... loading ...
... loading ...
لڑکیوں کے اسکول کے قریب موجود کیمیکل ٹرمینل سے اچانک مہلک گیس کا اخراج شروع ہونے پر کم وبیش گیس سے متاثرہ 300 طلبہ اور کئی اساتذہ کو ہسپتال پہنچایا گیا ‘ حادثہ کی خبر جنگل کی آگ کی طرح پورے شہر میں پھیل گئی اور لوگ انتہائی خوف زدہ ہو کر اپنے اپنے بچوں کو اسکولوں سے چھٹی دلواکر گھر واپس لانے کے لیے دوڑ پڑے
بھارت کے دارالحکومت دہلی میں بھوپال کی طرح گیس کے اخراج نے ہلچل مچادی اور پورا شہر تشویش میں مبتلا ہوگیاہے ، اگرچہ اس گیس اخراج پر حکومت کے دعوے کے مطابق قابو پالیا گیا ہے اور اب تشویش کی کوئی بات نہیں ہے لیکن شہری حکومت کی ان تسلیوں کو تسلیم کرنے کو تیار نظر نہیں آتے ، بھارت کے اخبار ہندو نے یہ خبر دیتے ہوئے لکھا ہے کہ دہلی میں لڑکیوں کے ایک اسکول کے قریب موجود کیمیکل کے ایک ٹرمینل سے اچانک مہلک گیس کا اخراج شروع ہونے کے بعد اسکول میں زیر تعلیم کم وبیش 300 طلبہ اور کئی اساتذہ کو ہسپتال پہنچایا گیا، بھارتی اخبار ہندو کی اس خبر کے مطابق دارالحکومت دہلی کے علاقے تغلق آباد میں واقع رانسی جھانسی سروودایا کنیہ ودالیہ نامی ایک اسکول کی بچیاں گزشتہ روز حسب معمول اپنی اپنی کلاسوں میں پڑھائی میں مصروف تھےں کہ اچانک ان کو آنکھوں میں جلن محسوس ہونا شروع ہوگئی اور دیکھتے ہی دیکھتے متعدد طالبات بیہوش ہوگئےں ، اسکول میں تدریس میں مصروف کئی اساتذہ کی بھی یہی حالت ہوئی جس پر اسکول انتظامیہ نے فوری طورپر متاثرہ بچوں کو، جن کی تعداد کم وبیش 300 بتائی جاتی ہے، قریبی ہسپتال پہنچایا ۔
واقعے کی اطلاع ملتے ہی علاقہ پولیس بھی موقع پر پہنچ گئی جس نے ابتدائی تفتیش کے بعد خیال ظاہر کیاہے کہ اسکول کے قریب واقع کیمیکل ٹرمینل سے گیس کے اخراج کی وجہ سے اسکول کی طالبات اور اساتذہ کی حالت غیر ہوئی ،صورت حال کی نزاکت کے پیش نظر مقامی پولیس نے فائر بریگیڈ اور ایمبولنسوں کو بھی طلب کرلیا اور طلبہ کو فوری طورپرقریبی مجیدیہ ہسپتال ،ای ایس آئی سی ہسپتال اور دیگر ہسپتالوں میں پہنچایاگیا جہاں ایمرجنسی نافذ کرکے طالبات کو ابتدائی طبی امداد دی گئی جس کے بعد ساؤتھ ایسٹ دہلی کے ڈپٹی کمشنر کے مطابق طالبات کی حالت خطرے سے باہر ہے، تاہم انہوںنے یہ نہیں بتایا کہ ان طلبہ کو ہسپتال سے فارغ کیے جانے میں کتنا عرصہ لگے گا اور گیس کی وجہ سے ان کی آنکھوں پر پڑنے والے اثرات سے ان کی بینائی تو متاثر نہیں ہوگی۔
دہلی کے انگریزی اخبار ہندو نے اسکول کے ایک استاد کے حوالے سے خبر دی ہے کہ چند طالبات کو ابتدائی طبی امداد دینے کے بعد گھر جانے کی اجازت دے دی گئی ہے جبکہ بیشتر طالبات ہسپتال ہی میں زیر علاج ہیں اور ڈاکٹر ابھی تک یہ فیصلہ نہیں کرپائے کہ ان طالبات کو کب تک گھر جانے کی اجازت دی جاسکتی ہے ، اس واقعے کے بعد متاثرہ اسکول کو وقتی طورپر بند کردیاگیاہے۔
