... loading ...
اسلام آباد ہائیکورٹ نے ثاقب نثار کی مبینہ آڈیو ٹیپ کی تحقیقات کے لیے کمیشن تشکیل کی تشکیل کے لئے اٹارنی جنرل آف پاکستان کو معاونت فراہم کرنے کیلئے نوٹس جاری کرتے ہوئے جواب طلب کر لیا ۔پیر کو چیف جسٹس اسلام آباد ہائی کورٹ جسٹس اطہر من اللہ نے سابق چیف آف پاکستان جسٹس (ر)میاں ثاقب نثار کی مبینہ آڈیو ٹیپ کی تحقیقات کے لیے کمیشن تشکیل کی تشکیل کے لئے سندھ ہائی کورٹ بار ایسوسی ایشن کے صدر صلاح الدین احمد اور دیگر کی جانب سے دائر درخواست پر سماعت کی ۔درخواست گزار کے وکیل کا کہنا تھا کہ میاں ثاقب نثار کے آڈیو کلپ نے عدلیہ کے وقار کو نقصان پہنچایا، اس بات کا تعین کرنا ضروری ہے کہ میاں ثاقب نثار کی آڈیو جعلی ہے یااصلی ہے۔چیف جسٹس اطہر من اللہ نے کہا کہ سب سے پہلے تو یہ بتایا جائے کہ سابق چیف جسٹس کی ریکارڈنگ کی کس نے ہے اور ریلیز کس نے کی ہے، کیا یہ کسی ایسے شخص نے کی ہے جو بیرون ملک بیٹھا ہے۔ چیف جسٹس اطہر من اللہ نے کہا کہ کیا یہ درخواست قابل سماعت بھی ہے یانہیں، کیونکہ فی الحال اس آڈیو ٹیپ کے مصدقہ ہونے یادرست ہونے کا بظاہر امکان نظر نہیں آتا،لہذا ایسے حالات میں اگر ہم ہر چیز پر انکوائری یا تحقیقات شروع کردیں تو اس سے ایسا فلڈ گیٹ کھلے گا جس سے نہ رکنے والا سلسلہ شروع ہوجائے گا۔ جسٹس اطہر من اللہ نے کہا ہے کہ عدالت نے صرف قانون کے مطابق حقائق کو دیکھنا ہے، جوڈیشل ایکٹوزم میں نہیں جانا۔چیف جسٹس اطہر من اللہ نے کہا کہ ایسے معاملہ میں نہیں پڑنا چاہئے جو فلڈ گیٹ کھول دے۔ چیف جسٹس نے استفسار کیا کہ اگر یہ آڈیو کلپ درست بھی ہے تو اصل کلپ کہاں اور کس کے پاس ہے۔ چیف جسٹس کا کہنا تھا کہ ایسی تحقیقات کے نتیجہ میں کل کوئی بھی کلپ لا کرکہے گا کہ تحقیقات کریں۔ آڈیو ٹیپ کس نے ریلیز کی اور کسے ریلیز کی۔چیف جسٹس اطہر من اللہ نے کہا کہ سیاسی جماعتیں مختلف بیانیے بناتی ہیں مگر عدالت نہیں آتیں، جب وہ عدالت نہیں آتے تو عدالت کو بھی دیکھنا ہے کہ نیت کیا ہے، کیا ہم ان کے ہاتھ میں کھیلیں جنہوں نے یہ کیا ہے۔ اس پر وکیل صلاح الدین احمد نے کہا کہ اصل متاثرہ فریق سامنے نہیں آتے یہی مسئلہ ہے۔ چیف جسٹس اطہر من للہ کا کہنا تھا کہ میرے متعلق کہا جاتا ہے کہ کوئی فلیٹ لے لیا، کیا اس کی انکوائری کرنے بیٹھ جائیں گے، یہ بتادیں درخواست قابل سماعت کیسے ہے، کس کے خلاف یہ درخواست دائر کی گئی ہے۔ چیف جسٹس اطہر من اللہ نے سوال کیا کہ کیا درخواست حاضر سروس چیف جسٹس کے آڈیو کلپ سے متعلق ہے؟اس پر درخواست گزار کے وکیل کا کہنا تھا کہ درخواست سابق چیف جسٹس آف پاکستان کے آڈیو کلپ سے متعلق ہے۔ جسٹس اطہر من اللہ کا کہنا تھا کہ جس آڈیو کلپ کی بات کی جارہی ہے یہ اس وقت کی ہے جب وہ چیف جسٹس تھے۔ ان کا کہنا تھا کہ عدلیہ کو چیلنجز کا سامنا کرنا پڑا، عدلیہ کی آزادی کے لئے بارز نے کردار ادا کیا۔ چیف جسٹس اطہر من اللہ نے کہا کہ ہم ایسے معاشرے میں رہ رہے ہیں جہاں سوشل میڈیا کسی ریگولیشن کے بغیر ہے۔ اس پر درخواست گزار کے وکیل کا کہنا تھا کہ یہی بات تکلیف دہ ہے کہ یہ چیز وائرل ہوئی اوراس پر بحث بھی ہورہی ہے۔ چیف جسٹس اسلام آباد ہائی کورٹ کا کہنا تھا کہ روز کچھ نہ کچھ چل رہاہوتا ہے، کس ، کس بات کی انکوائر کروائیں گے۔جسٹس اطہر من اللہ نے کہاکہ پہلے اٹارنی جنرل کر پری ایڈمشن نوٹس جاری کریں گے اور درخواست کے قابل سماعت ہونے پر بات کریں گے۔ اس پر درخواست گزار کے وکیل کا کہنا تھا کہ پاکستان بار کونسل نے بھی قرارداد منظور کی، عدالت مناسب سمجھے تو انہیں بھی نوٹس جاری کردے۔ جسٹس اطہر من اللہ نے درخواست گزارکے وکیل سے مکالمہ کرتے ہوئے کہا کہ عدالت آئین اور قانون کی حکمرانی کے لئے آپ کا احترام کرتی ہے۔ عدالت نے اٹارنی جنرل کو معاونت کے لئے طلب کرتے ہوئے کیس کی مزید سماعت آٹھ دسمبر تک ملتوی کردی۔
ایرانی تیل کی پاکستان میں اسمگلنگ پر سیکیورٹی ادارے کی رپورٹ میں اہم انکشافات سامنے آگئے ۔پاکستان میں ایرانی تیل کی اسمگلنگ کے بارے میں رپورٹ منظرعام پر آگئی ہے جس میں کہا گیا کہ پاکستان میں سالانہ 2 ارب 80 کروڑ لیٹر ایرانی تیل اسمگل کیا جاتا ہے اور اسمگلنگ سے قومی خزانے کو سالان...
سندھ کابینہ نے رینجرز کی کراچی میں تعیناتی کی مدت میں 180 دن کے اضافے کی منظوری دے دی۔ترجمان حکومت سندھ نے بتایا کہ رینجرز کی کراچی میں تعیناتی 13 جون 2024 سے 9 دسمبر 2024 تک ہے ، جس دوران رینجرز کو انسداد دہشت گردی ایکٹ 1997 کے تحت اختیارات حاصل رہیں گے ۔کابینہ نے گزشتہ کابینہ ا...
بھارتی وزیراعظم نریندر مودی انتخابات میں کامیابی کے لیے بھارتی مسلمانوں اور پاکستان کو دھمکی دے رہے ہیں ۔ دی وائر کے مطابق بی جے پی نے آفیشل انسٹاگرام ہینڈل کے ذریعے مودی کی ایک ویڈیو جاری کی ہے جس میں مودی کہتے ہیں کہ اگر کانگریس اقتدار میں آئی تو وہ ہندؤں کی جائیداد اور دولت م...
اسرائیلی وزیراعظم نیتن یاہو نے کسی بھی صورت غزہ میں جنگ بندی تسلیم کرنے سے انکار کردیا۔غیرملکی خبررساں ادارے کے مطابق امریکی وزیر خارجہ انٹونی بلنکن سے ملاقات میں انہوں نے کہا کہ کوئی ایسا معاہدہ تسلیم نہیں جس میں جنگ کا خاتمہ شامل ہو۔اسرائیلی وزیراعظم کا کہنا تھا کہ حماس نے جنگ ...
