مذہبی اورلبرلزکاجھگڑاکیاہے ؟

الفاظ کی بھی حرمت ہوتی ہے ۔ہم جس عہدمیں جی رہے ہیں اس عہدمیں جیتے جاگتے انسان کی حرمت نہیں رہی وہاں الفاظ کی حرمت کا رونا، رونا کیا معنی رکھتاہے ۔چندروزقبل ملک کی مشہورمعروف اوربے شرم بدنام رقاصہ آنٹی شیماکرمانی حضرت عثمان مروندی المعروف لال شہبازقلندؒرکے مزارپہنچ گئی ۔اوروہاں ناچناشروع کردیاکہ اس طرح سے میں امن کاپیغام دے رہی ہوں ۔کیونکہ یہ ایک قومی ریاست ہے لہٰذابے شرم شیماکرمانی نے خوب مزے سے اپناناچ دکھایا۔یہ سب کچھ اس مبارک ہستی کی قبرپرہورہاتھا،جنہوں نے سندھ میں سیہون کی دھرتی پراپنے مبارک قدم رکھے تواپنی رہائش کے لیے جس محلے کاانتخاب کیا وہ محلہ شیماکرمانی کی روحانی بہنوں کامحلہ تھا۔مگرماضی کی ہندوطوائفوں ،گائیکائوں ،رقاصائوں نے اپنے عمل سے ثابت کیاتھاکہ وہ آج کی شیماکرمانی سے کتنی اچھی تھیں ۔لعل شہبازقلندرؒنے طوائفوں کے محلے میں رہائش اختیارکی اوردعوت وتبلیغ کاکام شروع کردیا۔شروع شروع میں تولوگ حیران ہوئے کہ ایک قلندؒراوربزرگ ہستی نے کہاں ڈیرے ڈالے ہیں ؟مگربزرگوں کی روحانیت کے الگ ہی رموز ہوتے ہیں ۔لال شہبازقلندرؒاپناکام کرتے رہے اورلوگوں کواللہ پاک کی طرف بلاتے رہے ۔رفتہ رفتہ تماش بینوں نے اس طرف آنا چھوڑ دیا۔ لوگوں کوشرم آنے لگی کہ طوائفوں کے محلے میں آتے جاتے ٹکرائولعل شہبازقلندؒریاان کے مریدوں سے ہوگیاتویہ کس قدرشرمندگی اورندامت کاباعث ہوگا۔لہٰذاتھوڑے ہی عرصے میں سیہون کایہ بازارویران ہونے لگا۔ایسے میں تمام ہندو طوائفوں اوررقاصائوں نے سیہون کے ہندو حکمران راجہ جیرجی کوشکایت کی کہ ایک قلندؒرنے آکران کے علاقے میں ڈیرے ڈالے ہیں اوران کاکاروبار بند ہونے کے قریب پہنچ چکاہے ۔راجہ جیرجی نے لال شہبارقلندؒرصاحب سے کہا کہ وہ کہیں اورتشریف لے جائیں ۔کیونکہ یہ تمام کام ہندوراجہ کی سرپرستی میں چلتاتھااس لیے اس نے جب دیکھاکہ قلندؒربادشاہ جانے پرراضی نہیں ہو رہے تواس نے سختی کرناشروع کردی مگرلال شہباز قلندؒراستقامت سے ڈٹے رہے ۔بزرگوں کی سنت ہے کہ وہ کسی علاقے کواپنی مرضی سے منتخب نہیں کرتے، حضرت عثمان مروندی المعروف لال شہبازقلندؒر اپنے پیراوراستادحضرت بوعلی قلندؒرکے حکم پرہندسے سندھ تشریف لائے تھے ۔حضرت عثمان مروندیؒ افغانستان کے علاقے مروندمیں پیداہوئے تھے اس نسبت سے مروندی کہلاتے ہیں ۔راجہ کی بدمعاشی جب حد سے بڑھنے لگی تو ایک روززلزلہ آیااوراس زلزلے میں راجہ جیرجی ماراگیا۔راجہ جیرجی کی موت دیکھ کرتمام ہندو طوائفوں رقاصائوں اورگائیکائوں نے کلمۂ حق تسلیم کرلیااورحضرت لعل شہبازقلندؒرکے ہاتھ پر مسلمان ہوگئیں اوراپنی باقی زندگی ان عورتوں نے پردے اور شریعت کی اطاعت میں گزاری ۔ اگر آج لعل شہبازقلندؒرزندہ ہوتے یاان کاکوئی سچا جانشین زندہ ہوتاتووہ شیماکرمانی کے سر پر چادر رکھتااورشیماکرمانی کوسمجھاتاکہ بیٹی یہ سب چھوڑ دے ۔ یہ تیرے تمام گندے کام تجھے جہنم میں لے جارہے ہیں ۔ناچنے سے آزادی نہیں ملتی، اگر ناچنے سے آزادی ملتی توتمام ہیجڑے آزادہوچکے ہوتے ۔اگرناچنے سے حقوق ملتے توہیجڑے آج سب سے زیادہ خوشحال ہوتے ۔