واقعے کی اطلاع ملتے ہی دہلی کے وزیر اعلیٰ اروند کجریوال، ڈپٹی وزیر اعلیٰ منیش سی سودیا ،دہلی کے گورنر اور انتظامیہ کے اعلیٰ حکام موقع پر پہنچ گئے اور واقعہ کی فوری طورپر چھان بین شروع کردی گئی ۔ تاہم دہلی کے ڈپٹی وزیر اعلیٰ منیش سی سودیانے طالبات کے والدین کو یقین دلایا ہے کہ تمام طالبات بخیریت ہیں اور جلد ہی انہیں ہسپتال سے فارغ کرکے گھر بھیج دیاجائے گا۔انہوں نے بتایا کہ ہمیں شکایت ملی تھی کہ اسکول کی 85 طالبات کی آنکھوں میں شدید جلن محسوس ہورہی ہے متاثرہ طالبات کو فوری طورپر علاقے میں موجود 3بڑے ہسپتالوں میں پہنچادیاگیا ،انہوںنے بتایا کہ میں نے طالبات اور ہسپتال کے ڈاکٹروں سے بات کی ہے اور طالبات کی حالت اب بہت بہترہے، انہوںنے بتایا کہ میں نے ضلع مجسٹریٹ اورایس ڈی ایم کو واقعے کی تفتیش کرنے اور کنٹینر ڈپو سے گیس کے اخراج کے اسباب معلوم کرنے کی ہدایت کردی ہے ، انہوںنے کہا کہ واقعہ کے وقت اسکول میں طالبات امتحان دینے میں مصروف تھیں۔ واقعے کے بعد امتحان ملتوی کردیاجائے گا جو اب تمام طالبات کے صحتیاب ہونے کے بعد لیاجائے گا ۔
یونین کے وزیر صحت جے پی ناڈا نے سرکاری ہسپتالوں کو گیس کے اخراج سے متاثر ہونے والے ممکنہ طورپر مزید افراد کا علاج کرنے کے لیے تیار رہنے کی ہدایت کردی ہے ،مرکزی حکومت کے زیر اہتمام تمام ہسپتالوں کو بھی متاثرہ افراد کی ہرممکن مدد کرنے کے لیے تیار رہنے کی ہدایت کی گئی ہے۔ جے پی ناڈا نے اپنے ٹوئٹر پیغام میں کہاہے کہ میری دعائیں متاثرہ طالبات اور ان کے والدین کے ساتھ ہیں ۔
دہلی کے اندرا پرستھا اپولو ہسپتال کے منتظمین نے بتایا ہے کہ اس ہسپتال میں مجموعی طورپر 43 افراد کو داخل کیاگیاہے جن میں 42 طالبات اور ایک استاد شامل ہیں۔منتظمین کاکہنا ہے کہ متاثرین کو فوری طبی امدا د بہم پہنچانے کے لیے ایک ہمہ جہتی انتظامی ٹیم تشکیل دے دی گئی ہے اور تمام متاثرہ طالبات کو ضرورت کے مطابق طبی امداد پہنچائی گئی ہے جس کے نتیجے میں اب ان کی حالت خطرے سے باہرہے۔
دہلی کے اسکول میں مہلک گیس کے اخراج سے بڑی تعداد میں طالبات کے متاثر ہوکر ہسپتال پہنچنے کی خبر جنگل کی آگ کی طرح پورے شہر میں پھیل گئی اور پورے شہر میں خوف وہراس پھیل گیا ،لوگ اپنے اپنے بچوں کو اسکولوں سے چھٹی دلواکر گھر واپس لانے کے لیے دوڑ پڑے ، دہلی کے عوام اور خود ڈاکٹروں کا کہناہے کہ لوگ ابھی تک بھوپال میں گیس کے اخراج کی وجہ سے ہونے والی تباہ کاری کے سانحے کو نہیں بھول سکے ہیں اوردہلی کے اسکول میں گیس کے اخراج کی وجہ سے طالبات