کراچی ،گلستان جوہر بلاک 2 میں قائم 10پولنگ اسٹیشنز سے 3 کا عملہ غائب

کراچی کے علاقے گلستان جوہر بلاک 2 میں قائم 10 پولنگ اسٹیشنز سے 3 کا عملہ غائب ہو گیا۔ عام انتخابات میں مقابلہ سخت، ووٹرز گھروں سے ووٹ کاسٹ کرنے نکل آئے جبکہ این اے 236 میں پی ایس 100 گلستان جوہر بلاک 2 میں قائم شاہین پبلک اسکول میں 10 پولنگ اسٹیشنز قائم کئے گئے تھے، 10 میں سے تین پولنگ اسٹیشنز سے عملہ غائب ہو گیا، پیلٹ پیپرز تک نہیں پہنچ سکے۔ پولنگ اسٹیشن 204 سے 206 تک کا عملہ موجود نہیں، پریذائیڈنگ افسر، آر او بھی پولنگ اسٹیشن سے غائب ہیں، ووٹرز کئی گھنٹے انتظار کرنے کے بعد گھروں کو لوٹ گئے۔