... loading ...
... loading ...
سابق وزیراعظم عمران خان نے کہا ہے کہ حقیقی آزادی کی تحریک کا میانوالی سے آغاز کررہا ہوں، 20 تاریخ کے بعد کسی بھی دن اسلام آباد مارچ کی کال دے سکتا ہوں۔ ملک میں فوری الیکشن کرائیں جا ئیں، فیصلہ عوام کرے گی امریکا نہیں۔ چیئرمین پاکستان تحریک انصاف عمران خان نے میانوالی میں جلسے سے خطاب کرتے ہوئے کہا کہ عوام کا سمندر دیکھ کر اللہ کا شکر ادا کرتا ہوں کہ عوام میں شعور پیدا ہوا ہے، اور میری قوم کو جگایا ہے، میں اللہ کا شکر ادا کرتا ہوں کہ اس نے قوم کو لاالہ الااللہ کا مطلب سمجھا دیا ہے۔انہوں نے کہا کہ آپ لوگوں کو کبھی نہیں بھولوں گا، جب کسی نے مجھے ووٹ نہیں دیا تو میانوالی والوں نے مجھے جتایا، میانوالی کے لوگوں نے مجھے پہلی بار منتخب کیا، انہوں نے کہا کہ حقیقی آزادی کی تحریک کا میانوالی سے آغاز کررہا ہوں، 20 تاریخ کے بعد کسی دن بھی اسلام آباد مارچ کی کال دے سکتا ہوں، جب اسلام آباد کی کال دوں گا تو آپ آئیں گے۔عمران خان نے سوال کیا کہ ڈاکوؤں کی حکومت نے کنٹینر رکھے تو ہٹا دو گے؟ نہ 18 قتل کرنے والے رانا ثنا اللہ آپ کو روکے گا، نہ یہ جوتے پالش کرنے والاچیری بلاسم آپ کو روکے گا۔انہوں نے کہا کہ جب تک زندہ ہوں میرا وعدہ ہے کبھی کسی کے سامنے جھکنے نہیں دوں گا، ڈاکو مجھے نیازی کہتے ہیں تو مجھے اچھا لگتا ہے، میں ان چوروں کا شکر ادا کرتا ہوں، جب تک چور جیلوں میں نہیں جائیں گے جہاد کرتا رہوں گا، سابق وزیراعظم نے کہا کہ امریکا سے سازش شروع ہوئی، امریکا نے ہمارے میر جعفروں میر صادقوں کے ساتھ مل کر منتخب حکومت ہٹایا، چیری بلاسم کہتا ہے عوام کو غلامی کرنی پڑے گی، میں کہتا ہوں تم امریکا کے غلام ہو، ہم تو صرف اوپر والے کی غلامی کرتے ہیں، ہم محمدۖ کی امت سے ہیں، کسی سپر پاؤر کے آگے نہیں جھکتے، ہمارے نبیۖ نے ہمیں خود داری اور غیرت دی، قرآن میں اللہ نے کہا انسان کو اشرف المخلوقات بنایا ہے۔ چیئرمین تحریک انصاف نے کہا کہ انسان فرشتوں سے اوپر ہے اور گرتا ہے تو جانور بن جاتا ہے، قائداعظم محمد علی جناح کبھی امریکا کی غلامی نہ کرتے جو یہ چوروں نے کرائی، آج قوم ایک چیز پر کھڑی ہے، دوستی سب سے مگرغلامی کسی کی نہیں کریں گے۔ انہوں نے کہا کہ میانوالی کے لوگو، ہمیں غصہ دو وجوہات سے ہے، امریکا نے ہمارے سفیر کو واشنگٹن میں بلا کر کہا عمران خان کو ہٹاؤ، امریکا کہتا ہے عمران خان کو نہ ہٹایا تو مشکلات کا سامنا کرنا پڑے گا، امریکا کہتا ہے چیری بلاسم کو لے آئے تو پاکستان کو معاف کردیں گے، انہوں نے کہا کہ پاکستان کے عوام نہ جھکتے ہیں اور نہ کسی خوف کے بت کی پوجا کرتے ہیں، عظیم قوم زرداری، نواز شریف، چھوٹا شریف اور اسکے بیٹے کی غلامی نہیں کریگی، ہم کسی صورت ان چوروں کو اپنے اوپر مسلط نہیں ہونے دیں گے، ہم بھکاری نہیں ہمارا ملک کلمہ طیبہ کے نعرے پر بنا ہے،عمران خان نے کہا کہ چوروں نے میرے خلاف ایف آئی آر کاٹی، راشد شفیق کو ائیرپورٹ سے پکڑ کر جیل میں ڈالا، مدینہ میں جو آپ کے خلاف آواز اٹھی کہتے ہیں یہ ہم نے کرایا، میرا چیلنج ہے دنیا میں جہاں بھی پاکستانی ہیں وہاں سے چور اور غدار کی آواز آئے گی، موٹروے پر شہبازگل پر چوروں نے حملہ کرایا، کسی کارکن کو کچھ ہوا تو تھری اسٹوجز اور ان کے ہینڈلرز ذمہ دار ہوں گے، رانا ثنا اللہ وہ غنڈہ ہے جس نے سب سے زیادہ پولیس مقابلوں میں لوگوں کو مروایا۔ انہوں نے کہا کہ یہ سوشل میڈیا کا زمانہ ہے اب اس قوم کو کوئی کنٹرول نہیں کرسکتا، اسلام آباد میں عوام کا سمندر آنے والا ہے، میرا چیلنج ہے تاریخ میں کبھی اتنی تعداد میں عوام اسلام آباد نہیں پہنچی ہوگی، 26 سال سے جلسے کررہا ہوں مگر میانوالی کی تاریخ میں اتنا بڑا جلسہ نہیں دیکھا۔ چیئرمین تحریک انصاف نے کہا کہ ڈاکوؤں کا جتھا اور ان کو لانے والے سمجھتے ہیں قوم تھک جائیگی، قوم ابھی تیاری کررہی ہے ابھی تو پارٹی شروع ہوئی ہے، عمران خان نے کہا کہ بتایا جائے میں نے ایک بھی پراپرٹی ملک سے باہر خریدی ہو۔ سابق وزیراعظم نے کہا کہ جب حکومت سنبھالی تو پاکستان دیوالیے پر تھا، کورونا کے باوجود ہم نے خسارہ 11 سال میں سب کم کیا، کورونا سے اپنے لوگوں ،غریبوں اور معیشت کو بچایا، پاکستان کی تاریخ میں کبھی اتنے ڈالر نہیں آئے جتنے ہمارے دور میں آئے، ہماری حکومت نے سب سے زیادہ ٹیکس جمع کیا، فصلوں کی ریکارڈ پیداوار ہوئی۔ انہوں نے کہا کہ میانوالی سے پاکستانیوں کو پیغام دینا چاہتا ہوں، اسلام آباد میں تحریک انصاف نہیں بلکہ پوری قوم کو بلا رہا ہوں، میں اپنے دلیر نوجوانوں کو اسلام آباد بلا رہا ہوں، یہ پاکستان کا معاملہ ہے آپ سب اسلام آباد بوٹ پالشوں کو پیغام دیں اسلام آباد آکر پیغام دیں غلامی نامنظور،امپورٹڈ حکومت نامنظور، الیکشن کراؤ، انہوں نے مطالبہ کیا کہ ملک میں فوری الیکشن کرائیں جائیں فیصلہ عوام کرے گی امریکا نہیں۔انہوں نے کہا کہ پنجاب کے اندر ہماری حکومت گرائی گئی، انصاف کے اداروں سے پوچھتا ہوں کہ کیا آپ کو سوموٹو نہیں لینا چاہیے تھا، کبھی سنا ہے کہ ووٹ اپنے حلقے سے لیں اور سودا کہیں اور جا کر کریں، کبھی سنا ہے یورپ، آسٹریلیا یا نیوزی لینڈ میں کوئی اپنا ضمیر بیچ دے، جو ملک اسلام کے نام پر بنا اس کے ایم پی ایز نے خود کو بھیڑ بکڑیوں کی طرح بیچ دیا، کبھی دیکھا ہے ممبران اسمبلی ضمیر بیچیں اور انصاف کے ادارے خاموش رہیں۔ عمران خان نے کہا کہ جو اپنے ملک، آئین حلقے کے لوگوں سے غداری کرتے ہیں آپ نے انھیں سبق سکھانا ہے، سبق سکھانا ہے کہ ایسے ساری زندگی اپنا ضمیر بیچنے سے ڈریں، پاکستانیوں سنو یہ لوٹے کسی بھی حلقے میں آئیں تو آپ نے انکا بندوبست کرنا ہے۔ انہوں نے کہا کہ آپ کو فیصلہ کرنا ہے کہ کیا اللہ کے حکم پرچلیں گے، اللہ ہمیں حکم دیتا ہے کہ حق کے ساتھ کھڑے ہو اچھائی کے ساتھ کھڑے ہو، نیوٹرل صرف جانور ہوتا ہے انسان نہیں، اللہ نے انسان کو عقل دی ہے، جو چوروں کے خلاف جہاد کرے ان کے ساتھ کھڑے ہوجاؤ۔ سابق وزیراعظم نے کہا کہ صحیح فیصلہ کیا تو 75 سالوں میں وہ قوم بنے گی جس کا خواب اقبال نے دیکھا، ان چوروں کو اوپر لانے کے لیے پاکستان نہیں بنا تھا، یہ چوروں کے خلاف صرف جہاد نہیں بلکہ یہ حقیقی آزادی کی جنگ ہے، مجھے پاکستان کا سنہری وقت نظرآرہا ہے۔ انہوں نے کہا کہ اس سے پہلے اس جیسا جوتے پالش کرنے والا چیری بلاسم ملکی تاریخ میں نہیں آیا، چیری بلاسم کا بیٹا، داماد، ان کا منشی اسحاق ڈار ملک سے باہر بھاگا ہوا ہے۔
سندھ میں پانی کی شدید قلت ہے، وفاقی حکومت کو نوٹس لینا چاہیے ،اجلاس میں حکومتی ارکان پیپلز پارٹی کے منصوبے گنواتے رہے، اپوزیشن کی جانب سے مسائل کی نشاندہی حکومتی اراکین خود مسائل کا رونا رو رہے ہیں، 18سال کے دوران سندھ میں کیا ہوا، ڈیفنس میں فحاشی کے اڈے چل رہے ہیں،باتوں سے یہ ش...
انسداد دہشتگردی عدالت نے 9 مئی کے ایک اور مقدمے کا فیصلہ سناتے ہوئے یاسمین راشد، محمود الرشید، عمر چیمہ اور اعجاز چوہدری کو 10، 10 سال قیدکی سزا اور شاہ محمود کو بری کر دیا جج منظر علی گل نے کوٹ لکھپت جیل میںپولیس کی گاڑیاں جلانے کا مقدمے کا محفوظ فیصلہ سنایا، جلائو گھیرائو کیس ...
تخریب کاروں کو چوکوں اور چوراہوں پر سرعام پھانسی جیسی عبرتناک سزائیں دی جائیں آٹا، چینی، چاول اور بجلی سے متعلق معاشی مطالبات تو بالکل جائز تھے، سردار عتیق احمد خان سابق وزیر اعظم آزاد جموں و کشمیر اور آل جموں و کشمیر مسلم کانفرنس کے صدر سردار عتیق احمد خان نے پاکستان کی م...
قومی اسمبلی سے منظور ہونے والا یہ بل جاہلانہ اور غاصبانہ ہے، یہ بل شہریوں کے بنیادی حقوق پر ڈاکہ ہے بل کی منظوری اراکین اسمبلی کی اہلیت پر سوالیہ نشان ، ٹیلی کام ٹاورز کی تنصیب سے متعلق بل پر شدید ردعمل امیر جماعت اسلامی پاکستان حافظ نعیم الرحمن نے قومی اسمبلی سے منظور ہونے و...