کی حالت غیر ہونے کی خبر نے ان کو وحشت زدہ کرکے رکھ دیا ہے اور لوگ شہر کے بیچوں بیچ اسکول کے قریب کیمیکل ٹرمینل کے قیام کی اجازت پر سوال اٹھارہے ہیں جبکہ دہلی کے گورنر اور دیگر حکام عوام کو یہ کہہ کر مطمئن کرنے کی کوشش کررہے ہیں کہ واقعے کی اعلیٰ سطح پر تفتیش کی جارہی ہے اور تفتیشی رپورٹ سامنے آنے کے بعد اس کے ذمہ داروں کو قرار واقعی سزا دی جائے گی۔
پینٹاگون کا کہنا ہے کہ عراق میں امریکی بیس پر ایرانی حملے کے بعد 34 امریکی فوجیوں کو شدید دماغی چوٹ(ٹی بی آئی)کی تشخیص کی گئی ہے ۔ ایک ترجمان کے مطابق فی الحال 17 فوجیوں کی اب بھی طبی نگہداشت کی جا رہی ہے ۔اس سے قبل امریکی صدر ڈونلڈ ٹرمپ کا کہنا تھا کہ آٹھ جنوری کو ایران کی طرف سے جنرل قاسم سلیمانی کی ہلاکت کے بدلے میں کیے جانے والے حملے میں کوئی بھی امریکی زخمی نہیں ہوا۔صدر ٹرمپ کے مطابق ایران پر جوابی حملہ نہ کرنے کا فیصلہ کسی بھی فرد کے زخمی نہ ہونے کے پیشِ نظر کیا گیا۔لیک...
ترکی کے مختلف علاقوں میں 6.8شدت کے زلزلے سے کئی عمارتیں منہدم ہوگئیں جس کے نتیجے میں 19افراد ہلاک، 750 سے زائد زخمی جبکہ 30افراد لاپتہ ہوگئے ،ہلاکتوں میں اضافے کا خدشہ ہے ۔غیرملکی خبررساں ادارے کے مطابق ترکی کے مختلف علاقوں میں 6.8 شدت کے زلزلے سے کئی عمارتیں منہدم ہوگئیں اور زلزلے سے متاثرہ علاقوں میں عمارتوں کے ملبے تلے افراد کو نکالنے کیلئے امدادی کارروائیاں جاری ہیں۔ ترکی کے صوبائی گورنر نے کہا کہ مشرقی صوبے الازگ میں زلزلے سے 19افراد ہلاک اور 750سے زائد زخمی ہوگئے ،مزید ...
ایران نے مشرق وسطی کو درپیش مسائل کے حل اور خطہ میں کشیدگی کے خاتمے کے لیے سعودی عرب کے ساتھ مل کر کام کرنے کی خواہش کا اظہار کیا ہے ۔ غیرملکی خبررساں ادارے کے مطابق تہران میں ایرانی صدر کے چیف آف اسٹاف نے اپنے بیان میں کہا کہ ایران ، سعودی عرب کے ساتھ بہتر تعلقات کا خواہشمند ہے ، انہوں نے کہا کہ سعودی عرب اور ایران کے درمیان اچھے تعلقات دونوں ممالک کے لئے فائدہ مند ہیں۔ انہوں نے کہا کہ ہمیں اپنے مسائل خود حل کرنے کی کوششیں کرنی چاہئیں ۔
چین میں کرونا وائرس سے ہلاکتوں کی تعداد بڑھ کر26 ہوگئی جبکہ830 افراد متاثر بھی ہوئے ۔ غیرملکی خبررساں ادارے کے مطابق کوروناوائرس کے باعث سب سے زیادہ متاثر ہونے والے شہر ووہان کے قریب 7شہروں میں ٹرانسپورٹ بند کر دی گئی جب کہ شہریوں کو جھیلوں، دریائوں اور نہروں پر جانے سے روک دیا گیا ۔عالمی ادارہ صحت(ڈبلیو ایچ او)نے اسے ہنگامی صورتحال قرار دیا ہے ۔ حکام نے کہا کہ کرونا وائرس کو عالمی وبا ئوقرار دینا قبل از وقت ہوگا۔ڈبلیو ایچ او نے کہا کہ اس وائرس کے پھیلا پر کڑی نظر رکھی جارہی ...
