... loading ...
... loading ...
پاک فوج کے شعبہ تعلقات عامہ (آئی ایس پی آر) کے ڈائریکٹر جنرل لیفٹیننٹ جنرل عاصم سلیم باجوہ نےشمالی وزیرستان میں جاری آپریشن ضرب عضب کو دوسال مکمل ہونے پر ذرائع ابلاغ کو ایک تفصیلی بریفنگ دیتے ہوئے آپریشن ضرب عضب، کومبنگ آپریشن ، کراچی آپریشن سمیت طور خم سرحد پر پاک افغان کشیدگی کے معاملات پر الگ الگ روشنی ڈالی۔ اُنہوں نے واضح کیا کہ آپریشن ضرب عضب ابھی ختم نہیں ہوا اور کام جاری ہے۔جس میں اب تک 3500 دہشت گرد اور 490 اہلکار ہلاک ہوئے ہیں۔
جنرل عاصم باجوہ نے کہا کہ آج سے دو سال پہلے ملک میں دہشت گردی کے بڑے بڑے واقعات ہورہے تھے، جس کے بعد 15 جون 2014 کو وفاق کے زیر انتظام قبائلی علاقے فاٹا کی ایجنسی شمالی وزیرستان میں کالعدم تحریک طالبان پاکستان (ٹی ٹی پی)کے خلاف آپریشن ضرب عضب کا آغاز کیا گیا۔
ڈی جی آئی ایس پی آر نے بتایا کہ آپریشن کے آغاز سے قبل ہم نے افغانستان کو ہر طریقے سے آگاہ کیا تھا کہ اس آپریشن کے نتیجے میں دہشت گردوں کے افغانستان جانے کے امکانات ہیں، لہذا وہ ان کے خلاف کارروائی کریں لیکن بدقسمتی سے ایسا نہ ہوسکا اور خیبر ایجنسی سے دہشت گرد افغانستان چلے گئے، جس کے بعدآپریشن خیبر ون اورخیبر ٹو کا آغاز کیا گیا۔انھوں نے بتایا کہ آپریشن کے دوران پہلے 3600 اسکوائر کلومیٹر کا علاقہ صاف کرایا گیا اور بعدازاں 4304 اسکوائر کلومیٹر کا علاقہ صاف کرایا گیا، دہشت گردوں کے 992 ٹھکانے تباہ کیے گئے جبکہ دہشت گردوں سے 200 ٹن سے زائد بارود برآمد کیا گیا۔
ڈی جی آئی ایس پی آر نے بتایا کہ فاٹا اور سوات کی حد تک واضح کردیا کہ وہاں پر آپریشن مکمل ہوچکا ہے اور ریاست کی رِٹ قائم ہوچکی ہے، حالات بہت بہتر ہیں، جو آنے والے دنوں میں مزید بہتری کی جانب جائیں گے ۔ڈی جی آئی ایس پی آر نے بتایا کہ فاٹا میں اب کومبنگ آپریشنز جاری ہیں جس کے تحت اُن علاقوں تک بھی رسائی حاصل کی جارہی ہے جو نو گو ایریاز تصور ہوتے تھے، تاکہ ہماری زمین کسی قسم کی دہشت گردی کے لیے استعمال نہ ہوسکے۔ان کا کہنا تھا کہ جب آپریشن شروع کیا تھا تو اس بات کا اعلان کیا گیا تھا کہ یہ آپریشن بلا تفریق ہوں گے اوریہ کام ابھی جاری ہے اوربلا تفریق جاری رہیں گے۔
ڈی جی آئی ایس پی آر نے کراچی آپریشن پر بات کرتے ہوئے کہا کہ کراچی میں 1200 سے زائد دہشت گرد پکڑے یا مارے گئے، جس سے ٹارگٹ کلنگ، اغواء برائے تاوان اور بھتہ خوری کے واقعات میں کمی آئی ہے اورکراچی کے معاشی حالات میں بہتری آئی ہے۔ اس آپریشن کی وجہ سے کراچی میں زندگی واپس آئی اور یہ کام اب بھی ابھی جاری ہے۔
