وجود

... loading ...

وجود
وجود

مسئلہ آبادی ہی ہے؟

پیر 06 اپریل 2020 مسئلہ آبادی ہی ہے؟

ہم یہاں راک فیلر کا استقبال کرچکے۔مسئلہ آبادی ہی ہے۔بل اینڈ میلنڈا گیٹس فاونڈیشن نے راک فیلر فاؤنڈیشن کے ساتھ مختلف طریقوں سے افریقا میں پنجے گاڑے۔ہدف آبادی کو نشانا ہی بنانا تھا۔ ان دونوں فاونڈیشن کے روابط کو دھیان میںرکھتے ہوئے ان کی افریقامیں مختلف سرگرمیوں کا جائزہ لیں تو اندازا ہوتا ہے کہ یہ ’’انسان دوست ‘‘تنظیمیں دو طرح سے افریقا کو نشانا بناتی ہیں۔ جی ایم فوڈ اور ویکسی نیشن۔ جینیاتی انجینئرنگ سے بیجوں کو مرضی کی فصلوں میں ڈھالنے سے لے کر ویکسی نیشن سے بیماریوں کا مقابلہ کرنے تک ان دونوں تنظیموں پر الزامات یکساں لگے ۔ ان دونوں تنظیموں کے متعلق ان دونوں میدانوں میں کام کرتے ہوئے یہ یکساں الزام لگا کہ یہ اس کے ذریعے انسان کی تولیدی صحت کومتاثر کرتے ہیں۔ یہ سب کرتے ہوئے وہ انسان دوستی، بھوک کے خاتمے ، مستقبل کی حفاظت اور فلاحِ انسانیت ایسے خوشنما اور متاثر کن الفاظ(Euphemism) استعمال کرنا کبھی نہیں بھولتے۔

یاد رکھیں !جی ایم او ٹیکنالوجی کے تخلیق کار ڈیوڈ راک فیلر اور بل گیٹس نے باہمی طور پر افریقا میں ایک’’ سبز انقلاب ‘‘ بعنوان اے جی آر اے یعنی ’’The Alliance for a Green Revolution in Africa‘‘ کے منصوبے کی مالی اعانت کی۔ جس کی سربراہی اقوام متحدہ کے سابق سیکریٹری جنرل کوفی عنان نے کی ۔ اب اے جی آر اے کے ذریعے کیا کھیل کھیلا گیا ؟سب سے پہلے مصنوعی زرعی اجناس کا کاروبار کرنے والی بڑی کارپوریشنز نے اپنے’’ مشکوک‘‘ اور ’’ مصنوعی بیجوں ‘‘کو مختلف فریب زدہ نشانات(لیبل) لگا کر بیچنا شروع کردیا۔ان بڑی کارپوریشنز میں مونسینٹو(Monsanto) ، ڈوپونٹ ( DuPont)، ڈاؤ ( Dow)، سنجینٹا(Syngenta)شامل تھیں۔

مصنوعی بیجوں سے فصلوں کی آبیاری کی مقامی سطح پر مخالفت ہوئی تو سبز انقلاب کا خواب دیکھنے والے مقامی لوگ حرکت میں آئے ۔ آخر ’’اے جی آر اے ‘‘ کو کس دن کے لیے پالا گیا تھا؟ ان کی مالی معاونت کیوں کی گئی تھی؟ ظاہر ہے کہ اب کھیل شروع ہے۔ ان کارپوریشنز میں عملاً زیادہ تر حصص ٹیکس فری بل گیٹس اور راک فیلر کی فلاحی تنظیموں کے ہیں۔ یہی تنظیمیں سبز انقلاب کے لیے افریقیوں کو مالی معاونت کررہی ہیں، مگر افریقا کے تمام ممالک اُن کارپوریشنز سے مصنوعی بیج فریب زدہ نشانات کے ساتھ خرید رہی ہیں جس کے مالی معاون گیٹس اور راک فیلر ہیں۔ یوںایک ہاتھ سے پیسے دے کر کئی ہاتھوں سے گھومتے ہوئے وہی پیسے ان کے ہاتھ لگ رہے ہیں جو فلاح انسانیت کے نام پر ایک تو ٹیکس سے بھی مستثنیٰ ہیں اور دوسری طرف کاروباری سرگرمیوں میں بھی گردش کررہا ہے۔ یہاںاس نکتے کو بھی فراموش نہ کریں کہ جب یہ ساری سرگرمیاں اسی منحوس اور شیطانی دائرے میں جاری تھیں تو دوسری طرف کوفی عنان بل گیٹس اور راک فیلر کی تنظیموں سے اظہارِ تشکر کررہاتھا۔ یہ سب پہلو اپنے اپنے مقام پر حرکت کرتے ہوئے ایک بڑا دائرہ بناتے ہیں۔ تب ہی تو راک فیلر اور بل گیٹس ایک برانڈ بنتے ہیں۔ مگر اس پورے منحوس چکر (vicious circle) میں گھومتے گھماتے ہوئے ان کا اصل ہدف وہی آبادی کا کنٹرول اور کمی ہے۔

