... loading ...
نیوزی لینڈ نے گلین فلپس ،کین ولیمسن اور کونوے کی نصف سنچریوں کی بدولت سیریز کے تیسرے اور فیصلہ کن میچ میں پاکستان کو دو کٹ سے شکست دے کر سیریز 2-1سے جیت لی ، پاکستان نے پہلے بیٹنگ کرتے ہوئے مقررہ پچاس اوورز میں9وکٹوں کے نقصان پر280رنز بنائے، اوپنر بیٹر فخر زمان نے 101 رنز کی اننگز کھیلی ،محمد رضوان 77 رنز اور آغا سلمان 45 رنز کے ساتھ نمایاں رہے ،مہمان ٹیم نے ہدف 48.1 اووزز میں آٹھ وکٹوں کے نقصان پر پورا کرلیا ،نیوزی لینڈ کے فلپس نے 63 رنزکی ناقابل شکست اننگز کھیل کر ٹیم کی کامیابی میں اہم کر دار ادا کیا، کین ولیمسن 53 اور کونوے 52 رنز بنانے میں کامیاب رہے ،پاکستان کی جانب سے محمد وسیم اور آغا سلمان نے دو، دو، اسامہ میر اور محمد نواز نے ایک وکٹ حاصل کی، گلین فلپس شاندار کار کر دگی پر مین آف دی میچ قرار پائے ۔کراچی میں کھیلے گئے سیریز کے تیسرے اور فیصلہ کن ون ڈے میچ میں پاکستان نے ٹاس جیت کر نیوزی لینڈ کو باؤلنگ کی دعوت دی۔ پاکستانی اوپنرز نے ایک مرتبہ پھر ناقص آغاز فراہم کیا، اس دفعہ سیریز میں اپنا پہلا میچ کھیلنے والے شان مسعود دوسرے اوور میں صفر پر فرگوسن کی گیند پر لیتھم کے ہاتھوں کیچ آؤٹ ہو کر پویلین جا بیٹھے جس کے بعد کپتان بابر اعظم بھی زیادہ دیر تک وکٹ پر نہ ٹھہر سکے، کیوی باؤلر بریسویل نے میزبان ٹیم کے کپتان کو ساتویں اوور میں اس وقت آؤٹ کیا جب ٹیم کا اسکور محض 21 رنز تھا اور بابر اعظم نے صرف 4 رنز بنائے ۔کپتان اور نائب کپتان کے پویلین لوٹ جانے کے بعد محمد رضوان نے فخر زمان کے ساتھ مل کر ٹیم کو مشکل سے نکالااور محمد رضوان نے اس شراکت کے دوران اپنی نصف سنچری بھی مکمل کی۔ٹیم کا اسکور 33 ویں اوور میں 175 رنز پر پہنچا تو محمد رضوان بھی 77 رنز کی اننگز پر اش سودھی کی گیند پر بولڈ ہوگئے ان کی اننگز میں چھ چوکے شامل تھے جس کے بعد فخر زمان نے حارث سہیل کے ساتھ مختصر شراکت کی تاہم طویل عرصے بعد اپنی سنچری بنائی جو نیوزی لینڈ کے خلاف پہلی سنچری ہے۔تجربہ کار اوپنر 122 گیندوں پر 10 چوکوں اور ایک چھکے کی مدد سے 101 رنز کی اننگز کھیلنے کے بعد نیکولس کی اچھی فیلڈنگ کے باعث رن آؤٹ ہوگئے۔ حارث سہیل پاکستان کے آؤٹ ہونے والے پانچویں بلے باز تھے، جو رن آؤٹ ہوئے تاہم انہوں 22 رنز بنا کر مجموعی اسکور 43 ویں اوور میں 225 رنز تک پہنچا دیا۔ محمد نواز 8 رنز بنا کر 247 کے اسکور پر آؤٹ ہو کر پویلین لوٹے جس کے بعد اسامہ میر نے ایک چھکا ضرور مارا تاہم وہ بھی اس سے آگے نہیں بڑھ سکے اور 253 کے اسکو پر ٹم ساؤدھی کو وکٹ دے بیٹھے ۔ اس موقع پر آغا سلمان نے تیز رفتار بیٹنگ کی اور پاکستان کو معقول اسکور کی طرف لے گئے تاہم وہ اپنی نصف سنچری مکمل نہ کر پائے۔آل راؤنڈر آغا سلمان نے 43 گیندوں پر 4 چوکوں اور ایک چھکے کی مدد سے 45 رنز بنائے اور مجموعی اسکور 270 تک پہنچایا۔ پاکستان کی جانب سے آخری آؤٹ ہونے والے بلے باز محمد وسیم تھے، جو آخری اوور کی چوتھی گیند پر آؤٹ ہوئے، وسیم جب 7 رنز بنا کر آؤٹ ہوئے تو پاکستان کا مجموعی اسکور 276 رنز تھا جس کے بعد محمد حسنین نے آخری گیند پر فرگوسن کو چوکا رسید کر کے پاکستان کا اسکور 280 رنز کردیا اور ا س طرح پاکستان نے مقررہ 50 اوورز میں 9 وکٹوں پر 280 رنز بنائے۔نیوزی لینڈ کی جانب سے ٹم ساؤدھی نے سب سے زیادہ 3، لوکی فرگوسن نے 2، مائیکل بریسویل اور اش سودھی نے ایک، ایک بلے باز کو آؤٹ کیا۔ ہدف کے تعاقب میں نیوزی لینڈ کی جانب سے فن ایلن اورون کونوے نے محتاط انداز میں اننگز کا آغاز کیا ، مہمان ٹیم کی پہلی وکٹ 43رنز پر گری اس موقع پر فن ایلن 25رنز پر رن آئوٹ ہو کر پویلین لوٹ گئے جس کے بعد کونوے کا ساتھ دینے کیلئے کین ولیمسن میدان میں اترے اور دونوں نے سکور کو محتاط انداز میں آگے بڑھایا اور پاکستان کو دوسری کامیابی اس وقت ملی جب کونوے نے اپنی نصف سنچری مکمل کرلی اور وہ 52رنز پر سلمان آغا کا شکار بنے اس وقت مہمان ٹیم کا سکور 108تھا ۔ نیوزی لینڈ کی جانب سے تیسرے آؤٹ ہونے والے کھلاڑی ڈیرل مچل تھے بھی سلمان آغا کی گیند پر اسامہ میر کے ہاتھوں31رنز پر کیچ آؤٹ ہو کر پویلین لوٹے جس کے بعد ٹام لیتھم نے کپتان ولیم سن کے ساتھ ملکر ٹیم کے سکور کو آگے بڑھایا تاہم 34ویں اوورز میں کپتان ولیمسن بھی 53رنز پررن آؤٹ ہوگئے اس وقت مہمان ٹیم کا مجموعی سکور 169تھا جس کے بریسویل بھی اسامہ میر کی گیند پر بولڈ ہو کر 7رنز پر پویلین لوٹ گئے تاہم اس دور ان دوسرے اینڈ پر فلپس وکٹ پر جم کھڑے رہے اور ٹیم کے سکور کو محتاط انداز میں آگے بڑھاتے رہے ۔بریسویل کے آؤٹ ہونے کے بعد ٹام لیتھم بھی محمد وسیم کا شکار بن گئے ، وہ 16رنز پر پویلین لوٹے۔ نیوزی لینڈ کے ساتویں آئوٹ ہونے والے کھلاڑی مچل سینٹنرتھے وہ پندرہ رنز پر محمد نواز کا شکار بنے اس وقت مہمان ٹیم کا مجموعی سکور 269تھا ۔ اس موقع پر فلپس کا ساتھ دینے کیلئے اش سودھی میدان میں اترے تاہم وہ بھی وکٹ پر نہ ٹھہرسکے اور کھاتہ کھولے بغیر ہی محمد وسیم کی گیند پر آغا سلمان کے ہاتھوں کیچ آؤٹ ہو کر پویلین لوٹ گئے اس وقت نیوزی لینڈ کا مجموعی اسکور 279تھا جس کے بعد ٹم سائوتھی کھیلنے کیلئے آئے تاہم دوسرے اینڈ پر مہمان ٹیم کے بیٹرز فلپس نے 48.1اوورز میں اپنی ٹیم کو کامیاب کرایا اور اس طرح میزبان ٹیم نے فیصلہ کن میچ میں پاکستان کو دو کٹ سے شکست دیکر تین میچوں پر مشتمل سیریز 2-1سے جیت لی۔ پاکستان کی جانب سے محمد وسیم اور آغا سلمان نے دو ، دو جبکہ اسامہ میر اور محمد نواز نے ایک وکٹ حاصل کی ۔قبل ازیں تیسرے میچ کیلئے پاکستانی ٹیم میں دو تبدیلیاں کی گئی ہیں اور امام الحق کی جگہ شان مسعود اور نسیم شاہ کی جگہ محمد حسنین کو قومی ٹیم میں شامل کیا گیا ہے۔ نیوزی لینڈ نے میچ کے لیے اپنی ٹیم میں کوئی تبدیلی نہیں کی۔ پاکستان ٹیم میں بابر اعظم (کپتان)، شان مسعود، فخر زمان، حارث سہیل، محمد رضوان، سلمان علی آغا، محمد نواز، اسامہ میر، محمد وسیم جونیئر، محمد حسنین اور حارث رؤف جبکہ نیوزی لینڈ میں کین ولیمسن (کپتان)، ڈیون کونوے، فن ایلن، ٹام لیتھم، ڈیرل مچل، گلین فلپس، مائیکل بریسویل، مچل سینٹنر، اش سودھی، ٹم ساؤدھی اور لوکی فرگوسن شامل تھے۔
اسلام آباد ہائی کورٹ کے 6 ججز کے سپریم جوڈیشل کونسل کو لکھے گئے خط کے معاملے پر چیف جسٹس قاضی فائز عیسیٰ کی سربراہی میں فل کورٹ اجلاس ہوا فل کورٹ اجلاس میں جسٹس منصور علی شاہ،جسٹس منیب اختر اور جسٹس جمال مندوخیل، جسٹس امین الدین، جسٹس شاہد وحید، جسٹس اطہر من اللہ اور جسٹس حسن اظ...
حکومت سندھ نے 30پرائمری ااسکولوں کی تعمیر کے لئے فنڈ کی منظوری دے دی ہے۔ ذرائع کے مطابق حکومت سندھ نے 1ارب 52 کروڑ 82 لاکھ 70 ہزار روپے کی منظوری دی محکمہ خزانہ سے رقم دینے کی سفارش بھی کردی گئی اسکولوں کی تعمیرات رواں ماہ میں ہی شروع کردی جائے گی۔
سندھ میں اسمگل شدہ اسلحے کے لائسنس بنائے جانے کا انکشاف ہوا ہے۔اسمگل شدہ اسلحہ ڈیلروں اور محکمہ داخلہ کی مدد سے لائسنس یافتہ بنائے جانے انکشاف ہوا ہے۔ایف آئی اے کے مطابق حیدرآباد میں کسٹم انسپکٹر مومن شاہ کے گھر سے سڑسٹھ لائسنس یافتہ ہتھیار ملے۔تصدیق کرائی گئی تو انکشاف ہوا کہ اس...
بانی پی ٹی آئی عمران خان نے کہا ہے کہ مجھے جیل میں رکھ لیں مگر باقی رہنماں کو رہا کردیں۔اڈیالہ جیل میں میڈیا سے بات چیت کرتے ہوئے عمران خان نے کہا کہ چیف جسٹس قاضی فائز عیسی سے کہنا چاہتا ہوں کہ پی ٹی آئی کی 25 مئی کی پٹیشن کو سنا جائے اور نو مئی واقعات کی تحقیقات کے لیے جوڈیشل...
خیبرپختونخوا کے علاقے شانگلہ میں بشام کے مقام پرچینی انجینیئرز کی گاڑی پر خودکش حملے کے نتیجے میں 5 چینی باشندوں سمیت 6 افراد ہلاک ہوگئے۔ ڈی آئی جی مالاکنڈ کا کہنا ہے کہ حملہ آوروں نے بارود سے بھری گاڑی مسافروں کی گاڑی سے ٹکرائی، گاڑی پر حملے میں کئی افراد زخمی بھی ہوئے۔بشام سے پ...
