... loading ...
... loading ...
روس کے صدر ولادیمر پوتن نے کہا ہے کہ ان کے پاس ایسی اطلاعات ہیں جن کے مطابق داعش کو 40 ممالک سے سرمایہ حاصل ہو رہا ہے، جن میں جی20 کے رکن ممالک بھی شامل ہیں۔
جی20 اجلاس میں شرکت کے لیے ترکی میں موجود روسی صدر نے صحافیوں سے گفتگو میں بتایا ہے کہ روس کے پاس ایسی انٹیلی جنس اطلاعات ہیں جن سے معلوم ہوتا ہے کہ داعش دولت کہاں سے حاصل کررہے ہیں اور انہوں نے یہ معلومات جی20 سربراہان مملکت کے سامنے پیش بھی کی ہیں۔ جن کے مطابق خلائی سیارچوں اور فضا میں ہوائی جہازوں سے لی گئی تصاویر ظاہر کرتی ہیں کہ تیل اور پٹرولیم مصنوعات کی غیر قانونی تجارت ہو رہی ہے۔
صدر پوتن نے صحافیوں کو بتایا کہ ان تصاویر میں درجنوں کلومیٹر تک تیل سے لدی گاڑیوں کے قافلے دیکھے گئے ہیں۔ یہ اتنے لمبے ہیں کہ چار، پانچ ہزار میٹر کی بلندی سے بھی افق کے پار تک دکھائی دیتے ہیں۔ گویا یہ تیل و گیس کی پائپ لائن جیسا نظام ہے۔ پھر بھی یہ وقت نہیں ہے کہ ہم یہ تعین کرنے بیٹھیں کہ کون سا ملک داعش کے خلاف زیادہ موثر ہے اور کون سا نہیں، بلکہ یہ وقت ہے کہ ان دہشت گردوں کے خلاف متحد ہوکر ایک بین الاقوامی کوشش کی جائے۔
شام کی حزب اختلاف کے حوالے سے صدر پوتن نے دعویٰ کیا کہ چند مسلح گروہوں نے روس کی مدد سے داعش کے خلاف متحرک آپریشنز کے آغاز کو ممکن قرار دیا ہے اور ہم انہیں فضائی مدد دینے کو تیار ہیں۔ اگر ایسا ہوا تو یہ سیاسی تصفیے کے لیے اچھی بنیاد فراہم کرسکتا ہے۔ انہوں نے کہا کہ “ہمیں امریکا، یورپی اقوام، سعودی عرب، ترکی اور ایران کی جانب سے مدد کی بہت ضرورت ہے۔ ہم نے داعش کے خلاف اقدامات میں امریکا کو تعاون کی پیشکش کی تھی لیکن ہمارے امریکی ساتھیوں نے انکار کردیا۔ صرف ایک تحریری نوٹ بھیجا گیا جو کہتا ہے کہ “ہم آپ کی پیشکش کو مسترد کرتے ہیں۔”
ولادیمر پوتن نے کہا کہ میں اب بھی سمجھتا ہوں کہ یہ حقیقت کے ادراک کا وقت ہے کہ ایک موثر جنگ کا آغاز کیا جائے۔ سب سے پہلے یہ طے کیا جائے کہ شام میں کون سے گروہ دہشت گرد ہیں اور کن گروپوں کو مسلح ہونے کے باوجود شام کی حزب اختلاف کا قانونی حصہ سمجھا جائے۔ “ہماری کوششیں دہشت گردوں کے خلاف جنگ پر مرتکز ہونی چاہئیں۔”
صدر نے شام میں روس کے اقدامات پر مغرب کی تنقید کو بھی مسترد کیا اور کہا کہ “وہ” ہمیں ان علاقوں تک کے بارے میں نہیں بتا رہے، جہاں ہمیں حملہ نہیں کرنا چاہیے کیونکہ وہ سمجھتے ہیں کہ ہم انہی علاقوں کو ہدف بنائیں گے۔ ہمارے بارے میں اُن کی رائے شاید ان کے اپنے نظریہ اخلاقیات پر مبنی ہے۔ ولادیمر پوتن نے یہ دعویٰ بھی کیا کہ روس پہلے شامی حزب اختلاف کے ساتھ رابطے کر چکا ہے، جنہوں نے مطالبہ کیا ہے کہ ماسکو ان کے زیر نگیں علاقوں پر حملے نہ کرے۔
واضح رہے کہ روس نے 30 ستمبر کو شام میں فضائی حملوں کا آغاز کیا تھا جس کے بعد مغرب نے اس پر سخت تنقید کی ہے کہ وہ دراصل شام کے صدر بشار الاسد کے مخالف گروپوں کو نشانہ بنا رہا ہے۔
سرگودھا روڈ یوسف چوک کے قریب چوری کے الزام میں 2 محنت کش خواتین کومبینہ طورپرتشدد کا نشانہ بنانے برہنہ کرکے بازارمیں گھسیٹنے اوربرہنہ حالت میں ویڈیوبنانے کے الزام میں17افراد کے خلاف مقدمہ درج کرلیا ہے جن میں فیصل'ظہیرانور،عثمان اور فقیرحسین وغیرہ5نامزداور12نامعلوم شامل ہیں۔ سوشل میڈیا پر ویڈیو وائرل ہونے کے بعد سی پی او ڈاکٹرعابد خان اورایس ایس پی انوسٹی گیشن کے موقع پر پہنچنے کے بعد ایس ایچ اوتھانہ ملت ٹائون رضوان شوکت بھٹی نے ملزموں کوگرفتارکیا ۔وزیراعلیٰ پنجاب عثمان بزدارن...