جمعیت علمائے اسلام (جے یو آئی)کو کراچی میں جلسے کی اجازت نہیں ملی اس حوالے سے ڈپٹی کمشنر شرقی نے بتایا کہ جے یو آئی کو ایس ایس پی ایسٹ کی رپورٹ پر جلسہ کرنے کی اجازت نہیں دی گئی۔ ایس ایس پی ایسٹ کی رپورٹ میں کہا گیا ہے کہ شہر میں حالیہ دہشت گردی کے واقعات کے پیش نظر بڑے عوامی اجت...
وزیر اعلیٰ خیبر پختونخوا علی امین گنڈاپور نے کہا ہے کہ کوئی بات ہوگی تو سب کے سامنے ہوگی اور کوئی بات چیت کسی سے چھپ کر نہیں ہوگی،بانی پی ٹی آئی نے نہ کبھی ڈیل کی ہے اور نہ ڈیل کے حق میں ہیں، یہ نہ سوچیں کہ وہ کرسی کیلئے ڈیل کریں گے ۔میڈیا نمائندگان سے گفتگو کرتے ہوئے علی امین گن...
فلسطینیوں پر اسرائیلی مظالم کے خلاف طلبہ کے احتجاج کا سلسلہ دنیا بھر کی جامعات میں پھیلنے لگا۔امریکا، کینیڈا، فرانس اور آسٹریلیا کی جامعات کے بعد یونان اور لبنان کی جامعات میں بھی طلبہ نے غزہ میں اسرائیلی جارحیت کے خلاف مظاہرہ کیا۔امریکی جامعات میں احتجاج کا سلسلہ تیرہویں روز بھی...
غزہ میں مظالم کے خلاف اسرائیل کی مبینہ حمایت کرنے والی کمپنیوں کے بائیکاٹ کی مہم میں شدت آتی جا رہی ہے ۔ معروف امریکی فوڈ چین کے ایف سی نے ملائیشیا میں اپنے 100 سے زائد ریستوران عارضی طور پر بند کرنیکا اعلان کر دیا۔غیر ملکی میڈیا کے مطابق ملائیشیا میں امریکی فوڈ چین کی فرنچائز کم...
جمعیت علمائے اسلام کے سربراہ مولانا فضل الرحمان نے وزیراعظم شہباز شریف اور وزیراعلیٰ پنجاب مریم نواز کے شوہر کیپٹن (ر) صفدر کو طنز کا نشانہ بنایا ہے ۔لاہور میں فلسطین کانفرنس سے خطاب میں مولانا فضل الرحمان کا کہنا تھاکہ یہاں بلاوجہ شہباز شریف کی شکایت کی گئی اس بیچارے کی حکومت ہی...
وزیراعظم شہباز شریف نے کہا ہے کہ کرپشن کا ملک سے خاتمہ ہونے والا ہے ، ہم سب مل کر پاکستان کو انشااللہ اس کا جائز مقام دلوائیں گے اور جلد پاکستان اقوام عالم میں اپنا جائز مقام حاصل کر لے گا۔لاہور میں عالمی یوم مزدور کے موقع پر اپنی ذاتی رہائش گاہ پر تقریب سے خطاب کرتے ہوئے وزیرِ ا...
غیر قانونی طور پر بھارت کے زیر قبضہ جموں و کشمیر میں بی جے پی کے رہنما راجوری اور پونچھ میں مسلمانوں کو دھمکیاں دے رہے ہیں کہ وہ یا تو سنگھ پریوار کے حمایت یافتہ امیدوار کو ووٹ دیں یا1947 جیسی صورتحال کا سامنا کرنے کے لیے تیار رہیں۔ کشمیرمیڈیاسروس کے مطابق 1947میں جموں خطے میں ہن...
پی ٹی آئی نے جمعیت علما اسلام کے سربراہ مولانا فضل الرحمان سے فوری رابطے کا فیصلہ کیا ہے ۔ذرائع کے مطابق تحریک انصاف نے مولانا فضل الرحمان سے فوری رابطے کا فیصلہ کیا ہے ، جے یو آئی ف کے سربراہ کو احتجاجی تحریک میں شامل ہونے کے لیے باقاعدہ دعوت دی جائے گی۔ذرائع کے مطابق مذاکراتی ک...