وجود

... loading ...

وجود

کوکو۔۔کورونا۔۔

جمعه 11 ستمبر 2020 کوکو۔۔کورونا۔۔

دوستو، امریکی صدر ڈونلڈ ٹرمپ نے دعویٰ کیا ہے کہ کورونا ویکسین اکتوبر کے مہینے میں مارکیٹ میں آسکتی ہے۔غیر ملکی خبررساں ادارے کے مطابق اپنے ایک بیان میں انہوں نے کہا کہ الیکشن تک میری قیادت میں کورونا ویکسین تیار کر لی جائے گی، اس کام میں 2 سے 3 سال لگ سکتے تھے، ہم نے انتہائی کم وقت میں کام کیا۔ ٹرمپ کا کہنا تھا کہ ویکسین بہت محفوظ اور موثر ہے، دنیا خوش ہوجائے گی۔۔دوسری طرف ایپل اور گوگل نے اعلان کیا ہے کہ وہ آپ کے موبائل میں اپنا کورونا وائرس کانٹیکٹ ٹریسنگ سافٹ ویئر بنائیں گے۔ ٹیکنالوجی کی دونوں بڑی کمپنیوں نے اعلان کیا کہ آئی او ایس اور اینڈرائیڈ آپریٹنگ سسٹمز کے مستقبل کے ورژنز میں کمپنیوں کے کووڈ 19 نوٹیفکیشن سسٹم شامل ہوں گے جن کے لیے صارفین کو اس سے قبل ایپلی کیشن انسٹال کرنے کی ضرورت ہوتی تھی۔۔ یعنی اب دنیا کو سمجھ لینا چاہیئے کہ کورونا اب ہمیشہ کے لیے زندگی کا حصہ بن چکا ہے۔۔
ایک طرف امریکی صدر ٹرمپ اگلے ماہ یعنی اکتوبر میں کورونا ویکسین آنے کے لیے پرامید ہیں تو دوسری طرف پاکستانیوں کو ٹرمپ سے شدید عدم اتفاق ہے۔۔کورونا وائرس کی ویکسین آنے کی صورت میں 63فیصد پاکستانی اسے استعمال کرنے سے انکار کررہے ہیں۔ یہ انکشاف بین الاقوامی تحقیقاتی ادارے آئی پی ایس او ایس پاکستان کے سروے میں سامنے آیا ہے جس کے مطابق 37 فیصد پاکستانی شہری ویکسین لگوانے کے لیے تیار ہیں۔ سروے کے مطابق 21فیصد پاکستانی 6 ماہ میں کورونا ویکسین آنے کے لیے پُر امید ہیں اور 27 فیصد کا خیال ہے کہ ویکسین آنے میں مزید ایک سال لگ سکتا ہیجب کہ 23 فیصد کا کہنا ہے کہ اس میں 2 سے 3 سال لگ سکتے ہیں اور 9 فیصد کو لگتا ہے کہ کورونا کی ویکسین 3 سال سے بھی زیادہ عرصے بعد آئے گی۔ویکسین آنے کی صورت میں 63 فیصد پاکستانیوں کا کہنا ہے کہ وہ اسے نہیں لگوائیں گے۔ سروے میں 20 فیصد شہریوں نے رائے دی کہ کورونا وائرس کی ویکسین کبھی تیار نہیں کی جاسکے گی۔
برطانوی وزیرصحت میٹ ہینکوک نے عجیب انکشاف کیا ہے،نوجوانوں سے خطاب کے دوران انہوں نے فرمایا کہ 25 سال تک کی عمر کے افراد کو کورونا سے اتنا خطرہ نہیں تاہم وہ بزرگ شہریوں میں وائرس پھیلانے کا سبب بنتے ہیں ان کا کہنا تھا کہ 25 سال تک کی عمر تک کے افراد میں کورونا وائر کی وبا خطرہ ہے۔۔ جب کہ پاکستان کے حوالے سے عالمی ماہرین نے انکشاف کیا ہے کہ پاکستان میں بغیر علامات والے کورونا کیسز کی تعداد دنیا بھر سے کہیں زیادہ ہے۔چونکہ بغیر علامات والے مریضوں کو اسپتالوں میں منتقل کرنے کی ضرورت محسوس نہیں ہوتی اسی لیے برطانیا، اسپین اور دیگر متعدد ممالک کی طرح پاکستان کے اسپتالوں میں رش نہیں بڑھا اور مریضوں کی گنجائش کے مسائل پیدا نہیں ہوئے۔آغا خان یونیورسٹی کے تحت کی جانے والی ایک تحقیق میں یہ انکشاف ہوا ہے کہ کراچی میں کورونا کے 10میں سے 9مریضوں میں اس وائرس کی کوئی علامت نہیں پائی جاتیں۔