاں رکانہیں بلکہ اس کی آنکھیں نکالیں،آنکھ نکالتے وقت شاہ عالم بولا،ان آنکھوں کوچھوڑدیتے،اس سے میں نے چالیس سال کلام اللہ پڑھاہے لیکن اس نے ایک نہ سنی۔
وقت اپناآپ دہراتاہے۔آج کاظالم کل کامظلوم بن سکتاہے۔آج کاقاتل کل مقتول کی صف میں کھڑاہوسکتاہے لیکن انسان اقتداراورمال کے نشے میں اپناکل بھول جاتاہے۔مکافاتِ عمل کی چکی چلتی آہستہ ہے لیکن پیس کرپاوڈربنادیتی ہے کیوںکہ جوبوتاہے وہ کاٹتابھی ضرور ہے۔شاید اسی دن کاانتظاروہ سب لوگ کررہے ہیں جن کی آنکھیں آسمانوں کی طرف نصرت الٰہی کیلئے لگی ہوئی ہیں۔ہاتھ بدست دعاہیں اوردل میں ان بشارتوں کی شمعیں روشن ہیں جو اہل نظرسالوں سے اس ملک کے با شندوں کودیتے آئے ہیں۔مولاناروم کی حکایت کے مطابق ایک بھیڑگلے سے الگ ہوگئی توایک بھیڑیے نے اسے جالیا۔بھاگتی ہوئی ایک دلدل میں جاگری،بھیڑیاپیچھے آیاتووہ بھی پھنس گیا۔لگاہاتھ پاؤں مارنے لیکن دیکھاکہ بھیڑبڑی مطمئن ہے۔پوچھاکہ تم باہرنکلنے کی کوشش کیوں نہیں کرتی۔اس نے انتہائی مطمئن اندازمیں جواب دیاکہ میں ایک گلے سے ہوں،میرامالک گنتی کرے گاتومجھے نہ پاکرمیری تلاش شروع کردے گا،مجھے ڈھونڈ نکالے گااورمجھے باہربھی نکال لے گالیکن تمہاراتوکوئی مالک نہیں۔تم نے اسی دلدل میں ڈوبناہے۔دلدل بھی تیارہے اورمیرامالک بھی آتاہوگا۔بھیڑیے نے حملہ کرنے کیلئے اپنے خونخوارتیزپنجے جوحملے کیلئے استعمال کرنے تھے،وہ اب اس دلدل میں اس بات سے فکر مندہورہاتھاکہ اس بھیڑکامالک اسے بھی صحیح سلامت نکال لے گااورمجھے اسی دلدل میں غرق ہونے کیلئے چھوڑجائے گا۔ایسے میں وہ جن کاایمان کامل ہے اورجواپنے ا للہ کواس ملک کاگلہ بان سمجھتے ہیں،ان کے حوصلے دیکھنے کے لائق ہیں۔نصرت کے فیصلے میرارب کرتاہے۔اگریہودیوں کاچیف ربی یہ کہتاہے کہ امریکاکی حفاظت پر یہودیوں کی ہزاروں روحانی طاقتیں دن رات پہرہ دے رہی ہیں تواس مملکت خدادادپاکستان کی پیشانی پرتومیرے رب کانام جگمگ کررہاہے۔ پیش گوئیوں،شہادتوں اورفیصلوں کے دن قریب آرہے ہیں۔اہل نظرکی آنکھیں آسمان کی سمت اوردل کی دھڑکنیں دعابنی ہوئی ہیں۔
ایک چراغ اورایک دعاکاجب سے پل پل ساتھ رہاہے
دھوپ میں سایہ،حبس میں پرواہ،پیاس میں ساون ساتھ رہاہے


متعلقہ خبریں


مضامین
''ٹوٹ۔کے''۔پارٹ ٹو۔۔ وجود بدھ 12 جون 2024
''ٹوٹ۔کے''۔پارٹ ٹو۔۔

بصیرت نہ بصارت وجود بدھ 12 جون 2024
بصیرت نہ بصارت

'یوم تکبیر' اور' زمیںکانوحہ' وجود منگل 11 جون 2024
'یوم تکبیر' اور' زمیںکانوحہ'

مودی کے بدلتے رنگ: نتیش، نائیڈو اور معیزو کے سنگ وجود منگل 11 جون 2024
مودی کے بدلتے رنگ: نتیش، نائیڈو اور معیزو کے سنگ

نیاجال لائے پرانے شکاری وجود پیر 10 جون 2024
نیاجال لائے پرانے شکاری

اشتہار

تجزیے
نریندر مودی کی نفرت انگیز سوچ وجود بدھ 01 مئی 2024
نریندر مودی کی نفرت انگیز سوچ

پاک ایران گیس پائپ لائن منصوبہ وجود منگل 27 فروری 2024
پاک ایران گیس پائپ لائن منصوبہ

ایکس سروس کی بحالی ، حکومت اوچھے حربوں سے بچے! وجود هفته 24 فروری 2024
ایکس سروس کی بحالی ، حکومت اوچھے حربوں سے بچے!

