... loading ...
... loading ...
شیو سینا دھونس اور دھمکی کی سیاست میں اپنا کھویا ہوا مقام دوبارہ حاصل کرنے کی کوشش کررہی ہے۔ معاملہ پاکستانی کھلاڑیوں، اداکاروں اور گلوکاروں سے آگے نکل کر اب بھارت کے سیاسی رہنماؤں تک پہنچ گیا ہے۔ سوموار کو وسطی ممبئی میں سدھیندر کلکرنی کے ساتھ پیش آنے والے واقعے نے جہاں شیو سینا کا سر “فخر ” سے بلند کردیا ہوگا وہیں وہی کالک بھارت کے چہرے پر بھی مل دی ہے۔
بھارتیہ جنتا پارٹی کے سابق رہنما اور بین الاقوامی پالیسی تھنک ٹینک آبزرور ریسرچ فاؤنڈیشن (ORF) کے چیئرپرسن سدھیندر کلکرنی کو اس وقت بدترین غنڈہ گردی کا سامنا کرنا پڑا جب وہ پاکستان کے سابق وزیر خارجہ خورشید محمود قصوری کی کتاب “Neither a Hawk Nor a Dove” کی تقریب رونمائی میں شرکت کے لیے جا رہے تھے۔ تقریب کے میزبان ہونے کی وجہ انہیں سخت دباؤ اور دھمکیوں کا سامنا تھا لیکن وہ کسی کو خاطر میں نہیں لائے اور واقعے کے بعد اسی حال میں، کہ کالک ان کے چہرے اور کپڑوں پر ملی ہوئی تھی، تقریب میں پہنچے۔ اس بدمعاشی کے خلاف اس سے بہتر احتجاج ہو نہیں سکتا تھا۔
کلکرنی کے چہرے کو سیاہ کرکے شیو سینا نے ممبئی کے لبرل حلقوں میں تشویش کی لہر دوڑا دی ہے جبکہ وزیر اعلیٰ دیوندر فڑنویس کی حکومت کے بارے میں ایک مرتبہ پھر ظاہر ہوچکا ہے کہ جب حکومت کے ارادے پختہ ہوں گے، تب ہی وہ مسائل کھڑے کرنے والوں کو لگام دے گی۔
اس افسوسناک واقعے کے باوجود تقریب اپنے مقررہ وقت پر شروع ہوئی، اور اسی انداز سے جاری رہی، جیسی ہونی چاہیے تھی۔ البتہ پولیس کا پہرہ سخت ترین ہوگیا جو وزیر اعلیٰ کو مزید کسی شرمندگی سے بچانا چاہتی تھی۔ فڑنویس، جو وزارت داخلہ بھی سنبھالتے ہیں، نے حملوں کو ناپسندیدہ عمل قرار دیا اور کہا کہ “نظریات سے اختلافات کے باوجود جب کوئی اہم غیر ملکی شخصیت یا سفارت آتی ہے اور اجازت کے ساتھ کوئی تقریب منعقد کرتی ہے تو یہ ریاست کی ذمہ داری ہے کہ اسے تحفظ فراہم کرے۔”
سدھیندر کلکرنی واقعے کے بعد اسی حال میں جنوبی ممبئی میں واقع او آر ایف کے دفتر پہنچے، اور اعلان کیا کہ اوچھے ہتھکنڈوں سے ان کے حوصلے پسند نہیں کیے جا سکتے اور وہ کتاب کے اجراء کا سلسلہ جاری رکھیں گے۔
سابق بھارتی سفارت کاروں اور ذرائع ابلاغ سے وابستہ افراد نے اس واقعے کی شدید الفاظ میں مذمت کی ہے۔ ان کا کہنا ہے کہ ایسے واقعات ملک کی ساکھ کو ملیا میٹ کررہے ہیں اور ساتھ ہی “نظریہ ہند” کو بھی نقصان پہنچا رہے ہیں۔
