... loading ...
... loading ...
پاکستان کی برّی فوج کے سربراہ جنرل قمر جاوید باجوہ کی جانب سے پاڑہ چنار میں سیکورٹی سے متعلق معاملات فوری طور پر حل کرنے کا حکم دئے جانے کے بعد فوج کے تازہ دم دستوں نے پاڑہ چنار کے اہم اور حساس علاقوں کی سیکورٹی کاانتظام سنبھال لیاہے جس کے بعد اس علاقے میں زندگی کی سرگرمیاں معمول پر آگئی ہیں ،واضح رہے کہ23 جون کوپاڑہ چنار میں ہونے والے دھماکوں میں 70 سے زیادہ افراد ہلاک ہوئے تھے ،جس کے بعد علاقے کے مکینوں نے احتجاجی دھرنا شروع کردیاتھا اور دھرنے کے شرکا نے آرمی چیف قمر جاوید باجوہ سے ملاقات کیے بغیر احتجاج ختم کرنے سے انکار کیا تھا۔دھرنے کے شرکا نے وزیراعظم نواز شریف کی جانب سے ہلاک شدگان کے لواحقین اور زخمیوں کے لیے مالی امداد کی پیشکش کو بھی مسترد کر دیا تھا۔پاک فوج کے سربراہ جنرل قمر جاوید باجوہ نے پاڑہ چنار پہنچ کر اس معاملے پراعلیٰ حکام سے بریفنگ لینے کے بعد قبائلی عمائدین سے بھی ملاقات کی تھی۔ آئی ایس پی آر کے سربراہ میجر جنرل آصف غفور کا کہنا تھا کہ پاڑہ چنار کے متاثرین نے آرمی چیف سے ملاقات میں کچھ سیاسی اور کچھ سکیورٹی سے متعلق مطالبات پیش کیے تھے جس پر آرمی چیف نے سیکورٹی سے متعلق خدشات کا فوری سدباب کرنے کی ہدایت کرتے ہوئے پاڑہ چنار میں سیف سٹی منصوبے پر کام شروع کرنے کا بھی حکم جاری کیاتھا۔واضح رہے کہ پاڑہ چنار شہر میں گزشتہ چار سال کے دوران 11 دھماکے ہوچکے ہیں جن میں سیکڑوں افراد ہلاک ہوئے ہیں۔’ہر دھماکے کے بعدانتظامیہ کی جانب سے سیکورٹی انتظامات سخت کرنے کے اعلان کئے جاتے ہیں اور تسلی دی جاتی ہے کہ آئندہ ایسے واقعات پیش نہیں آئیں گے لیکن حملے رکنے کا نام نہیں لے رہے۔تاہم پاک فوج کے سربراہ کی جانب سے سیکورٹی کے حوالے سے علاقے کے لوگوں کو کرائی جانے والی یقین دہانی اور پاک فوج کے تازہ دم دستوں کی جانب سے سیکورٹی کے انتظامات سنبھالنے کے بعد علاقے کے لوگوںکو یک گونہ اطمینان نصیب ہوا ہے اور اس کے بعد علاقے میں صورت حال معمول پر آنا شروع ہوگئی ہے۔ ایجنسی بھر میں روزمرہ معمولات زندگی تیزی سے بحال ہوتے جارہے ہیں تاہم شہر میں بدستور سوگ کی کیفیت برقرار ہے۔گذشتہ روز گورنر خیبر پختونخوا اقبال ظفر جھگڑا کے ہمراہ پشاور کے صحافیوں پر مشتمل ایک ٹیم کے ساتھ پاڑہ چنار پہنچے تو شہر میں ہر طرف سکیورٹی اہلکار نظر آئے۔پاڑہ چنار کے تمام بازاروں میں فوج کی بھاری سکیورٹی نظر آتی ہے جو شہر میں آنے جانے والی ہر گاڑی کی تلاشی لیتے ہیں۔شہر کے بعض علاقوں میں سیکورٹی فورسز کی طرف سے ناکے بھی لگائے گئے ہیں جہاں اہلکار کافی مستعد دکھائی دیے۔ پاڑہ چنار میں واقع سنی اور شیعہ قبائل کی مساجد اور امام بارگاہوں پر بھاری تعداد میں سکیورٹی اہلکار تعینات کر دیے گئے ہیں۔
