وجود

... loading ...

وجود
وجود
ashaar

پاکستان محبت کرنے والے لوگوں کی سرزمین

جمعرات 10 ستمبر 2020 پاکستان محبت کرنے والے لوگوں کی سرزمین

اگر میں پاکستان گیا تو مجھے جان سے مار دیا جائے گا ، میئر راجر نے میری جانب دیکھتے ہوئے کہا۔ آخر کوئی آپ کو کیوں مارے گا اور آپ ایسا کیوں سوچتے ہیں۔ اس لیے کہ میں ایک امریکی ہونے کے ساتھ غیر مسلم بھی ہوں تو میری جان کو وہاں خطرہ ہے۔ آپ کو کچھ نہیں ہوگا آپ کی زندگی کی ضمانت میں دیتا ہوں۔ میرے جواب پر مسٹر راجر نے قہقہ لگایا اور کہا کہ کیا ان کی جانب آنے والی گولی کو میں روک لوں گا۔ گولی کو تو نہیں روک سکتا البتہ آپ کے سامنے آکر اپنے سینے پر کھانے کی جرات ضرور رکھتا ہوں۔ سب کہنے کی باتیں ہیں خیر یہ باتیں ہوتی رہیں گی آئو چائے پیتے ہیں یہ کہہ کر میئر راجر نے ڈائیننگ ہال کی جانب قدم بڑھا دیئے۔ میں ان کے ساتھ چلتے ہوئے یہ سوچ رہا تھا کہ آخر ان کو کیسے سمجھایا جائے کہ پاکستانیوں جیسی مہمان نواز قوم شاید ہی دنیا میں کوئی اور ہو۔ میں انہیں بتانا چاہتا تھا کہ پاکستانی روایات کے مطابق دشمن بھی گھرچل کر آئے تو اس کا احترام لازم ہوتا ہے۔ ہماری دینی تعلیمات اور روایات کے مطابق تو مہمان اللہ کی رحمت ہوتے ہیں۔
خیر جن سے میرا مکالمہ ہوا وہ امریکی شہر بولنگ بروک کے میئر راجر سی۔ کلار تھے۔ ریپبلکن جماعت سے تعلق رکھنے والے راجر کلار انیس سو اناسی میں ٹرسٹی کے طور پر منتخب ہوئے بعد ازاں انیس سو چھیاسی میں میئر بنے۔ جس وقت ان کے دفتر میں ان سے میری یہ ملاقات ہوئی یہ دو ہزار سولہ کی بات ہے۔ میں امریکی الیکشن کی کوریج کی غرض سے امریکہ میں تھا۔ یہ الیکشنز صدر ڈونلڈ جے۔ ٹرمپ جیت گئے اور نیو یارک سے محترم طلعت رشید کی دعوت پر میں ریاست ایلینوئے کے ویلیج بولنگ بروک آیا تھا۔ میئر راجر کی مقبولیت کا یہ عالم تھا کہ وہ کئی مرتبہ میئر منتخب ہونے کے ساتھ صدر ٹرمپ کے ایڈوائزر اور رفیق بھی سمجھے جاتے ہیں۔ حال ہی میں تقریبا چونتیس سال میئر کے طور پر خدمات انجام دینے کے بعد انہوں نے آٹھ مہینے بیشترریٹائرمنٹ کا اعلان کیا ہے۔ جس وقت ان سے میری یہ ملاقات ہوئی اس وقت مجھے اندازہ تھا کہ وہ ریپبلکن جماعت کے اہم سیاسی رکن ہیں اسی لیے میری خواہش تھی کہ وہ پاکستان کا دورہ ضرور کریں۔ ان سے گفتگو کے بعد مجھے اندازہ ہو گیا تھا کہ پڑوسی ملک بھارت کی جانب سے میڈیا کے ذریعے پاکستان کے تشخص کو جس طرح پامال کیا گیا ہے اس کا اثر ان پر بھی ہے۔ ملاقات کے بعد میں طلعت رشید کے ساتھ ان کے گھر کی جانب روانہ ہوا۔ طلعت رشید کو اگر فخر پاکستان کہا جائے تو بیجا نہ ہوگا۔ ریپبلکن جماعت سے تعلق رکھنے والے طلعت رشید بولنگ بروک کے پہلے مسلم فائر بریگیڈ و پولیس کمشنر ہونے کے ساتھ امریکی صدر ڈونلڈ ٹرمپ کے مشیر اور ایسٹ ویسٹ میڈیکل یونیورسٹی شکاگو کے بورڈ آف ڈائیریکٹرز میں بھی شامل ہیں۔طلعت بھائی آخر یہاں ایسا تاثر کیوں پایا جاتا ہے حالانکہ پاکستان میں آئینی طورپراقلیتوں کو تحفظ حاصل ہے۔ طلعت رشید نے میری بات کا جواب دیتے ہوئے کہا کہ پاکستان میں اگراقلیتوں کے خلاف ایک بھی واقعہ ہوتا ہے تو میڈیا کے ذریعے اس کی تشہیر اس طرح کی جاتی ہے جیسے پاکستان میں اقلیتوں کو کوئی تحفظ حاصل نہیں۔ ایسی خبروں کو جس طرح بڑھا چڑھا کے پیش کیا جاتا ہے اس سے ہر وہ شخص جو پاکستان کبھی نہیں گیا ایسی ہی رائے قائم کر لیتا ہے۔ ان کی بات میں وزن تھا کیونکہ میرا اپنا مشاھدہ ہے کہ امریکیوں کی بڑی تعداد ایسی ہے جو روزگار و معاش کے گورکھ دھندے میں ایسی الجھی ہے کہ دور دراز ملکوں کے سفر کے لیے وقت ہی کہاں ہے۔ سارا دن محنت مزدوری کے بعد شام میں کچھ وقت کسی بار میں یا پھر گھر میں مہ نوشی کے شغل کے بعد سوکر اگلے دن دوبارہ وہی شیڈول ہوتا ہے۔ عام لوگوں کی زندگی تو اس طرز پر گزرتی ہے کہ اپنے شہر یا قرب و جوار کے علاقوں کے علاوہ کہیں جانے کا وقت ہی نہیں ہوتا۔ اکثر امریکی ریٹائرمنٹ کے بعد ہی دیگر ریاستوں کی سیر پر نکلتے ہیں۔
طلعت رشید نے گفتگو کا سلسلہ جاری رکھتے ہوئے کہا کہ میری اپنی خواہش ہے کہ میئر پاکستان کا دورہ ضرور کریں تاکہ ان کے سامنے پاکستان کا اصل چہرہ واضح ہو۔اس دوران ہم ان کے گھر پہنچ چکے تھے جہاں کھانے کی میز پر بھی ہم یہ ہی گفتگو کرتے رہے کہ کسی طرح میئر کو پاکستان کے دورے کے لیے راضی کیا جائے۔ اس سال میں وطن واپس آگیا پر طلعت رشید صاحب کے ساتھ مشاورت کا سلسلہ جاری رہا۔ وہ بھی وطن کی محبت میں پاکستان کے رخ روشن کو سامنے لانے کی کاوشوں میں جتے رہے۔ نیت صاف تو منزل آسان کے مصداق آخرکار ہماری یہ کاوشیں رنگ لے آئیں اور میئر راجر سی۔ کلار گیارہ رکنی وفد کے ساتھ پاکستان کے دورے کے لیے تیار ہوگئے۔ وفد میں سیاسی اراکین سمیت اہم کاروباری افراد بھی شامل تھے۔ کسی امریکی میئر کی سربراہی میں اتنا بڑا وفد موجودہ حالات میں پہلی مرتبہ پاکستان پہنچا۔ سن دو ہزار اٹھارہ میں اس وفد نے سیالکوٹ اور لاہور کا دورہ کیا اور پنجاب بورڈ آف انویسٹمنٹ اور ٹریڈ کے ساتھ اہم میٹنگ ہوئی۔ میٹنگ میں مسٹر راجر نے ڈیری، مینیوفیکچرنگ اور سیاحت کے شعبوں میں تعاون پر یقین دہانی کروائی۔ وفد نے لاہور اور سیالکوٹ کے میئرز کے ساتھ بزنس کمیونٹی سے اہم میٹنگز کیں۔ اس دوران سیالکوٹ اور بولنگ بروک کو سسٹرز سٹی قرار دے کر مسودے پر دستخط کیے گئے۔ کسی تیسری دنیا کے ملک کے لیے امریکی شہر کے ساتھ سسٹرز سٹی بننے کے معاہدے سے معاشی ترقی کے لیے اہم فوائد حاصل ہوتے ہیں۔ جیسے دنیا بھر میں عام لوگ اس بات سے بے خبر ہیں کہ فیفا ورلڈ کپ کے لیے فٹبالز سیالکوٹ میں تیار ہوتی ہیں۔ اسی طرح پاکستان میں اکثر لوگ اس بات سے بے خبر ہیں کہ ملک بھر میں سن انیس سو سینتالیس میں لگائے گئے بجلی کے ٹراسفارمرز کا کارخانہ بولنگ بروک میں قائم ہے۔ جذبہ خیر سگالی کے تحت سیالکوٹ کے ماضی میں حاجی پورہ اور پھر بعد میں ڈسکہ روڈ کہلانے والی سڑک کا نام بولنگ بروک اسٹریٹ رکھ دیا گیا۔ اسی طرح بولنگ بروک کی اہم شاھراہ للی کیچ کا نام سیالکوٹ روڈ رکھ دیا گیا۔ یہ شاھراہ شہر کی ابتدا سے آخری کونے تک جاتی ہے جس پر لگا سیالکوٹ روڈ کا سائن بورڈ بہت بھلا معلوم ہوتا ہے۔ مسجد الجمعہ کے بالکل سامنے یہ شاھراہ واقع ہے۔ سسٹر سٹی بننے سے تجارتی، سیاحتی ، کلچرل ، طلبہ و سیاسی وفود کے تبادلوں سے نہ صرف ملکی تشخص کی بہتری میں مدد ملتی ہے بلکہ کئی معاشی فائدے حاصل ہوتے ہیں۔ اتنے اہم امریکی ریپبلکن وفد کی پاکستان آمد کے لیے صدر ڈونلڈ جے ٹرمپ سے خصوصی اجازت لی گئی۔ کافی دنوں کی کاوشوں کے بعد یہ ممکن ہو سکا تھا۔ اس سارے معاملے میں کیونکہ پاکستان سے ہم بھی شامل تھے تو اس وفد کی پاکستان آمد کے موقع پر ہمیں خصوصی شمولیت کا پروانہ موصول ہو چکا تھا۔
ہمیں فخر تھا کہ ملکی مفاد کے اس منصوبے میں ہم نے بھی کردار ادا کیا ہے۔ اس دوران ہمیں معروف امریکی یونیورسٹی ا?ف لوزیانہ ایٹ لیفییٹ کی چار روزہ عالمی میڈیا کانفرنس میں شرکت کا پروانہ موصول ہو چکا تھا۔ جہاں نہ صرف پاکستان کی نمائندگی کرنا تھی بلکہ اسپیکر ہونے کے علاوہ ہمیں عالمی ایکسیلنس فار جرنلزم ایوارڈ سے بھی نوازہ جانا تھا۔ طلعت بھائی سے مشاورت کے بعد ہم مطمعئن تھے کہ پاکستان میں اس حوالے سے سارے معملات بہ احسن خوبی تشکیل پا چکے ہیں۔ ہم نے دوسرا محاظ سنبھالتے ہوئے امریکہ کا رخ کیا اور وفد نے پاکستان کے لیے رخت سفر باندھا۔ مشکل حالات میں ایسے اہم وفد کا پاکستان آنا گو کہ خوش آئند رہا پر افسوس کہ میڈیا میں جو پزیرائی ملنی چاہیئے تھی وہ نظر نہ آئی۔ کانفرنس سے فراغت کے بعد ہم نیو یارک روانہ ہو گئے۔ اس اثنا میں وفد کامیاب دورے کے بعد بولنگ بروک واپس آچکا تھا۔ میئر راجر اور طلعت بھائی کی دعوت پر میں شکاگو، ایلینوئے کے ولیج بولنگ بروک پہنچا اور میئر راجر اور ان کے وفد سے خصوصی ملاقات ہوئی۔ میں نے مسکراتے ہوئے میئر راجر سے سوال کیا کہ جی جناب کیسا رہا یہ دورہ اور اب کیا رائے ہے پاکستان کے بارے میں آپ کی۔ پاکستان تو بہت خوبصورت ملک ہے اور پاکستانی قوم تو اتنی محبت کرنے والی قوم ہے کہ ایسے لوگ دنیا کی کسی قوم میں نہیں پائے جاتے۔ میں نے تو اپنے پاس سے سیکیورٹی ہٹا دی تھی۔ میئر راجر پاکستان اور پاکستانیوں کی تعریف کرتے نہ تھکتے تھے۔ وہ عام لوگوں میں گھل مل گئے تھے۔ داتا دربار اور مینارے پاکستان پر کس طرح لوگوں نے ان کے ساتھ سیلفیاں لیں۔ کس طرح ٹھیلے والے اور خوانچہ فروش غریب لوگوں نے خریداری کے باوجود پیسے لینے سے انکار کیا۔ شال اوڑھے مجذوب سا آدمی ان سے گلے ملنے آگیا اور وہ بے خوف لاہور اور سیالکوٹ کی شاھراھوں اور گلیوں میں گھومے۔ ان کی اور دیگر اراکین کی گفتگو سے میرا سر فخر سے بلند ہو گیا تھا۔بولنگ بروک میں دس ہزار سے زائد پاکستانی ااباد ہیں۔
یہ میئر راجر ہی ہیں جنہوں نے پاکستانی کمیونٹی کو ہمیشہ اہمیت دی۔ محترم طلعت رشید کے پاس شہر کے اہم عہدے ہیں اسی طرح میر علی سومرو چیئر آف پلاننگ کے عہدے پر خدمات سر انجام دے رہے ہیں۔ میئرراجر کی سربراہی میں سٹی بلڈنگ میں گزشتہ تیس سال سے چودہ اگست کے روز میلے کا انعقاد کیا جاتا ہے اورپاکستان کا پرچم بلند کیا جاتا ہے جس میں ہزاروں پاکستانی امریکنز شرکت کرتے ہیں۔ بولنگ بروک میں میئر راجر سی۔ کلار نے دو مساجد قائم کی ہیں۔ امریکی قوانین کے مطابق کوئی بھی عبادت گاہ چاہے وہ گرجہ گھر ہی کیوں نہ ہو مغرب سے پہلے بند کر دیا جاتا ہے۔ بولنگ بروک میں محض مسلمانوں کو یہ حق حاصل ہے کہ ماہ رمضان میں تراویح و اعتکاف سمیت دیگرعبادات کے لیے مساجد کھلی رہتی ہیں اور امریکی پولیس کے جوان سیکیورٹی کے لیے مستعد نظر آتے ہیں۔ ہماری حکومت کی جانب سے بیرون ملک مقیم پاکستانیوں کی اہمیت کو تسلیم کیا جاتا ہے۔ حالیہ دورے حکومت میں اوور سیز پاکستانیوں نے لبیک کہتے ہوئے کروڑوں ڈالر کا فنڈ پاکستان کو مہیا کیا ہے۔ اس ضمن میں میئر راجر کی ان خدمات کے صلہ میں پاکستانی سرکاری اعزاز سے کیوں نہیں نوازہ جاتا؟ایسے لوگ جنہوں نے بغیر کسی لالچ کے پاکستانیوں کے لیے اہم خدمات انجام دی ہیں سرکاری اعزاز سے نواز کر ان کی خدمات کا اعتراف ضروری ہے تاکہ اوور سیز پاکستانیوں کے لیے مزید آسانیاں پیدا ہوں۔ اسی طرح امریکی حکومت کو چاہیئے کہ میئر راجر سی۔ کلار جیسے لوگ جو پاکستان کے کلچرکوقریب سے سمجھتے ہیں ایسے لوگوں کوسفیرتعینات کرے ایسے ہی لوگ پاک امریکاتعلقات کی بہتری میں کرداراداکرسکتے ہیں۔
۔۔۔۔۔۔۔۔۔۔۔۔۔۔۔۔۔۔۔