یونیورسٹی کی اس تحقیق میں اپریل سے جون کے درمیان شہر کے مختلف علاقوں میں وائرس کے زیادہ اور کم تناسب سے منتقلی کا جائزہ لیا گیا۔تحقیق کے نتائج میں یہ بات سامنے آئی کہ 95 فیصد افراد جن میں خون کے ٹیسٹ (اینٹی باڈیز ٹیسٹ) کے ذریعے کووڈ 19 مثبت آیا،ان لوگوں میں کھانسی، بخار یا گلہ خراب جیسی کوئی علامات نہیں پائی گئیں۔ آسان الفاظ میں اگر کہا جائے تو ان مریضوں نے کورونا وائرس کی کوئی علامات کبھی محسوس نہیں کی۔امریکا سے تعلق رکھنے والے ڈاکٹر بیلی فاسڈک اور ڈاکٹر ڈینیل بیئرمور جیسے عالمی ماہرین کے تعاون سے یہ تحقیقی رپورٹ تیار کی گئی جس میں کہاگیا ہے کہ بچوں اور جوانوں کیاس وائرس سے متاثر ہونے کا خطرہ بھی اتنا ہی ہے جتنا بڑی عمر کے افراد کو ہے۔۔
اب ذرا کورونا کے حوالے سے ایس او پیز اور احتیاطی تدابیر کی بات کرلیتے ہیں۔۔ یہ تو آپ سب ہی جانتے ہیں کہ پاکستان میں تعلیمی ادارے بند ہیں اور پندرہ ستمبر سے انہیں مرحلہ وار کھولنے کا اعلان کیا گیا ہے۔۔ اس دوران آن لائن کلاسز ہوتی رہیں۔۔لیکن ارجنٹائن میں ہونے والے ایک واقعہ نے ثابت کردیا کہ آن لائن تعلیم بھی کورونا کے دوران غیر محفوظ ہے۔۔ارجنٹائن کے دارالحکومت بیونس آئرس میں آن لائن کلاس میں لیکچر دیتی خاتون پروفیسر کورونا وائرس سے ہلاک ہوگئی، 46سالہ پروفیسر پاولا دی سیمون کی طبیعت زوم لیکچر کے دوران سانس اکھڑنے سے اچانک بگڑی اورآن لائن طلبہ کے سامنے کلاس ہی میں دم توڑ گئی، پاولا نے مرنے سے قبل 28 اگست کو سماجی رابطے کی ویب سائٹ پر بتایا تھا کہ وہ کورونا وائرس میں مبتلا اورصحتیابی کے لیے جدوجہد کررہی ہیں۔پاکستان میں بھی آن لائن کلاسز تو ہوئیں لیکن ایسا کوئی واقعہ سامنے نہیں آیا۔۔ اب پندرہ ستمبر سے ہائی اسکول،کالج اور یونیورسٹیز کھل رہی ہیں۔۔ اب ذرا سوچیں، جب عام زندگی میں کوئی ایس او پیز کا خیال نہیں رکھ رہا تو کیا تعلیمی اداروں میں احتیاط کی جائے گی؟؟ گڈو کا دل اسکول جانے کا نہیں تو اپنے بھائی کو ماسک لگا کر بھیج دے گا۔۔ اسکول والے بھی جب سائنس کی ٹیچر نہیں آئیں گی تو کیمسٹری کی ٹیچر کو ماسک لگا کر پڑھانے بھیج دیں گے۔۔سائنس پر یاد آیا، جب بچپن میں ایک بار ہم سے ہماری سائنس ٹیچر نے سوال کیا تھا کہ۔۔بیٹا، بتائیں سائنس دان کسے کہتے ہیں؟ تو ہم نے برجستہ کہا۔۔ جس چیز میں سائنس رکھی جائے اسے سائنس دان کہتے ہیں۔۔ ٹیچرز کو بچے ڈرائیں گے ، ٹیچر،ٹیچر مجھے کورونا ہے، زیادہ ہوم ورک مت دینا ورنہ نزدیک آکر کھانس دوں گا ۔۔ کسی دوست نے سوشل میڈیا پر حکومت کو تجویز دی کہ اسکولوں، کالجوں اور جامعات میں احتیاط کے طور پر یہ ایس او پیز نافذ کی جائیں کہ ایک دن طلبا آئیں اور ایک دن ٹیچرز۔۔
اور اب چلتے چلتے آخری بات۔۔ ہم ایک ایسے ملک میں رہ رہے ہیں جہاں لڑائی سے پہلے کہتے ہیں،تُو ہاتھ لگا کر دکھا۔۔اور لڑائی کے بعد کہتے ہیں۔۔تُو نے ہاتھ کیسے لگایا؟؟ خوش رہیں اور خوشیاں بانٹیں۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔


متعلقہ خبریں


مضامین
چائلڈپورنوگرافی وجود پیر 05 دسمبر 2022
چائلڈپورنوگرافی

بول کہ سچ زندہ ہے اب تک وجود پیر 05 دسمبر 2022
بول کہ سچ زندہ ہے اب تک

عوامی مقبولیت بھی پَل بھر کا تماشہ ہے وجود پیر 05 دسمبر 2022
عوامی مقبولیت بھی پَل بھر کا تماشہ ہے

عمرکومعاف کردیں وجود اتوار 04 دسمبر 2022
عمرکومعاف کردیں

ٹرمپ اور مفتے۔۔ وجود اتوار 04 دسمبر 2022
ٹرمپ اور مفتے۔۔

اب ایک اور عمران آرہا ہے وجود هفته 03 دسمبر 2022
اب ایک اور عمران آرہا ہے

اشتہار

تہذیبی جنگ
بابری مسجد کا 30 واں یوم شہادت ، بھارتی عدلیہ کا گھناؤنا کردار وجود منگل 06 دسمبر 2022
بابری مسجد کا 30 واں یوم شہادت ، بھارتی عدلیہ کا گھناؤنا کردار

1993کے ممبئی دھماکوں کی آڑ میں مسلمانوں کو بدنام کرنے کی سازش رچائی گئی، بھارتی صحافی وجود پیر 05 دسمبر 2022
1993کے ممبئی دھماکوں کی آڑ میں مسلمانوں کو بدنام کرنے کی سازش رچائی گئی، بھارتی صحافی

امریکا نے القاعدہ ، کالعدم ٹی ٹی پی کے 4رہنماؤں کوعالمی دہشت گرد قرار دے دیا وجود جمعه 02 دسمبر 2022
امریکا نے القاعدہ ، کالعدم ٹی ٹی پی کے 4رہنماؤں کوعالمی دہشت گرد قرار دے دیا

برطانیا میں سب سے تیز پھیلنے والا مذہب اسلام بن گیا وجود بدھ 30 نومبر 2022
برطانیا میں سب سے تیز  پھیلنے والا مذہب اسلام بن گیا

اسرائیلی فوج نے 1967 کے بعد 50 ہزار فلسطینی بچوں کو گرفتار کیا وجود پیر 21 نومبر 2022
اسرائیلی فوج نے 1967 کے بعد 50 ہزار فلسطینی بچوں کو گرفتار کیا