شہر کے ایک تاجر صادق علی نے کہا کہ ان حملوں کے بعد بدستور شہر میں ایک سوگ کی کیفیت ہے کیونکہ کافی لوگوں کی جانیں گئیں۔انھوں نے کہا کہ پاڑہ چنار شہر میں ایک خوف کی فضا بھی ہے کیونکہ اطراف کے علاقوں سے لوگ بازاروں کا رخ نہیں کر رہے جس سے تجارتی سرگرمیوں پر بھی کافی اثر پڑا ہے۔ان کا کہنا تھا کہ ان دھماکوں کے بعد ایک مثبت بات یہ سامنے آئی ہے کہ شیعہ سنی قبائل ایک پیج پر آگئے ہیں اور انھوں نے اب اپنا مشترکہ دشمن پہچان لیا ہے۔شہر میں جس جگہ دھماکے ہوئے وہاں اب بھی اردگرد واقع دوکانوں کا ٹوٹا پھوٹا سامان بکھرا پڑا نظر آتا ہے۔ تاہم وہاں کوئی گھڑا دکھائی نہیں دیا جس سے غالباً امکان یہی ظاہر کیا جارہا کہ دونوں دھماکے خودکش تھے۔تاہم اس سلسلے میں مقامی انتظامیہ کی جانب سے حتمی طورپرتاحال کچھ نہیں کہا گیا ہے۔ مقامی لوگوں بتاتے ہیں کہ ایک مبینہ خودکش حملہ آور لیوی فورس کی وردی میں ملبوس تھا اور اس کی ایک سی سی ٹی وی ویڈیو بھی سامنے آئی ہے۔دھماکوں میں زخمی ہونے والے ایک درجن کے قریب افراد ایجنسی ہیڈکوارٹر ہسپتال پاڑہ چنار میں بدستور زیر علاج ہیں۔ بتایا جاتا ہے کہ ان حملوں میں بیشتر وہ افراد مارے گئے ہیں جن کا تعلق مزدور طبقے سے تھا۔
گورنر خیبر پختونخوا اقبال ظفر جھگڑا پشاور سے جب پاڑہ چنار پہنچے تو وہاں پولیٹکل انتظامیہ کی طرف سے انہیں ایک اعلیٰ سطح کی بریفنگ بھی دی گئی۔سرکاری ذرائع کا کہنا ہے کہ ان حملوں میں بعض مقامی افراد بھی ملوث ہیں جنہیں گرفتار کرلیا گیا ہے تاہم یہ معلوم نہیں ہوسکا کہ حراست میں لیے جانے والے افراد کا تعلق کس قبیلے یا تنظیم سے ہے۔گورنر نے اس موقع پر ایک قبائلی جرگے سے خطاب میں کہا کہ آپریشن ضرب عضب کے نتیجے میں بیشتر کالعدم تنظیموں کو ختم کردیا گیا ہے تاہم ان کے سہولت کار ابھی تک موجود ہیں جن کے خاتمے کے لیے فوج کی طرف سے بھر پور کارروائیوں کا سلسلہ جاری ہے۔
انھوں نے اعتراف کیا کہ ملک میں جاری دہشت گردی کی کارروائیوں کے پیچھے بعض غیر ملکی قوتیں ملوث ہیں جن کا مقصد پاکستان کو عدم استحکام سے دو چار کرنا ہے۔ان کا کہنا تھا کہ آپریشن ردالفساد دہشت گرد تنظیموں کے سہولت کاروں کا قلع قمع کرنے کے لیے شروع کیا گیا ہے جو کامیابی سے مکمل ہونے کے قریب ہے اور جس سے بہت جلد ملک سے دہشت گردی کا خاتمہ ہو جائے گا۔
