... loading ...
پاکستان کا تیار کردہ ڈرون’’ براق‘‘ کے ذریعے۷؍ستمبر بروز پیرکو افواجِ پاکستان نے پہلی کارروائی کی ہے جس میں تین دہشت گردوں کی ہلاکت کا دعویٰ کیا گیا ہے۔
فوج کے تعلقات عامہ(آئی ایس پی آر) کے ترجمان میجر جنرل عاصم باجوہ نے پیر کی صبح سماجی رابطوں کی ویب سائٹ پر اپنے مختصر پیغام میں یہ اطلاع دی کہ پاکستان کے پہلے ڈرون طیارے ’’براق‘‘ نے وادیٔ شوال میں دہشت گردوں کے ایک احاطے (کمپاؤنڈ) کو نشانا بنایا ہے جس میں تین دہشت گرد ہلاک ہو گئے ہیں۔دہشت گردی کے خلاف جاری جنگ میں نشانا بنائے جانے والے اکثر دہشت گردوں کے کوائف جاری نہیں کئے جاتے۔آئی ایس پی آر نے اس کارروائی کے متعلق بھی محض نشانا بننے والے دہشت گردوں کی تعداد بتانے پر اکتفا کیا ہے۔ مزید یہ کہ ڈرون کے ذریعے اس پہلی کارروائی کے بارے میں بھی مزید کچھ نہیں بتایا گیا کہ ڈرون کو استعما ل کرنے کا نظام کیا بنایا گیا ہے؟
واضح رہے کہ حکومت اور تحریک ِ طالبان پاکستان کے مذاکرات ناکام ہونے کے بعد کراچی کے ہوائی اڈے پر شدید نوعیت کا ایک حملہ ہوا تھا جس کے بعد پاک فوج نے آپریشن ضربِ عضب کا آغاز شمالی وزیرستان سے ۱۵؍جون ۲۰۱۴ء کوکیا تھا۔ اس کے بعدآپریشن ضرب ِ عضب میں خیبر ایجنسی میں آپریشن خیبر ون کے نام سے اکتوبر ۲۰۱۴ ء اورخیبر ٹو کے نام سے مارچ ۲۰۱۵ء میں توسیع کی گئی۔ تاہم پاک فوج نے وادی شوال میں اس کی پیچیدگیوں کے باعث گزشتہ ماہ زمینی آپریشن کا فیصلہ کیا۔اور اسے آپریشن ضرب ِ عضب کے حتمی مراحل میں شامل قرار دیا گیا۔ واضح رہے کہ وادیٔ شوال کا جو حصہ افغانستان کی حدود میں آتا ہے وہاں اتحادی افواج کی کارروائیاں بُری طرح ناکام ہوتی رہی ہیں۔ وفاق کے زیرِ انتظام پاک افغان سرحد پر واقع سات قبائلی ایجنسیوں کو عسکریت پسندوں کے لئے نہایت محفوظ پناہ گاہ سمجھا جاتا ہے جس میں وادیٔ شوال کا مشکل ترین علاقہ سب سے زیادہ خطرناک قرار دیا جاتا ہے۔
مذکورہ علاقوں میں امریکا اپنے ڈرون طیاروں کے ذریعے ۲۰۰۴ء سے مختلف اہداف کو نشانا بنارہا ہے۔ایک اندازے کے مطابق امریکا نے اب تک ان علاقوں میں مختلف ٹھکانوں پر ڈرون طیاروں کے ذریعے تقریباً چار سو حملے کئے ہیں۔ جن کی پاکستان نے عوامی سطح پر مذمت کی ہے۔ تاہم وکی لیکس کے ذریعے سامنے آنے والے حقائق کے مطابق پاکستان کی مختلف حکومتوں نے اس ضمن میں امریکا کو اعتماد میں لے کر امریکا کی مخالفت کی تھی۔ البتہ اس میں پاکستان اور امریکا کے درمیان ایک سنجیدہ مسئلہ اپنے اپنے ’’ناپسندیدہ طالبان ‘‘سے نمٹنے کے طریقے پر رہا ہے۔ پاکستان امریکی ڈرون منصوبے کے تحت اُن طالبان کا خاتمہ چاہتا تھا جو پاکستان کے اندر ریاست مخالف سرگرمیوں میں ملوث تھے جبکہ امریکا ایسے طالبان کوبالعموم نشانا بناتا رہا جو دراصل افغانستان میں امریکا اور اتحادی افواج کے خلاف سرگرم تھے۔یہ ایک دلچسپ پہلو ہے کہ پاک فوج نے ڈرون کے اپنے منصوبے براق کے ذریعے پہلی کارروائی تب کی ہے جب خود عسکری حلقوں کی طرف سے آپریشن ضربِ عضب کے کامیاب خاتمے کے اشارے دیئے جارہے ہیں۔
بانی پی ٹی آئی عمران خان نے کہا ہے کہ پنجاب کا الیکشن پہلے سے پلان تھا اور ضمنی انتخابات میں پہلے ہی ڈبے بھرے ہوئے تھے۔اڈیالہ جیل میں میڈیا سے بات چیت میں انہوں نے کہا کہ جمہوریت، قانون کی بالادستی اور فری اینڈ فیئر الیکشن پر کھڑی ہوتی ہے مگر یہاں جنگل کا قانون ہے پنجاب کے ضمنی ...
ایرانی صدر ابراہیم رئیسی لاہور پہنچ گئے، جہاں انہوں نے مزارِ اقبال پر حاضری دی۔ اس موقع پر ان کا کہنا تھا کہ ایرانیوں کے دل پاکستانیوں کے ساتھ دھڑکتے ہیں۔ غزہ کے معاملے پر پاکستان کے اصولی مؤقف کو سراہتے ہیں۔وزیراعلی پنجاب مریم نواز نے علامہ اقبال انٹرنیشنل ائرپورٹ پر مہمان ایرا...
