وجود

... loading ...

وجود
وجود

وزیراعظم کے دشمن مصنوعی خیالات

جمعرات 27 جنوری 2022 وزیراعظم کے دشمن مصنوعی خیالات

دائروں کا سفر تنہائیوں اور خودکلامیوں پر ختم ہوتا ہے۔ وزیراعظم عمران خان تنہائیوں کے شکار ہوئے۔ آہ! بھیڑ کی تنہائیاں بھی کیا سفاک تنہائیاں ہیں۔ صحرا میں بگولے رقصاں رہتے ہیں۔ مگر وزیراعظم کا سیاسی صحرا سمٹا جاتا ہے۔ وزیراعظم کی حالت دھیان میں رہے تو شاعر کا خیال دامن چھوتا ہے!
بگولے بام و در سے پوچھتے ہیں
ہمارے رقص کا صحرا کہاں ہے
وزیراعظم نے پوچھا نہیں، انتباہ فرمایا:حکومت سے نکلا تو زیادہ خطرناک ہوں گا”۔ اُس شخص سے واقعی ڈرنا چاہئے جو اپنے ہونے کا جواز اپنے بگاڑ سے لاتا ہو۔ دیوار گرانا نہیں ، دیوار اُٹھانا کام ہوتا ہے۔ تخریب بھی ایک طاقت ہے، مگر تعمیر کی صلاحیت اصل طاقت ہے۔ عمران خان مگر دیوار گرانے کو کام سمجھتے ہیں۔ اُنہیں وزیراعظم کے طور پر دیوار اُٹھانے کی ذمہ داری ملی تھی، تاحال ناکام ہیں۔ اب وہ اپنے دیوار گرانے کی طاقت سے لوگوں کو خوف زدہ کررہے ہیں۔ مگر طاقت کی ایک سادہ تشریح یہ ہے کہ اگر آپ کو یہ کہنا پڑے کہ آپ کیا ہو، تو آپ کچھ بھی نہیں ہو۔ عمران خان کا معاملہ قدرے مختلف ہے، وہ ”کچھ بھی نہیں” کی تشریح پر بھی پورا نہیں اُترتے۔ عمران خان کی سیاسی زندگی کی ابتدا آئی ایس آئی کے سابق سربراہ جنرل حمید گل اور محمد علی درانی کی قیادت میں قائم پاسبان گروپ میں شمولیت کو قرار دیں تو اب اٹھائیس سال ہوتے ہیں، اگر تحریک انصاف کے 25 اپریل 1996ء کے قیام کو اُن کے سیاسی دنگل میں داخل ہونے کا آغاز سمجھیں تو یہ سفر چھبیس سال پر محیط ہوگا، اس عرصے میں عمران خان نے جتنے طرارے بھرے، روپ بہروپ اختیار کیے، سوانگ بنائے، سب کچھ وزیراعظم بننے کے لیے تھا۔ اُن کی تمام ”تگا پوئے دما دم” کا ہدف حکومت تھا۔چنانچہ وزیراعظم کے لیے حکومت سے نکلنا کوئی آسان نہیں۔ اُن کا انتباہ بھی کوئی سادہ بات نہیں۔
یاد کرلیجیے! وزیراعظم کے طور پر نوازشریف نے 12 اکتوبر 1999ء کو حکومت سے بے دخلی پر مقدور بھر مزاحمت کی تھی۔سابق صدر آصف علی زرداری کو ایک ادارے کے سربراہ نے استعفیٰ دینے کا مشورہ دیا تو اُن کا انکار ہاتھوں کی عریاں حرکت بن کر ظاہر ہوا تھا۔ زرداری نے میمو گیٹ کے لرزہ خیز ایام میں بیماریوں کی یورش کے باوجود اپنے اعصاب کو چٹخنے نہ دیا تھا،اُنہوں نے اپنی مدت سے ایک روز پہلے بھی اقتدار چھوڑنے کی رعایت نہیں دی۔عمران خان کے مخالفین بھی یہ ماننے میں نہیں ہچکچاتے کہ وہ ان دونوں سے زیادہ مزاحمت کر سکتے ہیں۔زمین کو آسمان سے دیکھنے اور سنجیدہ موضوعات کو ظرافت کے قلب میں ڈھال کر بیان کرنے والے شاعر اکبر الہ آبادی کہاں یاد آئے!
ہر چند بگولہ مضطر ہے اک جوش تو اس کے اندر ہے
