... loading ...
... loading ...
بلوچستان میں حکومت کی تبدیلی کی جو تحریک بارہ دن پہلے شروع ہوئی تھی، گزشتہ روز مسلم لیگ (ن) کے رکن نواب ثناء اللہ زہری کی جگہ مسلم لیگ (ق) سے وابستہ میر عبدالقدوس بزنجو کے وزیر اعلیٰ بن جانے کی شکل میں پایہ تکمیل کو پہنچ گئی۔منتخب وزیر اعلیٰ نے رائے شماری میں حصہ لینے والے 54 میں سے 41 ارکان کی حمایت حاصل کی جبکہ 65 ارکان کے ایوان میں کامیابی کے لیے انہیں کم از کم 35 ووٹ درکار تھے۔ انتخابی عمل کے فوراً بعد نومنتخب وزیر اعلیٰ اور ان کی14 رکنی کابینہ کی رسم حلف برداری بھی منعقد ہوگئی اور یوں صوبائی حکومت کی تبدیلی کا عمل مکمل ہو گیا۔ صوبائی اسمبلی کے اجلاس سے اپنے پہلے خطاب میں وزیر اعلیٰ میر عبدالقدوس بزنجو نے حکومت کی تبدیلی کی تحریک شروع کرنے اور وزارت اعلیٰ کے منصب کے لیے اپنی حمایت کرنے والے ارکان کا شکریہ ادا کیا اور یقین دہانی کرائی کہ اب کوئی جمہوریت کو ڈی ریل نہیں کرسکے گا۔ ان کا کہنا تھا کہ تمام سیاسی جماعتوں نے ان کا بہت ساتھ دیا،ارکان اسمبلی نے کوئی غیرقانونی کام نہیں کیا بلکہ جمہوری عمل کو آگے بڑھایا۔ انہوں نے واضح کیا کہ نواب ثناء اللہ زہری سے بھی انہیں کوئی ذاتی اختلاف نہیں اور وہ ان کے لیے آج بھی قابل احترام ہیں۔ نئے وزیر اعلیٰ کا یہ اظہار خیال بلوچستان کی حالیہ سیاسی اکھاڑ پچھاڑمیں جمہوری اور آئینی نظام کے لیے خطرات محسوس کرنے والے تمام پاکستانیوں کے لیے یک گونہ اطمینان کا باعث ہے تاہم سابق وزیر اعلیٰ کے خلاف تحریک عدم اعتماد جس طرح یکایک منظر عام پر آئی، حکومت کی اتحادی جمعیت علمائے اسلام (ف) اور حکمراں جماعت مسلم لیگ (ن) کے بعض ارکان کی حمایت بھی جس طور پر اسے حاصل ہوئی، اس سارے عمل میں بعض ریاستی اداروںکی جانب سے ارکان پر دباو ڈالے جانے کی خبریں جس طرح گردش کرتی رہیں، حتیٰ کہ وزیر اعظم شاہد خاقان عباسی نے بھی ان کا حوالہ دیا، ان باتوں سے بلاشبہ سنگین شکوک و شبہات نے جنم لیا اور بہت سے سیاسی مبصرین اور تجزیہ کاروں نے اس اندیشے کا اظہار کیا کہ اس سرگرمی کے پس پردہ غیر جمہوری طاقتوں کا ہاتھ ہے جن کامقصد سینیٹ کے انتخابات کو روکنا اور آئندہ عام انتخابات کو ملتوی کرانا ہے تاکہ ٹیکنو کریٹس کی عبوری حکومت کے جس منصوبے کا ذکر پچھلے کئی برسوں سے سنا جارہا ہے اسے عملی جامہ پہنایا جاسکے۔
