... loading ...
شمال مشرقی انگلینڈ کے دو مسلمانوں نے دعویٰ کیا ہے کہ خفیہ ایجنسی ایم آئی 5 کی جانب سے انہیں کہا گیا ہے کہ وہ مسلمان برادری کے اندر جاسوسی کریں، اور اس کے بدلے میں مراعات کا وعدہ بھی کیا گیا ہے۔
یہ معلومات اس وقت منظر عام پر آئیں جب ایم آئی 5 کے سربراہ اینڈریو پارکر نے حال ہی میں اعلان کیا تھا کہ گزشتہ بارہ ماہ کے دوران برطانیہ کی سیکورٹی ایجنسیوں نے دہشت گردی کے 7 واقعات کو قبل از وقت روکا۔ اقدامات کے بارے میں سوال پر انسداد دہشت گردی کے ماہر رافیلو پنٹوچی کہتے ہیں کہ “دراصل ایجنسی ایک مخصوص گروہ پر نظر رکھے ہوئے ہے، وہ ان کی نگرانی کرتی ہے اور سمجھتی ہے کہ اس کے خدشات حقیقی ہیں۔” مخصوص گروہ سے سمجھ جائیں ان کا اشارہ کس طرف ہے، ظاہر ہے مسلمانوں کی طرف۔ خیر، موصوف مزید کہتے ہیں کہ آپ کے علم میں ہوگا کہ اس معاملے مین توازن برقرار رکھنا بڑا مشکل کام ہے۔ آپ کو ایسے لوگ بھی ملیں گے جن کا اس کام سے کوئی لینا دینا نہیں ہے اور جب انہیں علم ہوگا تو انہیں خوف بھی محسوس ہوگا۔ لیکن اگر برطانیہ کو درپیش دہشت گردی کے خطرات دیکھیں تو سیکورٹی ایجنسیوں کا یہ کام بہت ضروری بھی دکھائی دیتا ہے۔
بہرحال، ٹی سائیڈ سے تعلق رکھنے والے خاندان کے ایک رکن حسن سے پولیس اور اسپیشل برانچ کے افراد کی چند ملاقاتیں ہوئیں اور ایک روز انہیں ایک کال آئی۔ انہیں ایک ملاقات کے لیے بلایا گیا تھا، وہ بھی ایسے افراد کے ساتھ جنہیں وہ نہیں جانتے۔ ان کے پاس کوئی بزنس کارڈ نہیں تھا اس لیے شبہ مزید بڑھ گیا کہ یہ خفیہ اہلکار ہیں۔ ملاقات کے دوران حسن سے پوچھا گیا کہ وہ برطانیہ میں پیدا ہوئے تھے؟ آخری مرتبہ پاکستان کب گئے تھے؟ کیا کبھی کسی شدت پسند گروپ سے ملاقات ہوئی؟ وغیرہ۔ حسن نے جواب دیا کہ نہیں ان کی کسی سے ملاقات نہیں ہوئی اور واضح کیا کہ ان کا خاندان پاکستان میں رہتا ہے اور وہ تعطیلات منانے کے لیے وہاں جاتے ہیں۔
حسن کہتے ہیں کہ ان اہلکاروں کی خواہش تھی کہ میں مسلمانوں کے اندر رہتے ہوئے ان کے لیے جاسوسی کروں۔ اگر میں دیکھوں کہ کسی غلط سوچ کا حامل ہے یا وہ کسی مجرمانہ سرگرمی کا منصوبہ بنا رہا ہے تو مجھے فوری طور پر خفیہ اداروں کو آگاہ کرنا ہوگا۔ انہوں نے دعویٰ کیا کہ اس کے بدلے مجھے پرکشش پیشکشیں کی گئیں جیسا کہ ٹریفک چالان کی صورت میں مجھے ادائیگی نہیں کرنا پڑے گی، خاندان بیرون ملک رہتا ہے تو اسے بھی بلوا لیا جائے گا اور اس کے ویزے کے تمام معاملات بالکل آسانی سے حل کیے جائیں گے۔ جس پر حسن نے ان سے کہا کہ یہ سہولیات دینے کی ضرورت نہیں، اگر میں کچھ غلط دیکھوں گا تو خود ہی اس کی اطلاع کردوں گا۔