جرگے سے شیعہ سنی قبائل کے نمائندوں نے الگ الگ خطاب میں کہا کہ کرم ایجنسی میں ایک سازش کے تحت امن و امان کی صورتحال کو خراب کیا جارہا ہے تاکہ اس معاملے کو فرقہ واریت کا رنگ دے کر قبائل کو آپس میں لڑایا جائے۔
لوئر کرم ایجنسی کے ایک قبائلی سردار حاجی سلیم نے کہا کہ کرم ایجنسی کے شیعہ سنی ایک ہی کشتی کے سوار ہیں اور اگر کوئی اس کشتی میں سوراخ کرتا ہے تو تباہ سب ہوں گے۔انھوں نے کہا کہ قبائل کو اپنے درمیان دشمن کو پہچان کر اپنی صفوں سے نکالنا ہوگا ورنہ سارا خطہ اس کے اثر سے نہیں بچ سکتا۔اس موقع پر خطاب کرتے ہوئے پاڑہ چنار کے ایک قبائلی ملک حاجی فقیر حسین نے کہا کہ دہشت گردوں نے رواں سال ہونے والے حملوں کے نتیجے میں علاقے میں جوان مشتعل ضرور ہوئے لیکن انھوں نے ریاست کے خلاف کوئی نعرہ نہیں لگایا۔انھوں نے اعتراف کیاکہ عوام کا تحفظ بھی ریاست کی ذمہ داری ہے لہٰذا انھیں اس پدری شفقت سے محروم نہ کیا جائے۔گورنر نے اس موقع پر دھماکوں میں ہلاک ہونے والے افراد کے لواحقین میں امدادی رقوم بھی تقسیم کی۔حکومت کی طرف سے مرنے والے افراد کو 10-10 لاکھ جبکہ زخمیوں کو پانچ پانچ لاکھ روپے کے چیک دیے گئے۔ بعدازاں گورنر نے ایجنسی ہیڈ کوارٹر ہسپتال کا دورہ کیا جہاں انھوں نے زخمیوں کی عیادت کی۔
ٹرمپ کے ہاتھوں سے فلسطینیوں کا خون ٹپک رہا ہے ، شہباز شریف اسے امن کا نوبل انعام دینے کی بات کر رہے ہیں، آئین کو کھلونا بنا دیا گیا ،بڑے لوگوں کی خواہش پر آئینی ترامیم ہو رہی ہیں افغان پالیسی پر پاکستان کی سفارت کاری ناکام رہی، جنگ کی باتوں سے مسئلے حل نہیں ہوں گے ، ...
متوقع نئے گورنر کے لیے تین سابق فوجی افسران اور تین سیاسی شخصیات کے نام زیر غور تبدیلی کے حوالے سے پارٹی کا ہر فیصلہ قبول ہوگا، گورنر خیبر پختونخوا فیصل کریم کنڈی خیبرپختونخوا میں گورنر راج نافذ کرنے پر غور شروع کردیا گیا، گورنر راج کے لیے فیصل کریم کنڈی کو رکھنے یا ان کی جگہ...
اسرائیل کی بے دریغ بربریت نے غزہ کو انسانیت ،عالمی ضمیر کا قبرستان بنا دیا ہے صورتحال کو برداشت کیا جا سکتا ہے نہ ہی بغیر انصاف کے چھوڑا جا سکتا ہے ، اسحق ڈار نائب وزیراعظم و وزیر خارجہ سینیٹر محمد اسحاق ڈار نے کہا ہے کہ عالمی قانون کے مطابق اسرائیل کی جانب سے کیے گئے جنگی جر...
آئینی ترمیم مسترد کرنا کسی عدالت کا اختیار نہیں،قانون سازی پارلیمنٹ کا حق ہے کسی ایسے عمل کا ساتھ نہیں دیں گے جس سے وفاق کمزور ہو،تقریب سے خطاب پاکستان پیپلزپارٹی کے چیئر مین بلاول بھٹو زرداری نے کہا ہے کہ قانون سازی پارلیمنٹ کا حق ہے ،آئینی ترمیم کو مسترد کرنا کسی عدالت کے ا...
