وجود

... loading ...

وجود
وجود

شکستہ خوابوں کا قبرستان

بدھ 09 دسمبر 2020 شکستہ خوابوں کا قبرستان

مہمان کالم

مارک لینڈلر

پتوں سے اَٹے جنگل میں سے ڈرائیونگ کرتے ہوئے لندن کے شمال مشرق میں بیس میل کے فاصلے پر واقع ایپنگ قصبے کی ا سٹریٹ مارکیٹ کے پاس سے گزریں تو ایک ناگوار سا منظر آنکھوں کے سامنے آجاتا ہے۔یہاں لندن کی سیاہ ٹیکسیاں بمپر ٹوبمپر پارک کی گئی ہیں۔ارد گرد شہد کی مکھیوں کے چھتے لگے ہیں۔یہ کوویڈ کی وجہ سے ہونے والی معاشی تباہی کا منظر ہے جسے کسی بھی وقت کیمرے میں محفوظ کیا جا سکتا ہے۔جب مارچ میں برطانیا میں لاک ڈائون ہوا تو ٹیکسی ڈرائیورز نے یہ ٹیکسیاں کاروبار میں مندے کی وجہ سے اپنی رینٹل کمپنی کو واپس کر دی تھیں۔جب ان ٹیکسیوں کی تعداد بہت بڑھ گی تو کمپنی کو ایک مقامی زمیندار سے معاہدہ کرنا پڑا کہ وہ ا س کی دو سو گاڑیاں اپنی شہد کی مکھیوں اور کبوتروں کے پا س اپنے کھیت میں کھڑی کرنے دے۔ٹیکسی ڈرائیور ایسوسی ایشن جو لندن کی اکیس ہزار ٹیکسیوں میں سے نصف کی نمائندگی کرتی ہے‘ اس کے جنرل سیکرٹری ا سٹیو میکنامارا کہتے ہیں کہ میں تو اسے شکستہ خوابوں کا قبرستان کہتا ہوں۔ یہ بہت ہی افسوسناک منظر ہے اور روز برو ز بدترین صورت اختیا رکرتا جا رہا ہے۔

بدھ کے دن برطانیا اپنے دوسرے لاک ڈائون سے نکلا ہے‘ تاہم سخت پابندیاں برقرار ہیں اور نجانے لندن کی سڑکیں دوبارہ کب آفس ورکرز اور سیاحوں سے بھریں گی۔اس وقت لندن کی بیس فیصد ٹیکسیاں سڑکوں پر نظر آتی ہیں اور ڈرائیورز کورونا سے پہلے کے کرایوں کا ایک چوتھائی لے رہے ہیں۔اندازہ ہے کہ جون سے 3500سے زائد ٹیکسیاں شہرچھوڑ چکی ہیں۔انہیں پارکنگ لاٹس‘ گیراجز ‘ویئر ہائوسز او رشہرکے گرد و نواح کے کھیتوں میں کھڑا کر دیا گیا ہے۔میکنامارا جو ٹیکسی کمپنیوں کے خلاف ٹیکسی ڈرائیورز کی مسابقتی جنگ لڑرہے ہیں‘ کا کہنا ہے کہ کوویڈ ہمارے لیے سب سے بڑا خطرہ بن گیا ہے۔اگرحکومت نے ہماری مالی مدد نہ کی تو لندن بہت جلداپنی ا س معروف شناخت سے محروم ہو جائے گا جو سیاحوں کی زبان میں ڈبل ڈیکر بسوں‘فون باکسز ‘گنبد نما ہیلمٹ پہنے پولیس افسروں کے ساتھ شامل ہے یعنی لندن کی ٹیکسیاں۔اب بسوں کے رنگ اتنے سرخ نہیں رہے ‘فون باکسز بھی ختم ہو تے جا رہے ہیں اور پولیس والے سب مشین گنیں پکڑ کر بی ایم ڈبلیو گاڑیوں میں بیٹھتے ہیں۔اب لندن کے ان آئیکانز میں سے صرف ہم ہی بچے تھے او رخدشہ ہے کہ آئندہ تین سال بعد ہم بھی نظرنہیں آئیں گے۔ ان کالی ٹیکسیوں اور ٹیکسی کمپنیوں میں جاری جنگ پرنظررکھنے والوں کے نزدیک ٹیکسی ڈرائیورز اتنے ہمدر د نہیں ہوتے ان کی سروسز ہمیشہ مہنگی ہوتی ہیں۔سفید فام انگریز ٹیکسی ڈرائیورز زیادہ تر برطانیہ کے گئے گزر ے ویڑن کی ترجمانی کرتے ہیں جبکہ ا ن کے بعد رنگدار تارکین وطن ٹیکسی ڈرائیورز آتے ہیں جو اپنی ٹیکسی کے شیشوں پر ٹیکسی کمپنی کا سٹیکر لگائے ہوتے ہیں۔ آن لائن ٹیکسی کے کسٹمر سروس اور امیج پرابلم کے ساتھ ان کی لڑائی کی حدود ابھی واضح نہیں ہیں۔میکنامارا نے بتایا کہ اگرچہ ٹیکسی والوں نے بھی فون پے سافٹ ویئر کی مدد سے خود کوآن لائن ٹیکسی ایپس کی طرح ا سمارٹ کر لیا ہے اور لوگ اب کسی بھی کیب والے کو فون پر کال کر سکتے ہیں۔ان کی الیکٹرک کیب ماحولیاتی طو رپر بڑی صاف ستھری ہوتی ہے۔ان کا کہنا تھا کہ اگر ہمیں کوویڈ جیسی وبا کا سامنا نہ کرنا پڑتا تو 2024ء تک ہمارے بیڑے میں شامل نوے فیصدٹیکسیاں پٹرول کے بجائے الیکٹرک پر چلی جاتیں۔