متعلقہ خبریں


مضامین
کون کہتاہے وجود اتوار 25 جولائی 2021
کون کہتاہے

اپنا دھیان رکھنا وجود اتوار 25 جولائی 2021
اپنا دھیان رکھنا

محکمہ بہبودی آبادی کے گریڈ چودہ کے ملازم کے اختیارات و مراعات!! وجود هفته 24 جولائی 2021
محکمہ بہبودی آبادی کے گریڈ چودہ کے ملازم کے اختیارات و مراعات!!

اپنوں کی حوصلہ شکنی حب الوطنی نہیں وجود هفته 24 جولائی 2021
اپنوں کی حوصلہ شکنی حب الوطنی نہیں

مسلماں نہیں راکھ کا ڈھیر ہے وجود بدھ 21 جولائی 2021
مسلماں نہیں راکھ کا ڈھیر ہے

مساوات، قربانی اور انعام وجود بدھ 21 جولائی 2021
مساوات، قربانی اور انعام

’’ایف آئی آر‘‘ کے خلاف سندھ حکومت کی قانونی کارروائی وجود بدھ 21 جولائی 2021
’’ایف آئی آر‘‘ کے خلاف سندھ حکومت کی قانونی کارروائی

’’ بک رہا‘‘ عید ۔۔ وجود بدھ 21 جولائی 2021
’’ بک رہا‘‘ عید ۔۔

افغانستان میں نئی جنگ ! وجود منگل 20 جولائی 2021
افغانستان میں نئی جنگ !

امن کادرس وجود منگل 20 جولائی 2021
امن کادرس

تیسری عالمگیر جنگ 2034 امریکا میں بیسٹ سیلز ناول وجود منگل 20 جولائی 2021
تیسری عالمگیر جنگ 2034 امریکا میں بیسٹ سیلز ناول

خلافت ِ عثمانیہ کی بنیاد وجود پیر 19 جولائی 2021
خلافت ِ عثمانیہ کی بنیاد

اشتہار

افغانستان
امریکی جنگی طیاروں کے طالبان کے ٹھکانوں پر فضائی حملے وجود هفته 24 جولائی 2021
امریکی جنگی طیاروں کے طالبان کے ٹھکانوں پر فضائی حملے

افغان صدارتی محل میں نماز عید کے دوران راکٹ حملے کی ویڈیو وائرل وجود بدھ 21 جولائی 2021
افغان صدارتی محل میں نماز عید کے دوران راکٹ حملے کی ویڈیو وائرل

وزیر اعظم عمران خان نے افغان صدر اشرف غنی کو آئینہ دکھا دیا وجود هفته 17 جولائی 2021
وزیر اعظم عمران خان نے افغان صدر اشرف غنی کو آئینہ دکھا دیا

پاکستان سے 10ہزار جنگجو افغانستان میں داخل ہوئے ، اشرف غنی کا الزام وجود هفته 17 جولائی 2021
پاکستان سے 10ہزار جنگجو افغانستان میں داخل ہوئے ، اشرف غنی کا الزام

طالبان نے افغانستان کے شمالی علاقوں پر قبضہ کرلیا، امریکی میڈیا وجود پیر 12 جولائی 2021
طالبان نے افغانستان کے شمالی علاقوں پر قبضہ کرلیا، امریکی میڈیا