سابق وزیر اعلیٰ کے مستعفی ہوجانے کی وجہ سے تحریک عدم اعتماد پر اسمبلی میں رائے شماری کی نوبت نہیں آئی جس کی بناء پر سیاسی تجزیہ کاروں کے بقول اسمبلی کے تحلیل ہونے اور یوں سینیٹ کے الیکشن میں رکاوٹ پڑنے کا فوری خطرہ ٹل گیا۔ لیکن یہ خدشات اب بھی ظاہر کیے جارہے ہیں کہ آئندہ ایک ماہ میں سندھ اور خیبر پختون خوا کی اسمبلیوں کے ارکان کے بڑی تعداد میں استعفوں کے ذریعے ان اسمبلیوں کو تحلیل کرانے کی کوشش کی جائے گی جبکہ پنجاب میں حکومت مخالف تحریک شروع کرکے جس کی تاریخ کا اعلان کیا جاچکا ہے، حکومت ختم کرنے کی کوشش کی جائے گی تاکہ سینیٹ کے انتخابات نہ ہو سکیں۔ اس کی وجہ یہ بتائی جاتی ہے کہ سینیٹ کے انتخابات اگر موجودہ اسمبلیوں کی موجودگی میں ہوگئے تو مسلم لیگ (ن) قومی اسمبلی کے علاوہ سینیٹ میں بھی اکثریت حاصل کرلے گی جو بعض سیاسی اور غیرسیاسی قوتوں کے لیے قابل قبول نہیں۔
تاہم یہ ایک کھلی حقیقت ہی کہ آج قوم کو داخلی اور بیرونی محاذوں پر جس قدر سنگین چیلنج درپیش ہیں ان میں ملک کا آئینی اور جمہوری راستے سے ہٹ جانا انتہائی تباہ کن ثابت ہوگا جبکہ آئینی نظام کا تسلسل جاری رکھ کر تمام مشکلات پر قابو پالیے جانے کے امکانات پوری طرح روشن ہیں۔ لہٰذا نہ صرف بلوچستان کے نئے وزیر اعلیٰ کو اپنی یقین دہانی کے مطابق جمہوریت کو پٹری سے اتارنے کی ہر کوشش کا ناکام بنانا چاہیے بلکہ ملک کی تمام سیاسی اور عوامی طاقتوں کو بھی ہوشمندی کا ثبوت دیتے ہوئے آئندہ انتخابات کے بروقت انعقاد کی راہ ہموار کرنی چاہیے تاکہ عوام کے اپنی قیادت کے آپ انتخاب کے حق کا تحفظ یقینی بنایا جاسکے۔
معید پیرزادہ ، سید اکبر حسین، شاہین صہبائی شامل، بھاری جرمانے عائد، عدالت نے ملزمان کو دیگر دفعات میں مجموعی طور پر 35 سال قید کی سزائیں ، ملزمان کو مجموعی طور پر 15 لاکھ جرمانے کی سزا دوران سماعت پراسیکیوشن نے مجموعی طور پر24 گواہان کو عدالت میں پیش کیا ،پراسیکیوشن کی استدعا پر...
ریاستی اداروں کی نجکاری حکومتی معاشی اصلاحات کے ویژن کا حصہ ہے، شہباز شریف وزیراعظم نے کابینہ ارکان کو نئے سال کی مبارکباد دی اور نیک خواہشات کا اظہار کیا وزیراعظم پاکستان شہباز شریف نے کہا ہے کہ ریاستی ملکیتی اداروں کی نجکاری حکومت کے معاشی اصلاحات کے ویژن کا حصہ ہے۔اعلامیہ ...
82فیصد لوگوں کے پاس اپنے گھر، 10.5فیصد کرایہ دار ہیں، گھریلو اخراجات 79ہزار ہوگئے ملک میں 7فیصد آبادی بیت الخلا (لیٹرین)جیسی بنیادی سہولت سے محروم ہے،ہائوس ہولڈ سروے حکومت کے ہائوس ہولڈ سروے کے مطابق پاکستانی شہریوں کی اوسط آمدن میں 97 فیصد اضافہ ہوا ہے اور ماہانہ اوسطا آمدن...
سربمہر املاک میں 19 ہوٹل اور الیکٹرانکس کی 13 دکانیں شامل ہیں،ڈپٹی کمشنر ضلع جنوبی فٹ پاتھ پر کرسیاں رکھنے والے ہوٹل سیل کیے ،تجاوزات کے خلاف مہم ساؤتھ میں جاری ڈپٹی کمشنر ضلع جنوبی کراچی جاوید نبی کا کہنا ہے کہ کراچی کے علاقے صدر میں 32 دکانیں اور ہوٹل سربمہر کر دیے گئے ہیں...