اس میں کوئی دو رائے نہیں کہ کورونا وائرس کی وجہ سے ہونے والے لاک ڈائون نے برطانیا میں تجارت اور بزنس کو تباہی سے دوچا رکر دیا ہے۔ریان سپیڈنگ جو عرصہ نو سال سے ایک کیب چلا رہا ہے اس وقت کو یاد کرتا ہے جب برطانوی وزیر اعظم بورس جانسن مارچ کے مہینے میں ٹی وی پر یہ اعلان کرنے کے لیے گئے تھے کہ آج شام سے میں اپنے برطانوی ہم وطنوں کو یہ ہدایت جاری کررہا ہوں کہ آپ اپنے اپنے گھروں میں رہیں۔ اگلے دن ریان سپیڈنگ جن کی عمر چوالیس سال ہے اپنی ٹیکسی میں لندن شہر میں گئے تاکہ وہاں تاریک شاپس‘ویران آفس ٹاورز اور ویران ریلوے سٹیشنزوالے اجڑے شہر کو ڈھونڈ سکیں۔عام طو رپر پْرہجوم پکاڈلی اور لیسٹر ا سکوائر میں اڑتے ہوئے پتے شہر کی ویرانی کی عکاسی کرنے کے لیے کافی ہوتے ہیں۔اس نے بتایا کہ آپ دو تین گھنٹے تک اپنی ٹیکسی میں ادھر ادھر گھوم کر دیکھ لیں آپ کو وہاں سڑکوں پر کوئی شخص نظر نہیں آئے گا۔ آپ سارا د ن گھومتے رہیں آپ کو 28 Days Laterکی طرح ہر طرف ویرانی ہی نظر آئے گی۔ اس نے ڈینی بوائل کی ڈرائونی مووی کا حوالہ دیتے ہوئے بتایا جس میں لندن شہر میں ایک مہلک وائرس پھیل جاتا ہے اور پورا شہر تباہی اور ویرانی کا ہولناک منظرپیش کرتا ہے۔ریان سپیڈنگ اپنی ٹیکسی لینے کے لیے ہرہفتے 375ڈالر کے برابر کرایہ ادا کرتا ہے اور اس ریٹ پر اس کے پاس ٹیکسی اپنی رینٹل کمپنی کو واپس کرنے کے سوا اور کوئی چارہ نہیں۔سیلف ایمپلائی ہونے کے ناتے ریان ا سپیڈنگ سرکاری امداد لینے کا اہل تھا جس کی وجہ سے اس کی ماہانہ آمدنی کی دو تہائی تک تلافی ہو گئی۔ا س کی بیوی جو ڈاگ واکنگ بزنس سے وابستہ تھی چھٹیاں منسوخ ہونے کی وجہ سے بہت متاثر ہوئی ہے کیونکہ اب اس کے گاہک گھر پر رہ کر کام کرتے ہیں اور ان کے پاس اپنے پالتو کتوں کو واک کرانے کے لیے کافی وقت ہوتا ہے۔اب وہ اپنی مارگیج ادائیگی کرنے سے بھی قاصر ہیں‘تاہم ا سپیڈنگ کا کہنا ہے کہ اس کی تمام تر سیونگز بھی ٹھکانے لگ چکی ہیں اور کریڈٹ کارڈ سے ملنے والا قرضہ بھی استعمال ہو چکا ہے۔ا س کا کہنا ہے کہ اس کی زندگی دوزخ کی طرح بوریت کی شکا رہو چکی ہے۔دوسرے ڈرائیورز کی طرح اس نے بھی لندن کی سڑکوں کے بارے میں نالج نامی ایک مشکل ٹیسٹ پا س کیا تھا۔ اس پراسیس میں اس کے ساڑھے تین سال لگ گئے۔ اپنے اتنے قیمتی وقت کی سرمایہ کاری کرنے کے بعد تو میں کوئی اور کام کر بھی نہیں سکتا۔ سپیڈنگ نے بتایا کہ ا س ہفتے ا س کا ارادہ ہے کہ لاک ڈائون ختم ہونے کے بعد دوبارہ ٹیکسی لے کر نکلے گا کہ شایدکوئی کسٹمرزواپس آگئے ہوں مگر لگتا ہے کہ ابھی کوئی نہیں آیا ہوگا۔اپنا بزنس نقصان پورا کرنے کے لیے ڈیل فارور ڈ جیسے ڈرائیورز ریجنٹ ا سٹریٹ پرکرسمس لائٹس کے ٹورز کی آفرز دینے لگے ہیںمگرشاید ہی کسی ٹورسٹ نے اس کے ساتھ معاہدہ کیا ہو کیونکہ کئی ہفتے کے لاک ڈائون کے بعد اکثرلوگ باہر جانا چاہتے ہیں۔