وہ سمجھاتے کہ بیٹی یہ ناچناچھوڑگھرجا،گھرجاکرشادی کر،بچے پیدا کر، اللہ کی عبادت کر۔توبہ کر۔دردرآوارگی نہ کر،دیکھ بیٹی اب توتیرے سرکے بال بھی سفیدہوگئے ہیں ۔ اب توبازآجا۔جابیٹی گھرجا۔مجھے یقین ہے کہ قلندؒر سائیں کے یہ الفاظ شیماکرمانی کورابعہ بصری بنادیتے مگرآج نہ لعل بادشاہ ہیں نہ ان کاکوئی سچامرید،اب یہ کرامت کہاں ممکن ہے؟اب تو حال یہ ہے کہ مذہبی لوگ پی ایس ایل کافائنل دیکھنے کھیل کے میدان جاپہنچے ہیں ۔ جہاں چھکوں ، چوکوں پررقاصائوں نے ٹھمکے لگائے ۔اور ہر چھکے چوکے پرلڑکے لڑکیوں نے تالیاں بجائیں اور گلے لگے ۔کیاایک مذہبی آدمی کوزیب دیتاہے کہ وہ اسی طرح کے ہجوموں میں گھسے ؟مجھے کامل یقین ہے کہ یہ مذہبی لوگ اس لیے میچ دیکھنے گئے کہ اس طرح یہ عوام کو بہلا پھسلاکرووٹ لے لیں گے اورجب ووٹ لے کر یہ اقتدارمیں آئیں گے تب وہ ان تمام خرافات کاخاتمہ کردیں گے۔ بہت بھولے اور سادہ لوح ہیں مذہبی رہنماء جس روز ان مذہبی رہنمائوں نے عوام پراصل ،خالص اور کھرا اسلام نافذ کرنے کی کوشش کی اسی روزعوام مذہبی رہنمائوں کو اٹھا کر اقتدار سے باہرکردینگے ۔ مصر میں مرسی صاحب کا حال دیکھ لیں ۔اورشام میں اخوان المسلمین سے کچھ سیکھ لیں ۔سہولتوں کے لیے ترستے، تڑپتے اورکڑہتے عوام صرف آج دنیا کے مزے میں اضافے کے خواہش مند ہیں ۔ اور یہ توویسے بھی بددیانتی ہے کہ آپ آج توعوام کو سبز باغ دکھائیں اورکل ان سے کہیں کہ اہرام مصرکے باہر کسی طوائف کوناچنے کی اجازت نہیں ہوگی۔ کرکٹ میچ میں کوئی موسیقی نہیں بجائے گا،نہ سنے گا، مرداورعورتیں ایک ساتھ نہیں بیٹھیں گے ۔کسی عورت کوبغیرپردے کے کھیل کے میدان آنے کی اجازت نہیں ہوگی ۔نمازکے اوقات میں وقفہ ہوگااورجونمازنہیں پڑھے گاوہ امام ابوحنیفہ ؒکے عقیدے کے مطابق تمام عمرجیل میں رہے گا۔ جب تک وہ نمازی نہ بن جائے ۔باقی امام توکہتے ہیں بے نمازی کاقتل جائز ہے مگریہ کام ریاست کے لیے ہے ۔کسی گروہ یافردکے لیے نہیں ۔لیکن مسئلہ یہ ہے کہ کرکٹ کی بین الاقوامی تنظیم کیوں کھیل کے دوران نمازکاوقفہ کرنے دے گی؟ اور کیا کھیل کے لیے کافراسلامی ریاست میں رہائش اختیارکرسکتے ہیں ؟کیاکافراسلامی ریاست میں ہوٹلوں میں سرِ عام شراب پی سکتے ہیں ؟اورجب مسلمان کھلاڑی نماز پڑھیں گے تب کافر کھلاڑی کیوں ان کے انتظار میں بیٹھیں ؟ اور اگر کرکٹ ان اصولوں پر ہوگی تو کون دیکھے گا کرکٹ؟ کھیل توہوتاہی لطف ،عیاشی اورآوارگی کا مزہ لینے کے لیے ہے ۔کیایہ تمام اسلامی احکامات مذہبی لوگوں کو معلوم نہیں جوکرکٹ میچ دیکھنے لاہورپہنچے تھے ؟ کل اگرانہوں نے اصل اسلام نافذ کرنے کی کوشش کی توریاست اور عوام ان کاحال مصرکے مرسی صاحب جیسے مرد قلندر سے کم برا نہیں کرینگے، تب لوگ یہ سوال کرنے میں حق بجانب ہونگے کہ یہ سب آپ نے الیکشن میں تو ہمیں نہیں بتایا تھا۔ہم اپنی روزی روٹی اورلطف کی سرگرمیوں میں کوئی کمی کیسے برداشت کریں ؟آج ہماراالمیہ یہ ہے کہ ہم بس کسی نہ کسی طرح اقتدارمیں آناچاہتے ہیں ۔ہم طاقت حاصل کرناچاہتے ہیں ۔