پاکستان پیپلزپارٹی پارلیمنٹرینز کے چیئرمین و سابق صدر مملکت آصف علی زرداری نے کہا ہے کہ پنجاب میں پوری قوت کے ساتھ بلدیاتی انتخابات میں حصہ لیں گے،بلدیاتی الیکشن میں میدان کسی کے لئے خالی نہیں چھوڑیں گے ۔ اپنے بیان میں انہوں نے کہا کہ پیپلز پارٹی کو لاہور سمیت پورے پنجاب میں مضبوط کریں گے،1979 کی طرح لاہور کے بلدیاتی انتخابات میں کلین سویپ کریں گے۔آصف علی زرداری لاہور میں چند روز قیام کرنے کے بعد واپس کراچی روانہ ہو گئے۔آصف زرداری نے بلاول ہائوس لاہور میں قیام کے دوران حلقہ ا...
تاجروں کی جانب سے سخت احتجاج بھی کام نہ آیا، کسٹم انٹیلی جنس نے جامع کلاتھ مارکیٹ سے کروڑوں مالیت کے کپڑا ضبط کرلیا۔کراچی کی مشہور جامع کلاتھ مارکیٹ میں کسٹم انٹیلی جنس نے چھاپہ مارا، جس کے دوران انہیں سخت مزاحمت کا سامنا کرنا پڑا۔ پولیس کا کہنا ہے کہ چھاپہ غیر قانونی اشیا کی موجودگی کی اطلاع پر مارا گیا۔فریسکو چوک پر کسٹم کارروائی کے خلاف تاجر سڑکوں پر نکل آئے۔ مقامی تاجروں کے احتجاج کے باعث فریسکو چوک میدان جنگ بن گیا۔ احتجاج کے دوران فائرنگ اور پتھرا کے نتیجے میں دو افراد ...
آکسفورڈ آسٹرا زینیکا ویکسین کی شریک موجد نے کہا ہے کہ آئندہ وبائیں کرونا وائرس سے بھی زیادہ مہلک ہو سکتی ہیں اس لئے کرونا سے سبق حاصل کرنا چاہیے۔میڈیارپورٹس کے مطابق رچرڈ ڈمبلبی لیکچر میں خطاب کرتے ہوئے ڈاکٹر سارہ گلبرٹ کا کہنا تھا کہ یہ کوئی پہلا یا آخری موقع نہیں جس میں کسی وائرس کے سبب ہماری زندگیاں یا معاشی صورتحال متاثر ہوئی ہو۔ سچ تو یہ ہے کہ اگلی وبا سے اس سے بھی بدتر ہو سکتی ہے۔ وہ اس سے بھی زیادہ مہلک یا متعدی ہو سکتی ہے۔سارہ کے مطابق ہم ایسی صورتحال کی اجازت نہیں دے...
امریکا میں ہونے والی ایک طبی تحقیق میں سامنے آیا ہے کہ خواتین یا بچوں کے مقابلے میں مرد کورونا وائرس سے ہونے والی بیماری کووڈ 19 کو زیادہ پھیلاتے ہیں۔میڈیارپورٹس کے مطابق یہ بات امریکا میں ہونے والی ایک طبی تحقیق میں سامنے آئی۔کولوراڈو اسٹیٹ یونیورسٹی کی اس تحقیق کا اصل مقصد پرفارمنگ آرٹ کے ذریعے کووڈ 19 کے پھیلائو کو دیکھنا تھا۔مگر محققین نے یہ بھی دریافت کیا کہ خواتین یا بچوں کے مقابلے میں مرد کورونا کے وائرل ذرات کو زیادہ پھیلاتے ہیں۔تحقیق میں 75 سے زیادہ افراد کو شامل کیا...
اقوام متحدہ کی جنرل اسمبلی نے ایک قرارداد منظور کی ہے جس کے تحت افغان طالبان اور میانمار کی فوجی حکومت کے نمائندوں کو تسلیم کرنے کا معاملہ غیر معینہ مدت کے لیے ملتوی کردیا گیا ہے۔غیر ملکی خبر رساں ادارے کے مطابق امریکا، روس اور چین سمیت 9 ممالک پر مشتمل اقوام متحدہ کی کریڈنشلز کمیٹی کے معاہدے پر مشتمل قرارداد کو اقوام متحدہ کے رکن ممالک کے ووٹنگ کے بغیر اتفاق رائے سے منظور کرلیا۔گزشتہ ہفتے کمیٹی نے جنرل اسمبلی کے موجودہ سیشن کے لیے افغانستان اور میانمار کے نمائندوں کی شمولیت ...
