وجود

... loading ...

وجود
وجود
ashaar

سن بستیوں کا حال جو حد سے گزر گئیں

جمعرات 05 نومبر 2020 سن بستیوں کا حال جو حد سے گزر گئیں

افسوس، صد افسوس! یہ معاشرہ اپنے کناروں سے چھلکنے لگا! داخلی احتساب کی روایت نہ ہو تو معاشرہ اپنے اعمال وافعال میں ”بے حد“ ہونے لگتا ہے۔ پاکستان ہوگیا۔سردار ایاز صادق کے قضیے (28/ اکتوبر)کو اب ایک ہفتہ بیت رہا ہے، مگر قومی سیاست وصحافت تاحال اس کی قیدی ہے اور کیوں نہ ہو؟حد سے زیادہ اور حد سے باہر الفاظ کے مضمرات و اثرات بھی حد سے سوا ہی ہوں گے۔ آخری کتابِ ہدایت میں بار بار یہ نکتہ تعلیم کیا گیا کہ حد سے گزرنے والے لوگ فلاح نہیں پاتے۔ یہ سورہ یونس کی آیت10 ہے، فرمایا: ہم حدسے گزر جانے والوں کے دلوں پر ٹھپہ لگا دیتے ہیں“۔سورہ مومن کی آیات34-35میں یہ نکتہ پھر تعلیم کیا گیا:اللہ تعالیٰ ان سب لوگوں کو گمراہی میں ڈال دیتا ہے جو حد سے گزرنے والے اور شکّی ہوتے ہیں“۔رب کائنات نے سورہ مائدہ کی آیات78-79میں بنی اسرائیل پر حضرت داودؑ اور حضرت عیسیٰؑ کی زبانی کرائی گئی لعنت کی وجوہات بیان کیں تو فرمایا: وہ حد سے آگے بڑھ جاتے تھے“۔ ہول آتا ہے، ہول!! یہ منیر نیازی کیا کہہ گئے:۔

سن بستیوں کا حال جو حد سے گزر گئیں

ان امتوں کا ذکر جو رستوں میں مر گئیں

نیتوں کو ٹٹولنے کا حق انسان کو نہیں پہنچتا۔ یہ شہ رگِ انسان سے زیادہ قریب خالق کائنات کو زیبا ہے۔ واقعات پر رائے زنی کی جاسکتی ہے، حالات کے شواہد انسانی ذہن کو ٹٹولنے کے لیے ایک تسلیم شدہ ذریعہ ہوتے ہیں۔ سردار ایاز صادق نے جو الفاظ پارلیمنٹ میں ادا کیے وہ اتفاقی نہیں، ایک منظم ذہن کی واردات ہے۔ سیاسی اختلافات میں ایک دوسرے کے گریبانوں پر ہاتھ ڈالتے یہ سیاست دان ریاست کو اب داؤ پر لگانے لگے۔ عمران خان اس سے بری الذمہ نہیں۔ مگر سردار ایاز صادق تو حد سے گزر گئے۔

بھارت پاکستان کو مدتوں سے نفسیاتی اور سیاسی طور پر کنارے سے لگارہا تھا۔ پرویز مشرف نے امریکا کے آگے سجدہ ریز ہو کر پاکستان کے ساتھ جو کچھ کیا، یہ اس کا لازمی نتیجہ تھا کہ بھارت بے لگام ہوتا۔ امریکا اُس کا معاون بن جاتا۔ نادانی دیکھیے پاکستان نے امریکا کی اطاعت گزاری کے لیے جو حیلہ تراشا تھا، وہ بھارت کو ہی خطے سے دور رکھنے کا تھا، مگر اس اطاعت گزاری نے ہی بھارت کے لیے وہ سب کچھ ممکن بنایا جو ہم آج کل افغانستان سے بلوچستان تک دیکھتے آرہے ہیں۔ جہاں نہ جانے کتنے کلبھوشن بروئے کار آئے، اور پاک سرزمین پر دہشت کے بیج بوتے رہے۔ اس خزاں رسیدہ ماحول میں پھر 27/فروری 2019ء کا وہ پُر بہارجھونکا آیا جس نے ہمیں سرشاری کا ایک لازوال موقع دیا۔ خود اعتمادی بھرنے والے ایسے شاذ لمحات قومیں محفوظ رکھتی ہیں، اِس سے اپنی تاریخ سنوارتی اور مستقبل اُجالتی ہے۔ مگر پھر یہ ایاز صادق ایسے لوگ!!!شرم ناک، کرب ناک۔سردار ایاز صادق نے تو کہہ دیا کہ 27/فروری 2019 کوپاکستان کی جانب سے دو بھارتی طیاروں کو گرانے کے بعد جس اجلاس میں فوجی سربراہ بھی شریک تھے، وزیرخارجہ آئے،ٹانگین کانپ رہی تھیں اور ماتھے پر پسینہ تھا۔ سردار ایاز صاد ق کی تقریر کے بعد بھارتی وزیراعظم نریندر مودی نے اپنے ماتھے کا پسینہ پونچھا اور پھر میدان میں اُتر کر دوبارہ اپنی زبان طعن دراز کرنے لگا۔