پاکستان اور افغانستان کے مابین تجارت کی بندش کا مسئلہ ہماری سیکیورٹی اور عوام کے جان و مال کے تحفظ سے جڑا ہے ،خونریزی اور تجارت اکٹھے نہیں چل سکتے ،بھارتی آرمی چیف کا آپریشن سندور کو ٹریلر کہنا خود فریبی ہے خیبرپختونخوا میں سرحد پر موجودہ صورتحال میں آمد و رفت کنٹرول...
یہ ٹیسٹ رن کر رہے ہیں، دیکھنے کے لیے کہ لوگوں کا کیا ردعمل آتا ہے ، کیونکہ یہ سوچتے ہیں اگر لوگوں کا ردعمل نہیں آتا، اگر قابل انتظام ردعمل ہے ، تو سچ مچ عمران خان کو کچھ نہ کر دیں عمران خان ایک 8×10 کے سیل میں ہیں، اسی میں ٹوائلٹ بھی ہوتا ہے ،گھر سے کوئی کھانے کی چیز...
سہیل آفریدی کی زیر صدارت پارٹی ورکرزاجلاس میں بھرپور احتجاج کا فیصلہ منگل کے دن ہر ضلع، گاؤں ، یونین کونسل سے وکررز کو اڈیالہ جیل پہنچنے کی ہدایت پاکستان تحریک انصاف نے اگلے ہفتے اڈیالہ جیل کے باہر احتجاج کا اعلان کر دیا، احتجاج میں آگے لائحہ عمل کا اعلان بھی کیا جائے گا۔وزیر ...
جب 28ویں ترمیم سامنے آئے گی تو دیکھیں گے، ابھی اس پر کیا ردعمل دیں گورنر کی تقرری کا اختیار وزیراعظم اور صدر کا ہے ، ان کے علاوہ کسی کا کردار نہیں وزیراعلیٰ سندھ سید مراد علی شاہ نے کہا ہے کہ سندھ کی تقسیم کی افواہوں پر پریشان ہونا چھوڑ دیں۔سیہون میں میڈیا سے گفتگو میں مراد ...
دنیا بھر میںایئربس اے 320طیاروں میں سافٹ ویئر کے مسئلے سے ہزاروں طیارے گراؤنڈ پی آئی اے کے کسی بھی جہاز میں مذکورہ سافٹ ویئر ورژن لوڈڈ نہیں ، طیارے محفوظ ہیں ،ترجمان ایئر بس A320 طیاروں کے سافٹ ویئر کا مسئلہ سامنے آنے کے بعد خدشہ ہے کہ پاکستان میں بھی فلائٹ آپریشن متاثر ہو سک...
37روز سے کسی کی ملاقات نہیں کرائی جارہی، بہن علیمہ خانم کو ملاقات کی اجازت کا حکم دیا جائے سپرنٹنڈنٹ کو حکم دیا جائے کہ سلمان اکرم راجہ،فیصل ملک سے ملاقات کی اجازت دی جائے ، وکیل بانی چیئرمین پی ٹی آئی عمران خان سے جیل میں ملاقات سے متعلق درخواستوں پر سماعت مکمل ہونے کے بعد ف...
پاکستان تحریک انصاف نے بانی پی ٹی آئی سے ملاقات نہ کر انے وانے پر شدید احتجاج کرتے ہوئے ''بانی پی ٹی آئی سے ملاقات کروائو '' کے نعرے لگا ئے جبکہ حکومت نے واضح کیا ہے کہ سوشل میڈیا پر بانی پی ٹی آئی کی صحت سے متعلق چلنے والی خبروں میں کوئی صداقت نہیں، وہ بالکل ٹھیک ہیں۔ جمعہ کو سی...
وزیر اعلیٰ خیبر پختونخوا سہیل آفریدی نے اڈیالہ جیل فیکٹری ناکے پر جاری دھرنا جمعہ کی صبح ختم کر دیا ۔ دھرنا ختم کرنے کا فیصلہ علامہ ناصر عباس کے آنے کے بعد ہونے والی مشاورت میں کیا گیا، علامہ ناصر عباس، محمود اچکزئی، وزیراعلیٰ سہیل آفریدی، مینا خان، شاہد خٹک اور مشال یوسفزئی مشاو...