ترجمان دفتر خارجہ نے کہا ہے کہ او آئی سی وزرائے خارجہ کونسل کا اجلاس 19دسمبر کو اسلام آباد میں ہوگا۔ اسلامی ممالک کے وزرائے خارجہ کو شرکت کی دعوت دی گئی ہے۔صحافیوں سے غیر رسمی گفتگو کرتے ہوئے انہوں نے کہاکہ اجلاس میں سلامتی کونسل کے مستقل ارکان کوشرکت کی دعوت دی ہے۔ یورپی یونین ، اقوام متحدہ اور اس کی امدادی ایجنسیوں کو مدعو کیا گیا ہے۔ ورلڈ بینک اور عالمی مالیاتی اداروں کے اعلیٰ حکام کو بھی مدعو کیا گیا ہے۔ اجلاس میں جرمنی، جاپان، کینیڈا اورآسٹریلیا کو بھی شرکت کی دعوت دی ج...
کراچی کے صارفین کیلئے بجلی 3روپے 75مہنگی کر دی گئی اس حوالے سے نیپرا نے نوٹیفکیشن جاری کر دیا ۔ نوٹیفکیشن کے مطابق بجلی ستمبر کی فیول چارجز ایڈجسٹمنٹ مد میں مہنگی کی گئی ،اضافہ دسمبر کے بجلی بلوں میں وصول کیا جائے گا ،نیپرا نے ستمبر کی فیول ایڈجسٹمنٹ کیلئے نومبر میں سماعت کی تھی۔
پبلک اکاؤنٹس کمیٹی نے اگلا ان کیمرہ اجلاس چھ جنوری کو طلب کرتے ہوئے نیب سے ریکوریز کی تفصیلات مانگ لیں جبکہ چیئر مین نیب نے کہا ہے کہ پارلیمنٹ سپریم ترین ادارہ ہے، اس بارے میں کسی کو کوئی ابہام نہیں ہونا چاہیے، نیب کا چار سال کا آڈٹ ہو چکا ہے، ایک دو بار جائز وجوہات کی بنیاد پر پی اے سی میں پیش نہیں ہوسکا، نیب اپنے آپ کو قانون سے بالا تر نہیں سمجھتا، میں چیئرمین نیب ہوں، مغلیہ بادشاہ نہیں ہوں،نیب احتساب کیلئے ہر وقت تیار ہے جس پر چیئر مین پی اے سی رانا تنویر حسین نے کہا ہے کہ...
سپریم کورٹ آف پاکستان نے سندھ میں 25 ہزار روپے اجرت کے خلاف حکم امتناع دیدیا۔ جسٹس قاضی فائز عیسیٰ کی سربراہی میں سپریم کورٹ کے دو رکنی بنچ نے سندھ میں کم از کم اجرت 25 ہزار روپے مقرر کرنے کیخلاف درخواستوں پر سماعت کی۔ عدالت عظمیٰ نے حکم امتناع دیتے ہوئے اٹارنی جنرل پاکستان اور ایڈووکیٹ جنرل سندھ کو نوٹسز جاری کردیئے۔سپریم کورٹ نے ریمارکس دیئے کہ اٹارنی جنرل اور ایڈووکیٹ جنرل سندھ کم از کم اجرت کے مقرر طریقہ کار پر معاونت کریں، سندھ کابینہ نے 25 جون کو 25 ہزار روپے کم از کم ا...
اسلام آباد ہائی کورٹ نے بیان حلفی کیس میں کہا ہے کہ اگر پیر تک رانا شمیم کا بیان حلفی نہ آیا تو ان پر فرد جرم عائد کریں گے۔منگل کو اسلام آباد ہائی کورٹ میں سابق چیف جج گلگت بلتستان رانا شمیم کے بیان حلفی کی خبر پر توہین عدالت کیس کی سماعت ہوئی تو رانا شمیم ہائی کورٹ میں پیش ہوئے۔عدالتی معاون فیصل صدیقی نے کہا کہ یہ پرائیویٹ ڈاکومنٹ تھا اس نے پبلش کرنے کے لیے نہیں رکھا تھا ، رانا شمیم نے کہا کہ پبلش ہونے کے بعد اس سے رابطہ کیاگیا ، خبر دینے والے صحافی کا کہنا ہے کہ اس نے خبر ش...
بھارت میں مغل دور میں قائم ہونے والی تاریخی بابری مسجد کو شہید ہوئے 29 برس کا عرصہ گزر گیا، بابری مسجد کو بھارتی انتہاپسند ہندو جماعت وشو اہندو پریشد اور بھارتی جنتا پارٹی کے کارکنوں اور حمایتیوں نے حملہ کر کے مسمار کر دیا تھا۔وشوا ہندو پریشد، راشٹریہ سویم سنگھ اور بی جے پی 1980 سے ایودھیا کی بابری مسجد کی جگہ رام مندر کی تعمیر کی تحریک چلا رہی تھیں۔ 6 دسمبر1992 کو انہی انتہاپسندہندو جماعتوں نے ایودھیا میں ایک ریلی نکالی جس نے پر تشدد صورت اختیار کر لی ، نتیجے میں بابری مسجد ...