ایران کی پیراملٹری فوج بسیج کے کمانڈرعبدالحسین مجدمی کو نامعلوم افراد نے فائرنگ کر کے ہلاک کر دیا ۔غیرملکی خبررساں ادارے کے مطابق کمانڈرعبدالحسین مجدمی کوصوبہ خوزستان کے شہردرخوین میں گھرکے سامنے نقاب پوش افراد نے نشانہ بنایا۔ پیراملٹری فوج کے سربراہ عبدالحسین مجدمی امریکی ڈرون حملے میں ہلاک ہونے والے جنرل قاسم سلیمانی کے ساتھی تھے ۔ موٹرسائیکل پر سوار دو بندوق برداروں نے حملہ کیا، حملہ آوروں کے چہرے ڈھکے ہوئے تھے اور چار گولیاں چلائی گئی ہیں۔ معاملے کی تفتیش جاری ہے تاہم اس ...
چین کے شہر ووہان سے پھیلنے والا پراسرار کورونا وائرس اب ملک بھر کے دیگر شہروں میں بھی پھیلنے لگا ، چین کے صوبے ہوبائی کے دارلحکومت ووہان میں کورونا وائرس سے 17 افراد ہلاک ہو گئے ہیں جبکہ وائرس سے متاثر ہونے والوں کی تعداد 547 تک پہنچ گئی ۔ غیر ملکی خبر رساں ادارے کے مطابق چین کے صحت حکام نے وائرس کے پھیلا سے بچنے کے لئے 1 کروڑ افراد پر مشتمل شہر ووہان کو مکمل طور سیل کرنے کی کوششیں شروع کر دی ہیں۔ چین میں ٹرینوں اور بس سروسز کا نظام معطل ہونے کے باعث قمری سال کی تعطیلات گزارن...
فرانسیسی صدر ایمانویل میکرون چرچ کے دورے کے دوران فرانسیسی اہلکاروں کے ساتھ اسرائیلی سکیورٹی اہلکاروں کو دیکھ کربرہم ہو گئے ۔ ایمانویل میکرون نے انگریزی میں ڈانٹتے ہوئے اسرائیلی سکیورٹی اہلکار سے کہا کہ باہر جائوجو تم نے میرے سامنے کیا وہ بالکل پسند نہیں آیا، سب کو رولز معلوم ہیں ناں؟ یہ قواعد صدیوں سے ہیں، میرے ساتھ فرانسیسی اہلکار ہی رہیں گے ، قانون کا احترام کریں ۔واضح رہے کہ مقبوضہ بیت المقدس کا چرچ آف سینٹ این فرانس کی ملکیت ہے ، 1967 ء میں یہاں اسرائیلی قبضے کو بھی فران...
امریکا میں نسل پرستی کے خلاف جدوجہد کرنے والی مختلف تنظیموں کے سینکڑوں کارکنوں نے پورٹ لینڈ شہر میں مظاہرے کیے ۔ غیرملکی خبررساں ادارے کے مطابق امریکی پولیس کے نسل پرستانہ رویئے کے خلاف اس مظاہروں کی کال بلیک لائف میٹر اور نسل پرستی کے خلاف جدوجہد کرنے والی دوسری تنظیموں نے دی تھی۔ مظاہرے کے شرکا نے زمین پر لیٹ کر پولیس کے نسل پرستانہ تشدد کے خلاف احتجاج کرتے ہوئے حکومت سے لازمی اقدامات کی اپیل کی۔امریکہ میں کرائے جانے والے رائے عامہ کے تازہ جائزوں کے مطابق 56 فی صد امریکی شہ...
