... loading ...
... loading ...
وزیراعظم عمران خان نے عالمی سطح پر مہنگائی کے باوجود اعلان کیا ہے کہ پیٹرول کی قیمت میں 10 روپے اور بجلی کی قیمت فی یونٹ 5 روپے کم کی جائے گی اور اگلے بجٹ تک دونوں چیزوں کی قیمت میں کوئی تبدیلی نہیں ہوگی، وزیراعظم نے آئی ٹی سیکٹر کو ٹیکسز سے استثنی دینے ، اسکالرشپ اور اوورسیز پاکستانیوں کو سرمایہ کاری پر ٹیکس چھوٹ دینے کا بھی اعلان کر دیا۔ پیر کی شام قوم سے خطاب کرتے ہوئے وزیراعظم نے کہا کہ روس اوریوکرین جنگ کی وجہ سے خوف ہے تیل کی قیمتیں بڑھیں گی دنیا کی30فیصد گیس روس یوکرین سے آتی ہے قیمت بڑھے گی۔ پاکستان میں آج بھی پیٹرول اور ڈیزل کی قیمتیں کم ہیں،اپوزیشن تنقید کرتی ہے ان کے پاس کیا حل ہے اگر اپوزیشن کے پاس تیل کی قیمتوں کے حوالے سے کوئی تجویز ہے تو بتائے، پاکستان میں سبسڈی نہ دیں توفی لیٹرقیمت220 روپے ہے، حکومت نے فیصلہ کیا ہے کہ مہنگائی میں اضافے کے خدشے کے باوجود قیمتیں بڑھانے کے بجائے کم کی جائیں گی۔ وزیراعظم نے خوشخبری سناتے ہوئے کہا کہ پیٹرول اور ڈیزل کی قیمت میں 10 روپے کمی کر رہے ہیں جب کہ بجلی کی قیمت میں5 روپے فی یونٹ کمی کر رہے ہیں فیصلہ کیا ہے آئندہ بجٹ تک بجلی اورتیل کی قیمتوں میں اضافہ نہیں کریں گے، 50سال میں پاکستان میں کوئی ڈیم نہیں بنائے گئے10ڈیم بنارہے ہیں جس کی وجہ سے بجلی کی قیمتوں میں کمی ہوگی۔ وزیراعظم نے گریجویٹس کو 30 ہزار روپے کا انٹرن شپ وظیفہ دینے، آئی ٹی سیکٹر کمپنیوں کیلئے ٹیکسوں میں 100 فیصد کمی، اوورسیز پاکستانیوں کو 5 سال کی ٹیکس چھوٹ دینے کا اعلان کرتے ہوئے کہا کہ احساس پروگرام کے ذریعے 12ہزار کے بجائے 14ہزار ملیں گے،جب کہ 26لاکھ اسکالرشپس لارہے ہیں جس پر38 ارب روپے خرچ ہوں گے ، اسکالرشپ میرٹ پردی جائیں گی، کسی کومسئلہ ہو تو پورٹل پرشکایت کرے گا۔ عمران خان نے اعلان کیا کہ آئی ٹی سیکٹر میں فری لانسرز اور کمپنیوں کو 100فیصد ٹیکس معاف کر دیا ہے۔ آئی ٹی سیکٹرمیں فارن ایکسچنج کی موومنٹ پر100فیصد چھوٹ دیدی گئی ہے۔ آئی ٹی اسٹارٹ اپ کو 100 فیصد کیپٹل گین ٹیکس پرچھوٹ دیدی گئی ہے۔ انڈسٹری سے متعلق کل لاہورمیں پیکیج سے متعلق آگاہ کیا جائے گا۔ وزیراعظم نے صحت کارڈ سے متعلق کہا کہ خواہش ہے ہر پاکستانی شہری کے پاس ہیلتھ انشورنس ہو صحت کارڈ کی ترقی یافتہ ممالک میں بھی ایسی اسکیم نہیں ہے پنجاب میں ہر گھرانے کے پاس مارچ کے آخرتک صحت کارڈ ہو گا۔ ہیلتھ کارڈ کے ذریعے کسی بھی اسپتال سے علاج کرایا جاسکتا ہے۔ وزیراعظم نے کہا کہ اوورسیز پاکستانی جو سرمایہ کاری کریں گے انہیں 5 سال ٹیکس چھوٹ دیدی ہے اوورسیز پاکستانی جو جوائنٹ وینچر کریں گے انہیں بھی5 سال ٹیکس چھوٹ ہوگی، کسانوں اورگھروں کی تعمیر کیلئے آئندہ 2سال میں407ارب کے قرضے دیں گے جب کہ تنخواہ دارطبقے کوبینک قرضے نہیں دیتے تھے تاہم بینک اب تک 50 ارب روپے گھروں کی تعمیر کیلئے قرضے دے چکے ہیں ،عمران خان نے کہا کہ کامیاب پاکستان پروگرام کے تحت نوجوان، کسانوں کو سود کے بغیر قرض دیں گے، جوغریب اپنا گھر بنانا چاہتے ہیں ان کو سستا قرضہ دیں گے، قرض لینے کے لیے بینکوں میں آسانی پیدا کردی ہے، پہلے بینک چھوٹے طبقے کو قرضے نہیں دیتے تھے، جو آدمی کرائے کے گھر میں رہتا ہے اتنی قسط دے کر اپنا گھر لے سکتے ہیں، 50 ارب روپیہ گھروں کے لیے دے چکے ہیں، صحت کارڈ پر مجھے سب سے زیادہ فخر ہے، غریب گھرانے کے لیے صحت کارڈ سب سے بڑی نعمت ہے، جب کوئی غریب بیمار ہو تو اسے پیسے نہ ہونے کا خوف نہیں ہوگا، ہر گھرانے کے پاس صحت کارڈ ہوگا، ہر خاندان کسی بھی ہسپتال سے 10 لاکھ تک علاج کرا سکتا ہے، ہماری حکومت کا ساڑھے تین سالوں میں صحت کارڈ سب سے بڑا کام ہے، قوم سے کہنا چاہتا ہوں مجھے پتا ہے یہ مشکل حالات ہیں، کبھی پلوامہ، کبھی کورونا اور اب یوکرین کا مسئلہ آگیا، ہماری حکومت سارا وقت عوام کو ریلیف دینے کے لیے سوچتی ہے، ماشااللہ اکانومی اب صحیح راستے پرچل پڑی ہے اور آئی ایم ایف بھی پاکستان کی گروتھ کومستحکم قرار دے رہا ہے۔ وزیراعظم نے خطاب کا آغاز عالمی افق پر تنازعات، دہشتگردی اور جنگوں کے تناظر میں آزاد خارجہ پالیسی پر زور دیتے ہوئے کہا کہ دنیامیں بڑی تیزی سے صورتحال بدل رہی ہے پاکستان پربھی دنیا کی تیزی سے بدلتی صورتحال کے اثرات پڑ رہے ہیں معاشی صورتحال اورفارن پالیسی کیلئے دواہم دورے کیے چین اورروس کے اہم دورے کیے ہمیشہ آزاد فارن پالیسی کاسوچا ہے آزاد فارن پالیسی کامطلب ہے ہمیشہ اپنے عوام کیلئے سوچنا، امریکا کے ساتھ وارآن ٹیرر میں حصہ لیا تو شروع سے کہا اس کاحصہ نہیں بننا چاہیے ہم نے سوویت یونین کیخلاف امریکا کیساتھ افغانستان میں شرکت کی۔ دورہ روس کی وجہ بتاتے ہوئے وزیراعظم نے کہا کہ روس سے ہمیں20 لاکھ ٹن گندم اور گیس درآمد کرنی ہے روس میں دنیا کی 30 فیصد گیس ہے جس کی ضرورت پاکستان کو ہے۔ وزیراعظم نے کہا کہ پیکا قانون 2016 میں بنا تھا جس میں ترمیم کر رہے ہیں جو سربراہ قانون نہیں توڑتا اسے کبھی آزاد صحافت یامیڈیا سے خطرہ نہیں ہوتا، 70فیصد خبریں میڈیا میں ہمارے خلاف آئیں لیکن فرق نہیں پڑا، پیکا قانون سوشل میڈیا پر آنے والے گند کو روکنے کیلئے لارہے ہیں چائلڈ پورنوگرافی، سوشل میڈیا پر انتہائی غلیظ چیزیں آرہی ہیں، ایف آئی اے کے پاس سوشل میڈیا سے متعلق 94ہزار کیسزہیں۔ انہوں نے کہا کہ وزیراعظم تک کیخلاف نازیبا اور غیراخلاقی مہم چلائی جارہی ہے پہلے کہا گیا وزیراعظم نے بنی گالہ میں غلط کام کیا آج 3سال ہوگئے غلط خبردینے والے صحافی کیخلاف کارروائی نہیں ہوئی اسی صحافی نے پھر خبر دی کہ وزیراعظم کی اہلیہ گھر چھوڑ کر چلی گئی جو غلط ہے لیکن صحافی کیخلاف پھربھی کوئی کارروائی نہیں ہوئی۔ عمران خان نے کہا کہ وزیراعظم کو3سال سے انصاف نہیں ملا توعام آدمی کا کیا ہو گا؟ شوکت خانم اسپتال کیخلاف بے بنیاد خبر دی، کہا گیا شوکت خانم کے فنڈ کے پیسے پی ٹی آئی کیلئے استعمال ہو رہے ہیں شوکت خانم اب یو کے میں کیس کرنے جارہاہے۔ ان کا کہنا تھا کہ ایسے صحافی بیٹھے ہیں جو پیسے لے کر گند اچھال رہے ہیں ساری زندگی تنقید برداشت کی ہے جو غیرذمہ دارانہ چیزیں یہاں آتی ہیں کسی اورجمہوری ملک میں نہیں ہوتا، پیکا قانون کا آزادی صحافت سے تعلق نہیں ہے اچھے صحافی پیکا قانون سے خوش ہونگے کیونکہ جعلی خبریں رکیں گی خواتین سے متعلق گند اچھالنا کسی کوزیب نہیں دیتا اندازہ لگائیں وزیراعظم آزادکشمیر کا انتخاب کیاگیا توتنقید کی گئی یہ کہا گیا جادو ٹونے سے وزیراعظم آزادکشمیر کا انتخاب کیا گیا اس قسم کی خبرکسی اورملک میں چلائی جاتی تو کیسز ہوتے۔وزیراعظم نے کورونا سے معیشت کو پہنچنے والے نقصانات اور چیلنجز کا ذکر کرتے ہوئے کہا کہ 2018 میں معیشت ملی تو پاکستان کا سب سے بڑاخسارہ تھا پاکستان کی تاریخ میں سب سے بڑاڈیفسٹ تھا ہمارے فارن ریزرو 3ماہ کیلئے بھی نہیں تھے پہلے ہی مشکل حالات تھے اوپر سے کورونا نے بھی معیشت کومتاثر کیا کورونا کی وجہ سے لاک ڈاون ہوا جس کی وجہ سے مسائل ہوئے سپلائی لائنز متاثر ہوئیں، کموڈٹیز تاریخی مہنگی ہوئیں۔ وزیراعظم کا مہنگائی پر تقابلی جائزہ پیش کرتے ہوئے کہا کہ کہا گیا حکومت ہٹادو مہنگائی لائی،عالمی صورتحال بھی دیکھ لیں پیپلزپارٹی کے چوتھے دور میں13.8فیصدمہنگائی ہوئی، ن لیگ کے پہلے دور میں 10.8، دوسرے دور میں 7.2فیصد مہنگائی ہوئی ن لیگ کے تیسرے دورمیں تیل کی کم قیمت ہونے کے باوجود5فیصدمہنگائی ہوئی پی ٹی آئی کے 3سال میں8.7 فیصد مہنگائی ہوئی، مہنگائی ہے لیکن اس کی وجہ کیا ہے وہ بھی دیکھناچاہیے مہنگائی صرف پاکستان نہیں دنیا بھرمیں آئی ہوئی ہے۔