اشتہار

دین و تاریخ
رمضان المبارک ماہ ِعزم وعزیمت وجود بدھ 13 مارچ 2024
رمضان المبارک ماہ ِعزم وعزیمت

دین وعلم کا رشتہ وجود اتوار 18 فروری 2024
دین وعلم کا رشتہ

تعلیم اخلاق کے طریقے اور اسلوب وجود جمعرات 08 فروری 2024
تعلیم اخلاق کے طریقے اور اسلوب
تہذیبی جنگ
یہودی مخالف بیان کی حمایت: ایلون مسک کے خلاف یہودی تجارتی لابی کی صف بندی، اشتہارات پر پابندی وجود اتوار 19 نومبر 2023
یہودی مخالف بیان کی حمایت: ایلون مسک کے خلاف یہودی تجارتی لابی کی صف بندی، اشتہارات پر پابندی

مسجد اقصیٰ میں عبادت کے لیے مسلمانوں پر پابندی، یہودیوں کو اجازت وجود جمعه 27 اکتوبر 2023
مسجد اقصیٰ میں عبادت کے لیے مسلمانوں پر پابندی، یہودیوں کو اجازت

سوئیڈش شاہی محل کے سامنے قرآن پاک شہید، مسلمان صفحات جمع کرتے رہے وجود منگل 15 اگست 2023
سوئیڈش شاہی محل کے سامنے قرآن پاک شہید، مسلمان صفحات جمع کرتے رہے
بھارت
قابض انتظامیہ نے محبوبہ مفتی اور عمر عبداللہ کو گھر وں میں نظر بند کر دیا وجود پیر 11 دسمبر 2023
قابض انتظامیہ نے محبوبہ مفتی اور عمر عبداللہ کو گھر وں میں نظر بند کر دیا

بھارتی سپریم کورٹ نے مقبوضہ جموں و کشمیر کی خصوصی حیثیت کی منسوخی کی توثیق کردی وجود پیر 11 دسمبر 2023
بھارتی سپریم کورٹ نے مقبوضہ جموں و کشمیر کی خصوصی حیثیت کی منسوخی کی توثیق کردی

بھارتی ریاست منی پور میں باغی گروہ کا بھارتی فوج پر حملہ، فوجی ہلاک وجود بدھ 22 نومبر 2023
بھارتی ریاست منی پور میں باغی گروہ کا بھارتی فوج پر حملہ، فوجی ہلاک

راہول گاندھی ، سابق گورنر مقبوضہ کشمیرکی گفتگو منظرعام پر، پلوامہ ڈرامے پر مزید انکشافات وجود جمعه 27 اکتوبر 2023
راہول گاندھی ، سابق گورنر مقبوضہ کشمیرکی گفتگو منظرعام پر، پلوامہ ڈرامے پر مزید انکشافات
افغانستان
افغانستان میں پھر شدید زلزلے کے جھٹکے وجود بدھ 11 اکتوبر 2023
افغانستان میں پھر شدید زلزلے کے جھٹکے

افغانستان میں زلزلے سے تباہی،اموات 2100 ہوگئیں وجود اتوار 08 اکتوبر 2023
افغانستان میں زلزلے سے تباہی،اموات 2100 ہوگئیں

طالبان نے پاسداران انقلاب کی نیوز ایجنسی کا فوٹوگرافر گرفتار کر لیا وجود بدھ 23 اگست 2023
طالبان نے پاسداران انقلاب کی نیوز ایجنسی کا فوٹوگرافر گرفتار کر لیا
شخصیات
معروف افسانہ نگار بانو قدسیہ کو مداحوں سے بچھڑے 7 سال بیت گئے وجود اتوار 04 فروری 2024
معروف افسانہ نگار بانو قدسیہ کو مداحوں سے بچھڑے 7 سال بیت گئے

عہد ساز شاعر منیر نیازی کو دنیا چھوڑے 17 برس ہو گئے وجود منگل 26 دسمبر 2023
عہد ساز شاعر منیر نیازی کو دنیا چھوڑے 17 برس ہو گئے

معروف شاعرہ پروین شاکر کو دنیا سے رخصت ہوئے 29 برس بیت گئے وجود منگل 26 دسمبر 2023
معروف شاعرہ پروین شاکر کو دنیا سے رخصت ہوئے 29 برس بیت گئے
ادبیات
عہد ساز شاعر منیر نیازی کو دنیا چھوڑے 17 برس ہو گئے وجود منگل 26 دسمبر 2023
عہد ساز شاعر منیر نیازی کو دنیا چھوڑے 17 برس ہو گئے

سولہویں عالمی اردو کانفرنس خوشگوار یادوں کے ساتھ اختتام پزیر وجود پیر 04 دسمبر 2023
سولہویں عالمی اردو کانفرنس خوشگوار یادوں کے ساتھ اختتام پزیر

مارکیز کی یادگار صحافتی تحریر وجود پیر 25 ستمبر 2023
مارکیز کی یادگار صحافتی تحریر