وجود

... loading ...

وجود
وجود

امریکا میں چار بڑی نقل مکانیوں کا خطرہ

اتوار 07 مارچ 2021 امریکا میں چار بڑی نقل مکانیوں کا خطرہ

(مہمان کالم)

چارلس ایم بلو

ٹیکساس میں موسم سرما میں آنے والے خوفناک طونان کے نتیجے میں ہونے والی انسانی جانوں اور انفراسٹرکچر کی تباہی سے پتا چلتا ہے کہ موسمیاتی تباہی والے واقعات جلد ہی نہ صرف کم اہم ہو جائیں گے بلکہ نیو نارمل یعنی کووڈ کے بعد کے حالات کا حصہ بن جائیں گے۔ اس سے ہمیں اس بات کی بھی یاد دہانی ہو رہی ہے کہ کس طرح ایک شدید موسم نارمل حالات میں بہت سے لوگوں کو ان نئے مقامات کی طر ف نقل مکانی کرنے پر مجبور کر دے گا جہاں موسم کی شدت زیادہ نہیں ہو گی۔ پلیٹزر سنٹر کے تعاون سے بننے والی نیویارک ٹائمز میگزین اور پرو پبلیکا کی مشترکہ رپورٹ میں یہ انکشاف کیا گیا ہے ’’پورے امریکا میں 162 ملین لوگ یعنی ہر دو میں سے ایک فرد کو اپنے موجودہ ماحول میں شدید گراوٹ کا سامنا کرنا پڑے گا جو درجہ حرارت میں اضافے اور پانی کی کمیابی کی صور ت میں ظاہر ہوگا۔ ان میں سے 93 ملین افراد کے لیے یہ تبدیلیاں شدید نوعیت کی ہوں گی اور ہمارے تجزیے کی روشنی میں 2070ء تک اگر کاربن کا اخراج اپنی ااخری حدود کو چھونے لگا تو کم از کم چار ملین امریکی شہری خود کو ایسے مقامات پر رہائش پذیر پائیں گے جو عام طور پر ایک مناسب معیارِ زندگی سے کم تر درجے کے ہوں گے‘‘۔ دنیا کے باقی ممالک کو تو چھوڑیں‘صرف امریکا میں آنے والے عشروں میں کئی ملین افراد کو موسمیاتی تبدیلیوں کی وجہ سے نقل مکانی کرنا پڑے گی جس کے نتیجے میں یہ ملک ثقافتی، معاشی اور سیاسی طور پر ایک نئے قالب میں ڈھل جائے گا۔ مگر یہ خطرہ صرف اسی ایک بڑی ہجرت سے ہی پیدا نہیں ہو گا۔ ماہرین کے خیال میں موسمیاتی تبدیلیوں کی وجہ سے امریکا میں تین مزید اور بڑی نقل مکانیو ں کا خدشہ ہے۔ اول: دیگر ممالک سے ہونے والی نقل مکانی، دوم: نوجوانوں کی شہرو ں کی طرف نقل مکانی، سوم: شمال اور مغرب میں واقع شہروں سے سیاہ فاموں کی جنوب کی طرف نقل مکانی۔