آئیے اس پیچیدہ بحث کے سرے کو تھام لیتے ہیں۔ مصنوعی زرعی اجناس یعنی جی ایم اور کی فصلیں انسانوں اور جانوروں دونوں کے لیے کبھی بھی محفوظ ثابت نہیں ہوئیں۔ وہ خلقاً جینیاتی طور پر غیر مستحکم ہوتی ہیں، کیونکہ مصنوعی بیجوں کے ڈی این اے میں شامل غیر ملکی جراثیم جیسے بیکیلس تھرنجین جنس (بی ٹی) یا دوسرے مادہ غیر فطری آمیزش کے باعث اپنی خاصیتیں ہی تبدیل کرلیتے ہیں۔ یہ ایک خطرناک کھیل ہو جاتا ہے، جسے انتہائی سفاکی سے دانستہ جاری رکھا جاتا ہے کیونکہ ہدف تو آبادی کو نشانا ہی بنانا ہوتا ہے۔ اسی طرح جوڑ والی کیمیائی دوا جو جی ایم او معاہدے کے تحت لازمی فروخت کا حصہ ہے، اسی نوع کا کاروبار ہے۔ یہ دنیا میں سب سے زیادہ پھیلائی گئی ہے۔ اس میں انتہائی زہریلے گلائفوسیٹ مرکبات شامل ہیں،جن کے آزاد تجربات اور آزمائشوں سے اس میں زہریلے ارتکاز کا پتہ چلا۔اسی دوران میں جی ایم او فیلڈ کے قریب زمینی پانی پینے والی حاملہ عورتوں میں بھی معمولی مقدار میں گلائفوسیٹ مرکبات کا انکشاف ہوا۔ اسی طرح ایک پراناامریکی منصوبہ مکئی کی جینیاتی طور پر تبدیل شدہ قسم کا بھی ہے جسے میکسیکو اور دیگر لاطینی امریکی ممالک میں غذائی سامان بنانے کے لیے استعمال کیا گیا۔ امریکی محکمہ زراعت نے کیلی فورنیا میں واقع ایک چھوٹی سی بائیو ٹیک کمپنی ’’ایپی سائٹ ‘‘ کے ساتھ اس کا تجربہ کیا۔

ایپی سائٹ ( Epicyte)نامی کمپنی کے صدر مِچ ہین نے2001ء میں اپنی کامیابی کا اعلان ایک پریس کانفرنس میں کیا۔ جس میںمچ میں نے اپنے جی ایم او پودوں کی طرف اشارہ کرتے ہوئے کہا کہ ہمارے پاس ان درختوں کا پورا گرم خانہ ہے جو اینٹی اسپرم اینٹی باڈیز بناتا ہے ، جسے مدافعتی بانجھ پن کے نام سے پہنچانا جاتا ہے۔ اس سے قبل لبرل ازم اور عورتوں کے حقوق کے نام پر اُنہیں ذہنی طور پر تیار کیا جاچکا تھا کہ وہ بچے پیدا کرنے سے انکار کردیں۔ لو جی آسان نسخہ ہاتھ لگ گیا، مکئی کھائیے اور مدافعی بانجھ پن سے آزاد عورت ہونے کا ثبوت بھی دیں۔ انسانیت کے خلاف جاری ان سرگرمیوں کو انسانی شعور کے بانجھ پن سے ہی جاری رکھا جاسکتا ہے، ہمت دیکھیں کہ پریس کانفرنسوں میں اس کا اعلان کرتے ہیںاور معاشرہ دیکھیں کہ وہ خوش و خرم ہے ، چونکتا بھی نہیں۔ لبرل ازم ، ماڈرن ازم زندہ باد!! موضوع کی طرف پلٹتے ہیں۔ مِچ ہین نے اس پریس کانفرنس میں اعلان کیا کہ ’’انھوں نے خواتین سے اینٹی باڈیز لی ہیں جنھیں مدافعتی بانجھ پن کے نام سے جانا جاتا ہے ۔ ان جینوں کو الگ تھلگ کیا جاتا ہے جو بانجھ پن کے اینٹی باڈیز کی تیاری کو منظم کرتے ہیں ، اور جینیاتی انجینئرنگ کی تکنیک سے جینوں کو مکئی کے پودے تیار کرنے کے لیے زیرِ استعمال بیجوں میں داخل کردیتے ہیں۔اس طریقے سے ، انہوں نے مکئی میں سرایت شدہ ایک چھپا ہوا مانع حمل پیدا کیا ہے‘‘۔مِچ ہین نے اپنی پوری پریس کانفرنس میں حیاتیاتی طور پر اس تکنیک کی تفصیل بیان کی جو مکئی سے مانع حمل کا مقصد پورا کردیتا ہے۔ اس طویل حیاتیاتی تفصیلات کی یہاں ضرورت نہیں، مقصد تو محض ایک نکتے کی وضاحت ہے۔ یہاں صرف مِچ ہین کے اس دعویٰ کو بیان کرنا ضروری ہے جس میں وہ اُسی پریس کانفرنس میں کہتا ہے کہ’’ یہ دنیا کی زیادہ آبادی کا ممکنہ حل ہے ‘‘۔