استنبول: خود ساختہ مذہبی اسکالر کو 8 ہزار 658 سال قید کی سزا وجود جمعه 18 نومبر 2022
استنبول: خود ساختہ مذہبی اسکالر کو 8 ہزار 658 سال قید کی سزا

اشتہار

شخصیات
موت کیا ایک لفظِ بے معنی جس کو مارا حیات نے مارا وجود هفته 03 دسمبر 2022
موت کیا ایک لفظِ بے معنی               جس کو مارا حیات نے مارا

ملک کے پہلے وزیراعظم لیاقت علی خان کے بیٹے اکبر لیاقت انتقال کر گئے وجود بدھ 30 نومبر 2022
ملک کے پہلے وزیراعظم لیاقت علی خان کے بیٹے اکبر لیاقت انتقال کر گئے

معروف صنعت کار ایس ایم منیر انتقال کر گئے وجود پیر 28 نومبر 2022
معروف صنعت کار ایس ایم منیر انتقال کر گئے
بھارت
بھارت کو اقتصادی محاذ پر جھٹکا، جی ڈی پی میں کمی کا امکان وجود منگل 06 دسمبر 2022
بھارت کو اقتصادی محاذ پر جھٹکا، جی ڈی پی میں کمی کا امکان

بابری مسجد کا 30 واں یوم شہادت ، بھارتی عدلیہ کا گھناؤنا کردار وجود منگل 06 دسمبر 2022
بابری مسجد کا 30 واں یوم شہادت ، بھارتی عدلیہ کا گھناؤنا کردار

1993کے ممبئی دھماکوں کی آڑ میں مسلمانوں کو بدنام کرنے کی سازش رچائی گئی، بھارتی صحافی وجود پیر 05 دسمبر 2022
1993کے ممبئی دھماکوں کی آڑ میں مسلمانوں کو بدنام کرنے کی سازش رچائی گئی، بھارتی صحافی

بھارت،پہلی سے آٹھویں جماعت کے اقلیتی طلباء کو اب اسکالر شپ نہیں ملے گی، بھارتی حکومت وجود پیر 05 دسمبر 2022
بھارت،پہلی سے آٹھویں جماعت کے اقلیتی طلباء کو اب اسکالر شپ نہیں ملے گی، بھارتی حکومت
افغانستان
کابل، پاکستانی سفارتی حکام پر فائرنگ، ناظم الامور محفوظ رہے، گارڈ زخمی وجود جمعه 02 دسمبر 2022
کابل، پاکستانی سفارتی حکام پر فائرنگ، ناظم الامور محفوظ رہے، گارڈ زخمی

افغان مدرسے میں زوردار دھماکے میں 30 افراد جاں بحق اور 24 زخمی وجود بدھ 30 نومبر 2022
افغان مدرسے میں زوردار دھماکے میں 30 افراد جاں بحق اور 24 زخمی

حنا ربانی کھر کی قیادت میں پاکستان کا اعلیٰ سطح کا وفد دورہ افغانستان کے لیے روانہ وجود منگل 29 نومبر 2022
حنا ربانی کھر کی قیادت میں پاکستان کا اعلیٰ سطح کا وفد دورہ افغانستان کے لیے روانہ
ادبیات
کراچی میں دو روزہ ادبی میلے کا انعقاد وجود هفته 26 نومبر 2022
کراچی میں دو روزہ ادبی میلے کا انعقاد

مسجد حرام کی تعمیر میں ترکوں کے متنازع کردار پرنئی کتاب شائع وجود هفته 23 اپریل 2022
مسجد حرام کی تعمیر میں ترکوں کے متنازع  کردار پرنئی کتاب شائع

مستنصر حسین تارڑ کا ادبی ایوارڈ لینے سے انکار وجود بدھ 06 اپریل 2022
مستنصر حسین تارڑ کا ادبی ایوارڈ لینے سے انکار