وجود

... loading ...

وجود
وجود

نخریلی بیویاں،خودکش شوہر

جمعه 15 اکتوبر 2021 نخریلی بیویاں،خودکش شوہر

دوستو،سیانے کہتے ہیں نخرے ہرجگہ دکھائے نہیں جاتے ورنہ لینے کے دینے پڑجاتے ہیں، ایسا ہی ایک واقعہ اردن میں ہوا،جہاں شادی کے موقع پر دلہن نے نخرہ دکھایا تو دلہا نے نکاح کے فوری بعد دلہن کو طلاق دے دی۔۔ عرب میڈیا نے یہ واقعہ کچھ اس طرح بیان کیا ہے کہ اردن میں ایک نکاح کی تقریب کے دوران ماسک نہ پہننے پر دلہا اور دلہن میں بحث ہوگئی۔عرب میڈیا کا کہنا ہے کہ دلہن کے ماسک نہ پہننے پر دلہا نے طیش میں آکر نکاح کرتے ہی دلہن کو طلاق دے دی، دلہن کے ماسک نہ پہننے کی وجہ اس کی لپ اسٹک تھی، دلہن نہیں چاہتی تھی کہ ماسک پہننے کی وجہ سے اس کی سرخی خراب ہو۔رپورٹس کے مطابق دلہا نے دلہن کو 2 سے 3 بار ماسک پہننے کا کہا مگر دلہن نے انکار کردیا جس کی وجہ سے شوہر نے غصے میں آکر اپنی نئی نویلی دلہن کو طلاق دے دی۔اسی طرح سے مکہ مکرمہ میں ایک سعودی خاتون نے فسخ نکاح کے لیے عدالت سے رابطہ کرلیا، خاتون نے کہا کہ شوہر سوشل میڈیا پر آنے سے روکتاہے۔عربی اخبارالعربیہ کے مطابق خاتون کی شادی کئی برس قبل ہوئی تھی، خاتون کے شوہر نے اسے سوشل میڈیا پر اشتہارات میں نمودار ہونے سے روکا تا کہ ان کی پرائیویسی محفوظ رہے مگر نکاح نامے میں یہ شرط رکھی گئی تھی کہ اسے کام کرنے سے نہیں روکا جائے گا، اب روک ٹوک کی جا رہی ہے۔خبر رساں ادارے کے مطابق فریقین کے لیے یہ جائز نہیں کہ وہ کسی معاہدے میں کسی قسم کی دھوکہ دہی شامل کرے کیونکہ شریعت نے ہر قسم کے معاہدے میں دھوکہ دہی سے روکا ہے۔ ان معاہدوں میں نکاح بھی شامل ہے۔
کہتے ہیں کہ عاشق اپنے محبوب کے لیے ہر وقت جان دینے پر آمادہ رہتے ہیں لیکن بھارتی شوہر نے سچی مچی اپنی سابق بیوی کے لیے جان دے دی لیکن وہ کہتے ہیں ناں، ہم تو ڈوبیں گے صنم تم کو بھی لے ڈوبیں گے، بھارتی شوہر خود تو مرا ہی لیکن ساتھ ہی بیوی کی جان بھی لے لی۔۔ بھارتی میڈیا کے مطابق ریاست میزورام میں 62 سالہ روہنگلیانا نامی شخص اپنی سابق شریک حیات سے ملنے سبزی منڈی پہنچا جہاں خاتون بیٹی کے ساتھ مل کر سبزیاں فروخت کرتی تھی۔روہنگلیانا نے اپنی سابق بیوی سے کہا کہ طبیعت خراب ہے اور سر میں بھی درد ہے اس لیے سگریٹ دلوادے۔ سگریٹ پیتے ہی وہ بے ہوشی کا ڈرامہ کرتے ہوئے بیوی سے گلے لگ گیا اور اسی وقت زور دار دھماکا ہوگیا۔دھماکے میں دونوں موقع پر ہی ہلاک ہوگئے جب کہ بیٹی کو معمولی زخم آئے۔ جوڑے کے درمیان علیحدگی ایک سال قبل ہی ہوئی تھی۔پولیس کا کہنا ہے کہ تفتیش مکمل ہونے کے بعد ہی اصل حقائق سامنے آسکیں گے تاہم شبہ ہے کہ دھماکے میں جیلیٹن استعمال کی گئی تھی جو حملہ آور شوہر مبینہ طور پر اپنے لباس میں چھپا کر لایا تھا۔