سیکیورٹی فورسز نے تربت میں پاک بحریہ کے ائیر بیس پی این ایس صدیق پر دہشتگرد حملے کی کوشش ناکام بنادی، فائرنگ کے تبادلے میں 4 دہشت گرد ہلاک کر دیا جبکہ ایک سپاہی شہید ہوگیا ۔ پاک فوج کے شعبہ تعلقات عامہ(آئی ایس پی آر)کے مطابق 25 اور 26 مارچ کی درمیانی شب دہشت گردوں نے تربت میں پ...
اسرائیل نے سلامتی کونسل کی غزہ میں فوری جنگ بندی کی قرارداد کو ہوا میں اڑاتے ہوئے مزید 81فلسطینیوں کو شہید کردیا۔غزہ کی وزارت صحت کے مطابق گزشتہ 24 گھنٹوں کے دوران غزہ میں اسرائیلی دہشت گردی کے آٹھ واقعات میں مزید 81 فلسطینی شہید اور 93 زخمی ہوگئے۔الجزیرہ کے مطابق رفح میں ایک گھ...
جامعہ کراچی میں سیکیورٹی کے ناقص انتظامات کے باعث چوریوں کی وارداتوں میں اضافہ ہوگیا اور دو روز میں چوروں نے 4طالب علموں کو موٹرسائیکلوں سے محروم کردیا۔تفصیلات کے مطابق کراچی یونیورسٹی میں سیکیورٹی کے ناقص انتظامات کے سبب نہ صرف جامعہ کی حدود میں چوریوں کی وارداتوں میں اضافہ ہورہ...
اقوام متحدہ کی سلامتی کونسل نے 7اکتوبر کے بعد پہلی مرتبہ غزہ میں فوری جنگ بندی کی قرارداد منظور کرلی۔پیر کو سلامتی کونسل میں پیش کی گئی قرارداد پر امریکا نے اپنے سابقہ موقف میں تبدیلی کرتے ہوئے قرارداد کو ویٹو کرنے سے گریز کیا۔سلامتی کونسل کے 15 رکن ممالک میں سے 14 نے قرارداد کے ...
ملک میں یومیہ چار ہزار میٹرک ٹن تیل کی اسمگلنگ کا انکشاف ہوا ہے-تیل کی اسمگلنگ سے قومی خزانے کو ماہانہ تین کروڑ چھپن لاکھ ڈالرزکا نقصان ہورہا ہے۔ آئل کمپنیز نے اسمگلنگ کی روک تھام اورکارروائی کیلئیحکومت اور اوگرا سیمدد مانگ لی ہے۔آئل کمپنیز ایڈوائزری کونسل نیسیکریٹری پیٹرولیم کو ...
محکمہ صحت سندھ نے آٹومیشن پروجیکٹ کے کروڑوں روپے کی رقم ہوا میں اڑادی۔ سات سال قبل پینسٹھ کروڑ کی لاگت سے شروع ہونے والا پروجیکٹ تاحال فعال نہ ہوسکا۔مانیٹرنگ رپورٹ میں پروجیکٹ کے گھپلوں پر بڑے انکشافات کیے گئے ۔کمپنی نے پروجیکٹ پر حیرت انگیز طور پر انتالیس کروڑ خرچ کردئے ۔لیکن سا...
ایف آئی اے انسداد انسانی اسمگلنگ سرکل کراچی نے معصوم شہری کو جعلی بینک اسٹیٹمنٹ جاری کرنے میں ملوث ملزم کو گرفتار کرلیا۔ترجمان ایف آئی اے کے مطابق ملزم کو پی آئی بی کالونی کراچی سے گرفتار کیا گیا۔گرفتار ملزم ویزا فراڈ کے جرم میں ملوث تھا۔ملزم نے خاتون شہری کو جعلی بینک اسٹیٹمنٹ ج...