... loading ...
دفتر خارجہ نے احتجاج صرف کشمیر کے معاملات یاورکنگ باؤنڈری پر کارروائیوں سے متعلق محدود کررکھاہے
بھارتی سفارت خانے میں موجود خفیہ ایجنٹوں کیخلاف حالیہ کارروائی بھی سیکورٹی اداروں کے دباؤ پر کی گئی
آج سے کوئی ڈھائی ہزار سال قبل ضلالت ،دھوکا دہی اورعیاری پرمشتمل جس انداز سیاست کا پرچار ہندو سیاست کے بانی چانکیہ نے کیا تھا اس پر عمل کرتے ہوئے بھارت کی نام نہادسیکولر ریاست پاکستان سمیت تمام پڑوسی ملکوں میں تشدد ،دہشت گردی ،دھوکا فریب ،دغابازی اورلوٹ مار کی حرکتوں میں یوں ملوث ہے کہ ثبوت طلب کیے جائیں تودفتر کے دفتربھر جائیں۔ خصوصا گزشتہ دودھائیوں کے دوران بھارت نے جس طرح پاکستان کے ہرعفریت کودودھ پلایا اس کی مثال جدید دنیا میں نہیں ملتی۔ بدقسمتی کی بات یہ ہے کہ آج تک جتنے بھی ثبوت حاصل ہوئے پاکستانی حکومتیں ان پر سنجیدگی سے کام کرنے میں ناکام رہیں۔حال ہی میں کراچی میں فرقہ وارانہ ودیگر ٹارگٹ کلنگ اور دہشت گردی کے نیٹ ورکس چلانے کے پیچھے پاکستانی سیکورٹی اداروں نے جوبھی ثبوت حاصل کیے ،موجودہ حکومت نے انہیں قطعاً سنجیدگی سے نہیں لیا اورنہ ہی دفتر خارجہ کی جانب سے ان پر کوئی رسمی یاغیر رسمی احتجاج کیا گیا ۔پاکستانی دفتر خارجہ نے یہ احتجاج صرف کشمیر کے معاملات یاورکنگ باؤنڈری اور ایل او سی پر کارروائیوں سے متعلق محدود کررکھاہے ، مجبوراً پاکستانی سیکورٹی اداروں کو ازخود کارروائیاں کرناپڑرہی ہیں جن کے تحت گزشتہ ہفتہ بھارتی سفارت خانے میں موجود خفیہ ایجنٹوں کی کارروائیوں کا کام بھی سیکورٹی اداروں کے دباؤ پر کیاگیاکیونکہ مذکورہ نام نہاد سفارت کار اصل میں را اوربھارتی انٹیلی جنس کے ایجنٹ تھے اورپاکستان میں تخریب کاروں ،قاتلوں اوردہشت گردوں کے مختلف نیٹ ورکس چلارہے تھے ۔واضح رہے کہ پاکستانی حکومت کی جانب سے پر اسرار خاموشی اور بھارتی مداخلت روکنے کیلیے کوئی بھی کام نہ کرنے پر عسکری حلقے شدید حیران ہیں کہ آخر کیونکرحکومت ایسے معاملات پر آنکھیں بند کرسکتی ہے؟
اسی مجرمانہ خاموشی کے سبب بھارتی مداخلت یہاں تک بڑھ گئی ہے کہ ابھی پاک چین اقتصادی راہداری پر کام شروع ہوا ہی ہے کہ بھارت کے ایماء پر ان کے ہندو اورپاکستانی ایجنٹ اس قومی مفاد کے منصوبے کو سبوتاژ کرنے میں لگ گئے ہیں۔ کراچی میں حالیہ ہونے والی گرفتاریوں کے علاوہ بھی عسکری تحقیقاتی اداروں نے بہت سے لوگ پکڑے ہیں اورجلدہی ان کے کرتوتوں کاپردہ فاش کیا جائے گاعین ممکن ہے کہ بعض اہم لوگوں سے ان دہشت گردوں کے بالواسطہ یا بلاواسطہ رابطوں کی تفصیلات بھی منظر عام پر آجائیں۔