باباجی کہتے ہیں کہ کم عمری کی شادی ،جی کا جنجال ہوتی ہے، باباجی اکثر ایسی الٹی باتیں کرجاتے ہیں جو پبلک میں پاپولر تو ہوتی ہیں لیکن باباجی کے نزدیک پبلک غلط کررہی ہوتی ہے، کم عمری کی شادی ہمارے معاشرے میں عام ہے،لیکن باباجی اس کے مخالف ہیں، باباجی فرماتے ہیں کہ ۔۔ کم عمری کی شادی کی سب سے بڑی پرابلم یہ ہوتی ہے کہ جب تک زندگی کی سمجھ آنے لگتی ہے اس وقت تین ،چار بچے پیدا ہوجاتے ہیں۔پھر بیوی سے چخ چخ میں عمر کے پچاس سال پورے ہوجاتے ہیں۔ جو لوگ بیس سے پچیس سال کی عمر میں شادی کرتے ہیں جب پچاس سال کی عمر کو پہنچتے ہیں تو ان کے اپنے بچے ان کی نصف عمر کے ساتھ ساتھ شادی کے قابل ہوجاتے ہیں، اسی دوران بیوی بھی ایزی ہوجاتی ہے کہ چلو اولاد جوان ہوگئی ہے اب ڈر کاہے کا؟؟حالانکہ یہی وہ وقت ہوتا ہے جب بیویوں کو الرٹ رہنا چاہیئے، وہ شوہر کو گھر کی مرغی سمجھ رہی ہوتی ہے لیکن وہ اندر سے محلے کا مرغا ہوتا ہے۔۔ عین اس وقت جب عورت اپنے بچوں کی فکر میں ’’فیگر‘‘ کھو بیٹھتی ہے ، خو دسے غافل ہوجاتی ہے، اسی دوران شوہر پر دوسری شادی کا شدید ’’اٹیک‘‘ پڑتا ہے، یہ اٹیک اکثروبیشتر چالیس سے پچاس سال کی عمر کے دوران پاگل پن کی حد یا جنونی کیفیت تک ہوتا ہے،اسی پاگل پن یا جنونی کیفیت میں شوہر دوسری شادی کی نوے فیصد پلاننگ بھی کرلیتا ہے لیکن پھر کسی نہ کسی وجہ سے رہ جاتا ہے۔۔ باباجی فرماتے ہیں کہ ننانوے فیصد مرد دوسری شادی کا سوچتے ہیں اور باقی فیصد جھوٹ بولتے ہیں کہ انہوں نے کبھی دوسری شادی کا سوچا ہی نہیں۔۔باباجی کاہی کہنا ہے کہ ہر مرد کے اندر ایک بوم بوم آفریدی چھپاہوتا ہے۔جوزندگی کے آخری اوورز میں خودکش چھکے مارنے کو بے تاب ہوتا ہے۔۔شوہر اگر مالی اعتبار سے مضبوط ہو تو یہ یہ مالی استحکام بیوی کے حق میں منفی گردانا جاتا ہے، ایک طرف بچوں کی تعلیم مکمل ہوجاتی ہے اور وہ سیٹ ہوجاتے ہیں، بیوی سمجھتی ہے کہ منزل قریب ہے لیکن شوہر تو فرنٹ سیٹ پر دوسری سواری بٹھانے کے چکرمیں لگا ہوتا ہے۔ بیوی اگر بچوں کے لیے رشتہ ڈھونڈ رہی ہوتی ہے تو شوہر اپنے چکر میں لگاہوتا ہے۔۔ اسی چکر میں قدرت اپنا کھیل کھیلتی ہے اور اپنا آپ یاد کرواتی ہے یا تو ہارٹ اٹیک آن پہنچتا ہے اور یا پھر فالج۔ پھر سے وہی مرد اپنے ہمسفر کے پاس آتا ہے اور اس کے ہاتھ پر بیعت کرلیتا ہے کیوں کہ جوان اولاد کے پاس ہمیشہ سے وقت کی کمی ہی رہتی ہے۔
ہمارے معاشرے میں ریٹائرمنٹ کے بعد مرد کی زندگی ختم ہوکر رہ جاتی ہے جب کہ مغرب میں مرد کی اصل زندگی ریٹائرمنٹ کے بعد شروع ہوتی ہے، وہ زندگی کھوجنے نکلتا ہے، خود کو فٹ رکھتا ہے اور خوب تفریح کرتا ہے۔۔باباجی نے نوجوانوں کو پرمغزنصیحت کرتے ہوئے کہا ہے کہ۔۔محبوبہ جب بدتمیزی کرنے لگ جائے تو سمجھ لینا کہ وہ اب بیوی بننے کے لیے ذہنی طور پر تیار ہوچکی ہے۔۔انہوں نے نوجوانوں کو مزید مفت مشورہ دیا ہے کہ۔۔اگر آپ سے غلط بات برداشت نہیں ہوتی تو شادی کرلیں،آپ کی یہ بیماری ٹھیک ہوجائے گی۔۔ایک سوٹ پسند کرنے کے لیے دکان کا تہس نہس کرنیوالی اگر آپکو پسند کرتی ہے تو رب تعالیٰ کا شکر ادا کرو اور قدر کرو اس کی۔۔
اور اب چلتے چلتے آخری بات۔۔باباجی کا اقوال ذریں ہے، جب پیسہ بولتا ہے تو اس کی گرامر اور اسپیلنگ کوئی چیک نہیں کرتا۔۔خوش رہیں اور خوشیاں بانٹیں۔۔
۔۔۔۔۔۔۔۔۔۔۔۔۔۔۔۔۔۔۔۔۔