اک وجد تو ہے اک رقص تو ہے بے چین سہی برباد سہی
سوال یہ نہیں کہ وزیراعظم عمران خان کیا واقعی خطرناک ہے، سوال یہ ہے کہ خود اُنہیں کیاخطرات لاحق ہیں؟ وہ خود کو غیر محفوظ کیوں سمجھتے ہیں؟ اُنہیں حکومت جانے کا خطرہ کہاں سے دکھائی دے رہا ہے؟اُنہیں ان خطرات کا سامنا کرتے ہوئے خود کو خطرناک باور کرانے کی باڑھ کیوں لگانی پڑ رہی ہے؟کون نہیں جانتا، کھیل کہاں اور کیسے کھیلا جارہا ہے۔ وزیراعظم عمران خان اگست 2018 ء میں جب سریر آرائے اقتدار ہوئے تو طاقت ور حلقوں کی ”اشیر باد”ظاہر وباہر تھی۔ عمران خان کی اپوزیشن میں بگولوں کی مانند رقصاں سیاست کے تیوروں میں دشت گھبرائے پھرتے تھے۔ اقتدار کا ماجرا ذرا مختلف ہوتا ہے۔ یہ دبدبے سے قائم رہتا ہے مگر اپنے باطن میں خوف کی بِنا رکھتا ہے۔ اقتدار تحمل اور بُرد باری کا تقاضا کرتا ہے۔ وزیراعظم عمران خان سے یہ امید پہلے دن کی طرح اب بھی کافی سے بہت زیادہ ہوگی۔ حکومت کی واحد چیز جو اسے ماضی سے مختلف کرتی تھی، وہ سربراہِ حکومت کے طور پر ان کا طاقت ور حلقوں سے ”لاڈلے” کی حیثیت پانا تھا۔ یہ کوئی لپک کر لیا گیا انتخاب نہ تھا۔ دونوں ایک دوسرے سے اچھی طرح واقف تھے۔ چھبیس برسوں میں چھبیس سے زیادہ مواقع پر عمران خان طاقت ور حلقوں کے مخالف دشت میں بگولوں کی طرح بھٹکتے رہے۔ اُن کی آوازیں آج بھی بصری اور سمعی فیتوں میں محفوظ ہیں۔یہ بھی راز نہیں کہ عمران خان کے خلاف رات کی تاریکیوں اور پردے کے پیچھے بہت سے حلقے متحرک رہے۔ گویا عمران خان کو ملنے والی حمایت تمنا کی خوش نما وادیوں سے نہیں ، بلکہ مجبوریوں کے صحراؤں سے اُبھری تھی۔ میمو گیٹ والے زرداری اور ڈان لیکس والے شریف کے ساتھ نباہ انتہائی کٹھن ہو چکا تھا۔ چنانچہ عمران خان کی جانب ”لاڈ” کا رخ سکڑتی بساط میں کم ہوتے مہروں کے باعث تھا۔ افسوس فرزیں ، شاطر کے ارادوں سے ناآگاہ رہا۔ پاکستان کے غیر فطری سیاسی بندوبست کی طویل دہائیوں میں عمران خان کوئی فطری انتخاب نہیں۔ درحقیت یہ بندوبست کی سیاست میں مجبوریوں اور لاچاریوں کا کھیل ہے جسے فطری طور پر اسی طرح بے ہنگم ہونا ہوتا ہے۔
یہ کوئی کرکٹ کی طرح کا کھیل نہیں،وزیراعظم عمران خان اس مختلف کھیل میں مہارت نہ رکھتے تھے۔اُن کا سارا انحصار ناقابل عمل اور بیکار خیالات پرتھا۔ جو رومانویت کی کوئی تعبیر تو پاسکتے تھے، مگر عملی دنیا سے کوئی علاقہ نہیں رکھتے۔ عمران خان کی لفظی بمباری خروشچیف ایسی بھی نہ تھی۔جو شعوری گرفت کے ساتھ مضبوط طور پر ظاہر ہوتی تھی۔ عمران خان کے ہاں یہ طولِ کلام اور تکرارِ کلام کی ایک فضول مشق ہی رہی، جس نے اُن کو پسند کرنے والوں میں بھی ایک بوریت پیدا کردی۔ وزیراعظم عمران خان کے تمام دعوے، وعدے اور بیانئے عمل کی میزان پر پورے نہیں تُل سکے۔ اُنہیں ”یوٹرن” کا طعنہ تواتر سے سہنا پڑا، اور یہ سب ناقابل عمل خیالات سے رومانوی تعلق کے باعث تھا جسے عملی دنیا میں کبھی اجاگر ہی نہ ہونا تھا۔ چنانچہ عمران خان کو اپنے سیاسی گزر بسر کے لیے جن خیالات پر انحصار کرنا پڑا، وہی اُن کے سب سے بڑے دشمن بن گئے۔ درحقیقت اُنہیں ”لاڈلے” رہتے ہوئے کسی پی ڈی ایم سے کوئی خطرہ کبھی نہ تھا۔ وہ اقتدار کے تمام شب وروز اپنے مصنوعی اور تباہ کن خیالات سے ہی نبرد آزما رہے۔ کسی رہنما کی سب سے بدترین لڑائی اپنے مخالفین سے زیادہ ایسے تباہ کن خیالات سے رہتی ہے جس کی چکاچوند سے وہ عوام کو اندھا اور ذہن پراگندہ کردیتا ہے۔ عمران خان کا سامنا اب بھی کچھ اسی نوع کے خیالات سے ہیں۔ جس میں وہ اپنے بعد کی دنیا کو اپنے بغیر دوسروں کے لیے خطرناک پاتے ہیں۔ یہ ڈیگال کے وہم سے بھی بڑا وہم ہے جو سمجھتا تھا کہ سیاسی معاملات میں براہِ راست وہ خداسے احکامات لیتا ہے۔ وزیراعظم شاید بھول گئے ہیں کہ وہ گزشتہ چھبیس برسوں سے حزب اختلاف میں ہی تھے، اس عرصے میں وہ ہر ایک کے مخالف وموافق رہنے کی ایک تاریخ پہلے سے رکھتے ہیں۔ اُن کے پاس نیا ایسا کچھ نہیں جو چونکاتا ہو، البتہ اقتدار سے رخصتی کے بعد اُن کے پاس جو دو چیزیں نہیں ہونگیں ، اُن میں سے ایک” ایمپائر کی اُنگلی” ہے اور دوسری اقتدار میںآکر تبدیلی کا دعویٰ ہے۔ کیونکہ اب وہ ان دونوں کے ساتھ آزمائے جاچکے۔ لیڈر کا معاملہ یہ ہے کہ وہ امید پیدا نہ کرسکے تو عوام میں اپنی مقبولیت کو قائم نہیں رکھ سکتا۔ عمران خان کا عرصہ ٔ اقتدار اُن سے وابستہ امید کے خاتمے کاد ور تھا، جسے اب وہ ”دھمکی” سے طول دینا چاہتے ہیں۔ اس دھمکی میں بھی ایک خرابی یہ ہے کہ وہ اقتدار میں رہتے ہوئے بھی اس نوع کی ”دھمکیوں” کو حزب اختلاف کے رہنماؤں کے لیے موثر نہیں بناسکے۔ اب وہ اقتدار سے بے دخلی کے بعد ایسا کون سا پہاڑ گرادیں گے۔وزیراعظم نے ارشاد فرمایا ہے کہ ابھی تو وہ کمرے میں خاموش رہتے ہیں مگر اقتدار سے باہر جانے کے بعد نہ جانے کیا کرگزریں گے۔ اگر عمران خان اب بھی کارآمد خیالات سے کوئی رشتہ رکھنا چاہیں تو حکیم لقمان کی نصیحت کافی موثر ہے ، جن کی تلقین تھی کہ کم سخنی میں کثیر الفہمی اختیا رکرنی چاہئے مگر خاموشی میں بے فکر نہیں رہنا چاہئے۔ افسوس کمرے کی خاموشی میں اُن کی بے فکری نے اُن کے قدموں میں صحرا بودیے اور اُنہیں بگولوں کے سامنے لاکھڑا کیا ہے۔ ہوسکتا ہے کہ وہ گردشِ حالات میں موجودہ بحران سے نجات پالیں مگر اپنے اصل دشمن ان مصنوعی خیالات سے کیسے جان چھڑائیں گے اور ایسے اقتدار سے کیا حاصل کرلیں گے ، جو اقتدار برائے اقتدار کے علاوہ کسی مقصد پر پورا نہ اُترتا ہو۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔


متعلقہ خبریں


مضامین
لیکن کردار؟ وجود جمعرات 28 مارچ 2024
لیکن کردار؟

خوابوں کی تعبیر وجود جمعرات 28 مارچ 2024
خوابوں کی تعبیر

ماحولیاتی تباہ کاری کی ذمہ دار جنگیں ہیں ! وجود جمعرات 28 مارچ 2024
ماحولیاتی تباہ کاری کی ذمہ دار جنگیں ہیں !

ریاست مسائل کی زدمیں کیوں ؟ وجود جمعرات 28 مارچ 2024
ریاست مسائل کی زدمیں کیوں ؟

مردہ قومی حمیت زندہ باد! وجود بدھ 27 مارچ 2024
مردہ قومی حمیت زندہ باد!

اشتہار

تجزیے
پاک ایران گیس پائپ لائن منصوبہ وجود منگل 27 فروری 2024
پاک ایران گیس پائپ لائن منصوبہ

ایکس سروس کی بحالی ، حکومت اوچھے حربوں سے بچے! وجود هفته 24 فروری 2024
ایکس سروس کی بحالی ، حکومت اوچھے حربوں سے بچے!

گرانی پر کنٹرول نومنتخب حکومت کا پہلا ہدف ہونا چاہئے! وجود جمعه 23 فروری 2024
گرانی پر کنٹرول نومنتخب حکومت کا پہلا ہدف ہونا چاہئے!

اشتہار

دین و تاریخ
رمضان المبارک ماہ ِعزم وعزیمت وجود بدھ 13 مارچ 2024
رمضان المبارک ماہ ِعزم وعزیمت

دین وعلم کا رشتہ وجود اتوار 18 فروری 2024
دین وعلم کا رشتہ

تعلیم اخلاق کے طریقے اور اسلوب وجود جمعرات 08 فروری 2024
تعلیم اخلاق کے طریقے اور اسلوب
تہذیبی جنگ
یہودی مخالف بیان کی حمایت: ایلون مسک کے خلاف یہودی تجارتی لابی کی صف بندی، اشتہارات پر پابندی وجود اتوار 19 نومبر 2023
یہودی مخالف بیان کی حمایت: ایلون مسک کے خلاف یہودی تجارتی لابی کی صف بندی، اشتہارات پر پابندی

مسجد اقصیٰ میں عبادت کے لیے مسلمانوں پر پابندی، یہودیوں کو اجازت وجود جمعه 27 اکتوبر 2023
مسجد اقصیٰ میں عبادت کے لیے مسلمانوں پر پابندی، یہودیوں کو اجازت