بھارتی بزنس مین مکیش امبانی مسلسل 12 ویں مرتبہ بھارت کے امیر ترین شخص قرار پائے ، 2019 میں ان کی دولت 58.4 ارب ڈالر رہی۔ غیرملکی خبررساں ادارے کے مطابق بھارت کے 15 ارب پتی شخصیات کی مجموعی دولت 197.8 ارب ڈالر کے برابر ہے ۔ سالانہ رپورٹ کے مطابق 2019 میں متعدد بھارتی ارب پتی شخصیات کی دولت میں کمی ہوئی لیکن مکیش امبانی مسلسل 12 ویں مرتبہ بھارت کے امیر ترین شخص قرار پائے ۔15عشاریہ 3ارب ڈالر کے ساتھ بھارتی صنعت کار شیونادر دوسرے نمبر پر رہے ، جبکہ بھارت کے تیسرے امیر ترین شخص بی...
ایران کی قدس فورس کے نئے سربراہ اسماعیل قانی نے امریکا کو مخاطب کرتے ہوئے کہا ہے کہ جنرل قاسم سلیمانی کو بزدلانہ حملے میں شہید کرنے والے امریکا پر مردانہ وار کارروائی کرکے جواب دیں گے ۔ غیرملکی خبررساں ادارے کے مطابق ایران کی قدس فورس کے سربراہ اسماعیل قانی نے کہا کہ امریکا نے بزدلوں کی طرح حملہ کرکے جنرل قاسم سلیمانی کو شہید کیا ہے جس کا ہم مردوں کی طرح بہادری سے جواب دیں گے ۔قدس فورس کے سربراہ نے کہا کہ ایران امریکا کی طرح پیچھے سے بزدلانہ وار نہیں کرتا بلکہ مردوں کی طرح سا...
کورونا وائرس امریکا پہنچ گیا ، امریکی حکام کی جانب سے پہلے متاثرہ شخص کی تصدیق کی گئی ۔ غیرملکی خبررساں ادارے کے مطابق امریکی حکام کی جانب سے تصدیق کی گئی ہے کہ چائنا وائرس، یعنی کورونا وائرس سے متاثرہ ایک شخص کی تصدیق ہوئی ہے جو حال ہی میں چین کے سفر سے واپس آیا تھا۔امریکا کے سینٹر فار ڈیزیز کنٹرول (سی ڈی سی)کی جانب سے کہا گیا کہ چین میں دریافت ہونے والا وائرس امریکی شہر سیاٹل میں ایک ایسے شخص میں پایا گیا جو چین کے سفر سے واپس آیا تھا۔امریکہ میں پائے جانے والا مریض 30 کی دہ...
وائٹ ہائوس کے ایک عہدیدار نے کہا ہے کہ امریکی صدر ڈونلڈ ٹرمپ کچھ دن میں مشرق وسطیٰ کے لیے اپنے مجوزہ امن منصوبے صدی کی ڈیل کے بارے میں حتمی اعلان کرنے کی تیاری کررہے ہیں۔ا نہوں نے غیرملکی خبررساں ادارے کو بتایا کہ صدی کی ڈیل کے حوالے سے صدرٹرمپ خود ہی کوئی فیصلہ کریں گے ۔اس فیصلے کے حوالے سے وقت ایک اہم عنصرہوگا کیونکہ اس معاملے میں تاخیرامریکی صدارتی انتخابات کی وجہ سے اس منصوبے کے مفاد میں نہیں ہوگی۔وائٹ ہائوس نے بحرین کے دارالحکومت منامہ میں امن سے خوشحالی کے نام...