اشتہار

بھارت
بابری مسجد کی شہادت کے بعد مسلمان ہونے والے محمد عامر کی پر اسرار موت وجود اتوار 25 جولائی 2021
بابری مسجد کی شہادت کے بعد مسلمان ہونے والے محمد عامر کی پر اسرار موت

پیگاسس کے ذریعے جاسوسی،نریندر مودی نے غداری کا ارتکاب کیا، راہول گاندھی وجود هفته 24 جولائی 2021
پیگاسس کے ذریعے جاسوسی،نریندر مودی نے غداری کا ارتکاب کیا، راہول گاندھی

بھارت میں کورونا اموات سرکاری اعداد وشمار سے 10 گنا زیادہ ہوسکتی ہیں وجود بدھ 21 جولائی 2021
بھارت میں کورونا اموات سرکاری اعداد وشمار سے 10 گنا زیادہ ہوسکتی ہیں

افغانستان سے بھارتی سفارتکاروں کا انخلائ، سوشل میڈیا پہ مذاق اڑنے لگا وجود پیر 12 جولائی 2021
افغانستان سے بھارتی سفارتکاروں کا انخلائ، سوشل میڈیا پہ مذاق اڑنے لگا

نریندر مودی کی کابینہ میں شامل 42فیصدوزراء کے خلاف فوجداری مقدمات قائم ہیں'رپورٹ وجود پیر 12 جولائی 2021
نریندر مودی کی کابینہ میں شامل 42فیصدوزراء کے خلاف فوجداری مقدمات قائم ہیں'رپورٹ
ادبیات
عظیم ثنا ء خواں،شاعر اورنغمہ نگار مظفر وارثی کی دسویں برسی منائی گئی وجود جمعرات 28 جنوری 2021
عظیم ثنا ء خواں،شاعر اورنغمہ نگار مظفر وارثی کی دسویں برسی منائی گئی

لارنس آف عربیا، بچپن کیسے گزرا؟ وجود منگل 20 اکتوبر 2020
لارنس آف عربیا، بچپن کیسے گزرا؟

بیروت سے شائع کتاب میں اسرائیل نواز بھارتی وزیراعظم نریندر مودی کا چہرہ بے نقاب وجود جمعرات 17 جنوری 2019
بیروت سے شائع کتاب میں اسرائیل نواز بھارتی وزیراعظم نریندر مودی کا چہرہ بے نقاب

14واں بین الاقوامی کتب میلہ کراچی ایکسپوسینٹر میں ہوگا وجود پیر 10 دسمبر 2018
14واں بین الاقوامی کتب میلہ کراچی ایکسپوسینٹر میں ہوگا

شاعر جون ایلیا کو مداحوں سے بچھڑے 16 برس بیت گئے وجود جمعرات 08 نومبر 2018
شاعر جون ایلیا کو مداحوں سے بچھڑے 16 برس بیت گئے
شخصیات
188ارب ڈالر کے مالک ایلون مسک دنیا کے مالدار ترین آدمی بن گئے وجود جمعه 08 جنوری 2021
188ارب ڈالر کے مالک ایلون مسک دنیا کے مالدار ترین آدمی بن گئے

ہالی وڈ اداکار ادریس البا کی اہلیہ بھی کورونا سے متاثر وجود پیر 23 مارچ 2020
ہالی وڈ اداکار ادریس البا کی اہلیہ بھی کورونا سے متاثر

امریکی میگزین فوربز میں سب سے زیادہ کمانے والی شخصیات کی فہرست جاری وجود منگل 01 جنوری 2019
امریکی میگزین فوربز میں سب سے زیادہ کمانے والی شخصیات کی فہرست جاری

سال 2018، مختلف شعبہ ہائے حیات کی بہت سی عالمی شخصیات دنیا چھوڑ گئیں وجود بدھ 26 دسمبر 2018
سال 2018، مختلف شعبہ ہائے حیات کی بہت سی عالمی شخصیات دنیا چھوڑ گئیں

ماضی کی رہنما خواتین وجود پیر 14 مئی 2018
ماضی کی رہنما خواتین