پہلی نقل مکانی: 2015ء میں پیو ریسرچ سنٹر کے تحت ہونے والی ایک ا سٹڈی کے مطابق 2065ء تک امریکا کی کل آبادی میں تارکین وطن اور بچوں کی شرح 36 فیصد تک ہو جائے گی جو بیسویں صدی کے اختتام تک پائی جانے والی بلند ترین شرح کے برابر یا اس سے زیادہ ہو جائے گی۔ یہ حصہ 1965ء کی شرح (18 فیصد) سے دوگنا ہو جائے گا‘‘۔ اس رپورٹ میں یہ بھی بتایا گیا ہے ’’نئے تارکین وطن کی آمد، ان کے بچوں اور اس سے آگے ان کی اگلی نسل میں پوتوں اور نواسوں کی پیدائش کے بعد 1965ء میں امریکی آبادی (193 ملین) میں 55 فیصد اضافہ ہو چکا ہے اور آخری مردم شماری کے مطابق‘ آج امریکا کی کل آبادی 324 ملین افراد ہو گئی ہے‘‘۔ پیو ریسرچ سنٹر کے مطابق 2065ء تک امریکا کی آبادی 441 ملین افراد ہو جائے گی اور تخمینے کے مطابق مستقبل میں نئے تارکین وطن کی آمد میں بھی 88 فیصد اضافہ ہو جائے گا‘‘۔ سفید فام اکثریت کی نقل مکانی اور جنوب مغربی ریاستوں میں ہسپانوی نژاد آبادی میں اضافے سے بھی سنگین نتائج سامنے آئیں گے۔ مزید برآں امریکا اس لیول تک پہنچ جائے گا جہاں ہسپانوی نڑاد آبادی سیاہ فاموں سے دو گنا ہو جائے گی اور ایشیائی نژاد آبادی بھی سیاہ فاموں سے بڑھ جائے گی۔ اس کے نتیجے میں امریکی معاشرے میں اقلیتی گروپوں کا مفہوم بھی تبدیل ہو جائے گا۔

اس کے بعد نوجوان نسل کی نقل مکانی ہو گی۔ 2014 میں NPR نے یہ رپورٹ دی تھی کہ امریکا کے چھوٹے قصبوں میں یہ کہانیاں عام سننے کو ملتی ہیں کہ یہاں کی نوجوان نسل جلد ہی چھوٹے شہروں سے بڑے شہروں کی طرف ہجرت کر جائے گی۔ ’’گزشتہ صدی کے اختتام اور نئے ہزاریے میں پیدا ہونے والی نسل کو امریکا کی آبادی میں ایک بڑی شفٹ دیکھنے کو ملے گی۔ ہماری تاریخ میں اسے بڑے شہروں کی چکا چوند میں گرفتار نسل کے طور پر یاد رکھا جائے گا۔ چھوٹے قصبوں اور دیہات میں اس ہزاریے کے ہندسے جیسے جیسے بڑھ رہے ہیں اس کا بڑے شہروں اور ان کے مضافات کی آبادی میں اضافے سے کوئی موازنہ نہیں بنتا‘‘۔ جیسا کہ بلومبرگ نے 2019ء میں رپورٹ دی تھی ’’ایک سٹڈی کے مطابق پچھلی دو دہائیوں کے دوران ان نوجوانوں نے شہروں کی توسیع میں نہ صرف ایک ڈرائیونگ فورس کا کردار ادا کیا ہے بلکہ پرانی نسلوں کے مقابلے میں یہ نسل بڑے شہروں کے مرکزی اور مضافاتی علاقوں میں رہائش رکھنا پسند کر تی ہے‘‘۔ اس کے بعد سیاہ فام باشندوں کی شمالی اور وسطی مغربی علاقوں سے جنوب کے شہروں کی طرف ایک معکوسی ہجرت ہو گی۔ آخری مردم شماری کے بعد نیویارک ٹائمز نے ایک رپورٹ شائع کی تھی جس کے مطابق ’’مردم شماری کے اعداد وشمار میں بتایا گیا ہے کہ جنوبی علاقوں میں رہنے والے سیاہ فاموں کی آبادی پچھلی نصف صدی میں اپنی بلند ترین سطح کو چھونے لگی ہے کیونکہ نوجوان اور زیادہ تعلیم یافتہ سیاہ فام نسل بہتر مواقع کی تلاش میں نارتھ ایسٹ اور مڈ ویسٹ کے پسماندگی کے شکار شہروں سے ہجرت کر گئی ہے۔ گزشتہ ایک عشرے میں جنوبی علاقوں میں سیاہ فام آبادی میں جو اضافہ دیکھنے میں آیا‘ یہ 1910ء کے بعد کے عرصے میں اپنی بلند ترین سطح پر ہے جب سیاہ فاموں کی شمالی علاقوں کی طرف نقل مکانی اپنے عروج پر تھی‘‘۔ میری توقع اور پیشگوئی کے مطابق اس معکوسی ہجرت کا سلسلہ نہ صرف جاری رہے گا بلکہ اس میں مزید شدت بھی آئے گی۔ حیران کن بات یہ ہے کہ مستقبل قریب میں امریکا میں ان بڑی بڑی ہجرتوں کی وجہ سے کئی ڈرامائی تبدیلیاں رونما ہونے کا امکان ہے جس کے بعد اس کے جغرافیے اور اقتدار کے ڈھانچے میں کافی شکست و ریخت ہو گی او رہم یقین سے کچھ نہیں کہہ سکتے کہ ا س کے بعد یہاں کیسا انقلاب آئے گا اور ہمارے ملک کا نقشہ کیا بن جائے گا۔ اس بات کا بھی قوی امکان موجود ہے کہ ہم ایک نئے امریکا کو دیکھیں، ہنگامی تبدیلیوں کے نتیجے میں ایک بالکل ہی بدلا ہوا امریکا جس میںبڑی حد تک اقتدار کی نئے سرے سے تقسیم دیکھنے میں آئے گی۔ مجھے یوں لگتا ہے کہ آج جس امریکا کو ہم جانتے ہیں یہ جلد ہی ایک قصہ پارینہ بن جائے گا۔ نقل مکانی کی تحریکیں ہمارے ملک کو مسلسل ایک نئی شکل میں ڈھال رہی ہیں اور مجھے یہ رجحان جلد ختم ہوتا نظر بھی نہیں آتا۔
۔۔۔۔۔۔۔۔۔۔۔۔۔۔۔۔۔۔