سوئیڈش شاہی محل کے سامنے قرآن پاک شہید، مسلمان صفحات جمع کرتے رہے وجود منگل 15 اگست 2023
سوئیڈش شاہی محل کے سامنے قرآن پاک شہید، مسلمان صفحات جمع کرتے رہے
بھارت
قابض انتظامیہ نے محبوبہ مفتی اور عمر عبداللہ کو گھر وں میں نظر بند کر دیا وجود پیر 11 دسمبر 2023
قابض انتظامیہ نے محبوبہ مفتی اور عمر عبداللہ کو گھر وں میں نظر بند کر دیا

بھارتی سپریم کورٹ نے مقبوضہ جموں و کشمیر کی خصوصی حیثیت کی منسوخی کی توثیق کردی وجود پیر 11 دسمبر 2023
بھارتی سپریم کورٹ نے مقبوضہ جموں و کشمیر کی خصوصی حیثیت کی منسوخی کی توثیق کردی

بھارتی ریاست منی پور میں باغی گروہ کا بھارتی فوج پر حملہ، فوجی ہلاک وجود بدھ 22 نومبر 2023
بھارتی ریاست منی پور میں باغی گروہ کا بھارتی فوج پر حملہ، فوجی ہلاک

راہول گاندھی ، سابق گورنر مقبوضہ کشمیرکی گفتگو منظرعام پر، پلوامہ ڈرامے پر مزید انکشافات وجود جمعه 27 اکتوبر 2023
راہول گاندھی ، سابق گورنر مقبوضہ کشمیرکی گفتگو منظرعام پر، پلوامہ ڈرامے پر مزید انکشافات
افغانستان
افغانستان میں پھر شدید زلزلے کے جھٹکے وجود بدھ 11 اکتوبر 2023
افغانستان میں پھر شدید زلزلے کے جھٹکے

افغانستان میں زلزلے سے تباہی،اموات 2100 ہوگئیں وجود اتوار 08 اکتوبر 2023
افغانستان میں زلزلے سے تباہی،اموات 2100 ہوگئیں

طالبان نے پاسداران انقلاب کی نیوز ایجنسی کا فوٹوگرافر گرفتار کر لیا وجود بدھ 23 اگست 2023
طالبان نے پاسداران انقلاب کی نیوز ایجنسی کا فوٹوگرافر گرفتار کر لیا
شخصیات
معروف افسانہ نگار بانو قدسیہ کو مداحوں سے بچھڑے 7 سال بیت گئے وجود اتوار 04 فروری 2024
معروف افسانہ نگار بانو قدسیہ کو مداحوں سے بچھڑے 7 سال بیت گئے

عہد ساز شاعر منیر نیازی کو دنیا چھوڑے 17 برس ہو گئے وجود منگل 26 دسمبر 2023
عہد ساز شاعر منیر نیازی کو دنیا چھوڑے 17 برس ہو گئے

معروف شاعرہ پروین شاکر کو دنیا سے رخصت ہوئے 29 برس بیت گئے وجود منگل 26 دسمبر 2023
معروف شاعرہ پروین شاکر کو دنیا سے رخصت ہوئے 29 برس بیت گئے
ادبیات
عہد ساز شاعر منیر نیازی کو دنیا چھوڑے 17 برس ہو گئے وجود منگل 26 دسمبر 2023
عہد ساز شاعر منیر نیازی کو دنیا چھوڑے 17 برس ہو گئے

سولہویں عالمی اردو کانفرنس خوشگوار یادوں کے ساتھ اختتام پزیر وجود پیر 04 دسمبر 2023
سولہویں عالمی اردو کانفرنس خوشگوار یادوں کے ساتھ اختتام پزیر

مارکیز کی یادگار صحافتی تحریر وجود پیر 25 ستمبر 2023
مارکیز کی یادگار صحافتی تحریر