وجود

... loading ...

وجود
وجود
ashaar

سعودی عرب پر حملے کے اصل محرکات۔۔۔؟(سیاسی زائچہ..راؤ محمد شاہد اقبال)

پیر 23 ستمبر 2019 سعودی عرب پر حملے کے اصل محرکات۔۔۔؟(سیاسی زائچہ..راؤ محمد شاہد اقبال)

اگرچہ دو آئل فیکٹریوں پر کروز میزائل حملے سعودی عرب کی سرزمین پر ہوئے ہیں لیکن امریکی میڈیا کے شورشرابے سے محسوس ایسا ہورہاہے کہ جیسے یہ حملے امریکا پر ہو گئے ہیں اور صدر ڈونلڈ ٹرمپ اِن حملوں کا بدلہ جلد ازجلد ایران کو نیست ونابود کر کے لینا چاہتے ہیں ۔ بقول ٹرمپ اُنہوں نے ایران پر حملے کے لیے 15 اہداف لاک کردیے ہیں جنہیں و ہ کھڑے کھڑے تباہ کرسکتے ہیں اور بس سعودی عرب کی اجازت کا انتظار ہے ۔یعنی جیسے ہی سعودی عرب امریکا کو ایران پر حملہ آور ہونے کا کہے گا امریکا اپنی جدید ٹیکنالوجی کی مدد سے ایران کو صفحہ ہستی سے مٹادے گا۔ لیکن کیا امریکا واقعی ایران پر حملہ کرنے کے لیے سنجیدہ ہے ؟ یا امریکاکے لیے ایران پر حملہ آور ہونااتنا ہی سہل ہے جتنا کہ ڈونلڈ ٹرمپ دنیا بھر کو باور کروانے کی کوشش کررہے ہیں ؟خاص طور پر اُن حالات میں جبکہ ایران سعودی عرب کے خلاف ہونے والی کسی بھی کارروائی کو قبول کرنے سے یکسر انکاری ہو۔ اس کے علاوہ خطے کی دو انتہائی اہم عسکری طاقتیں روس اور چین بھی امریکا کے پیش کیے گئے اُن مبہم ثبوتوں کو مسترد کرچکے ہیں ۔جن کے مطابق امریکی انٹیلی جنس سے کچھ سیٹلائٹ تصاویر جاری کی گئی ہیں جن پر سعودی عرب پر ہونے والے حملوں میں ایران کو ملوث کر نے کی کوشش کی گئی ہے ۔اہم بات یہ ہے کہ ایران کے خلاف جس حتمی نتیجہ پر پہنچنے میں امریکا کو چند منٹ لگے ۔سعودی عرب اُس نتیجہ پر حملہ کے ایک ہفتہ گزرنے کے بعد بھی نہیں پہنچ سکا ہے ۔ اِس معاملہ پرجو باقاعدہ سرکاری موقف اَب تک سعودی عرب کی فوج کے ترجمان کرنل ترکی المالکی کی طرف سے دیاگیا ہے اُس کے مطابق ’’ابتدائی تحقیقات سے فقط اتنا ہی معلوم ہوسکاہے کہ سعودی عرب کی تیل تنصیبات پر ہونے والے حملوں میں ایرانی ہتھیار استعمال کیے گئے لیکن یہ حملے یمن سے نہیں کیے گئے جبکہ ایران کے حمایت یافتہ حوثی باغیوں کی جانب سے حملے کی ذمہ داری قبول کرنے میں بھی کوئی سچائی نہیں پائی گئی ہے ۔ہماری تحقیقات ابھی جاری ہیں ہم یہ جاننے کی کوشش کررہے ہیں کہ سعودی عرب پر یہ حملے کہاں سے کیے گئے؟‘‘