سردار ایاز صادق ہرگز شیخ رشید کی طرح بسیار گو نہیں۔وہ پارلیمنٹ میں بھی بہت کم گفتگو کرتے ہیں۔ خال خال گفتگو کرنے والے سردار ایاز صادق آخری بار کب بولے تھے، شاید کسی کو معلوم بھی نہ ہو۔ پھر وہ بولے تو حد سے کیوں گزر گئے؟ یہی نہیں سردار ایاز صادق کی گفتگو کے پہلے روز نواز لیگ کی صفوں میں قدرے سناٹا رہا، پھر اچانک نوازلیگ کے عقابی رہنما حرکت میں آئے اور ایاز صاد ق کی پشت پر کھڑے ہوگئے۔احسن اقبال اور رانا ثناء اللہ نے ایاز صادق کے دفاع کا مورچہ سنبھالا۔ مگر خرم دستگیر تو حمایت کے ساتھ دھمکیوں پر بھی اُتر آئے۔ نواز لیگ کے رہنما خرم دستگیر نے کہا ”جس اجلاس کا ایاز صادق نے حوالہ دیا، میں بھی اس میں موجود تھا، ان معاملات کو مت کھولیں ورنہ اور بھی بھیانک انکشافات سامنے آئیں گے“۔اس طرزِ سیاست کے بارے میں اب باقی کیا رہ جاتا ہے؟لیگی رہنما کارِ ریاست کو اچھی طرح سمجھتے ہیں۔ وہ اقتدار کی راہداریوں میں ہی پلے بڑھے ہیں۔ کیا وہ نہیں جانتے تھے کہ سردار ایاز صادق کی گفگو بھارت میں نریندر مودی کے لیے کتنی کارآمد ہوگی؟ بھارتی ذرائع ابلاغ کو تو جو بھنگڑے ڈالنے تھے، ڈالے۔ مگر خود بھارتی وزیراعظم نریندر مودی اس معاملے میں براہِ راست عوام کے سامنے آئے اور اس پر اپنی ”کامیابی“ کی ایک جھوٹی داستان تخلیق کرنے کی کوشش کی۔ جب مودی اس بیان کو اپنے حق میں استعمال کررہے تھے، تب نواز لیگ کے عقابی رہنما ایاز صادق کا دفاع کرنے میدان میں اُتر گئے تھے۔یہاں تک کہ جے یو آئی کے قائداور پاکستان ڈیموکریٹک موومنٹ کے سربراہ مولانا فضل الرحمان سردار ایاز صادق کو تقویت دینے کے لیے اُن کی قیام گاہ تشریف لے گئے۔

کیا یہ سارے واقعات اتفاقی طور پر رونما ہورہے تھے؟ اطلاعات یہی ہیں کہ نواز شریف نے سردار ایاز صادق کے بیان کے بعد نوازلیگ رہنماؤں کو تھپکی دی۔ اور اُنہیں خاموشی کا قفل توڑ کر ایاز صادق کی حمایت کی تاکید کی۔ نوازشریف کا یہ اقدام اُن کے ماضی کی طرف متوجہ کرتا ہے۔ پرویز مشرف کی طرف سے 12/ اکتوبر 1999ء کو اقتدار سے بے دخل کیے جانے سے ذرا پہلے ہی نوازشریف اٹل بہاری واجپائی کی پاکستان آمد اور کرگل قضیئے میں سوالات کے دائرے میں آگئے تھے۔ سیاسی تعصبات نے ان سوالات کو توانا نہ ہونے دیا۔ نوازشریف کی سیاسی مقبولیت ایک اضافی عامل تھا۔ پھر وہ جدہ پہنچا دیے گئے۔ پاکستان واپسی کے بعد یہ ایک تلخ سیاسی حقیقت ہے کہ نوازشریف نے کبھی بھارت مخالف کوئی بیانیہ نہیں اپنایا۔ اُن کا مرکز و محور صرف اور صرف فوج رہی۔ اسٹیبلشمنٹ کے خلاف مضبوط سیاسی رائے رکھنا یا اُن کے خلافِ آئین اقدامات پر گفتگو کرنا کوئی بُری بات نہیں، بلکہ یہ وطنِ عزیز کے مستقبل کے لیے ناگزیر بھی ہے۔ مگر فوج مخالف بیانئے کا تناظر اگر بھارت موافق نظر آئے گا تو یہ نوازلیگ کے لیے بھی انتہائی خطرناک ثابت ہوگا۔ بدقسمتی سے نوازشریف نے جدہ سے پاکستان واپسی کے بعد اس کی ذرا بھی پرواہ نہیں کی۔