وفاقی دارالحکومت کے باخبر حلقوں میں یہ بات اب غیرمعمولی نہیں رہی کہ موجودہ حکومت کی بھارت کیلیے محبت کی وجوھات میں اصل وجہ حکمرانوں کے ذاتی معاشی مفادات ہیں جن کیلیے ملک وقوم کے اجتماعی مفادات کو پس پشت ڈال دیاگیا ہے بعض لوگ تو کھل کر ا س بات کا اظہار کرتے ہیں کہ فوج نہ چاہتے ہوئے بھی مجبوراً ان معاملات میں ہاتھ ڈال رہی ہے اورایک حدسے آگے جانے سے بچ رہی ہے تاکہ حکومت کی مخالفت کا تاثر پیدانہ کیا جائے۔ مگرہر معاملے میں پانی سرسے گزر جانے کے بعد ہی فوج اورفوج کے انٹیلی جنس اداروں کو معاملات پر کارروائی کرنا پڑی ہے ۔یہ ایک نہایت خطرناک صورتحال ہے جس میں ڈان لیکس اوراسی طرح کے دیگرمعاملات نے مزید صورتحال خراب کردی ہے ۔ایسا محسوس ہورہاہے کہ تحریک انصاف کے بعد ان ملک کے محافظوں کوہی وزیر اعظم ہاؤس پر دھرنا نہ دینا پڑجائے۔
وزیر اعظم محمد شہبا ز شریف نے کہا ہے کہ فیصلہ کن گھڑی آچکی ہے سب کو مل کر ملک کی بہتری کیلئے کردار ادا کرنا ہوگا، پاکستان کو آج مختلف چیلنجز کا سامنا ہے ریونیوکلیکشن سب بڑا چیلنج ہے ،جزا ء اور سزا کے عمل سے ہی قومیں عظیم بنتی ہیں،بہتری کارکردگی دکھانے والے افسران کو سراہا جائے گا...
امیر جماعت اسلامی حافظ نعیم الرحمن نے کہا ہے کہ سیاسی جماعتیں، ادارے آئین کی تابعداری کے لیے تیار ہیں تو گریٹر ڈائیلاگ کا آغاز ہوسکتا ہے ، ڈائیلاگ کی بنیاد فارم 45ہے ، فارم 47کی جعلی حکومت قبول نہیں کرسکتے ، الیکشن دھاندلی پر جوڈیشل کمیشن بنے جس کے پاس مینڈیٹ ہے اسے حکومت بنانے د...
ملک میں 8؍فروری کے الیکشن کے بعد نئی حکومت آنے کے بعد بھی 98 ارب51 کروڑ روپے کی گندم درآمد کیے جانے کا انکشاف ہوا ہے ۔تفصیلات کے مطابق ذرائع نے بتایا کہ موجودہ حکومت کے دور میں بھی 6 لاکھ ٹن سے زیادہ گندم درآمد کی گئی، ایک لاکھ13ہزار ٹن سے زیادہ کا کیری فارورڈ اسٹاک ہونے کے باوجو...
پاکستان ٹیلی کمیونیکیشن اتھارٹی(پی ٹی اے ) نے نان ٹیکس فائلر کے حوالے سے فیڈرل بورڈ آف ریونیو کی جانب سے اٹھائے گئے اقدام کی مخالفت کرتے ہوئے 5لاکھ سے زائد سمز بند کرنے کی معذرت کر لی۔ میڈیا رپورٹ کے مطابق فیڈرل بورڈ آف ریونیو(ایف بی آر) نے 2023 میں ٹیکس ریٹرن فائل نہ کرنے والے 5...
کراچی میں پیپلزبس سروس کے کرائے کی ادائیگی کے لیے اسمارٹ کارڈ متعارف کروا دیا گیا ۔ کراچی میں پیپلز بس سروس کے مسافروں کیلئے سفر مزید آسان ہوگیا۔ شہری اب کرائے کی ادائیگی اسمارٹ کارڈ کے ذریعے کریں گے ۔ سندھ حکومت نے آٹومیٹڈ فیئر کلیکشن سسٹم متعارف کرادیا۔ وزیراعلیٰ سندھ مرادعلی ش...