سعودی عرب کے سرکاری موقف سے خوب اچھی طرح واضح ہوگیاہے کہ ایران کے حملوں میں براہِ راست ملوث ہونے کی امریکی رائے کو قبول کرنے میں سعودی عرب کے اعلیٰ حکام ہچکچاہٹ کا شکارہیں ۔ دوسری جانب ایران نے دھمکی دی ہے کہ اگر اُن کے ملک پر سعودی عرب یا کسی اور طرف سے حملہ کیا گیا تو وہ اُس کے جواب میں سعودی عرب پر حملہ کرنے کے بجائے خطے میں موجود امریکا کے بحری بیڑوں اور بری بیسز کو اپنے میزائلوں کا نشانا بنائیں گے۔حیران کن بات یہ ہے کہ حملے کا نشانہ بننے والی سعودی آئل کمپنی آرامکو کی فیکٹریاں عبقیق اور خریض سعودی عرب کے جس مشرقی صوبے میں واقع ہے وہ علاقہ چاروں طرف سے مکمل طور پر امریکی افواج کے زیرِ انتظام ہے اور اِس علاقہ کے اردگرد امریکا کی بے شمار ملٹری بیسز دنیا کے جدید ترین ڈیفنس سسٹم کے ساتھ قائم ہیں ۔ اَ ب سوال یہ پیدا ہوتا ہے کہ امریکا کے جدید ترین مواصلاتی نظام کے ہوتے ہوئے یہ کیسے ممکن ہے کہ دو ، چار کروز میزائل امریکی افواج کی مرضی کے بغیر آئل کی فیکٹریوں کو نشانا بناسکیں۔مجھے تو خدشہ ہے کہ کہیں یہ نائن الیون کی طرز کا امریکی سی آئی اے کا پوری طرح سے سوچ سمجھ کر ترتیب دیا گیا مشرقِ وسطیٰ کا نیا نائن الیون حملہ تو نہیں ہے ۔ جس کا مقصد مشرقِ وسطیٰ کے خطہ کو نئی جنگوں میں دھکیل کر علاقہ میں اسرائیل کی بالادستی کو قائم کرنا ہو۔ کیونکہ اگر خطہ کے سب ہی ممالک جنگوں میں مصروف ہوجائیں گے تو پھر اسرائیل کی عسکری قوت کو چیلنج کرنے والا کوئی بھی ملک موجودنہیں رہے گا اور شاید امریکا یہ ہی چاہتا ہے کہ اسرائیل کی شرق سے غرب تک ایک وسیع و عریض صیہونی ریاست قائم کرنے کی راہ میں کوئی ادنی سی بھی رکاوٹ باقی نہ رہے۔

سعودی فرماں روا شاہ سلمان بن عبدلعزیز نے بالکل درست فرمایا ہے کہ ’’یہ حملے سعودی عرب کی تنصیبات پر نہیں بلکہ عالمی معیشت پر کیے گئے ہیں‘‘۔ اِس وقت سعودی عرب دنیا میں کروڈ آئل کا سب سے بڑا ایکسپورٹر ہے ۔ لہذا اِس حملہ کو پلان کرنے والی بین الاقوامی طاقتوںکی شدید خواہش ہے کہ دنیا بھر خاص طور پر یورپ کو آئل کے بحران کے خوف میں مبتلا کر کے کسی طرح اُنہیں بھی اِس جنگ کی طرف دھکیلا جائے ۔ اگر یہ پلان کامیاب ہو جاتا ہے اور سعودی عرب ،ایران،ترکی اور روس کی کسی ایک غلط فہمی کی وجہ سے پورا خطہ نئی جنگوں کی لپیٹ میں آجاتا ہے تو آبنائے ہرمز جہاں سے یورپ کو نوے فیصد آئل کی ترسیل ہوتی ہے مکمل طور پر بند ہوجائے گی اور یورپ کا مشینی پہیہ مکمل طور پر جام ہوجائے گا۔ دلچسپ بات یہ ہے کہ اِس ساری صورت حال سے امریکا پر کوئی منفی اثر مرتب نہیں ہوگا کیونکہ امریکا 70 فیصد آئل خود پیدا کرتا ہے جبکہ بقایا 30 فیصد آئل کی تجارت وہ اپنے پڑوسی ملک وینزویلا کے ساتھ کرتا ہے ۔اَب کوئی مانے یا نہ مانے بہرحال ایک بات پوری طرح سے طے ہے کہ امریکا مشرقِ وسطیٰ میں چھڑنے والی اِس نئی جنگ میں عملی طورپر کسی صورت شامل نہیں ہوگااور اِس کے آثار ڈونلڈ ٹرمپ کے بیانات سے ظاہر ہونا شروع بھی ہوگئے ہیں ۔ کچھ دن پہلے تک جو ٹرمپ سعودی عرب کے دفاع میں ایران پر حملہ آور ہونے کے لیے تیار بیٹھا تھا آج وہی ٹرمپ کہہ رہا ہے کہ ہم سعودی عرب میں اپنے فوجی فقط اپنی ملٹری تنصیات کی حفاظت کے لیے بھیج رہے ہیں کیونکہ ہمارا سعودی عرب کے ساتھ کوئی ایسا معاہدہ موجود نہیں ہے جس کی وجہ سے ہمیں لازمی سعودی عرب کے دفاع میں اُس کی جنگ میں کودنا پڑے ۔ حالانکہ حقیقت یہ ہے کہ 1930 میں جب آل سعود کے سربراہ محمد بن سعود نے سعودی عرب پر بادشاہت قائم کی تو اس نے امریکی صدر روز ویلٹ سے دفاعی معاہدہ کیا۔ جس کے مطابق امریکا سعودی عرب کا تحفظ کرے گا اور بدلے میں سعودی عرب امریکا کو سستا تیل فراہم کرے گا۔امریکہ کی طوطا چشمی ملاحظہ ہو کہ کم و بیش سو سال تک سعودی عرب سے مفت میں تیل حاصل کر نے کے بعد وہ اپنا ایک فوجی اور ایک گولی بھی سعودی عرب کے دفاع میں خرچ کرنے کا روادار نظر نہیں آتا۔امریکی وزیر خارجہ ہنری کسنجر نے شاید بالکل سچ ہی کہا تھا کہ ’’ امریکہ کی دوستی ،اُس کی دشمنی سے زیادہ نقصان دہ ہے ‘‘۔
٭٭٭٭٭٭٭