عمران خان نے کہا کہ جب ملک کے سربراہان کے بیرون ملک اربوں ڈالرہونگے تو کبھی اپنے ملک کی بہتری کا نہیں سوچتے، قوم جب ووٹ ڈالے تو کبھی اس پارٹی کو ووٹ نہ دیں جن کے بیرون ملک پیسے، جائیدادیں ہے۔وزیراعظم نے اپنے خطاب میں مزید کہا کہ چین اور روس کا دورہ کرچکا ہوں، دنیا میں صورتحال تیزی سے بدل رہی ہے، دنیا کی بدلتی صورتحال کا اثر پاکستان پر بھی پڑا ہے، چین، روس کا بڑا اہم دورہ کیا ملک کوعزت ملی، آنے والے وقت میں بڑے اچھے نتائج آئیں گے، روس سے 20 لاکھ ٹن گندم امپورٹ کرنی ہے، روس سے گیس بھی امپورٹ کریں گے، چین کے ساتھ سی پیک کے دوسرے فیز میں اہم معاہدے ہوئے۔عمران خان نے کہا کہ دنیا نے کورونا کے دوران ہماری حکومت کی معاشی پالیسی کوسراہا، کورونا کے باوجود دنیا کے ٹاپ تین ممالک میں معیشت بچانے والا پاکستان ہے، ورلڈ بینک، ورلڈ اکنامک فورم نے پاکستان کی تعریف کی، اگر ہماری حکومت نااہل ہوتی تو عالمی ادارے تعریف کرتے؟ بل گیٹس نے ملاقات میں پوچھا کیا اقدامات اٹھائے جو حالات بہتر رہے، ایک طرف کورونا، دوسری طرف پولیو مہم بھی چلا رہے تھے، پچھلے سال کوئی پولیو کیس نہیں آیا جبکہ احساس پروگرام کی دنیا نے تعریف کی۔
ہائبرڈ جنگ، انتہاء پسند نظریات اور انتشار پھیلانے والے عناصر سے نمٹنے کیلئے تیار ہیں، سید عاصم منیرکا گوجرانوالہ اور سیالکوٹ گیریژنز کا دورہ ،فارمیشن کی آپریشنل تیاری پر بریفنگ جدید جنگ میں ٹیکنالوجی سے ہم آہنگی، چابک دستی اور فوری فیصلہ سازی ناگزیر ہے، پاک فوج اندرونی اور بیر...
دنیا پاکستان کی طرف دیکھ رہی ہے، نوجوان مایوس نہ ہوں ،حکمران طبقہ نے قرضے معاف کرائے تعلیم ، صحت، تھانہ کچہری کا نظام تباہ کردیا ، الخدمت فاؤنڈیشن کی چیک تقسیم تقریب سے خطاب امیر جماعت اسلامی پاکستان حافظ نعیم الرحمن نے کہا ہے کہ دنیا پاکستان کی طرف دیکھ رہی ہے، نوجوان مایوس...
حملہ آوروں کا تعلق کالعدم دہشت گرد تنظیم سے ہے پشاور میں چند دن تک قیام کیا تھا خودکش جیکٹس اور رہائش کی فراہمی میں بمباروں کیسہولت کاری کی گئی،تفتیشی حکام ایف سی ہیڈکوارٹرز پر حملہ کرنے والے دہشتگرد نیٹ ورک کی نشاندہی ہو گئی۔ تفتیشی حکام نے کہا کہ خودکش حملہ آوروں کا تعلق ...
غذائی اجناس کی خود کفالت کیلئے جامع پلان تیار ،محکمہ خوراک کو کارروائیاں تیز کرنے کی ہدایت اشیائے خوردونوش کی سرکاری نرخوں پر ہر صورت دستیابی یقینی بنائی جائے،وزیراعلیٰ خیبرپختونخوا وزیراعلیٰ خیبرپختونخوا محمد سہیل آفریدی نے محکمہ خوراک کو ناجائز منافع خوری اور ذخیرہ اندوزی ...