متعلقہ خبریں


مضامین
پڑوسی اور گھر گھسیے وجود جمعه 29 مارچ 2024
پڑوسی اور گھر گھسیے

دھوکہ ہی دھوکہ وجود جمعه 29 مارچ 2024
دھوکہ ہی دھوکہ

امریکہ میں مسلمانوں کا ووٹ کس کے لیے؟ وجود جمعه 29 مارچ 2024
امریکہ میں مسلمانوں کا ووٹ کس کے لیے؟

بھارتی ادویات غیر معیاری وجود جمعه 29 مارچ 2024
بھارتی ادویات غیر معیاری

لیکن کردار؟ وجود جمعرات 28 مارچ 2024
لیکن کردار؟

اشتہار

تجزیے
پاک ایران گیس پائپ لائن منصوبہ وجود منگل 27 فروری 2024
پاک ایران گیس پائپ لائن منصوبہ

ایکس سروس کی بحالی ، حکومت اوچھے حربوں سے بچے! وجود هفته 24 فروری 2024
ایکس سروس کی بحالی ، حکومت اوچھے حربوں سے بچے!

گرانی پر کنٹرول نومنتخب حکومت کا پہلا ہدف ہونا چاہئے! وجود جمعه 23 فروری 2024
گرانی پر کنٹرول نومنتخب حکومت کا پہلا ہدف ہونا چاہئے!

اشتہار

دین و تاریخ
رمضان المبارک ماہ ِعزم وعزیمت وجود بدھ 13 مارچ 2024
رمضان المبارک ماہ ِعزم وعزیمت

دین وعلم کا رشتہ وجود اتوار 18 فروری 2024
دین وعلم کا رشتہ

تعلیم اخلاق کے طریقے اور اسلوب وجود جمعرات 08 فروری 2024
تعلیم اخلاق کے طریقے اور اسلوب
تہذیبی جنگ
یہودی مخالف بیان کی حمایت: ایلون مسک کے خلاف یہودی تجارتی لابی کی صف بندی، اشتہارات پر پابندی وجود اتوار 19 نومبر 2023
یہودی مخالف بیان کی حمایت: ایلون مسک کے خلاف یہودی تجارتی لابی کی صف بندی، اشتہارات پر پابندی

