وجود

... loading ...

وجود
وجود

جعلی مقابلے سے جعلی انصاف تک!

منگل 24 جنوری 2023 جعلی مقابلے سے جعلی انصاف تک!

یہ نقیب اللہ محسود کون ہیں؟ انصاف کی دیوی مخمور حالت میں کسی بستر پر محو استراحت ہے۔ اس کا دولت مندوں اور طاقت وروں سے آنکھ مٹکا ہے، راؤ انوار جن کا ایک کارندہ ہے۔ سو انصاف کی دیوی کے آگے نقیب اللہ محسود کون ہیں؟ راؤ انوار کو حق تھا کہ وہ عدالت میں ایسے دکھائی دے جیسے فاتح اپنی مفتوحہ سرزمین پر ہوتے ہیں۔ عدالتی فیصلے کے بعد اس کے الفاظ قیامت کا خُروش رکھتے تھے۔ راؤ انوار ہی یہ مطالبہ کر سکتا ہے کہ’’ اُسے مقدمہ میں پھنسایا گیا تھا، پولیس سروس میں ایک سال باقی ہے، موقع دیا جائے کہ میں کراچی کی بھرپور خدمت کر سکوں‘‘۔ بالکل آنجناب کو یہ موقع ملنا چاہئے۔ یوں بھی کراچی میں ہونے والی مردم شماری میں جو لوگ گنے نہیں گئے، وہ سب راؤ انوار کی ’’بھرپور خدمت‘‘ کا ہدف بن سکتے ہیں تاکہ ایک سال بعد اگر مردم شماری نہ بھی کرائی جائے تو وہ اعداد و شمار ازخود، درست ہو جائیں۔
راؤ انوار کے الفاظ سے خلیل جبران حافظے میں اُبھرنے لگتا ہے جس نے انصاف کے اُس تصور کی ایک تمثیل میں ہمیں سیر کرائی ہے جو راؤ انوار ایسے کارندوں کے طاقت ور سرپرستوں کے ذریعے ہمارا روز مرہ بن چکا۔ وہ کوئی راؤ انوار ہی رہا ہوگا، جو خلیل جبران کی تمثیل میں طالبِ انصاف ہوتا ہے۔ لبنانی نژاد امریکی ادیب خلیل جبران لکھتا ہے:۔
ایک رات قصر شاہی میں دعوت ہوئی، اس موقع پر ایک آدمی آیا اور اپنے آپ کو بادشاہ کے حضور پیش کیا۔ تمام مہمان اس کی طرف دیکھنے لگے۔ مہمانوں نے دیکھا کہ اُس کی ایک آنکھ باہر نکل آئی ہے اور خالی جگہ سے خون بہہ رہا ہے۔
بادشاہ نے پوچھا: تم پر کیا مصیبت پڑی ہے۔
اس آدمی نے کہا: عالی جاہ میں ایک پیشہ ور چور ہوں۔ آج شب جب کہ چاند ابھی طلوع نہیں ہوا تھا، میں ایک سیٹھ کی دُکان لوٹنے گیا۔ لیکن غلطی سے جُلاہے کے گھر میں داخل ہو گیا۔ جونہی میں کھڑکی میں کودا، میرا سر جُلاہے کے کرگھے سے ٹکرایا اور میری آنکھ پھوٹ گئی۔ عالی جاہ! میں اس جُلاہے کے معاملے میں انصاف چاہتا ہوں۔ یہ سن کر بادشاہ نے جُلاہے کو طلب کیا اور فیصلہ سنایا کہ جُلاہے کی آنکھ نکال دی جائے۔
جلاہا بولا: جہاں پناہ! آپ کا یہ فیصلہ درست ہے کہ میری آنکھ نکال دی جائے، لیکن عالی جاہ میرے کام میں دونوں آنکھوں کی ضرورت ہے تاکہ میں کپڑے کے دونوں حصوں کو دیکھ سکوں جسے میں بُنتا ہوں۔ البتہ میرے پڑوس میں ایک موچی ہے۔ جس کی دونوں آنکھیں سلامت ہیں۔ اس کو ویسے بھی ان دونوں آنکھوں کی ضرورت نہیں۔
یہ سن کر بادشاہ نے موچی کو بلوایا اور اس کی ایک آنکھ نکلوا دی۔ اس طرح انصاف کا تقاضا پورا ہوگیا‘‘۔
راؤ انوار کے معاملے میں ابھی موچی کو تلاش نہیں کیا گیا۔ کسی دن یہ کام بھی ہو جائے گا۔ سوال یہ ہے کہ راؤ انوار ایسے لوگ یہ اعتماد کہاں سے لاتے ہیں کہ اپنے کسی عمل پر شرمندہ ہونے کے بجائے پورے نظام کو روند کر آگے بڑھ جاتے ہیں۔ درحقیقت یہ پورا نظام، سفاکوں، غنڈوں، لفنگوں، بدکرداروں، سیاہ کاروں، گناہ گاروں، مجرموں اور قاتلوں کی سرپرستی کرتا ہے۔ اس نظام سے اُٹھنے والے بھبھکے سونگھنے ہو تو نقیب اللہ محسود کے مقدمے کے حقائق نامے سے جڑے واقعات کو ترتیب میں دیکھ لیں۔ سب کچھ ننگا نظر آئے گا۔ پہلے سے گرفتار نقیب اللہ محسود کو 13جنوری 2018 کو ایک جعلی مگر سفاکانہ پولیس مقابلے میں قتل کر دیا گیا۔ ابتدا میں اُسے ایک دہشت گرد قرار دے کر کارنامے کے طور پر پیش کیا گیا۔ پولیس مقابلے کا یہ سہرا خود راؤ انوار نے اپنے سر باندھا۔ مگر پھر اچانک اس کارنامے کے رنگ ایک ایک کرکے پھیکے پڑنے لگے، جب آشکار ہوا کہ نقیب اللہ محسود پہلے سے ہی گرفتار تھا۔ پھر یہ عیاں ہوا کہ مقابلہ جعلی تھا۔ پھر یہ کھلا کہ وہ کوئی دہشت گرد نہیں بلکہ ماڈلنگ کا شوقین تھا۔ پھر یہ واضح ہوا کہ اُسے کسی دُکان کی خرید وفروخت کے دوران پیسوں کی لالچ میں مخبروں کے جال سے پھنسایا گیا۔ حقائق کی تیز روشنی نے جب جعلی پولیس مقابلے کے تمام اندھیروں کو گم کردیا تو پہلے سے ہی جعلی پولیس مقابلوں میں بدنام راؤ انوار نے خود کو جائے وقوعہ سے الگ کرنا شروع کر دیا۔ اُسے کارنامے کا سہرا، پھندا لگنے لگا تو فوراً وہ تمام لوگ اُس کی مدد کو پہنچے جن کی حاشیہ برداری کرتے ہوئے اُس نے اپنے سرکاری فرائض کو مجرمانہ کاموں سے آلودہ کیا تھا۔ سیاسی ہی نہیں وہ مقتدر قوتیں بھی اُسے چھتری فراہم کرنے پہنچیں، عدالتیں جن کی خدمت گاررہتی ہیں۔