تقریب سے خطاب کرتے ہوئے خورشید محمود قصوری نے کہا کہ وہ سدھیندر کلکرنی کے ساتھ پیش آنے والے واقعے پر بہت غمزدہ ہیں۔ انہوں نے کہا کہ “میں اس لیے ممبئی آیا کہ یہ سب کو گود لینے والا شہر ہے، میرے والد نے اپنی قانون کی ڈگری یہیں سے حاصل کی اور میں اس شہر کو خراج تحسین پیش کرنا چاہتا تھا۔” انہوں نے مزید کہا کہ میں شیو سینا کے مظاہرے کے حق کو تسلیم کرتا ہوں جب تک کہ وہ پرامن ہو۔”
دوسری جانب سینئر صحافی دلیپ پڈگونکر نے حملے کی سخت مذمت کرتے ہوئے کہا کہ یہ ریاستی حکومت کی بڑھتی ہوئی عدم برداشت کی علامت ہے۔ سیاسی تجزیہ کار کمار کیٹکر نے حملے کو شیوسینا کی مایوسی کی علامت قرار دیا ہے “یہ شکست خوردہ شیو سینا کا روایتی انداز ہے، تاکہ وہ سرخیوں میں آئے اور اپنے کارکنوں کو بتائے کہ وہ اپنی پوری بدمعاشی کے ساتھ میدان میں موجود ہے اور پھر خاموشی کے ساتھ دم دبا کر بھاگ کھڑی ہو۔”
صحافی نکھل واگلے، جو خود بھی شیو سینا کے حملوں کا نشانہ بن چکے ہیں، نےکلکرنی کو خراج تحسین پیش کیا کہ وہ شیو سینا کی غنڈہ گردی کے سامنے نہیں جھکے۔
واگلے نے کہا کہ “ہم نے 2010ء میں دیکھا کہ شیو سینا نے شاہ رخ خان کی فلم مائی نیم از خان کی نمائش روکنے کی کوشش کی، لیکن وہ کچھ کر نہ سکے کیونکہ کانگریس-این سی پی حکومت جمی رہی، اور سینماؤں کو کافی سیکورٹی فراہم کی۔”
قانون نافذ کرنے والے اداروں نے شیوسینا کے اہم رہنما گجن پٹیل سمیت 6 افراد کو سدھیندر کلکرنی پر حملے کے الزام میں گرفتار بھی کرلیا ہے۔
اس بار ڈی چوک سے کفن میں آئیں گے یا کامیاب ہوں گے،محمود اچکزئی کے پاس مذاکرات یا احتجاج کا اختیار ہے، وہ جب اور جیسے بھی کال دیں تو ہم ساتھ دیں گے ،سہیل آفریدی کا جلسہ سے خطاب میڈیٹ چور جو 'کا کے اور کی' کو نہیں سمجھ سکتی مجھے مشورے دے رہی ہے، پنجاب پولیس کو کرپٹ ترین ادارہ بن...
مرنے والے بیشتر آسٹریلوی شہری تھے، البانیز نے پولیس کی بروقت کارروائی کو سراہا وزیراعظم کا یہودی کمیونٹی سے اظہار یکجہتی، تحفظ کیلئے سخت اقدامات کی یقین دہانی آسٹریلیا کے وزیراعظم انتھونی البانیز نے سڈنی کے ساحل بونڈی پر ہونے والے حملے کو دہشت گرد قرار دیتے ہوئے اسے یہودیوں...
زخمی حالت میں گرفتار ملزم 4 سال تک بھتا کیس میں جیل میں رہا، آزاد امیدوار کی حیثیت میں عام انتخابات میں حصہ لیا 17 افراد زیر حراست،سیاسی جماعت کے لوگ مجرمان کو پناہ دینے میں دانستہ ملوث پائے گئے تو ان کیخلاف کارروائی ہوگی ایس آئی یو پولیس نے ناظم آباد میں سیاسی جماعت کے سر...
ہائبرڈ جنگ، انتہاء پسند نظریات اور انتشار پھیلانے والے عناصر سے نمٹنے کیلئے تیار ہیں، سید عاصم منیرکا گوجرانوالہ اور سیالکوٹ گیریژنز کا دورہ ،فارمیشن کی آپریشنل تیاری پر بریفنگ جدید جنگ میں ٹیکنالوجی سے ہم آہنگی، چابک دستی اور فوری فیصلہ سازی ناگزیر ہے، پاک فوج اندرونی اور بیر...