سپریم کورٹ نے کراچی میں 5 ہزار مربع گز پلاٹ پر پارک بنانے کا حکم دیدیا۔عدالت عظمی نے تحویل کے لئے کانپور بوائز ایسوسی ایشن کی درخواست مسترد کردی۔سپریم کورٹ کراچی رجسٹری میں کانپور اولڈ بوائز ایسوسی ایشن کو زمین کی الاٹمنٹ کیس کی سماعت کے دوران وکیل نے عدالت کو بتایا کہ انیس سو اک...
بھارتی وزیر دفاع راج ناتھ سنگھ کااعتراف کہ بھارت غیر ملکی سرزمین پر اپنے ڈیتھ اسکواڈز چلاتا ہے، حیران کن نہیں کیونکہ یہ حقیقت بہت پہلے سے عالمی انٹیلی جنس کمیونٹی کے علم میں تھی تاہم بھارت نے اعتراف پہلی بار کیا۔بھارتی چینل کو انٹرویو میں راج ناتھ سنگھ نے کہاکہ بھارت کا امن خراب ...
پاکستان اور ایران نے سکیورٹی، تجارت، سائنس و ٹیکنالوجی، ویٹرنری ہیلتھ، ثقافت اور عدالتی امور سمیت مختلف شعبوں میں تعاون کے فروغ کے لئے 8 معاہدوں اور مفاہمت کی یادداشتوں پر دستخط کر دیئے جبکہ ایرانی صدر ابراہیم رئیسی نے کہا ہے کہ ہم نے پہلے مرحلے میں دونوں ممالک کے درمیان تجارتی ح...
پاکستان اسٹاک ایکس چینج میں تیزی کے نئے ریکارڈ بننے کا سلسلہ جاری ہے اوربینچ مارک ہنڈریڈ انڈیکس بہترہزار پوانٹس کی سطح کے قریب آگیا ہے اسٹاک بروکرانڈیکس کو اسی ہزار پوانٹس جاتا دیکھ رہے ہیں۔اسٹاک مارکیٹ میں ڈھائی ماہ سے تیزی کا تسلسل جاری ہے انڈیکس روزانہ نئے ریکارڈ بنارہا ہے۔۔سر...
وزیراعلیٰ سندھ سید مراد علی شاہ نے اسٹریٹ کرائم کیخلاف دوطرفہ کارروائی کرنے کا فیصلہ کیا ہے۔تفصیلات کے مطابق وزیراعلی سندھ سید مراد علی شاہ کی زیرصدارت اپیکس کمیٹی کا اجلاس ہوا، جس میں آئی جی سندھ غلام نبی میمن نے صوبے میں امن وامان سے متعلق بریفنگ دی۔اجلاس میں وزیر اعلی مرادعلی ...
ملک بھر میں قومی اور صوبائی اسمبلی کے 21 حلقوں پر پولنگ ہوئی، جبکہ ووٹوں کی گنتی کے بعد غیر حتمی اور غیر سرکاری نتائج موصول ہونا شروع ہوگئے ۔الیکشن کمیشن کے مطابق قومی اسمبلی کی 5 اور صوبائی اسمبلی کی 16 نشستوں پر پولنگ صبح 8 بجے شروع ہوئی جو بغیر کسی وقفے کے شام 5 بجے تک جاری رہ...
ظفروال کے حلقہ پی پی 54 میں ضمنی الیکشن کے دوران گائوں کوٹ ناجو میں دو سیاسی جماعتوںکے کارکنوں میں جھگڑے کے دوران ایک شخص جاں بحق ہو گیا۔ جھگڑے کے دوران مبینہ طور پرسر میں ڈنڈا لگنے سے 60 سالہ محمد یوسف شدید زخمی ہو اجسے ہسپتال لے جایا گیا لیکن وہ زخموں کی تاب نہ لا کرجان کی بازی...
بشام میں چینی انجینئرز کے قافلے پر خودکش حملے سے متعلق پنجاب فورنزک سائنس ایجنسی کی فرانزک رپورٹ میں بتایا گیا ہے کہ چینی انجینئرز کی گاڑی بم پروف نہیں تھی۔رپورٹ میں بتایا گیا کہ کمانڈنٹ ایس ایس یو نے انکوائری کمیٹی کے سامنے ذمے داری نہ لینے کے حوالے سے تسلیم کیا ہے ، ڈائریکٹر سی...
ایران کے صدر ابراہیم رئیسی (آج)22سے 24 اپریل تک پاکستان کا سرکاری دورہ کریں گے ،ایرانی صدر ابراہیم رئیسی صدرِ پاکستان آصف علی زرداری اور وزیراعظم شہباز شریف سے اہم ملاقاتیں کریں گے ۔ترجمان دفتر خارجہ کے مطابق عام انتخابات کے بعد کسی بھی سربراہِ مملکت کا پاکستان کا یہ پہلا دورہ ہو...
ملک میں قومی اسمبلی کی 5 اور صوبائی اسمبلی کی 16 خالی نشستوں پر ضمنی انتخابات میں پولنگ کا وقت ختم ہوگیا اور اب ووٹوں کی گنتی جاری ہے. پولنگ صبح 8 بجے شروع ہوئی جو شام 5 بجے تک بغیر کسی وقفہ کے جاری رہی۔ الیکشن والے علاقوں میں موبائل اور انٹرنیٹ سروس بند ہے۔ گورنمنٹ پرائمری اسکول...