نقیب اللہ محسود کے معاملے میں طاقت وروں کے منہ کا ذائقہ سول سوسائٹی کی ’’بے سمت‘‘ بیداری نے خراب کیا جس کے بعد راؤ انوار کو بچانے کا کام دور اور دیر تک ذرا ملفوف طریقے سے کرنا پڑا۔ اندازا لگائیے! جنوری 2018ء کے جعلی مقابلے کا ’’جعلی انصاف‘‘ بھی جنوری 2023ء یعنی پورے پانچ سال تک التواء میں رکھا گیا۔ یہ صرف اس لیے کیا گیا تاکہ نقیب اللہ محسود کے معاملے سے وابستہ جذبات سرد پڑ جائیں، اس کے لیے اُٹھنے والی انصاف کی آوازیں دھیرے دھیرے دبتی چلی جائیں اور یہی کچھ ہوا۔ نقیب اللہ محسود کے جعلی پولیس مقابلے پر اُٹھنے والے عوامی ردِ عمل اور جنوبی وزیرستان کی تحریک کے دباؤ کو پورے نظام نے دھیرے دھیرے دھیما ہونے دیا۔ انصاف کو بازار ی قہقہ بنا دینے والے سپریم کورٹ کے سابق چیف جسٹس ثاقب نثار کا 19 جنوری 2018 کا ازخود نوٹس بھی نقیب اللہ محسود کے معاملے میں انصاف کو رفتار دینے میں ناکام رہا۔ آخری تجزیے میں یہ دباؤ کم کرنے کا ایک حیلہ اور حربہ ہی ثابت ہوا۔ نقیب اللہ محسود کے والد اپنے بیٹے کے قتل کے مقدمے میں مدعی تھے۔ اُنہیں ملک کے تمام طاقت ور حلقے یہ تسلی دیتے رہے کہ انصاف کے تمام تقاضے پورے کیے جائیں گے۔ یہاں تک کہ ملک کی سب سے طاقت ور شخصیت تب کے فوجی سربراہ جنرل (ر) قمر جاوید باجوہ نے بھی 5؍ اپریل 2018ء کو نقیب اللہ کے والد محمد خان محسود سے ملاقات کرکے انصاف میں تعاون کی یقین دہانی کرائی۔ محمد خان محسود چیف جسٹس کے ازخود نوٹس اور آرمی چیف کی طفل تسلی پر بھروسا رکھتے ہوئے 2؍ دسمبر 2019ء کو لحد میں اُتر گئے۔ چیف جسٹس ثاقب نثار اپنے ازخود نوٹس کے بعد پورے ایک سال تک اس منصب پر جلوہ افروز اور انصاف کے موتی رولتے رہے، آرمی چیف جنرل(ر) باجوہ نقیب کے والد کو انصاف کا یقین دلانے کے بعد ساڑھے چار برس سے زیادہ اپنے منصب پر فروکش رہ کر پتلی تماشا دکھاتے رہے۔ مگر نقیب اللہ محسود کو انصاف دلانے کے لیے اپنی کوئی ادنیٰ کوشش بھی تاریخ میں محفوظ نہ کراسکے۔ یوں سپریم کورٹ کا ازخود نوٹس بھی اپنی قدروقیمت کھو بیٹھا اور فوجی سربراہ کی تسلی بھی سندِ اعتبار نہ پا سکی۔ یہ مجموعی صورتِ حال اداروں پر عوام کے عدم اعتماد کی جائز وضاحت کرتی ہے۔ بدقسمتی یہ ہے کہ عدالتی ناانصافیوں کو عدالتی طریقہ کار کی تہہ داریوں میں چھپایا جاتا ہے۔ اور اس کا ملبہ شہادتوں کی عدم دستیابی پر ڈال کر نظام انصاف کی ناکامیوں کی تقدیس و تجلیل(Glorification) کی جاتی ہیں۔ سوال یہ ہے کہ کیا یہ نظامِ انصاف دیکھتا ہے کہ کوئی شخص نقیب اللہ محسود تھا، جس کا پولیس مقابلہ ہوا؟ اگر اس مقابلے کا اعتراف کرنے والا راؤ انوار بھی بے گناہ ہے تو پھر اس کا گناہ گار کون ہے؟ راؤ انوار اپنے پولیس محفوظے (ریکارڈ) کے مطابق 25 جولائی 2011 سے لے کر 19 جنوری 2018 تک کُل 192 پولیس مقابلوں میں نقیب اللہ محسود سمیت 444 افراد کو قتل کر چکا ہے۔ اگر یہ شخص اپنے سرپرستوں کے باعث نظام انصاف کو دھوکا دے کر اپنے ساتھ تمام 17 ملزمان کو بری اور بے گناہ ثابت کرانے میں کامیاب ہو جاتا ہے تو پھر اس نظام انصاف کے پاس اپنے دفاع اور اس پورے نظام کے پاس اپنے بچاؤ کے لیے باقی کیا بچتا ہے؟ راؤ انوار نقیب اللہ کے مقدمے سے بری ہو گیا، مگر اس سے پورا نظام اپنے ننگے پن کے ساتھ عوامی کٹہرے میں کھڑا ہو گیا ہے۔ اب کسی موچی کی آنکھیں نکال کر انصاف کی آنکھوں میں دھول جھونکنے کی کوشش کامیاب نہ ہو سکے گی۔
٭٭٭٭٭٭