اس کے بعد تو گویا ملاقاتوں کا سلسلہ ہی چل نکلا۔ حسن کو ہر ہفتے بلایا جانے لگا، یہاں تک کہ ایک مرتبہ انہیں ایک شخص کی تصویر بھی دکھائی گئی اور پوچھا گیا کہ اس کو جانتے ہو؟
اس معاملے پر ابھی تک وزارت داخلہ نے تبصرہ نہیں کیا کیونکہ اس کا کہنا ہے کہ وہ سیکورٹی ایجنسیوں کے کام کے حوالے سے عام تبصرہ نہیں کرتی۔
حسن کہتے ہیں کہ کئی ہفتوں تک کشمکش میں مبتلا رہنے کے بعد مجھے اندازہ ہوا کہ میں سخت پریشان ہو گیا ہوں۔ وہ مجھ سے کیوں ملتے ہیں؟ میں کوئی مجرم تو نہیں۔ میں کسی کو تکلیف نہیں دینا چاہتا اور جاسوس بھی نہیں بننا چاہتا۔
چند حلقوں کا کہنا ہے کہ خفیہ اداروں پر اتنے سنگین الزامات کا یوں سرعام ذرائع ابلاغ پر آجانا بھی ایک خفیہ منصوبہ ہو سکتا ہے جس کے نتیجے میں مسلمان برادری کے اندر عدم اعتماد اور خلش کو بڑھایا جا سکتا ہے۔
پی ٹی آئی کے بانی عمران خان نے اپنی جماعت کو اسٹیبلشمنٹ اور دیگر سیاسی جماعتوں سے مذاکرات کی اجازت دے دی۔پاکستان تحریک انصاف اسٹیبلشمنٹ اور سیاسی جماعتوں کے ساتھ مذاکرات کے لیے آمادہ ہے، تحریک انصاف کے رہنما شبلی فراز نے عمران خان کی جانب سے مذاکرات کی اجازت دیے جانے کی تصدیق ک...
امریکا کی مختلف جامعات میں فلسطینیوں کی نسل کشی کے خلاف مظاہروں میں گرفتار طلبہ اور اساتذہ کی تعداد ساڑھے پانچ سو تک جا پہنچی ۔ کولمبیا یونیورسٹی نے صیہونیوں کیخلاف نعروں پر طلبہ کو جامعہ سے نکالنے کی دھمکی دے ڈالی ۔ صہیونی ریاست کیخلاف احتجاج آسٹریلیا کی جامعات تک پھیل گئے ۔ سڈن...
سپریم کورٹ کراچی رجسٹری نے کراچی تجاوزات کیس کا تحریری حکم نامہ جاری کردیاہے۔سپریم کورٹ نے ملک بھر سے سڑکوں اور فٹ پاتھوں سے تجاوزات ختم کرنے کا حکم دے دیا ہے۔حکم نامے کی کاپی اٹارنی جنرل، تمام ایڈووکیٹ جنرلز اور تمام سرکاری اداروں کو بھیجنے کا حکم دیا گیا ہے۔پیمرا کو اس ضمن میں ...
کراچی پولیس کا اسپیشلائزڈیونٹ مسروقہ گاڑیاں برآمد کرنے میں ناکام ہو گیا ہے، اے وی ایل سی کی جانب سے شہریوں کی مسروقہ گاڑیوں کو برآمد کرنے میں روایتی سستی کا مظاہرہ دیکھنے کو مل رہا ہے۔کراچی کے علاقے گلشن حدید میں اینٹی وہیکل لفٹنگ سیل(اے وی ایل سی)گاڑی چوروں کی سہولت کار بن گئی ...