جم وار ڈجیسے ڈرائیورز جن کے پا س پنی گاڑیاں ہیں ا س لاک ڈائون سے بچ گئے ہیں۔اس نے بتایا کہ اسے روزانہ چار گاہک مل جاتے ہیں جن سے وہ ساٹھ سے اسی پائونڈز تک کما لیتا ہے۔جنوری 2018ء کے بعد لندن میں الیکٹرک گاڑی لازمی کر دی گئی ہے اور ایک درمیانے درجے کی گاڑی 65000پائونڈز میں ملتی ہے۔قرضے پر الیکٹرک گاڑی لینے والے ڈرائیورز اس لیے افورڈ نہیں کر سکتے کیونکہ انہیں ہر مہینے ان کی بھاری قسط ادا کرنا ہوتی ہے۔ہاورڈ ٹیلر کورونا شروع ہونے سے پہلے اپنی تین سال پرانی کیب فروخت کرناچاہتا تھا‘ مگر اب مندے کی وجہ سے اسے ایک تہائی کم قیمت ملنے کا امکان ہے۔اس کا کہنا ہے کہ ان حالات میں کوئی بیوقوف ہی اس کی گاڑی خریدے گا۔
۔۔۔۔۔۔۔۔۔۔۔۔۔۔۔۔۔۔۔۔


متعلقہ خبریں


مضامین
لیکن کردار؟ وجود جمعرات 28 مارچ 2024
لیکن کردار؟

خوابوں کی تعبیر وجود جمعرات 28 مارچ 2024
خوابوں کی تعبیر

ماحولیاتی تباہ کاری کی ذمہ دار جنگیں ہیں ! وجود جمعرات 28 مارچ 2024
ماحولیاتی تباہ کاری کی ذمہ دار جنگیں ہیں !

ریاست مسائل کی زدمیں کیوں ؟ وجود جمعرات 28 مارچ 2024
ریاست مسائل کی زدمیں کیوں ؟

مردہ قومی حمیت زندہ باد! وجود بدھ 27 مارچ 2024
مردہ قومی حمیت زندہ باد!

اشتہار

تجزیے
پاک ایران گیس پائپ لائن منصوبہ وجود منگل 27 فروری 2024
پاک ایران گیس پائپ لائن منصوبہ

ایکس سروس کی بحالی ، حکومت اوچھے حربوں سے بچے! وجود هفته 24 فروری 2024
ایکس سروس کی بحالی ، حکومت اوچھے حربوں سے بچے!

گرانی پر کنٹرول نومنتخب حکومت کا پہلا ہدف ہونا چاہئے! وجود جمعه 23 فروری 2024
گرانی پر کنٹرول نومنتخب حکومت کا پہلا ہدف ہونا چاہئے!