جبکہ ہمیں یہ معلوم ہی نہیں کہ جمہوریت میں طاقت صدر،وزیراعظم یاکسی بھی ادارے کے سربراہ کے پاس ہوتی ہی نہیں ہے ۔یہ تمام اداروں کے سربراہ ایک خاص طے شدہ اصول کے مطابق چلتے رہتے ہیں ۔ذراساکوئی پٹری سے اترانہیں کہ اس کا جہاز گرانہیں ۔ہم آج تک اس نظام کوتوسمجھ نہیں سکے ہم اس نظام کوپلٹنے کے خواب خداجانے کیسے اورکیوں دیکھتے ہیں ۔نہ یہ میدان وہ ہے نہ یہ جنگ وہ ہے ۔اب ٹیکنالوجی بمقابلہ ایمان ہے ۔اورایمان کی مضبوطی کی کوئی بات ہی نہیں کرتا۔ امریکہ اوریورپ نے لوگوں کو سہولتوں کے چھن جانے کے خوف میں مبتلا کرکے اقتدار قائم کر رکھا ہے ۔بش نے کہا تھااگرہم نے افغانستان پرحملہ نہ کیاتوطالبان آکر امریکیوں کو پرانے دور میں لے جائیں گے ۔اورہم لوگوں کو سہولتوں کی فراہمی پراکھٹاکررہے ہیں ۔کل ہم کراچی کومدینہ بنانے کی بات کرتے تھے پھرہم نے جاکردیکھاکہ مدینہ تو2017ء میں استنبول کے مقابلے میں کم ترقی یافتہ ہے اب ہم کراچی کواستنبول بناناچاہتے ہیں ؟خداجانے کب ہم سمجھیں گے کہ جب کسی نے ووٹ اس شرط پر دینا ہوگا کہ اس نے ترقی کرنی ہے تووہ مذہبی آدمی کی 2 نمبردنیاکیوں لے گا؟ وہ لبرل آدمی کی 1 نمبر خالص دنیا کیوں نہیں لے گا۔جب دنیامیں مزے ہی کرنے ہیں تومکمل مزے کریں ۔یہ آدھا تیتر آدھا بٹیر کیوں ہے۔ عورت لبرل کی بھی گھرسے باہرہے، عورت مذہبی آدمی کی بھی گھرسے باہر ہے۔ کبھی کسی جمعہ بازار،ہفتہ بازار جاکر دیکھیں عورتیں اس طرح خریداری کررہی ہوتی ہیں جیسے آج بس آخری دن ہے کل سے جنگ شروع ہوجائے گی ۔ فضول خرچی ،اسراف سب پرانے زمانے کی باتیں ہوگئی ہیں ۔اب توبس خریداری کرنااورباربار خریداری کرنااصل قدرہے ۔جو جتنا زیادہ خریداری کرتاہے وہ اتنااپنے آپکو اچھا سمجھتا ہے۔ جبکہ ہماری تہذیب ،تاریخ اورروایت میں جو جتنازیادہ خریدتاتھاوہ شیطان کابھائی ہوتا تھا۔ اور جو جتنی کم دنیالیتاتھاوہ ولی ہوتاتھا۔اگرہم جائزہ لیں تو شب وروزترقی پسندوں اوراسلام پسندوں کے تقریباًایک جیسے ہونگے ۔ترقی کی رفتارمیں کمی کرنے پرکوئی راضی نہیں ہے ۔سادہ زندگی کولوگ شرم کاباعث سمجھتے ہیں ۔معلوم ہوتاہے جوامیرہے اس سے خداراضی ہے اورجوغریب ہے اس سے خداناراض ہے ۔لوگ کہتے ہیں ہم دنیامیں مزے کررہے ہیں ،ہم آخرت میں بھی کامیاب ہونگے ۔جبکہ سنت سے ایساثابت نہیں ہوتا۔مذہبی لوگ سیاست میں اس بنیاد پرحصہ لینے آئے تھے کہ اس طرح یہ لوگوں کو بدل ڈالیں گے مگر2017ء تک یہ خودبدل رہے ہیں لیکن ان کوذرابھراس تبدیلی کااحساس نہیں ہے ۔جدیدنظام ان کوان کے اسلاف کے طریقوں سے دورلے گیاہے ۔یہ آج اپنی تاریخ اورتہذیب کوحکمت عملی کے نام پرروزچھوڑتے جارہے ہیں ۔مگردعویٰ ہے کہ ہم لوگوں کوبیوقوف بناکر اقتدارمیں آجائیں گے۔ پھرہم سب لوگوں کواصل اسلام میں لے آئیں گے۔ خداکرے کہ اصل اسلام خود ان کو یاد رہے اس روزتک میرے سامنے میزپرانگریزی اخبار میں شیماکرمانی کی دھمال ڈالتی تصویرہے اور دوسری طرف پی ایس ایل کے فائنل میں مذہبی لوگوں کی تالیاں بجانے کی تصاویریں ہیں ۔ اور مجھے سمجھ نہیں آرہاکہ 2017ء تک آتے آتے لبرل اورپاکستانی مذہبی جماعتوں کاجھگڑارہ کیا گیا ہے ؟

متعلقہ خبریں