مسجد اقصیٰ میں عبادت کے لیے مسلمانوں پر پابندی، یہودیوں کو اجازت وجود جمعه 27 اکتوبر 2023
مسجد اقصیٰ میں عبادت کے لیے مسلمانوں پر پابندی، یہودیوں کو اجازت

سوئیڈش شاہی محل کے سامنے قرآن پاک شہید، مسلمان صفحات جمع کرتے رہے وجود منگل 15 اگست 2023
سوئیڈش شاہی محل کے سامنے قرآن پاک شہید، مسلمان صفحات جمع کرتے رہے
بھارت
قابض انتظامیہ نے محبوبہ مفتی اور عمر عبداللہ کو گھر وں میں نظر بند کر دیا وجود پیر 11 دسمبر 2023
قابض انتظامیہ نے محبوبہ مفتی اور عمر عبداللہ کو گھر وں میں نظر بند کر دیا

بھارتی سپریم کورٹ نے مقبوضہ جموں و کشمیر کی خصوصی حیثیت کی منسوخی کی توثیق کردی وجود پیر 11 دسمبر 2023
بھارتی سپریم کورٹ نے مقبوضہ جموں و کشمیر کی خصوصی حیثیت کی منسوخی کی توثیق کردی

بھارتی ریاست منی پور میں باغی گروہ کا بھارتی فوج پر حملہ، فوجی ہلاک وجود بدھ 22 نومبر 2023
بھارتی ریاست منی پور میں باغی گروہ کا بھارتی فوج پر حملہ، فوجی ہلاک

راہول گاندھی ، سابق گورنر مقبوضہ کشمیرکی گفتگو منظرعام پر، پلوامہ ڈرامے پر مزید انکشافات وجود جمعه 27 اکتوبر 2023
راہول گاندھی ، سابق گورنر مقبوضہ کشمیرکی گفتگو منظرعام پر، پلوامہ ڈرامے پر مزید انکشافات
افغانستان
افغانستان میں پھر شدید زلزلے کے جھٹکے وجود بدھ 11 اکتوبر 2023
افغانستان میں پھر شدید زلزلے کے جھٹکے

افغانستان میں زلزلے سے تباہی،اموات 2100 ہوگئیں وجود اتوار 08 اکتوبر 2023
افغانستان میں زلزلے سے تباہی،اموات 2100 ہوگئیں

طالبان نے پاسداران انقلاب کی نیوز ایجنسی کا فوٹوگرافر گرفتار کر لیا وجود بدھ 23 اگست 2023
طالبان نے پاسداران انقلاب کی نیوز ایجنسی کا فوٹوگرافر گرفتار کر لیا
شخصیات
معروف افسانہ نگار بانو قدسیہ کو مداحوں سے بچھڑے 7 سال بیت گئے وجود اتوار 04 فروری 2024
معروف افسانہ نگار بانو قدسیہ کو مداحوں سے بچھڑے 7 سال بیت گئے

عہد ساز شاعر منیر نیازی کو دنیا چھوڑے 17 برس ہو گئے وجود منگل 26 دسمبر 2023
عہد ساز شاعر منیر نیازی کو دنیا چھوڑے 17 برس ہو گئے

معروف شاعرہ پروین شاکر کو دنیا سے رخصت ہوئے 29 برس بیت گئے وجود منگل 26 دسمبر 2023
معروف شاعرہ پروین شاکر کو دنیا سے رخصت ہوئے 29 برس بیت گئے
ادبیات
عہد ساز شاعر منیر نیازی کو دنیا چھوڑے 17 برس ہو گئے وجود منگل 26 دسمبر 2023
عہد ساز شاعر منیر نیازی کو دنیا چھوڑے 17 برس ہو گئے

سولہویں عالمی اردو کانفرنس خوشگوار یادوں کے ساتھ اختتام پزیر وجود پیر 04 دسمبر 2023
سولہویں عالمی اردو کانفرنس خوشگوار یادوں کے ساتھ اختتام پزیر

مارکیز کی یادگار صحافتی تحریر وجود پیر 25 ستمبر 2023
مارکیز کی یادگار صحافتی تحریر