تحریک انصاف نے پارٹی پالیسی سے ہٹ کر بیان دینے پر سینیٹر ڈاکٹر زرقا سے وضاحت طلب کرلی حساس نوعیت کے معاملات پر بیان بازی سے گریز کرنے اور 7 روز میں جواب جمع کرانے کی ہدایت پاکستان تحریک انصاف نے آزاد کشمیر کے حوالے سے پارٹی پالیسی سے ہٹ کر بیان دینے پر سینیٹر ڈاکٹر زرقا کو ش...
ملکی قرضوں کی ادائیگی کیلئے 25ہزار 992،غیر ملکی قرضوں کی ادائیگی کیلئے 5ہزار 836ارب مختص کر دیے گئے سود کی ادائیگی کے لیے 69 کھرب 82 ارب روپے سے زائد مختص کیے گئے ہیں ، اپوزیشن کا تحفظات کا اظہار قومی اسمبلی نے 44ہزار 741ارب سے زائد کے غیر تصویبی لازمی اخراجات کی منظوری دیدی۔...
شادی ہالز، تقریباتی مقامات رات 10 بجے اور ریسٹورنٹس، کیفے اور فوڈ آؤٹ لیٹس 11 بجے بند ہوں گے ڈپارٹمنٹل اور جنرل اسٹورز،دکانیں، بازار ،شاپنگ مالز رات 9 بجے بند ہوں گے،کابینہ ڈویژن کا نوٹیفکیشن وفاقی حکومت نے فیول بچت اور اضافی کفایت شعاری اقدامات ختم کر دیے ہیں، اس حوالے سے ...
حملے میں حسین اور رانا صفادی اور ان کی دو چھوٹی بیٹیاں شہید ہوئے شمالی غزہ شہر کے الصفاوی علاقے ڈرون حملے میں ایک شخص مارا گیا غزہ پر اسرائیلی حملوں میں ایک ہی خاندان کے چار سمیت کم از کم پانچ فلسطینی شہید ہوگئے ہیں۔میڈیا رپورٹس کے مطابق صیہونی ریاست کا یہ تازہ حملوں کا سلسلہ...
شہباز شریف کی جانب سے کی گئی میثاق استحکام پاکستان کی پیش کش آج بھی موجود ہے اور حکومت ہر سطح پر بات چیت کے لیے تیار ہے، پی ٹی آئی نے مثبت جواب دیا ہے ، رانا ثنااللہ وزیراعظم کی ہدایت پر وزیر خزانہ محمد اورنگزیب اور اپوزیشن وفد کے درمیان اہم ملاقات ، فاٹا، پاٹا، این ایف سی ایوار...
پیٹرول کی فی لیٹر قیمت 373روپے سے کم ہو کر 299روپے پر آجائے گی، جبکہ ڈیزل کی فی لیٹر قیمت 378روپے سے کم ہو کر 311 روپے ہوگی عوام کی مشکلات کا بخوبی اندازہ ہے ، عوام نے مشکل صورتحال میں صبر و تحمل کا بے مثال مظاہرہ کیا، حکومت کا ساتھ دینے پر ہم عوام کے تہہ دل سے مشکور ہیں، شہباز ...
ایک ہفتے ہیں 0.46فیصد بڑھ گئی،ادارہ شماریات کی مہنگائی سے متعلق ہفتہ وار رپورٹ جاری 25اشیائے ضروریہ کی قیمتوں میں اضافہ ہوا، 11اشیا سستی ہوئیں جبکہ 15اشیا کی قیمتیں مستحکم ادارہ شماریات نے مہنگائی سے متعلق ہفتہ وار رپورٹ جاری کر دی۔رپورٹ کے مطابق ملک میں گزشتہ 1 ہفتے کے دوران...
پیٹرول فی لیٹر 225روپے فکس کرنے کا مطالبہٗ عوام کے حکومت کے خلاف زبردست نعرے پیٹرول کی قیمتوں میں نام نہاد کمی مسترد ٗ موجودہ قیمتیں جنگ سے قبل والی سطح پر نہیں آئیں، خطاب امیر جماعت اسلامی پاکستان حافظ نعیم الرحمن کی اپیل پر پیٹرول کی قیمتوں میں فوری طور پر کمی کرنے ، پیٹرو...