متعلقہ خبریں


مضامین
سی اے اے :ایک تیر سے کئی شکار وجود منگل 19 مارچ 2024
سی اے اے :ایک تیر سے کئی شکار

نیم مردہ جمہوریت کے خاتمے کے آثا ر وجود منگل 19 مارچ 2024
نیم مردہ جمہوریت کے خاتمے کے آثا ر

اسرائیل سے فلسطینیوں پر حملے روکنے کی اپیل وجود منگل 19 مارچ 2024
اسرائیل سے فلسطینیوں پر حملے روکنے کی اپیل

اندرا گاندھی ، گولڈا میئر اور بے نظیر وجود پیر 18 مارچ 2024
اندرا گاندھی ، گولڈا میئر اور بے نظیر

نازک موڑ پر خط وجود پیر 18 مارچ 2024
نازک موڑ پر خط

اشتہار

تجزیے
پاک ایران گیس پائپ لائن منصوبہ وجود منگل 27 فروری 2024
پاک ایران گیس پائپ لائن منصوبہ

ایکس سروس کی بحالی ، حکومت اوچھے حربوں سے بچے! وجود هفته 24 فروری 2024
ایکس سروس کی بحالی ، حکومت اوچھے حربوں سے بچے!

گرانی پر کنٹرول نومنتخب حکومت کا پہلا ہدف ہونا چاہئے! وجود جمعه 23 فروری 2024
گرانی پر کنٹرول نومنتخب حکومت کا پہلا ہدف ہونا چاہئے!

اشتہار

دین و تاریخ
رمضان المبارک ماہ ِعزم وعزیمت وجود بدھ 13 مارچ 2024
رمضان المبارک ماہ ِعزم وعزیمت

دین وعلم کا رشتہ وجود اتوار 18 فروری 2024
دین وعلم کا رشتہ

تعلیم اخلاق کے طریقے اور اسلوب وجود جمعرات 08 فروری 2024
تعلیم اخلاق کے طریقے اور اسلوب
تہذیبی جنگ
یہودی مخالف بیان کی حمایت: ایلون مسک کے خلاف یہودی تجارتی لابی کی صف بندی، اشتہارات پر پابندی وجود اتوار 19 نومبر 2023
یہودی مخالف بیان کی حمایت: ایلون مسک کے خلاف یہودی تجارتی لابی کی صف بندی، اشتہارات پر پابندی