اب تیسری دنیا کو بھوک مٹاؤ مشن کے تحت اس کا کھانا کھلایا جارہا ہے ، اوریہ’’ فیاضی‘‘گیٹس فاونڈیشن اور راک فیلر فاونڈیشن دکھاتی ہے۔ جس میں افریقا کی حد تک اُن کے مددگار سبز انقلاب والے یعنی’’ اے جی آراے‘‘ ہے۔ یہی کام ایشیا میں بھیس بدل بدل کر جاری ہے۔ افسوس پاکستان میں کسی بھی سطح پر اس کا شعور تک نہیں۔ کیا آپ ان لوگوں کو پوری طرح پہچاننا چاہتے ہیں؟ بعض لوگ غلط طور پر اس کی تعبیر ملکوں کی سطح پر آکر کرتے ہیں۔ ہر گز نہیں، یہ کچھ لوگ ہیں جو ملکوں کو اپنا خدمت گار بناتے ہیں۔ یہ ایسے وائرس ہیں جنہیں حرکت کرنے کے لیے جس معاون جسم کی ضرورت پڑتی ہے وہ دراصل بڑے ملکوں کی بڑی اور طاقت ور حکومتیں ہیں ، یہ اپنی ذہانت سے خود کو اُ ن سے بھی زیادہ طاقت ور بنائے رکھتے ہیں۔ اس کام کو صرف راک فیلر یا بل گیٹس نہیں کرتے۔ بلکہ یہ ایک کلب ہے، جنہیں یہ’’ گڈ کلب‘‘ کہتے ہیں۔ اس کی تفصیل آئندہ کے لیے اُٹھائے رکھتے ہیں۔ یہاں صرف یہ نکتہ واضح کرنا مقصود ہے کہ مصنوعی بیجوں سے لے کر ویکسین تک ہر چیز کا مقصد آبادی کو گھٹانا ہے۔ کورونا وائرس اسی مقصد کا محض ایک معمولی تجربہ ہے۔ تجربات مزید کیے جارہے ہیں ، دنیا آئندہ بھی نئے وائرسوں کے لیے تیار رہے۔
۔۔۔۔۔۔۔۔۔۔۔۔۔۔۔۔۔۔


متعلقہ خبریں


مضامین
سی اے اے :ایک تیر سے کئی شکار وجود منگل 19 مارچ 2024
سی اے اے :ایک تیر سے کئی شکار

نیم مردہ جمہوریت کے خاتمے کے آثا ر وجود منگل 19 مارچ 2024
نیم مردہ جمہوریت کے خاتمے کے آثا ر

اسرائیل سے فلسطینیوں پر حملے روکنے کی اپیل وجود منگل 19 مارچ 2024
اسرائیل سے فلسطینیوں پر حملے روکنے کی اپیل

اندرا گاندھی ، گولڈا میئر اور بے نظیر وجود پیر 18 مارچ 2024
اندرا گاندھی ، گولڈا میئر اور بے نظیر

نازک موڑ پر خط وجود پیر 18 مارچ 2024
نازک موڑ پر خط

اشتہار

تجزیے
پاک ایران گیس پائپ لائن منصوبہ وجود منگل 27 فروری 2024
پاک ایران گیس پائپ لائن منصوبہ

ایکس سروس کی بحالی ، حکومت اوچھے حربوں سے بچے! وجود هفته 24 فروری 2024
ایکس سروس کی بحالی ، حکومت اوچھے حربوں سے بچے!

گرانی پر کنٹرول نومنتخب حکومت کا پہلا ہدف ہونا چاہئے! وجود جمعه 23 فروری 2024
گرانی پر کنٹرول نومنتخب حکومت کا پہلا ہدف ہونا چاہئے!