متعلقہ خبریں


مضامین
میں مینار پاکستان ہوں! وجود جمعرات 23 مارچ 2023
میں مینار پاکستان ہوں!

آٹے کے ساتھ دو تھپڑ مفت وجود جمعرات 23 مارچ 2023
آٹے کے ساتھ دو تھپڑ مفت

اِس حادثہ وقت کو کیانام دیا جائے وجود جمعرات 23 مارچ 2023
اِس حادثہ وقت کو کیانام دیا جائے

23 مارچ 1940 ء کے تاریخی جلسے کا آنکھوں دیکھا حال وجود جمعرات 23 مارچ 2023
23 مارچ 1940 ء کے تاریخی جلسے کا آنکھوں دیکھا حال

لیڈی ہائی جیکر وجود بدھ 22 مارچ 2023
لیڈی ہائی جیکر

پینے کے صاف پانی کی کمی وجود بدھ 22 مارچ 2023
پینے کے صاف پانی کی کمی

اشتہار

تہذیبی جنگ
کرناٹک، حجاب پر پابندی، ایک لاکھ مسلمان لڑکیوں نے سرکاری کالج چھوڑ دیے وجود پیر 13 فروری 2023
کرناٹک، حجاب پر پابندی، ایک لاکھ مسلمان لڑکیوں نے سرکاری کالج چھوڑ دیے

توہین آمیز مواد نہ ہٹانے پر وکی پیڈیا بلاک کر دیا گیا وجود هفته 04 فروری 2023
توہین آمیز مواد نہ ہٹانے پر وکی پیڈیا بلاک کر دیا گیا