ادارہ جاتی اصلاحات سے اچھی حکمرانی میں اضافہ ہو گا،نوجوان قیمتی اثاثہ ہیں،شہبا زشریف فنی ٹریننگ دے کر برسر روزگار کریں گے،نیشنل ریگولیٹری ریفارمز کی افتتاحی تقریب سے خطاب وزیر اعظم محمد شہباز شریف نے کہا ہے کہ ملک معاشی بحران سے نکل چکاہے،ترقی کی جانب رواں دواں ہیں، ادارہ جات...
عالمی برادری افغان حکومت پر ذمہ داریوں کی ادائیگی کیلئے زور ڈالے،سماجی و اقتصادی ترقی اور عوام کی فلاح و بہبود پاکستان کی اولین ترجیح،موسمیاتی تبدیلیوں کی وجہ سے مشکلات کا سامنا ہے تنازعات کا پرامن حل پاکستان کی خارجہ پالیسی کا بنیادی ستون ،فلسطینی عوام اور کشمیریوں کے بنیادی حق...
حکومت نے 23شرائط مان لیں، توانائی، مالیاتی، سماجی شعبے، اسٹرکچرل، مانیٹری اور کرنسی وغیرہ شامل ہیں، سرکاری ملکیتی اداروں کے قانون میں تبدیلی کیلئے اگست 2026 کی ڈیڈ لائن مقرر کر دی ریونیو شارٹ فال پورا کرنے کیلئے کھاد اور زرعی ادویات پر 5 فیصد فیڈرل ایکسائز ڈیوٹی لگائی جائیگی، ہا...
پارٹی کے اندر لڑائی برداشت نہیں کی جائے گی، اگر کوئی ملوث ہے تو اس کو باہر رکھا جائے آزادکشمیر و گلگت بلتستان میں میرٹ پر ٹکت دیں گے میرٹ پر کبھی سمجھوتا نہیں کیا،صدر ن لیگ مسلم لیگ(ن)کے صدر نواز شریف نے کہا ہے کہ این ایف سی ایوارڈ بھیک نہیں ہے یہ تو حق ہے، وزیراعظم سے کہوں گا...
تمام سیاسی جماعتیں اپنے دائرہ کار میں رہ کر سیاست کریں، خود پنجاب کی گلی گلی محلے محلے جائوں گا، چیئرمین پیپلز پارٹی کارکن اپنے آپ کو تنہا نہ سمجھیں، گورنر سلیم حیدر کی ملاقات ،سیاسی صورتحال پر تفصیلی تبادلہ خیال کیا ،دیگر کی بھی ملاقاتیں پاکستان پیپلز پارٹی کے چیٔرمین بلاول...
منظوری کے بعد ایک لیٹر پیٹرول 263.9 ،ڈیزل 267.80 روپے کا ہو جائیگا، ذرائع مٹی کا تیل، لائٹ ڈیزلسستا کرنے کی تجویز، نئی قیمتوں پر 16 دسمبر سے عملدرآمد ہوگا پیٹرولیم مصنوعات کی قیمتوں میں ردوبدل، پیٹرول کی قیمت میں معمولی جبکہ ڈیزل کی قیمت میں بڑی کمی کی تجویز پیش کی گئی ہے۔ ذ...
عزت اور طاقت تقسیم سے نہیں، محنت اور علم سے حاصل ہوتی ہے، ریاست طیبہ اور ریاست پاکستان کا آپس میں ایک گہرا تعلق ہے اور دفاعی معاہدہ تاریخی ہے، علما قوم کو متحد رکھیں،سید عاصم منیر اللہ تعالیٰ نے تمام مسلم ممالک میں سے محافظین حرمین کا شرف پاکستان کو عطا کیا ہے، جس قوم نے علم او...
حالات کنٹرول میں نہیں آئیں گے، یہ کاروباری دنیا نہیں ہے کہ دو میں سے ایک مائنس کرو تو ایک رہ جائے گا، خان صاحب کی بہنوں پر واٹر کینن کا استعمال کیا گیا،چیئرمین بیرسٹر گوہر کیا بشریٰ بی بی کی فیملی پریس کانفرنسز کر رہی ہے ان کی ملاقاتیں کیوں نہیں کروا رہے؟ آپ اس مرتبہ فیڈریشن ک...