اشتہار

دین و تاریخ
رمضان المبارک ماہ ِعزم وعزیمت وجود بدھ 13 مارچ 2024
رمضان المبارک ماہ ِعزم وعزیمت

دین وعلم کا رشتہ وجود اتوار 18 فروری 2024
دین وعلم کا رشتہ

تعلیم اخلاق کے طریقے اور اسلوب وجود جمعرات 08 فروری 2024
تعلیم اخلاق کے طریقے اور اسلوب
تہذیبی جنگ
یہودی مخالف بیان کی حمایت: ایلون مسک کے خلاف یہودی تجارتی لابی کی صف بندی، اشتہارات پر پابندی وجود اتوار 19 نومبر 2023
یہودی مخالف بیان کی حمایت: ایلون مسک کے خلاف یہودی تجارتی لابی کی صف بندی، اشتہارات پر پابندی

مسجد اقصیٰ میں عبادت کے لیے مسلمانوں پر پابندی، یہودیوں کو اجازت وجود جمعه 27 اکتوبر 2023
مسجد اقصیٰ میں عبادت کے لیے مسلمانوں پر پابندی، یہودیوں کو اجازت

سوئیڈش شاہی محل کے سامنے قرآن پاک شہید، مسلمان صفحات جمع کرتے رہے وجود منگل 15 اگست 2023
سوئیڈش شاہی محل کے سامنے قرآن پاک شہید، مسلمان صفحات جمع کرتے رہے
بھارت
قابض انتظامیہ نے محبوبہ مفتی اور عمر عبداللہ کو گھر وں میں نظر بند کر دیا وجود پیر 11 دسمبر 2023
قابض انتظامیہ نے محبوبہ مفتی اور عمر عبداللہ کو گھر وں میں نظر بند کر دیا

بھارتی سپریم کورٹ نے مقبوضہ جموں و کشمیر کی خصوصی حیثیت کی منسوخی کی توثیق کردی وجود پیر 11 دسمبر 2023
بھارتی سپریم کورٹ نے مقبوضہ جموں و کشمیر کی خصوصی حیثیت کی منسوخی کی توثیق کردی

بھارتی ریاست منی پور میں باغی گروہ کا بھارتی فوج پر حملہ، فوجی ہلاک وجود بدھ 22 نومبر 2023
بھارتی ریاست منی پور میں باغی گروہ کا بھارتی فوج پر حملہ، فوجی ہلاک

راہول گاندھی ، سابق گورنر مقبوضہ کشمیرکی گفتگو منظرعام پر، پلوامہ ڈرامے پر مزید انکشافات وجود جمعه 27 اکتوبر 2023
راہول گاندھی ، سابق گورنر مقبوضہ کشمیرکی گفتگو منظرعام پر، پلوامہ ڈرامے پر مزید انکشافات
افغانستان
افغانستان میں پھر شدید زلزلے کے جھٹکے وجود بدھ 11 اکتوبر 2023
افغانستان میں پھر شدید زلزلے کے جھٹکے

افغانستان میں زلزلے سے تباہی،اموات 2100 ہوگئیں وجود اتوار 08 اکتوبر 2023
افغانستان میں زلزلے سے تباہی،اموات 2100 ہوگئیں

طالبان نے پاسداران انقلاب کی نیوز ایجنسی کا فوٹوگرافر گرفتار کر لیا وجود بدھ 23 اگست 2023
طالبان نے پاسداران انقلاب کی نیوز ایجنسی کا فوٹوگرافر گرفتار کر لیا
شخصیات
معروف افسانہ نگار بانو قدسیہ کو مداحوں سے بچھڑے 7 سال بیت گئے وجود اتوار 04 فروری 2024
معروف افسانہ نگار بانو قدسیہ کو مداحوں سے بچھڑے 7 سال بیت گئے

عہد ساز شاعر منیر نیازی کو دنیا چھوڑے 17 برس ہو گئے وجود منگل 26 دسمبر 2023
عہد ساز شاعر منیر نیازی کو دنیا چھوڑے 17 برس ہو گئے

معروف شاعرہ پروین شاکر کو دنیا سے رخصت ہوئے 29 برس بیت گئے وجود منگل 26 دسمبر 2023
معروف شاعرہ پروین شاکر کو دنیا سے رخصت ہوئے 29 برس بیت گئے
ادبیات
عہد ساز شاعر منیر نیازی کو دنیا چھوڑے 17 برس ہو گئے وجود منگل 26 دسمبر 2023
عہد ساز شاعر منیر نیازی کو دنیا چھوڑے 17 برس ہو گئے

سولہویں عالمی اردو کانفرنس خوشگوار یادوں کے ساتھ اختتام پزیر وجود پیر 04 دسمبر 2023
سولہویں عالمی اردو کانفرنس خوشگوار یادوں کے ساتھ اختتام پزیر

مارکیز کی یادگار صحافتی تحریر وجود پیر 25 ستمبر 2023
مارکیز کی یادگار صحافتی تحریر