دنیا پاکستان کی طرف دیکھ رہی ہے، نوجوان مایوس نہ ہوں ،حکمران طبقہ نے قرضے معاف کرائے تعلیم ، صحت، تھانہ کچہری کا نظام تباہ کردیا ، الخدمت فاؤنڈیشن کی چیک تقسیم تقریب سے خطاب امیر جماعت اسلامی پاکستان حافظ نعیم الرحمن نے کہا ہے کہ دنیا پاکستان کی طرف دیکھ رہی ہے، نوجوان مایوس...
حملہ آوروں کا تعلق کالعدم دہشت گرد تنظیم سے ہے پشاور میں چند دن تک قیام کیا تھا خودکش جیکٹس اور رہائش کی فراہمی میں بمباروں کیسہولت کاری کی گئی،تفتیشی حکام ایف سی ہیڈکوارٹرز پر حملہ کرنے والے دہشتگرد نیٹ ورک کی نشاندہی ہو گئی۔ تفتیشی حکام نے کہا کہ خودکش حملہ آوروں کا تعلق ...
غذائی اجناس کی خود کفالت کیلئے جامع پلان تیار ،محکمہ خوراک کو کارروائیاں تیز کرنے کی ہدایت اشیائے خوردونوش کی سرکاری نرخوں پر ہر صورت دستیابی یقینی بنائی جائے،وزیراعلیٰ خیبرپختونخوا وزیراعلیٰ خیبرپختونخوا محمد سہیل آفریدی نے محکمہ خوراک کو ناجائز منافع خوری اور ذخیرہ اندوزی ...
ادارہ جاتی اصلاحات سے اچھی حکمرانی میں اضافہ ہو گا،نوجوان قیمتی اثاثہ ہیں،شہبا زشریف فنی ٹریننگ دے کر برسر روزگار کریں گے،نیشنل ریگولیٹری ریفارمز کی افتتاحی تقریب سے خطاب وزیر اعظم محمد شہباز شریف نے کہا ہے کہ ملک معاشی بحران سے نکل چکاہے،ترقی کی جانب رواں دواں ہیں، ادارہ جات...
عالمی برادری افغان حکومت پر ذمہ داریوں کی ادائیگی کیلئے زور ڈالے،سماجی و اقتصادی ترقی اور عوام کی فلاح و بہبود پاکستان کی اولین ترجیح،موسمیاتی تبدیلیوں کی وجہ سے مشکلات کا سامنا ہے تنازعات کا پرامن حل پاکستان کی خارجہ پالیسی کا بنیادی ستون ،فلسطینی عوام اور کشمیریوں کے بنیادی حق...
حکومت نے 23شرائط مان لیں، توانائی، مالیاتی، سماجی شعبے، اسٹرکچرل، مانیٹری اور کرنسی وغیرہ شامل ہیں، سرکاری ملکیتی اداروں کے قانون میں تبدیلی کیلئے اگست 2026 کی ڈیڈ لائن مقرر کر دی ریونیو شارٹ فال پورا کرنے کیلئے کھاد اور زرعی ادویات پر 5 فیصد فیڈرل ایکسائز ڈیوٹی لگائی جائیگی، ہا...
پارٹی کے اندر لڑائی برداشت نہیں کی جائے گی، اگر کوئی ملوث ہے تو اس کو باہر رکھا جائے آزادکشمیر و گلگت بلتستان میں میرٹ پر ٹکت دیں گے میرٹ پر کبھی سمجھوتا نہیں کیا،صدر ن لیگ مسلم لیگ(ن)کے صدر نواز شریف نے کہا ہے کہ این ایف سی ایوارڈ بھیک نہیں ہے یہ تو حق ہے، وزیراعظم سے کہوں گا...
تمام سیاسی جماعتیں اپنے دائرہ کار میں رہ کر سیاست کریں، خود پنجاب کی گلی گلی محلے محلے جائوں گا، چیئرمین پیپلز پارٹی کارکن اپنے آپ کو تنہا نہ سمجھیں، گورنر سلیم حیدر کی ملاقات ،سیاسی صورتحال پر تفصیلی تبادلہ خیال کیا ،دیگر کی بھی ملاقاتیں پاکستان پیپلز پارٹی کے چیٔرمین بلاول...