مسجد اقصیٰ میں عبادت کے لیے مسلمانوں پر پابندی، یہودیوں کو اجازت وجود جمعه 27 اکتوبر 2023
مسجد اقصیٰ میں عبادت کے لیے مسلمانوں پر پابندی، یہودیوں کو اجازت

سوئیڈش شاہی محل کے سامنے قرآن پاک شہید، مسلمان صفحات جمع کرتے رہے وجود منگل 15 اگست 2023
سوئیڈش شاہی محل کے سامنے قرآن پاک شہید، مسلمان صفحات جمع کرتے رہے
بھارت
قابض انتظامیہ نے محبوبہ مفتی اور عمر عبداللہ کو گھر وں میں نظر بند کر دیا وجود پیر 11 دسمبر 2023
قابض انتظامیہ نے محبوبہ مفتی اور عمر عبداللہ کو گھر وں میں نظر بند کر دیا

بھارتی سپریم کورٹ نے مقبوضہ جموں و کشمیر کی خصوصی حیثیت کی منسوخی کی توثیق کردی وجود پیر 11 دسمبر 2023
بھارتی سپریم کورٹ نے مقبوضہ جموں و کشمیر کی خصوصی حیثیت کی منسوخی کی توثیق کردی

بھارتی ریاست منی پور میں باغی گروہ کا بھارتی فوج پر حملہ، فوجی ہلاک وجود بدھ 22 نومبر 2023
بھارتی ریاست منی پور میں باغی گروہ کا بھارتی فوج پر حملہ، فوجی ہلاک

راہول گاندھی ، سابق گورنر مقبوضہ کشمیرکی گفتگو منظرعام پر، پلوامہ ڈرامے پر مزید انکشافات وجود جمعه 27 اکتوبر 2023
راہول گاندھی ، سابق گورنر مقبوضہ کشمیرکی گفتگو منظرعام پر، پلوامہ ڈرامے پر مزید انکشافات
افغانستان
افغانستان میں پھر شدید زلزلے کے جھٹکے وجود بدھ 11 اکتوبر 2023
افغانستان میں پھر شدید زلزلے کے جھٹکے

افغانستان میں زلزلے سے تباہی،اموات 2100 ہوگئیں وجود اتوار 08 اکتوبر 2023
افغانستان میں زلزلے سے تباہی،اموات 2100 ہوگئیں

طالبان نے پاسداران انقلاب کی نیوز ایجنسی کا فوٹوگرافر گرفتار کر لیا وجود بدھ 23 اگست 2023
طالبان نے پاسداران انقلاب کی نیوز ایجنسی کا فوٹوگرافر گرفتار کر لیا
شخصیات
معروف افسانہ نگار بانو قدسیہ کو مداحوں سے بچھڑے 7 سال بیت گئے وجود اتوار 04 فروری 2024
معروف افسانہ نگار بانو قدسیہ کو مداحوں سے بچھڑے 7 سال بیت گئے

عہد ساز شاعر منیر نیازی کو دنیا چھوڑے 17 برس ہو گئے وجود منگل 26 دسمبر 2023
عہد ساز شاعر منیر نیازی کو دنیا چھوڑے 17 برس ہو گئے

معروف شاعرہ پروین شاکر کو دنیا سے رخصت ہوئے 29 برس بیت گئے وجود منگل 26 دسمبر 2023
معروف شاعرہ پروین شاکر کو دنیا سے رخصت ہوئے 29 برس بیت گئے
ادبیات
عہد ساز شاعر منیر نیازی کو دنیا چھوڑے 17 برس ہو گئے وجود منگل 26 دسمبر 2023
عہد ساز شاعر منیر نیازی کو دنیا چھوڑے 17 برس ہو گئے

سولہویں عالمی اردو کانفرنس خوشگوار یادوں کے ساتھ اختتام پزیر وجود پیر 04 دسمبر 2023
سولہویں عالمی اردو کانفرنس خوشگوار یادوں کے ساتھ اختتام پزیر

مارکیز کی یادگار صحافتی تحریر وجود پیر 25 ستمبر 2023
مارکیز کی یادگار صحافتی تحریر