گندم درآمد اسکینڈل کی تحقیقاتی کمیٹی نے سابق نگراں وزیراعظم انوار الحق کاکڑ کو طلب کرلیا۔ذرائع کے مطابق وزیراعظم شہباز شریف کی جانب سے بنائی گئی تحقیقاتی کمیٹی کا اجلاس ہوا۔ذرائع کے مطابق تحقیقاتی کمیٹی نے اجلاس میں نگراں دور کے سیکریٹری فوڈ محمد محمود کو بھی طلب کیا تھا، جوکمیٹ...
پاکستان نے خلائی تحقیق کے میدان میں اہم سنگ میل عبور کرلیا، تاریخی خلائی مشن ’آئی کیوب قمر‘چین کے وینچینگ خلائی سینٹر سے روانہ ہو گیا جس کے بعد پاکستان چاند کے مدار میں سیٹلائٹ بھیجنے والا چھٹا ملک بن گیا ہے ۔سیٹلائٹ آئی کیوب قمر جمعہ کو2 بجکر 27 منٹ پر روانہ ہوا، جسے چینی میڈیا ...
پاکستان تحریک انصاف (پی ٹی آئی) کے بانی چیئرمین عمران خان نے عدالتوں سے ان کے مقدمات کے فیصلے فوری طور پر سنانے کا مطالبہ کرتے ہوئے کہا ہے کہ چیف جسٹس قاضی پی ٹی آئی کے خلاف بی ٹیم بنے ہوئے ہیں۔بانی چیئرمین پی ٹی آئی نے اڈیالہ جیل سے اہم پیغام میں کہا ہے کہ میں اپنے تمام مقدمات س...
پاکستان تحریک انصاف کے بانی عمران خان نے کہا ہے کہ بس مجھے قتل کرنا رہ گیا ہے لیکن میں مرنے سے نہیں ڈرتا، غلامی پر موت کو ترجیح دوں گا۔برطانوی جریدے دی ٹیلی گراف کے لیے جیل سے خصوصی طور پر لکھی گئی اپنی تحریر میں سابق وزیر اعظم نے کہا کہ آج پاکستانی ریاست اور اس کے عوام ایک دوسرے...
وفاقی وزیر اطلاعات و نشریات عطا اللہ تارڑ نے کہا ہے کہ کسی سوشل میڈیا پلیٹ فارم کی بندش کے حق میں نہیں۔نجی ٹی وی سے گفتگو کرتے ہوئے وفاقی وزیر عطا تارڑ کا کہنا تھا کہ سوشل میڈیا پلیٹ فارمز پاکستان میں کیوں دفتر نہیں کھولتے ، سوشل میڈیا پلیٹ فارمز کو پاکستان میں دفاتر کھولنے چاہئی...
یوم صحافت پر خضدار میں دھماکا، صحافی صدیق مینگل سمیت 3 افراد جاں بحق ہوگئے ۔پولیس کے مطابق خضدار میں قومی شاہراہ پر سلطان ابراہیم خان روڈ پر ریموٹ کنٹرول دھماکے سے ایک گاڑی کو نشانہ بنایا گیا۔ایس ایچ او خضدار سٹی کے مطابق ریموٹ کنٹرول دھماکے میں ایک شخص جاں بحق اور 10 افراد زخمی ...
ایرانی تیل کی پاکستان میں اسمگلنگ پر سیکیورٹی ادارے کی رپورٹ میں اہم انکشافات سامنے آگئے ۔پاکستان میں ایرانی تیل کی اسمگلنگ کے بارے میں رپورٹ منظرعام پر آگئی ہے جس میں کہا گیا کہ پاکستان میں سالانہ 2 ارب 80 کروڑ لیٹر ایرانی تیل اسمگل کیا جاتا ہے اور اسمگلنگ سے قومی خزانے کو سالان...