نوازشریف کی جدہ سے واپسی کے بعد اُن کی تمام گفتگو خطے اور علاقائی تناظر میں اسٹیبلیشمنٹ کے کردار کی جانب مڑ گئی تھی۔ اسی لیے اُنہوں نے سیاسی محاذ پر اپنے مخالفین سے تعلقات کو نرم کیا۔ تاکہ اسٹیبلشمنٹ کے خلاف اُنہیں بروئے کار آتے ہوئے سیاسی مخالفت کا کم سے کم سامنا کرنا پڑے۔ اس کھیل میں وہ حد سے بڑھ گئے۔ اُنہوں نے نظریہئ پاکستان تک کو اس سوچ کی بھینٹ چڑھانے سے گریز نہیں کیا۔ اس حوالے سے نوازشریف کے 13/ اگست2011ء کو سیفما کے ایک اجلاس میں بھارت سے آئے وفد سے خطاب کو تازہ کرلیجیے:۔
”ہمارا ایک ہی کلچر تھا، ایک ہی ہیرٹیج ہے، ایک ہی معاشرے کے ہم لوگ تھے، یہ جو بیچ میں ایک بارڈر
آیا ہے، بس وہی بارڈر آیا ہے، ورنہ تو آپ اور ہم لوگ ایک ہی سوسائٹی کے لوگ ہیں“۔

نوازشریف کے اس طرزِ فکر کے بعد خود پاکستان کا جواز بھی مشکوک ہو جاتا ہے۔ وزیراعظم نوازشریف5 /جون 2013ء کو وزارتِ عظمیٰ کا منصب سنبھالنے کے بعد بھارت کے حوالے سے اپنے انتہائی نرم رویے پر مشکوک سے مشکوک ہوتے چلے گئے۔ بی جے پی کے پارلیمانی رہنما نریندر مودی نے 26 /مئی 2014ء کو پندرہویں وزیر اعظم بھارت کی حیثیت سے حلف اٹھایا تو نوازشریف کسی ٹھوس سیاسی وجہ کے بھارتی وزیراعظم کی تقریب حلف برداری میں خود شرکت کرنے پہنچ گئے۔ جہاں اُن کی مختلف ملاقاتیں بھی شکوک کے دائرے میں رہیں۔ کلبھوشن کے معاملے میں نوازشریف کی پراسرار خاموشی اور عالمی عدالت میں اختیار کیے گئے مشکوک طرزِ عمل کو ایک طرف رکھیں۔ یاد کیجیے! 25 /دسمبر 2015 ء کی صبح گیارہ بجے اچانک بھارتی وزیراعظم نریندر مودی نے پاکستان آنے کی خواہش کا اظہار کیا اور وہ اسلام آباد کے بجائے سیدھے لاہور پہنچے جہاں سے اُنہیں جاتی امراء پہنچا دیا گیا۔ وہ چند گھنٹوں کے لیے جاتی امراء میں نوازشریف کی نواسی کی شادی میں شرکت کرکے رخصت ہوگئے۔یہ ایک انتہائی مختصر اور ہکا بکا کرنے والا دورہ تھا۔ نوازشریف ان واقعات کو سیاست میں اپنی حکومت کی پزیرائی کے لیے استعمال کرتے ہیں۔ مگر نریندرمودی نے اپنے ایک انٹرویو میں ان دونوں واقعات کی توجیہ اپنے متعصبانہ اور پاکستان مخالف تناظر میں کی ہے۔ مودی نے کہا کہ”اگر میں نواز شریف کو نہ بلاتا تو ہمیں فائدہ نہ ہوتا، ہم پاکستان کو جھوٹا ثابت کرنا چاہتے تھے، ان دونوں واقعات سے ہم نے یہ ثابت کیا کہ ہم تو آگے بڑھنا چاہتے ہیں پاکستان نہیں چاہتا“۔ نوازشریف کا ذہن تو واضح ہے مگر مودی کا ذہن بھی پڑھ لیں۔