جنرل عاصم سلیم باجوہ نے بتایا کہ افغانستان سے منسلک ساڑھے تیرہ سو کلومیٹر کا سرحدی علاقہ خیبر پختونخوا میں ہے، جہاں آٹھ باقاعدہ کراسنگ پوائنٹس ہیں اور اس کے علاوہ بھی بے شمار پوائنٹس ہیں، جن کا انتظام ایک مشکل کام ہے۔
ان کا کہنا تھا کہ افغان بارڈر کو مکمل طور پر سیل کرنا ممکن نہیں، لیکن سرحد پر تعیناتی کے لیے فرنٹیئر کور (ایف سی) کے نئے ونگز بنائے جائیں گے۔ان کا کہنا تھا کہ طورخم بارڈر پرگیٹ لگانے کا فیصلہ حکومت اورفوج نے مل کرکیا، یہ کوئی نیا گیٹ نہیں ہے بلکہ 2004 میں بھی یہاں گیٹ تھا۔عاصم باجوہ نے بتایا کہ افغان چیک پوائنٹ پرسخت نگرانی کی جائے گی، یہی وجہ ہے کہ چیکنگ کا نظام بہتربنانے کے لیے باڑلگائی گئی۔
پاکستان میں ہونے والے حالیہ دہشت گردی کے واقعات کے حوالے سے میڈیا بریفنگ کے دوران عاصم باجوہ نے بتایا کہ افغانستان سے منسلک طورخم سرحد سے 14 دہشت گردپاکستان میں داخل ہوئے، جبکہ چارسدہ یونیورسٹی کے حملہ آور بھی اسی سرحد سے آئے تھے۔انھوں نے انکشاف کیا کہ ان حملوں میں ملوث سہولت کار بھی گرفتار کرلیے گئے ہیں۔
جنرل عاصم باجوہ نے طور خم سرحد پر حالیہ کشیدگی کے حوالے سے بتایا کہ افغان فورسز نے فائرنگ کی اور ہماری فوج نے موثر طریقے سے جواب دیا۔ان کا کہنا تھا کہ سرحد پر تعینات جوان احکامات کا انتظار نہیں کرتے، اگر فائر ہوگا تو وہ بھی جوابی فائر کریں گے۔ تاہم ڈی جی آئی ایس پی آر نے بتایا کہ طور خم سرحد کشیدگی کا اختتام سیز فائر کے ذریعے ہی ہوگا۔
ہر منگل کو ارکان اسمبلی کو ایوان سے باہر ہونا چاہیے ، ہر وہ رکن اسمبلی جس کو عمران خان کا ٹکٹ ملا ہے وہ منگل کو اسلام آباد پہنچیں اور جو نہیں پہنچے گا اسے ملامت کریں گے ، اس بار انہیں گولیاں چلانے نہیں دیں گے کچھ طاقت ور عوام کو بھیڑ بکریاں سمجھ رہے ہیں، طاقت ور لوگ ...
اسلام آباد ہائی کورٹ نے 190 ملین پاؤنڈ کیس کا فیصلہ سنانے والے جج ناصر جاوید رانا کو کام سے روکنے کی درخواست پر فیصلہ محفوظ کرلیا۔اسلام آباد ہائی کورٹ میں 190 ملین پاؤنڈ کیس کا فیصلہ سنانے والے جج ناصر جاوید رانا کو کام سے روکنے کی درخواست پر سماعت ہوئی، سیشن جج سے متعل...
سماجی رابطے کی ویب سائٹ ایکس کے نئے فیچر ‘لوکیشن ٹول’ نے دنیا بھر میں ہلچل مچا دی، جس کے بعد انکشاف ہوا ہے کہ درجنوں اکاؤنٹس سیاسی پروپیگنڈا پھیلانے کے لیے استعمال ہو رہے ہیں۔میڈیا رپورٹس کے مطابق متعدد بھارتی اکاؤنٹس، جو خود کو اسرائیلی شہریوں، بلوچ قوم پرستوں اور اسلا...
کارونجھر پہاڑ اور دریائے سندھ پر کینالز کی تعمیر کے خلاف وزیر اعلیٰ ہاؤس تک ریلیاں نکالی گئیں سندھ ہائیکورٹ بارکے نمائندوں سے وزیراعلیٰ ہاؤس میں مذاکرات کے بعد احتجاج ختم کر دیا گیا سندھ ہائی کورٹ بار اور کراچی بار ایسوسی ایشن کی جانب سے 27ویں آئینی ترمیم، کارونجھر پہاڑ اور د...