برطانوی رکن پارلیمنٹ کی پاکستانیوں سے متعلق بیان پر معافی وجود بدھ 01 فروری 2023
برطانوی رکن پارلیمنٹ کی پاکستانیوں سے متعلق بیان پر معافی

اوآئی سی کا غیر معمولی اجلاس، یورپ میں قرآن مجید جلانے کے اشتعال انگیز واقعات کی مذمت وجود بدھ 01 فروری 2023
اوآئی سی کا غیر معمولی اجلاس، یورپ میں قرآن مجید جلانے کے اشتعال انگیز واقعات کی مذمت

مودی سرکار کی مسلم تاریخ مٹانے کی مہم، ایوان صدر کے مغل گارڈن کا نام تبدیل وجود پیر 30 جنوری 2023
مودی سرکار کی مسلم تاریخ مٹانے کی مہم، ایوان صدر کے مغل گارڈن کا نام تبدیل

بھارتی انتہا پسندوں کا حکومت سے ٹیپو سلطان سے منسوب باغ کا نام بدلنے کا حکم وجود اتوار 29 جنوری 2023
بھارتی انتہا پسندوں کا حکومت سے ٹیپو سلطان سے منسوب باغ کا نام بدلنے کا حکم

اشتہار

شخصیات
انقلابی شاعر حبیب جالب کو ہم سے بچھڑے 30 برس بیت گئے وجود اتوار 12 مارچ 2023
انقلابی شاعر حبیب جالب کو ہم سے بچھڑے 30 برس بیت گئے

جسٹس (ر) ملک محمد قیوم انتقال کر گئے وجود جمعه 17 فروری 2023
جسٹس (ر) ملک محمد قیوم انتقال کر گئے

معروف ہدایت کار، اداکار اور ٹی وی میزبان ضیاء محی الدین انتقال کر گئے وجود پیر 13 فروری 2023
معروف ہدایت کار، اداکار اور ٹی وی میزبان ضیاء محی الدین انتقال کر گئے
بھارت
بھارت کے لیے نامزد امریکی سفیر کا نام 2 سال کی تاخیر کے بعد منظور وجود جمعرات 16 مارچ 2023
بھارت کے لیے نامزد امریکی سفیر کا نام 2 سال کی تاخیر کے بعد منظور

بھارت کے تیار کردہ کھانسی کے شربت سے بچوں کی ہلاکت، کمپنی کے 3 ملازمین گرفتار وجود اتوار 05 مارچ 2023
بھارت کے تیار کردہ کھانسی کے شربت سے بچوں کی ہلاکت، کمپنی کے 3 ملازمین گرفتار

خالصتان تحریک، مودی سرکار کی بھارتی پنجاب میں گورنر راج نافذ کرنے کی سازش وجود هفته 04 مارچ 2023
خالصتان تحریک، مودی سرکار کی بھارتی پنجاب میں گورنر راج نافذ کرنے کی سازش

برطانوی اخبار نے مودی سرکار کا گھناؤنا چہرہ بے نقاب کر دیا وجود پیر 20 فروری 2023
برطانوی اخبار  نے مودی سرکار کا گھناؤنا چہرہ بے نقاب کر دیا
افغانستان
افغان صوبہ کنڑ میں فائرنگ، کالعدم ٹی ٹی پی کمانڈر نور سعید محسود ہلاک وجود جمعرات 23 فروری 2023
افغان صوبہ کنڑ میں فائرنگ، کالعدم ٹی ٹی پی کمانڈر نور سعید محسود ہلاک

طالبان قیادت میں غیر معمولی اختلافات، وزیرداخلہ سراج الدین حقانی کی اعلی قیادت پر تنقید وجود هفته 18 فروری 2023
طالبان قیادت میں غیر معمولی اختلافات، وزیرداخلہ سراج الدین حقانی کی اعلی قیادت پر تنقید

سعودیہ کے بعد امارات نے بھی افغانستان میں سفارت خانہ بند کر دیا وجود پیر 06 فروری 2023
سعودیہ کے بعد امارات نے بھی افغانستان میں سفارت خانہ بند کر دیا
ادبیات
اردو کے ممتاز شاعر احمد فراز کا یوم ولادت وجود جمعرات 12 جنوری 2023
اردو کے ممتاز شاعر احمد فراز کا یوم ولادت

کراچی میں دو روزہ ادبی میلے کا انعقاد وجود هفته 26 نومبر 2022
کراچی میں دو روزہ ادبی میلے کا انعقاد

مسجد حرام کی تعمیر میں ترکوں کے متنازع کردار پرنئی کتاب شائع وجود هفته 23 اپریل 2022
مسجد حرام کی تعمیر میں ترکوں کے متنازع  کردار پرنئی کتاب شائع