نوازشریف اپنی اسی افتادِ طبع کے ساتھ بروئے کار ہیں۔ وہ فوج مخالف بیانئے میں کسی حمایت کے بغیر یہ جوا نہیں کھیل رہے۔ اُنہیں اپنے خلاف اس تاثر کی بھی کوئی پروا نہیں جو فوج مخالفت میں بھارت موافقت کا قائم ہورہا ہے۔ یہ بے پروائی ایک داخلی اور خارجی حمایت کے ساتھ اس یقین کی بنیاد پر ہی ہوسکتی ہے کہ وہ اپنے مخالفین کے خلاف مطلوبہ نتائج یا فتح حاصل کرلیں گے۔ ظاہر ہے نوازشریف اپنے مخالفین کے خلاف کامیابی سے مراد عمران خان کے خلاف کامیابی نہیں لیتے،یہ اس سے بڑھ کرہے۔ یوں لگتا ہے کہ نوازشریف کو یہ بھی یقین ہے کہ اس کھیل میں اُنہیں زیادہ نقصان بھی نہیں ہوگا۔ فیصلہ وقت کرے گا۔ مگر یہ تو سامنے کی حقیقت ہے کہ ہمارا نظام اور موجودہ سیاسی بہاؤ اپنے کناروں سے چھلک رہا ہے۔ پاکستان کو ایک نیا آہنگ درکار ہے۔
٭٭٭٭٭


متعلقہ خبریں


مضامین
دوگززمین وجود پیر 06 دسمبر 2021
دوگززمین

سجدوں میں پڑے رہناعبادت نہیں ہوتی! وجود پیر 06 دسمبر 2021
سجدوں میں پڑے رہناعبادت نہیں ہوتی!

چین کی عسکری صلاحیت’’عالمی رونمائی‘‘ کی منتظر ہے! وجود پیر 06 دسمبر 2021
چین کی عسکری صلاحیت’’عالمی رونمائی‘‘ کی منتظر ہے!

دوگززمین وجود اتوار 05 دسمبر 2021
دوگززمین

یورپ کا مخمصہ وجود هفته 04 دسمبر 2021
یورپ کا مخمصہ

اے چاندیہاں نہ نکلاکر وجود جمعه 03 دسمبر 2021
اے چاندیہاں نہ نکلاکر

تاریخ پررحم کھائیں وجود جمعرات 02 دسمبر 2021
تاریخ پررحم کھائیں

انوکھی یات۔ٹو وجود جمعرات 02 دسمبر 2021
انوکھی یات۔ٹو

وفاقی محتسب واقعی کام کرتاہے وجود جمعرات 02 دسمبر 2021
وفاقی محتسب واقعی کام کرتاہے

ڈی سی کی گرفتاری اور سفارشی کلچر وجود جمعرات 02 دسمبر 2021
ڈی سی کی گرفتاری اور سفارشی کلچر

ماں جیسی ر یاست اور فہیم۔۔۔ وجود جمعرات 02 دسمبر 2021
ماں جیسی ر یاست اور فہیم۔۔۔

انسانیت کی معراج وجود اتوار 28 نومبر 2021
انسانیت کی معراج

اشتہار

افغانستان
طالبان کے خواتین سے متعلق حکم نامے کا خیرمقدم کرتے ہیں، تھامس ویسٹ وجود اتوار 05 دسمبر 2021
طالبان کے خواتین سے متعلق حکم نامے کا خیرمقدم کرتے ہیں، تھامس ویسٹ

15 سالہ افغان لڑکی برطانوی اخبار کی 2021 کی 25 با اثر خواتین کی فہرست میں شامل وجود هفته 04 دسمبر 2021
15 سالہ افغان لڑکی برطانوی اخبار کی 2021 کی 25 با اثر خواتین کی فہرست میں شامل

طالبان کی خواتین کو جائیداد میں حصہ دینے،شادی مرضی سے کرانے کی ہدایت وجود جمعه 03 دسمبر 2021
طالبان کی خواتین کو جائیداد میں حصہ دینے،شادی مرضی سے کرانے کی ہدایت

جھڑپ میں ایران کے 9سرحدی گارڈز ہلاک ہوئے،طالبان وجود جمعه 03 دسمبر 2021
جھڑپ میں ایران کے 9سرحدی گارڈز ہلاک ہوئے،طالبان