معاشی استحکام، مسابقت، مالی نظم و ضبط کے لیے اصلاحات آگے بڑھا رہے ہیں 11ویں این ایف سی ایوارڈ کا پہلا اجلاس 4 دسمبر کو ہوگا، تقریب سے خطاب وفاقی وزیر خزانہ سینیٹر محمد اورنگزیب نے کہا ہے کہ 54 ہزار خالی اسامیاں ختم کی گئی ہیں، سالانہ 56 ارب روپے کی بچت ہوگی، 11ویں این ایف سی...
پاکستان نے افغانستان میں گزشتہ شب کوئی کارروائی نہیں کی ، جب بھی کارروائی کی باقاعدہ اعلان کے بعد کی، پاکستان کبھی سویلینز پرحملہ نہیں کرتا، افغان طالبان دہشت گردوں کے خلاف ٹھوس کارروائی کرے ملک میں خودکش حملے کرنے والے سب افغانی ہیں،ہماری نظرمیں کوئی گڈ اور بیڈ طالب...
خلفائے راشدین کو کٹہرے میں کھڑا کیا جاتا رہا ہے تو کیا یہ ان سے بھی بڑے ہیں؟ صدارت کے منصب کے بعد ایسا کیوں؟مسلح افواج کے سربراہان ترمیم کے تحت ملنے والی مراعات سے خود سے انکار کردیں یہ سب کچھ پارلیمنٹ اور جمہورہت کے منافی ہوا، جو قوتیں اس ترمیم کو لانے پر مُصر تھیں ...
حکام نے وہ جگہ شناخت کر لی جہاں دہشت گردوں نے حملے سے قبل رات گزاری تھی انٹیلی جنس ادارے حملے کے پیچھے سہولت کار اور سپورٹ نیٹ ورک کی تلاش میں ہیں انسپکٹر جنرل آف پولیس (آئی جی) خیبر پختونخوا پولیس ذوالفقار حمید نے کہا کہ پشاور میں فیڈرل کانسٹیبلری (ایف سی) ہیڈکوارٹرز پر ہونے...
عدالت نے9مئی مقدمات میں عمران خان اور بشریٰ بی بی کی ضمانت میں توسیع کر دی ضمانت کی درخواستوں پر سماعت 23دسمبر تک ملتوی،بذریعہ ویڈیو لنک پیش کرنے کی ہدایت ڈسٹرکٹ اینڈ سیشن کورٹ اسلام آباد نے بانی پی ٹی آئی کیخلاف 9 مئی ودیگر 5 کیسز کی سماعت کے دور ان 9 مئی سمیت دیگر 5 مقدمات ...
بانی پی ٹی آئی جیل میں سخت سرویلنس میں ہیں ، کسی ممنوع چیز کی موجودگی کا سوال ہی پیدا نہیں ہوتا سپرنٹنڈنٹ اڈیالہ جیل نے عمران خان کے اکاؤنٹ سے متعلق وضاحت عدالت میں جمع کرادی بانی پی ٹی آئی عمران خان کا ایکس اکاؤنٹ بند کرنے کی درخواست پر اہم پیش رفت سامنے آئی ہے جس میں سپرنٹن...
مزید 6سیٹیںملنے سے قومی اسمبلی میں حکمران جماعت کی نشستوں کی تعداد بڑھ کر 132ہوگئی حکمران جماعت کا سادہ اکثریت کیلئے سب سے بڑی اتحادی پیپلز پارٹی پر انحصار بھی ختم ہوگیا ضمنی انتخابات میں مسلم لیگ (ن) کے کلین سویپ سے قومی اسمبلی میں نمبر گیم تبدیل ہوگئی ،حکمران جماعت کا سادہ ...
غریب صارفین کیلئے ٹیرف 11.72سے بڑھ کر 22.44روپے ہو چکا ہے نان انرجی کاسٹ کا بوجھ غریب پر 60فیصد، امیروں پر صرف 30فیصد رہ گیا معاشی تھنک ٹینک پاکستان انسٹیٹیوٹ آف ڈیویلپمنٹ اکنامکس نے پاکستان میں توانائی کے شعبے کا کچا چٹھا کھول دیا،2600 ارب سے زائد گردشی قرضے کا سب سے زیادہ ب...