کراچی میں ناکے لگا کر شہریوں کے چالان کرنا ٹریفک پولیس اہلکاروں کو مہنگا پڑ گیا۔تفصیلات کے مطابق ڈی آئی جی ٹریفک پولیس احمد نواز نے ٹریفک پولیس اہلکاروں کی جانب سے غیر قانونی چیکنگ پر ایکشن لے لیا۔ڈی آئی جی نے ایس او محمود آباد اور ریکارڈ کیپر سمیت 17افسران و اہلکاروں کو معطل ...
آئی جی سندھ غلام نبی میمن کی ہدایت پر ضلع شکارپور سے کراچی رینج میں تبادلہ کیے جانے والے پولیس افسران کے خلاف شوکاز نوٹس جاری کردیے گئے ہیں۔آئی جی سندھ غلام نبی میمن کے مطابق اِن اہلکاروں کو کراچی میں کوئی پوسٹنگ نہیں دی جائیگی۔ترجمان پولیس کے مطابق اہلکاروں کے خلاف ملزمان کے سات...
وزیرستان میں تعینات سیشن جج شاکر اللہ مروت کو نامعلوم افراد نے اغوا کرلیا جبکہ وزیراعلی نے نوٹس لے کر آئی جی کو بازیاب کرانے کی ہدایت جاری کردی۔تفصیلات کے مطابق سیشن جج وزیرستان کو ٹانک اور ڈیرہ اسماعیل خان کے سنگم سے نامعلوم افراد نے اسلحے کے زور پر اغوا کیا اور اپنے ہمراہ لے گ...
پاکستان تحریک انصاف میں پبلک اکانٹس کمیٹی کی چیئرمین شپ کے لیے پارٹی رہنمائوں کے درمیان اختلافات شدت پکڑتے جارہے ہیں۔تفصیلات کے مطابق چیئرمین پبلک اکانٹس کمیٹی کی تقرری کے معاملے پر تحریک انصاف کے رہنمائوں میں اختلافات اب منظر عام پر آگئے ہیں۔پی ٹی آئی رہنما اور سینیٹر شبلی فرا...
پاکستان مسلم لیگ (ن)کے رہنما اور سابق وفاقی وزیر خواجہ سعد رفیق نے کہا ہے کہ تحریک انصاف اسٹیبشلمنٹ سے مذاکرات کا مطلب اور خواہش پوری کرلے جبکہ پاکستان پیپلزپارٹی کے رہنما نے کہا ہے کہ تحریک انصاف ایک بار پھر فوج کو سیاسی میں دھکیل رہی ہے۔تحریک انصاف کے بانی چیئرمین کی جانب سے پا...
مسلم لیگ (ن) پنجاب کے تنظیمی اجلاس میں پارٹی قائد نوازشریف کو پارٹی صدر بنانے کے حق میں متفقہ قرارداد منظور کرلی گئی جبکہ مسلم لیگ (ن) پنجاب کے صدر رانا ثناء اللہ خاں نے کہاہے کہ (ن) لیگ پنجاب کے اجلاس کی تجاویز نواز شریف کو چین سے وطن واپسی پر پیش کی جائیں گی،انکی قیادت میں پارٹ...
سندھ حکومت نے ٹیکس چوروں اور منشیات فروشوں کے گرد گہرا مزید تنگ کردیا ۔ ٹیکس چوروں کے نام اخبارات میں شایع کرنے کا فیصلہ کر لیا گیا۔منشیات فروشوں کے خلاف جاری کریک ڈائون میں بھی مزید تیزی لانے کی ہدایت کردی گئی۔سندھ کے سینئر وزیر شرجیل انعام میمن کی زیر صدارت اجلاس ہوا۔جس میں شرج...
بھارتی ہندو انتہا پسند سیاسی جماعت بی جے پی کے کٹھ پتلی وزیراعظم نریندر مودی کے ایک بار پھر اقتدار میں آنے کے بڑھتے خدشات کے پیش نظر بھارتی مسلمان شدید عدم تحفظ کا شکار ہیں۔مسلسل 10 برس سے اقتدار میں رہنے کے بعد بھی مودی سرکار ایک بار پھر اقتدار پر قابض ہونے کے خواہش مند ہیں۔ نری...