افغان طالبان اور ایرانی بارڈر گارڈز کے درمیان شدید جھڑپیں، بھاری اسلحہ کا استعمال وجود جمعرات 02 دسمبر 2021
افغان طالبان اور ایرانی بارڈر گارڈز کے درمیان شدید جھڑپیں، بھاری اسلحہ کا استعمال

اشتہار

بھارت
بھارت ، ٹیکس میں کمی، پیٹرول 8روپے فی لیٹرسستا ہوگیا وجود جمعرات 02 دسمبر 2021
بھارت ، ٹیکس میں کمی، پیٹرول 8روپے فی لیٹرسستا ہوگیا

بھارت میں مشتعل ہجوم کی چرچ میں تھوڑ پھوڑ ،عمارت کو نقصان،ایک شخص زخمی وجود بدھ 01 دسمبر 2021
بھارت میں مشتعل ہجوم کی چرچ میں تھوڑ پھوڑ ،عمارت کو نقصان،ایک شخص زخمی

بھارت میں نفرت جیت گئی، فنکار ہار گیا،مسلم کامیڈین وجود پیر 29 نومبر 2021
بھارت میں نفرت جیت گئی، فنکار ہار گیا،مسلم کامیڈین

بھارت میں ہندوانتہا پسندوں کی نماز جمعہ کے دوران ہلڑ بازی وجود هفته 27 نومبر 2021
بھارت میں ہندوانتہا پسندوں کی نماز جمعہ کے دوران ہلڑ بازی

چیئرمین سینیٹ صادق سنجرانی نے بھارتی دعوت نامہ مسترد کر دیا وجود جمعرات 25 نومبر 2021
چیئرمین سینیٹ صادق سنجرانی نے بھارتی دعوت نامہ مسترد کر دیا
ادبیات
جرمن امن انعام زمبابوے کی مصنفہ کے نام وجود منگل 26 اکتوبر 2021
جرمن امن انعام زمبابوے کی مصنفہ کے نام

پکاسو کے فن پارے 17 ارب روپے میں نیلام وجود پیر 25 اکتوبر 2021
پکاسو کے فن پارے 17 ارب روپے میں نیلام

اسرائیل کا ثقافتی بائیکاٹ، آئرش مصنف نے اپنی کتاب کا عبرانی ترجمہ روک دیا وجود بدھ 13 اکتوبر 2021
اسرائیل کا ثقافتی بائیکاٹ، آئرش مصنف نے اپنی کتاب کا عبرانی ترجمہ روک دیا

بھارت میں ہندوتوا کے خلاف رائے کو غداری سے جوڑا جاتا ہے، فرانسیسی مصنف کا انکشاف وجود جمعه 01 اکتوبر 2021
بھارت میں ہندوتوا کے خلاف رائے کو غداری سے جوڑا جاتا ہے، فرانسیسی مصنف کا انکشاف

اردو کو سرکاری زبان نہ بنانے پر وفاقی حکومت سے جواب طلب وجود پیر 20 ستمبر 2021
اردو کو سرکاری زبان نہ بنانے پر وفاقی حکومت سے جواب طلب
شخصیات
نامور شاعر ، مزاح نگار پطرس بخاری کی 63 ویں برسی آج منائی جائیگی وجود اتوار 05 دسمبر 2021
نامور شاعر ، مزاح نگار پطرس بخاری کی 63 ویں برسی آج منائی جائیگی

سینئر صحافی ضیاءالدین ا نتقال کر گئے وجود پیر 29 نومبر 2021
سینئر صحافی ضیاءالدین ا نتقال کر گئے

پاکستانی سائنسدان مبشررحمانی مسلسل دوسری بار دنیا کے بااثرمحققین میں شامل وجود جمعرات 25 نومبر 2021
پاکستانی سائنسدان مبشررحمانی مسلسل دوسری بار دنیا کے بااثرمحققین میں شامل

سکھ مذہب کے بانی و روحانی پیشواباباگورونانک کے552ویں جنم دن کی تین روزہ تقریبات کا آغاز وجود جمعه 19 نومبر 2021
سکھ مذہب کے بانی و روحانی پیشواباباگورونانک کے552ویں جنم دن کی تین روزہ تقریبات کا آغاز

صحافتی بہادری کا ایوارڈ، چینی اور فلسطینی خواتین صحافیوں کے نام وجود جمعه 19 نومبر 2021
صحافتی بہادری کا ایوارڈ، چینی اور فلسطینی خواتین صحافیوں کے نام