لاشیں دو خواتین ، ایک مرد اور ایک لڑکے کی ہیں،پولیس نے تفتیش شروع کردی ملزمان نے لاشیں مین ہول میں پھینکنے کے بعد اس پر پتھر ڈال دیے تھے،پولیس شہر قائد کے مائی کلاچی روڈ پر مین ہول سے چار لاشیں ملی ہیں، پولیس نے تفتیش شروع کردی۔تفصیلات کے مطابق مائی کلاچی روڈ پھاٹک کے قریب می...
اسٹریٹ موومنٹ کیلئے 9 جنوری کو کراچی اور سندھ والو تیاری پکڑو، تمام پارٹی کے دوستوں سے جمعہ کے دن ملاقات ہوگی، لوگو! یاد رکھو اب ہمارے لیے کوئی طارق بن زیاد یا محمد بن قاسم نہیں آئے گا ظالم کیخلاف کھڑا ہونا ہے،اب پوری قوم کو نکلنا ہوگا ان کی گولیاں ختم ہو جائیں ہمارے سینے ختم ن...
ظہران ممدانی نے حلف برداری کے دوران اپنا ہاتھ قرآن پاک پر رکھا،غیر ملکی میڈیا نیویارک کے شہریوں کی خدمت ان کیلئے زندگی کا سب سے بڑا اعتمار ہے،خطاب امریکا کے سب سے بڑے شہر نیویارک کے نو منتخب میٔرظہران ممدانی نے یکم جنوری 2026 کو اپنے عہدے کا حلف اٹھا لیا اور وہ نیویارک کی تا...
علی الصبح تقریباً ڈیڑھ بجے ایک مشہوربار میں آگ لگنے سے تقریبا 100 افراد زخمی ہوئے نئے سال کی تقریبات جاری تھیں اور بڑی تعداد میں سیاح موجود تھے،ترجمان سوئس پولیس سوئٹزرلینڈ کے معروف اور لگژری اسکی ریزورٹ شہر کرانس مونٹانا میں ایک بار میں ہونے والے زور دار دھماکے کے نتیجے میں...
کارروائی یمن کے علیحدگی پسند گروہ کیلئے اسلحے کی کھیپ پہنچنے پر کی گئی،امارات کی جانب سے علیحدگی پسند گروہوں کی حمایت سعودی عرب کی قومی سلامتی کیلئے براہِ راست خطرہ ہے،سعودی حکام یمن میں انسداد دہشتگردی کیلئے جاری اپنے باقی ماندہ آپریشن فوری طور پر ختم کررہے ہیں، واپسیشراکت دار...
پوائنٹ آف سیل کا کالا قانون واپس نہ لیا گیا تو 16 جنوری سے آغاز کرینگے، ملک بھر کے تمام چوراہے اور کشمیر ہائی وے کو بند کردیا جائے گا،وزیراعظم ہماری شکایات دور کریں، صدر آبپارہ چوک سے ایف بی آر دفتر تک احتجاجی ریلی،شرکاء کو پولیس کی بھاری نفری نے روک لیا، کرپشن کے خاتمہ کے ل...
ریفرنڈم کے بعد پنجاب کے بلدیاتی کالے قانون کیخلاف صوبائی اسمبلی کا گھیراؤ کریں گے پاکستان اپنی فوج حماس اور فلسطینیوں کے مقابل کھڑی نہ کرے، پریس کانفرنس سے خطاب امیر جماعت اسلامی پاکستان حافظ نعیم الرحمن نے اعلان کیا ہے کہ بااختیار بلدیاتی نظام کے حق میں پندرہ جنوری کو ملک گ...
مظاہرین کا ایم اے جناح روڈ پر دھرنا ، ایف آئی آر کو فوری واپس لینے کا مطالبہ جب تک ہماری ایف آئی آر درج نہیں ہوتی ہمارا احتجاج جاری رہے گا،احتجاجی وکلاء (رپورٹ:افتخار چوہدری)کراچی ایم اے جناح روڈ پر وکلاء کے احتجاج کے باعث شاہراہ کئی گھنٹوں سے بند ۔احتجاج یوٹیوبر رجب بٹ ک...