متعلقہ خبریں


مضامین
تری نگاہِ کرم کوبھی
منہ دکھانا تھا !
(ماجرا۔۔محمد طاہر)
وجود منگل 15 اکتوبر 2019
تری نگاہِ کرم کوبھی <br>منہ دکھانا تھا ! <br>(ماجرا۔۔محمد طاہر)

معاہدے سے پہلے جنگ بندی سے انکار
(صحرا بہ صحرا..محمد انیس الرحمن)
وجود منگل 15 اکتوبر 2019
معاہدے سے پہلے جنگ بندی سے انکار <br>(صحرا بہ صحرا..محمد انیس الرحمن)

ہاتھ جب اس سے ملانا تو دبا بھی دینا
(ماجرا۔۔۔محمدطاہر)
وجود پیر 14 اکتوبر 2019
ہاتھ جب اس سے ملانا تو دبا بھی دینا<br> (ماجرا۔۔۔محمدطاہر)

وزیراعلیٰ سندھ کی گرفتاری کے امکانات ختم ہوگئے۔۔۔؟
(سیاسی زائچہ..راؤ محمد شاہد اقبال)
وجود پیر 14 اکتوبر 2019
وزیراعلیٰ سندھ کی گرفتاری کے امکانات ختم ہوگئے۔۔۔؟<br>(سیاسی زائچہ..راؤ محمد شاہد اقبال)

پانچ کیریکٹر،ایک کیپٹل۔۔
(عمران یات..علی عمران جونیئر)
وجود پیر 14 اکتوبر 2019
پانچ کیریکٹر،ایک کیپٹل۔۔ <br>(عمران یات..علی عمران جونیئر)

طالبان تحریک اور حکومت.(جلال نُورزئی) قسط نمبر:3 وجود بدھ 09 اکتوبر 2019
طالبان تحریک اور حکومت.(جلال نُورزئی)  قسط نمبر:3

دودھ کا دھلا۔۔ (علی عمران جونیئر) وجود بدھ 09 اکتوبر 2019
دودھ کا دھلا۔۔ (علی عمران جونیئر)

سُکھی چین کے 70 سال سیاسی
(زائچہ...راؤ محمد شاہد اقبال)
وجود پیر 07 اکتوبر 2019
سُکھی چین کے 70 سال  سیاسی <Br>(زائچہ...راؤ محمد شاہد اقبال)

دنیا کے سامنے اتمام حجت کردی گئی!
(صحرا بہ صحرا..محمد انیس الرحمن)
وجود پیر 07 اکتوبر 2019
دنیا کے سامنے اتمام حجت کردی گئی! <br>(صحرا بہ صحرا..محمد انیس الرحمن)

حدِ ادب ۔۔۔۔۔۔(انوار حُسین حقی) وجود بدھ 02 اکتوبر 2019
حدِ ادب ۔۔۔۔۔۔(انوار حُسین حقی)

سگریٹ چھوڑ ۔۔فارمولا۔۔
َِ(علی عمران جونیئر)
وجود بدھ 02 اکتوبر 2019
سگریٹ چھوڑ ۔۔فارمولا۔۔<BR> َِ(علی عمران جونیئر)

خطابت روح کا آئینہ ہے !
(ماجرا۔۔۔محمد طاہر)
وجود پیر 30 ستمبر 2019
خطابت روح کا آئینہ ہے ! <br>(ماجرا۔۔۔محمد طاہر)

اشتہار