اشتہار

دین و تاریخ
رمضان المبارک ماہ ِعزم وعزیمت وجود بدھ 13 مارچ 2024
رمضان المبارک ماہ ِعزم وعزیمت

دین وعلم کا رشتہ وجود اتوار 18 فروری 2024
دین وعلم کا رشتہ

تعلیم اخلاق کے طریقے اور اسلوب وجود جمعرات 08 فروری 2024
تعلیم اخلاق کے طریقے اور اسلوب
تہذیبی جنگ
یہودی مخالف بیان کی حمایت: ایلون مسک کے خلاف یہودی تجارتی لابی کی صف بندی، اشتہارات پر پابندی وجود اتوار 19 نومبر 2023
یہودی مخالف بیان کی حمایت: ایلون مسک کے خلاف یہودی تجارتی لابی کی صف بندی، اشتہارات پر پابندی

مسجد اقصیٰ میں عبادت کے لیے مسلمانوں پر پابندی، یہودیوں کو اجازت وجود جمعه 27 اکتوبر 2023
مسجد اقصیٰ میں عبادت کے لیے مسلمانوں پر پابندی، یہودیوں کو اجازت

سوئیڈش شاہی محل کے سامنے قرآن پاک شہید، مسلمان صفحات جمع کرتے رہے وجود منگل 15 اگست 2023
سوئیڈش شاہی محل کے سامنے قرآن پاک شہید، مسلمان صفحات جمع کرتے رہے
بھارت
قابض انتظامیہ نے محبوبہ مفتی اور عمر عبداللہ کو گھر وں میں نظر بند کر دیا وجود پیر 11 دسمبر 2023
قابض انتظامیہ نے محبوبہ مفتی اور عمر عبداللہ کو گھر وں میں نظر بند کر دیا

بھارتی سپریم کورٹ نے مقبوضہ جموں و کشمیر کی خصوصی حیثیت کی منسوخی کی توثیق کردی وجود پیر 11 دسمبر 2023
بھارتی سپریم کورٹ نے مقبوضہ جموں و کشمیر کی خصوصی حیثیت کی منسوخی کی توثیق کردی

بھارتی ریاست منی پور میں باغی گروہ کا بھارتی فوج پر حملہ، فوجی ہلاک وجود بدھ 22 نومبر 2023
بھارتی ریاست منی پور میں باغی گروہ کا بھارتی فوج پر حملہ، فوجی ہلاک

راہول گاندھی ، سابق گورنر مقبوضہ کشمیرکی گفتگو منظرعام پر، پلوامہ ڈرامے پر مزید انکشافات وجود جمعه 27 اکتوبر 2023
راہول گاندھی ، سابق گورنر مقبوضہ کشمیرکی گفتگو منظرعام پر، پلوامہ ڈرامے پر مزید انکشافات
افغانستان
افغانستان میں پھر شدید زلزلے کے جھٹکے وجود بدھ 11 اکتوبر 2023
افغانستان میں پھر شدید زلزلے کے جھٹکے

افغانستان میں زلزلے سے تباہی،اموات 2100 ہوگئیں وجود اتوار 08 اکتوبر 2023
افغانستان میں زلزلے سے تباہی،اموات 2100 ہوگئیں

طالبان نے پاسداران انقلاب کی نیوز ایجنسی کا فوٹوگرافر گرفتار کر لیا وجود بدھ 23 اگست 2023
طالبان نے پاسداران انقلاب کی نیوز ایجنسی کا فوٹوگرافر گرفتار کر لیا
شخصیات
معروف افسانہ نگار بانو قدسیہ کو مداحوں سے بچھڑے 7 سال بیت گئے وجود اتوار 04 فروری 2024
معروف افسانہ نگار بانو قدسیہ کو مداحوں سے بچھڑے 7 سال بیت گئے

عہد ساز شاعر منیر نیازی کو دنیا چھوڑے 17 برس ہو گئے وجود منگل 26 دسمبر 2023
عہد ساز شاعر منیر نیازی کو دنیا چھوڑے 17 برس ہو گئے

معروف شاعرہ پروین شاکر کو دنیا سے رخصت ہوئے 29 برس بیت گئے وجود منگل 26 دسمبر 2023
معروف شاعرہ پروین شاکر کو دنیا سے رخصت ہوئے 29 برس بیت گئے
ادبیات
عہد ساز شاعر منیر نیازی کو دنیا چھوڑے 17 برس ہو گئے وجود منگل 26 دسمبر 2023
عہد ساز شاعر منیر نیازی کو دنیا چھوڑے 17 برس ہو گئے

سولہویں عالمی اردو کانفرنس خوشگوار یادوں کے ساتھ اختتام پزیر وجود پیر 04 دسمبر 2023
سولہویں عالمی اردو کانفرنس خوشگوار یادوں کے ساتھ اختتام پزیر

مارکیز کی یادگار صحافتی تحریر وجود پیر 25 ستمبر 2023
مارکیز کی یادگار صحافتی تحریر